كوبونات الراقية تسجيل الدخول

الاخت الصغيرة
الاخت الصغيرة •
الجزء الثاني والثلاثون
الفصل الأول
أريد’ أمـانــا
----------------------







كانت بين نارين..تصحيه للصلاه..او تخليه نايم..!
مره تقول بتصيحه..ومرات تقول لا ماأقدر اتخذ هالخطوه بمووووت ان قربت له..!!
وبين هذا وهذا..صحى تركي وهو يحس بظل شخص واقف جنب المرايه..رجع شعره على ورى عشان تتضح الصوره له اكثر..وعرفها على طول

تركي بصوت ثقيل\كم الساعه..!!
ناظرت غلا ساعتها وهي ترتجف من الخوف كان وده تطلع اول ماشافته يفتح عيونه لكن ماقدرت وتجمدت بمكانها\خمس ونص....ومامرت الا ثواني معدوده وشافته قايم من السرير وماخذ الفوطه ومتجهه لها بحكم انه الحمام على يسارها..

وقف قبالها وهو يناظرها بنظرات ثابته وهي من اول ماشافته قريب منه نزلت عيونها للأرض ..وانتظرته يكمل طريقه..لكنه ظل واقف وساكت..لمن صابها الخوف يوم لمحته بطرف عيونها يرفع ايده ويحطها على شعرها اللي كان مرفوع بكلبس على فوق..وبخفه رفع الكلبس وتناثر شعرها على كتوفها ومشى بهدوء للحمام وترك غلا ترتجف من حركته زي الورقه اللي محتاجه احد يثبتها ويهون عليها..



طلع تركي من الحمام وهو متنشط بعد الدش اللي خذه..ومثل مااتوقع ماشافها بالغرفه..ابتسم على خوفها وخجلانها يوم اقترب منها..وبدل ملابسه ومشط شعره وطلع بعد ماأخذ تلفونه ودق عل ابوه يطمنه انهم وصلوا
وطاحت عيونه على غلا اللي عدلت جلستها يوم دخل..وهو بحكم جرئته اللي فرضها فرض على غلا جلس جنبها وملاصق فيها واخذ راحته بالجلوس,, وناظرها بعيونه وهو يكلم ابوه.. واذا كانت غلا شمعه بهاللحظه فهي اكيد ذابت من الأحراج اللي يحدث لها..التفت الجهه الثانيه تلهي نفسها بأي شي..المهم تبتعد عن عيونه اللي تحس انها تغوص فيها..

كل مر ه تتفاجأ من حركاته الجريئه اللي تصير معاها..لدرجة انه تتتوقع منه بأي لحظه الغير متوقع....ومايميدها تستوعب اللي يحصل لها لأنها فعلا يصدمها ويرغمها على الجمود واكمال نتجية افعاله..
سكر تركي بعد ماسلم على ابوه..ومد التلفون لغلا\يسلم عليك ابوي..
غلا بصوتها الناعم\الله يسلمه..
تركي\خذي كلمي اهلك..!!
مستحيل اكلمهم"هذا اللي كان في بال غلا.. مستحيل تكلمهم وهو جنبها مو ناقصه احراج يكفي اللي فيها\بعدين بكلمهم..
تركي\على راحتك.. وبابتسامه جانبيه...جهزي نفسك بنطلع نتغدى..
وكأنها الجمله السحريه عند غلا قامت على طول عشان تتحاشى نظراته وتبتعد عنه شوي..مشاعر جديده تجتازها وهي محتاجه مكان هادي او بالأحرى محتاجه غرفتها ودفترها..احاسيس تتضاعف واغمرت قلبها الصغير.. تبي تفرغ كل اللي بداخلها باسرع وقت..تبي تقول للعالم باأجمعه انها سعيده.. سعيده بقربه
ويكفي عليها..يكفي عليها ياتركي اللي سويته بهاليــوم..اللي فيها اكبر من اللي كانت تتوقعه..
قربه....هدوئه..كلامـه..تصرفاته...كل شي فيه ارغمها انها تعترف وبدون خجل انها مجنونه به..
0000000000









دخلت قسمهم عشان تستعجل امها لأنهم معزومين في بيت عمهم ابو احمد وصادفت ابوها طالع ابتعدت عن الباب وابتسمت له ووطت راسها باحترام
واول ماطلع التفت باأمها ولقت الدموع ماليه محاجرها..وباأيدها التلفون
دهشهاالمنظر..وقربت من امها بخوف وماعرفت وش تسوي ساعتها
ابوها كان موجود مع امها..واكيد في مشكله بينهم..
وهي خجلانه ماودها تسأل وتتدخل بخصوصياتهم..!!
ويوم حست بهدوء امها وهي تمسح دموعها بمنديل كان بأيدها تكلمت
راوين\ يمـه.. وبصوت حزين ومبكي..شفيـك
نور بصوت مثقل\مافيني شي حبيبتي...بس ...بس متضايقه شوي..
راوين بحيره\من ايش..!!
سكتت امها وبسكوتهاعرفت راوين انها مو حابه تتكلم..وضاقت نفسها وهي تشوف امها قد ايش هي مهمومه
وبدال ماتلقى الراحه بعيونها والسعاده تهل بوجها الطيب وخصوصا انه امس كان زواج ولدها البكر
لقت فرحه مخطوفه..وكسر للخاطر...
لكن راوين كانت مصره تعرف وش سبب هالحزن اللي عيش امها بكابه\ارجوك يمه..قولي لي.لاتكتمين..مو زين عليك..
نور\صدقيني مافي شي..بس كنت توني مكلمه اهلي..وحسيت اني مشتاقه لهم..
راوين\وشوقك لهم يخليك تبكين..!!
نور بقلب مجروح وعيون كلها بوح\كنت اتمنى اشوفهم وخصوصا اأمس..كنت ابي اشوف سند لي يفرح معاي ويشاركني زواج ولدي. كنت اتمنى لو حتى امي تجي وبجيتها تعوضني عن الهند ومافيها...لكن لاهم جو..ولا شاركوني فرحتي..!!احساس صعب ياراوين اذا كنتي تبين تشوفين الأمان وماتلقينه..وبطيبه ابتسمت
اهل ابوك ماقصروا معي..كرموني ووقفوا معاي بفرحي وحزني..لكني كنت ابي عزوه..عـــزوه تشد من ازري..ويوم كلمتهم اسأل عنهم بكيت يوم باركوا لي بعرس ولدي ..ونزلت دموعها
كانوا يفكرون اني ماأقدرعلى جيتهم لأني ماأقدر ادفع تذاكرهم مثل كل مره. وهم مايدرون انه ولدي هو اللي مايبيهم ولايعترف فيهـم...
مو شي جديد كانت تسمعه راوين من امها.. لكن الجديد في الأمر احساس الألم العظيم اللي تحمله امها بصدره وكاتمته وصابره..
دخل فجأه عليهم ياسر ..ونور على طول مسحت دموعها..وابتسمت بوجه ولدها..وراوين تناظرها ومو قادره تبتسم وتخفي المها مثل امها.."ليتني مثلك يايمه..ليتني اخذ منك ولو القليل..ياأطيب ماطاحت به عيني "
00000000000











كانت تحكي له من كل قلبها..وماتعرف هل هو يحس فيها او لا..!!
كانت تشكي له عن وحدتها..والغربه الفظيعه اللي حست فيها وهي بين احبابها وناسها..
وهو ماقدر غير انه يواسيها بنظراته..ويحاول يفهمها بقدر استطاعته..!!
كانت تتمنى لو يرجع معاها لبيته..وتكتمل عايلتهم الصغيره..وبكذا ممكن تنسى الشعور بالنقص..وتلقى السند بعد امها وابوها..!!
وكانت تشوف نظرات الأعتراض بوجهه كل ماحاولت فيه يرجع معاها..!!
لكنها صمدت..وحاولت تقنعه بشتى الطرق..وحسسته انها محتاجه له..محتاجه له اكثر من اول وهي ترص على ايدينه النحيله..وبدموعها تعاتبه على معارضته الشديده..!!
"اهون عليك..ليتك تفهمني ياأخوي..احتاجــك والله احتاجــك..كان ناصر يسمعها ويحس بنفس الألم اللي تحس فيه..لأنه حتى هو وحيد..حتى هو محروم منهم..لكنه صامد وصابــر..وجلوسه بهالمكان ممكن يكون مستقبل يبنيه باأيده وموهبته..!!لكن كيف يقول..كيف يفهمها وهو عاجز..!!
ماكان عنده غير نظراتها اللي تحكي الكثير..وتبوح عن مشاعره المكنونه بداخله وتنتظر من يفجرها..!!
ماكان عنده غير دموعه اللي بدت تحرقه..وتعبر عن حالته اللي وصلت لحزن عظيــم كان مدفون من زمان
وهي اللي نبشته جمانه بأيدينها..واشعلت الفتيل بعد ماكان طافي ومنســي..!
رفع ايده ناصر..رفعها بكل قوته اللي استمدها من روحه الخفيفه.. رفعها وهي تهتز وتطلب الرحمه والثبات..لكنه قاوم وقـاوم لمن وصل لمبتغاه ومسح دموع اخته بعشوائيه وايديه كل مالها ترتجف وتضعف وترتخي اعصابها..
جمانه مصدومه من الموقف اللي المها وحسسها قد ايش هي قست عليها وحملت فوق استطاعته وقدراته وهي تشوف عجز اخوها قدامها..وماقدرت غير تغمض عيونها اكثر بااستسلام.. وترص على ايدين اخوها الراجفه وتقربهم لفمها اكثر وتضمه باأيدها ..
كلمات جمانه كانت تثقل قلب ناصر البريء..ودموعها كانت تذوبــه ببطء شديد..ماكان يبي يشوفها بهالحاله..كان يبي يهون عليها..ويواسيها اكثر..كان يحاول يلصق الحروف ويكون كلمه بشفايفه حتى لو كانت ثقيله على لسانه ومتعبه..كان يجاهد وهو يمسك انفاسه ليستمد القوى ويرص على اسنانه اللي يحسها ثقيله
لمن طلعت منه الحروف وهي مرتجه لثقلها عليه وصعوبتها..ان تي سامحينـ سامحينــ سامحينــي
جمانه كانت لازالت مغمضه عيونها وتبكي بصمت وهي حاظنه ايدين اخوها..وبلحظه حست انها سمعت صوت قريب منها ويوم رفعت راسها لقت ناصر فاتح فمه وشفايفه ترتجف وتطبق على بعض بسرعه شديده..ويوم ركزت اكثر سمعته يكرر بصوته الثقيل كلمتين كانوا لها الأثر الكبير عليها..!!
كانت تسمعه يردد هالكلمتين بصعوبه لدرجة انه عروق وجهه اصبحت واضحه وتشوفها..
هي كانت تعرف انه اخوها يقدر يتكلم لكن بصعوبه شديده..لكنها ماعمرها سمعته..كانت تتمنى لو تسمعه لو مره وحده..واليوم تحققت امنيتها.....وماأستوعبت الا بالأخير وعلى طول طبقت باايدنها على شفايفه تمنعه من الكلام وهي تردد له بكل حزن ممزوج بفرحه..سامحتك وربي سامحتك..
هدت انفاس ناصر تدريجيا وهو يسمع اخته ..ويشوف الفرحه بعيونها..وارتخت اعصابه اكثر يوم شاف ابتسامتها اللي تخطت دموعها..
جمانه بعد فترة هدوء بينها وبين اخوها كان ودها لو تسمعه مره ثانيه ينطق ويتكلم بكل حريه..لكنها خافت تأذيه وتتعبه اكثر..ففضلت السكوت وظلت تتأمل بعيونه الحزينه اللي ماحست فيها الا بهاللحظه..
ماحست الا يوم ارتاحت بقربه وسماع صوته..!!
كانت تحكي هالعيون..وترجي بصمـت..وكل اللي تطلبه بهاليوم سعادة اللي قبالها..!!
طلعت جمانه بعد ماودعت اخوها ووعدته بزياره قريبه ..طلعت ورمت كل الحمل اللي ثاجم بصدرها واستبدلته بفرحه وامل قادم استمدته من اخوها..ويمكن بدموعها وشكواها وألأمان اللي حست فيه بقربها عنده ارتــاحت..وخف وجعها..وتجففت دموعها اللي انهلت بقربه وكونت بروده على القلب والروح....
ومابقى غير المراره اللي تسربت وبقى لها اثــر..!!
0000000000000







اشتاق لجمعتهم..واشتاق لظحكهم..وسوالفهم الحلوه اللي تنسيك همومك وانت بوسطهم..
كان جالس معهم ويحكي بدون توقف..يحس انه من زمن ماتكلم وفضفض.. وهالأجازه كانت هي بمثابة الراحه بعد عناء الغربه والسفر ..
لكن في عيون بنيه جريئه مشتاق لها اكثر مشتاق لصوتها..وتصرفاتها الشيطانيه ..ووده لو يخترق كل هالجدارن اللي مثبته واللي تحد بينه وبينها ويوصل لها..صحيح انها مانسى سالفة التلفون..لكن وصوله لديرته ولأحبابه اعفى عن الكثير من ألأمور ..
لكن كيف ..كيف بيوصل لها وهي بعيده..!!
فكر انه يكلم ابتسام يمكن الحل باأيدها..!!دق على رقمها وطلع بره يكلمها بحريه..وهي من اول رنه ردت
ابتسام\هلا وغلا بالغالـــي ولد الغالي..!!
ابتسم الوليد على خبال اخته ومشى بالحديقه\هلا بك..شالأخبار..!!
ابتسام بنبره عاليه\بخير يعلك الخير...
الوليد\شلون ألأجواء عندكــم..!!
ابتسام بااستهبال\حار جاف صيفا..معتدل ممطر شتاء هههههههه(هذه جمله مستحيل انساها حفظتها صم من يوم ابتدائي)
ابتسام\الوليد معاك عزيز..!!
الوليد\ايه معي لاتخافين..
ابتسام ابتسمت\خلاص مستحيل يفك منك..
الوليد بهمس\اقول
ابتسام وتقرب السماعه لأذنها\قــول
توه بيتكلم الا سكــت..وطال سكوته..وابتسام عرفت وش يبي يقول بدون مايتكلم
ابتسام\فهمت عليك..!!
الوليد ابتسم باأحراج\...شخبارها..!!
ابتسام ماتعرف وش تقول لأنه جمانه اليوم متغيره 180 درجه وماوحى لها تسألها عن المسج\بخير..هي اللحين عند اخوها ناصر..راحت تزوره..!!
الوليد حس بخيبة امل\اها..طيب اكلمك بعدين..
ابتسام\من صجك انت..!!
الوليد\اجل امزح معاك..سلام..
سكر الوليد وهو مستأء..من دقايق وهو يعيش احلى لحظاته بوجوده مع اهله..وشوقه العميق لجمانه
واللحين حس بخيبة امل كبيـــره
دخل المجلس وهو يحول يخلق ألأبتسامه بوجهه..ولأنه الحنين لازال يلعب فيه من كل صوب فكر بفكره مجنونه..وهالعطله بيستقلها..بيستقلها حتى لو العواقب كبيـــره..!!
000000000000000







الحياه حلوه..بس محتاجه مين يفهمها..!!

طل لؤي براسه على يوسف اللي كان متسند على عامود الأناره ويناظر البحر اللي قباله..
لؤي\شالنظره الغريبه للحياه اليوم ترى مو اول مره اسمعها منك..وبنظره تشكك..متأكد انك يوسف..!!
ابتسم يوسف وهو لازال يناظر البحر\بشحمه ولحمه..معك يوسف العالي..!!
رجع لؤي راسه وتسند ثانيه على العامود\عسى هالنظره دوم...مو يــوم..وبفلسفه ووجه حيوي..بس قلي ياعبقري زمانك..كيف نفهمها بالله..!!
يوسف وبدى يسترسل في الكلام\نحللها..ونناقش مشاكلها اللي احنا بأيدينا اختلقناها..حتى لو وقفنا عن نقاط صعبه..نقدر بعقلنا اللي انعمه الله علينا نفككها على حده..وبسهوله وخذها مني ممكن نوصل لحل مثالي وبدون أي مشادة اعصاب..وظغوطات احنا في غنى عنها!!
لؤي ويحك شعره\ياعيني على اللي يعرف يركب حروف..!!
يوسف ولأول مره يتلفت عليه من وصلوا البحر\وليش عندك شك بالموضوع..!!
لؤي\الصراحه بعد هالخطبه لا..والف لابعد...
يوسف ويناظر غروب لشمس وبنفسه كان يسبح ربه\..تدري
لؤي\ايه
يوسف وبحماس اول مره يعهده\اذا انتهيت من المعرض..ولازال الدكتور سمير على وعده..تدري وش معزم عليه..!!
لؤي\ايش..!!
يوسف باابتسامه هاديه\ماراح اقول..اذا جاء ذاك اليوم بتشوف وش بيسوي يوسف..!!
لؤي\وانا وش ينطرني لذاك اليوم..!!
يوسف\صدقني بتنتظر..احنا انتظرنا 11 سنه..ومو كثير علينا كم شهر..!!
سكت لؤي..وهو شاك باأمور كثيره..كلام يوسف كان كله اراده وقوه..!!وكأنه واثق من شيء معين..!!
بس ليش..!!
ليش يحس بالألم على يوسف..وهو قريب منه..!
ليش يحس انه القدر بيعاند..وبيكتب عليه الحرمان حتى من اعز ناسه واللي بقى له بهالدنيا..ليش..!!
ليش هالأحساس يراوده ويعذبه وهو ماآن آوانه..!!
يوسف\تصدق ودي نرجع...لكن الجو بديــع اليوم..!!
لؤي كان سرحان باأفكاره اللي جلبت له الحزن..
يوسف\لؤي
لؤي\هلا
يوسف\علامك..
لؤي باأبتسامه باهته\ماكو شي..سلامتك
000000000






مو طبيعين..انتوا مو طبيعين..!!
ابتسمت راوين لجملة ابتسام..وتسندت على الكنب\ليش تقولين كذا..!!
ابتسام كانت تنقل نظرها بين فجر وراوين وجمانه
راوين كان الحزن لازال يبين بعيونها
وجمانه كانت هاديه على غير العاده
ابتسام\اللي يشوف هالوجيه..تجيه الضيقه وهو فرحــان...امنت فيك يااااارب..وخزت جمانه..جمانوا ووجع كل هذا عشان غلا سافرت عنك..يااختي احنا مالنا رب...!!

جمانه ماعرفت وش ترد على ابتسام..!!
هي من اول مارجعت من عند اخوها وهي بحالة صمت ساكن.على انها حست بالراحه بعد مافضت اللي بداخلها كله لأخوها لكنها لازالت تهوجس وتفكر ..مستحيل تنسى موضوع مرت عمها لطيفه ويوم رجعت تفكر فيه اكثر عرفت انه غيرتها وهمومها اللي تجمعت ورى بعض هي اللي وصلتها لحالة اليأس اللي تعيشه..يعني يكفي انه ضميرها يأنبها على قرارها اللي جنته باأيديها.. وكلام لطيفه كمل الناقص واشعل اللي كان مطفي وينتظر الفوران.

ابتسمت على افكارها وحالته الغريبه اللي تحسها كل مره تزداد..ليتها تلقى حل عشان ترتاح..ليتها ماتجرأت في يوم وافصحت عن مشاعرها لنفسها ليتها كانت جمانه الطفله اللي كل همها بهالدنيا كيف تعيش يومها بسعاده تامه..!!.
و بين هألأمور كلها قلبها كان ينبض وعيونها تسأل وتقول وينه..!!
تحس بالتناقض باأفكارها...مره تتمنى ابتعاده عن حياتها نهائيا..ومرات تتمنى قربه ولاعذابه..!!
والشوق المجنون مو راحمها وهي مو ناقصه مراره..وكل ماتتخيل انه موجود وقريب منها تحمر خجل على مشاعرها العذريه..
وترجع تتمنى من جديد وبكل حنين يكسوها ويغلبها.. انها تحظى بهالليله الطويله بأي خبر عنه
وهي بهالحاله بتظل مكتفيه وشاكره..!!


جمـانه..جمــانه..جمــــــانه.
التفت جمانه لمصدر الصوت ولقت ابتسام محمره بغيض\هـا
ابتسام\ابدا سلامتك..
التفت لراوين\شفيها هذه..!!
راوين\من زمان وهي تناديك وانت سرحانه..!!
جمانه ابتسمت بخجل ولازالت الأفكار تراودها لكن تحاول تتناسها\وانتوا واقفين بالبلعوم..وشفيها يعني اذا سرحت..!!ومثلت العصبيه...اوووووف منكم تبطون الكبدّ
ابتسام وفرحت بتغير نفسية جمانه\هذا جزانا انا نخاف عليك ...صج مو جهه محاتاه..!!
حطت ايدها بخصرها وهي تجيد دورها\اي خوف الله يخليك..قولي لوعه..حامض..اي شي..ثقيل على القلب..!!
ابتسام\ليت غلا موجوده هي اللي بتسكتك..انتي وحده يبيلك ضرب..!!
جمانه بنبره عاليه وهي تقرب وجهها منها\وانت وحده يبيلك كـف..!!
دخلت فجر عليهم وهي ماسكه ريوف بايدها
فجر\خير..شالأزعاج..لاقوموا تضاربوا احسن..!!
جمانه وموهامها ابد\ودي والله بس اخاف برستيجي يخرب..!!
ابتسام قلبها مقهور لكن فرحتها اليوم بوجود اخوها ريحتها وخلقت البسمه بشفاتها وهذا الشي باين بوجهها\هين يالعجوز..بذلك مثل ماذلتيني..!!
جمانه بااستخفاف\باأيش مثلا
ابتسام وتطالعها بنص عين\انتي عارفه..لاتسوين روحك غبيه..
يوم سمعت جمانه جملة ابتسام..حست انه الموضوع بخصوص الوليد..وسكتت..وهي تسرح بتخيلاتها من جديد..
0000000







جوراحها تنطق..وعروقها تنبض على سيمفونية حب هاديه وخجوله
كانت تعيش اجمل لحظات حياتها بقربه وهي ملكه...كانت تقرى قصص رومانسيه عديده وكانت كل ليله تتمنى انها تكون واقع تعيشه معاه بدون خجل وبدون حدود مرسومه..
لكن قصتها هي وياه تعدت كل أساطير الحب وهي تشوفه كل ماله يكون اجمل بنظرها..والخجل اللي كانت تشعر فيه بدى يخف تدريجيا وبدون شعور..وهي تقول ليش الخجل مدام اني مع اللي ابتغيه..!!؟؟
قد ر تركي وبجدارده وبأقل من اربع وعشرين انه يطيح قلب غلا العذري بكل بسهوله وبرضاها وهو يشوف نظرات التقبل بعيونها..
وبهاللحظه هذه بالذات..وبعد ماتغدوا ركبوا قطار كان يدور حول مدينة سيدني ومناطقها.ومايوقف الا بمناطق سياحيه..ولأن تركي هاوي سياحه وسفر وعاشق لرؤية كل جديد قرر يبدأ برحلته بركوب الهيلكوبتر اللي يطل على برج سيدني المشهور والأوبرا اللي بوسط البحر..ويوم عرض على غلا الفكره انصدمت وبدت ترمش بتوتر من خوفها الشديد..
غلا برجاء فظيع\لا تركي..ارجوك ماأقدر..تكفــى..
تركي\وليش انزين..!!
غلا\ياربي تركي...!!..وكملت وهي تحس بالدوخه من الآن..ماأحب المرتفعات..ماأحبها..!!
ابتسم بخبث\اي مرتفعات اللي تحكين عنها..!!انتي ركبتي الطياره ومااظن في فرق بين الأثنين..!!
غلا وحست انه كلامها ضايع معاه\لا في فرق..افهمنــي..!وبعدين احنا تونا ماكلين ...
تركي ومصر على رايه وهو يناظره من تحت النظاره\واذا.!!
غلا لفت وجهها عنه وظلت تناظر المناطق وهي تحس بالخوف والرعب من اللحين
ابتسم تركي على دلعها ..وطنشها..بيركب يعني بيركب..وهي غصب بتركب معاه..
كلها دقايق ووقف القطار..وبدوا ينزلون منه الركاب..
والمنطقه هذه ماكنت تبعد عن ساحة الهيلكوبتر كثير..استأجر تركي تاكسي ووصلوا للساحه وغلا اول ماشفتها حست انه رجولها تخونها وهي تنتقل عينها بين الهيلكوبترات اللي تحلق بالجو..وصوتها اللي يزعج الأذن
وبدون شعور لصقت بتركي اللي كان يحجز التذاكر..وهي تترجاه بعيونها انه يتراجع..لكن تركي كان يناظرها وهو مستمتع بخوفها..
مسكها من ايدها اللي ترتجف ومشى وهو يقول لها\بلا دلع..
قربوا من الهيلكوبتر لمن وصلوا له..تركي التفت لغلا وشافها تناظر أي شي الا عيونه..ركب قبلها واعطاها على طول ايده
ناظرت ايده الممدوده اللي تطالب بقربها..وبلحظه فكرت انها تعانده وتتركه يركب لحاله..لكن لمن شافت نظرات الأصرار والمتعه الغريبه اللي بعيونه..ولمن حست بنسمات الهواء اللي تحاوطها من كل جهه..شعرت بااحساس كبير يجذبها لتركي.. سلمت امرها لله وسمت بالله وتمسكت بايده وهي تناظر الله ثم تناظره..
شدها تركي له..وركبها جنبها وهو يطمنها بنظراته..وطارت الهيلوكبتر لتحلق بالسماء وتعلن للكون وللبشريه انهم احلى اثنيــن..







غلا كانت طول الوقت مغمضه عيونها وخايفه ومتمسكه بذراع تركي اللي اول مره تكون قريبه لهالحد..
ومو حاسه بنفسها...ولا بحاسه بتركي اللي كان عايش متعه جديده..متعه مثيره..متعه لها طعم ثاني بنظره..
دائما وابدا متعة الحلال بتكون غييير..بتكون اهدى للنفس واريح للبال..بتكون صافيه مثل الشمس وطاهره مثل اللولو المكنون..حتى لو هالشخص تعتريه الذنوب من ساسه لأخمص قدميه..بتكون متعه حقيقه مايستشعر فيها الا اللي يجربها بحلوها ومرها..
جرها تركي اكثر لصدره..وهو يتمنى لو هاللحظات هذه تطــول وماتنتهي...!
شعرت غلا بقربه..وفتحت عيونها بخوف..واول مافتحتها التقت بعيون تركي الهايمه..غمضت على طول لكن تركي منعها بصوته\فتحي غلا....فتحي عيونك..
غلا بهمس\لا لا
تركي بحيره\ليش..!!
غلا\خايفــه..
تركي\من ايش..!

احتارت.شتقول له..تقول خايفه من المكان..والا تقول الحقيقه اللي هي خايفه من عيونه ..خايفه من نظراته اللي كل مالها وتخترقها وتضيعها..!!
تركي\غلا
فتحت غلا..وناظرت تركي اللي ابتسم لها بحنيه..
مسك ايدها ولف للنافذه اللي جنبه\شوفي المنظر.بيعجبك..!!
قربت غلا اكثر وشافت انهم تحت البحر..وخافت اكثر\لا تركي بنطيح..!!
ضحك تركي..ضحك من كل قلبه..وهذه اول مره غلا تشوفه يضحك..وبدون شعور سألته\وليش تضحك..!!
تركي\هههههههههه اضحك على جنونك ههههههههههه كيف نطيح..!!
انحرجت غلا ورمشت بتوتر\مافي شي مستحيل..فرضا طحنا..مايسوى علينا..!!
تركي\اتركي عنك هالتهيأت..وناظري الأوبرا..!!شرايك فيها..!!




غلا بغرور\حليوه
تركي ورفع حاجب\لا والله
غلا\انا احلى..!!
ناظرها تركي نظره طويـله..سكتتها..وتمنت انها مانطقت..بس هي متهوره وغبيه بعد..
تركي \وانتي تشكين بنفسك..!!؟
غلا ورمشت\ها..
تركي بهمس\ولاشي..
0000000000






مشاغـب وشقي..ومستحيل يجلس في مكان واحد
ولأنه مافي احد بسنه يلعب معاه والأهم انه مافي بلابشتيشن في البيت..وريوف محتميه في البنات وجالسه معهم...والوليد تركه لأنه طلع مع الشباب ومارضوا يطلعونه معهم....قرر يونس حاله بنفسه..!!
وبسبب حبه للأستكشاف..والتطلع لأي شي مجهول بنظره
طلع فوق بعيد عن عيون الكل ورجوله جرته لباب كان نصه مفتوح..
دخل الغرفه وبشفاته ابتسامه شيطانيه..رفع خصلات شعره المتناثره بشكل متساوي على جبينه وقرب من باب نافذة الغرفه اللي عجبه منظرها..حاول يفك الباب بايده الصغيره..لكن الباب كان مقفول بااحكام..وبسبب شوقه لرؤية الباقي حاول مره ثانيه وثالثه وهو يرص على اسنانه بشده..لمن طلع صوت وانفتح الباب الزجاجي
توسعت ابتسامته..وظحك لمن بانت اسنانه..وهو يشوف الحديقه والأنوار اللي مشتغله..
وتمنى بداخله لو غرفته بداخلها نافذه تطل على الحديقه..بيظل طول اليوم يلعب فيها اكييد..!!
ولمن شبع من المنظر..طلع وهو يسكر باب النافذه عشان محد يكشفه..
وعيونه كانت تجول باأرجاء الغرفه كلها..كان وده يظل اكثر بس خاف احد يدخل عليه وينفضح..
وكان احساسه صائب..دخلت عليه فجر وشكلها مستعجله..ويوم طاحت عينها عليها تفاجأت
قربت منه وعيونها كلها تساؤلات\عزيز
عزيز عرق جبينه وكان يناظر أي شي الا عيونها..ويحاول يخفف عرقانه باأيده الصغيره
فجر وبدت تطرح الأسئله\شقاعد تسوي..!!
عزيز وعيونه اخير استقرت للأرض وبصوتها الخشن\ولاشي
تفهمت موقفه فجر وكيف ماتفهمه وهي تدرس بروضة اطفال وحست باحراجه وهي تشوف وجهه كيف انقلب احمر.....قربت منه اكثر وهي تمسح على شعره الناعم اللي عجبها كثافته
فجر\عزيز
عزيز رفع عينه\نعم
فجر\ياحلوها من ثمك الصغير كلمة نعم....ومسكت ايده... تعال اجلس..
جلسته على السرير..وفتحت درجها وهي تطالعه وتبتسم لها وهو يشوفها ومنحرج منها ولا كأنه عزيز المعروف بمشاغبته..
طلعت علبة جواهر جلاكسي من الدرج..وجلست جنبه وفتحت العلبه
فجر\تحبه..
عزيز يوم شاف علبة الجالكسي ماقاوم واخذ وحده بهدوء..واخذ الثانيه بخجل
فجر \تبي بعد..
عزيز وهو يفتح الجالكسي وياكل وهو يكلمها\عادي تعطيني..!!
فجر باابتسامه حنونه\اكيييد..ومدت له العلبه كلها وهو على طول فتحها وبدى ياكل وحده ورى الثانيه وهي تتأمل كل ش فيه..عيونه..حركاته العفويه..كل شي كانت تتأمله..!!
كثير كانت تحاول تتجاهله..وتصد عنه..لأنه كان يشبه يوسف كثير..وهذا الشي مايختلف عليه اثنين الكل يشهد بالشبه الكبير سوا كانت بالملامح او الأسلوب..!!
ولأنها ماتقدر تناظره بسبب ذكرى يوسف كانت ماتحتك فيه..على انها تحب الأطفال وتموت فيهم وتعمل المستحيل عشان تخلق البسمه بشفاتهم لكنها ماتقدر على شوفته..تحس بالألم وبنفس الوقت بالأمل.
ماتبي تنجرف اكثر وتتخيل المستحيل..!!
ماتبي تعيش ذكريات وطفوله قديمه..!!اللي فيها كافيها ووجود عزيز بقربها رجعها لسنين حلوه ومره اندفنت مع مرور الزمن..


تعالي..!!
فجر بعتب وهي مكتفه ايدينها الصغيره\ماأبي..!!
وقف قبالها وهو يختلق العصبيه\قلت لك تعالي..وكلمة الرجال ماتنعاد..!!
رفعت عينها له بتحدي\وانا اقولك ماأبي..فكني..ابتعد عني؟؟!ماأبي العب معكم كلكم غشاشين..
يوسف يحاول يخفف نبرة صوته وهو يرص على اسنانه\متأكده..!!
فجر\ايه متأكده..انت واحمد غشاشين..
يوسف ويحاول يخوفها بعيونه اللي تخزها وبان كبير وهو ماتخطى 12 سنه\طيب يافجر..ومشى عنها ويوم بيطلع التفت لها وهو يحاول يخفي ابتسامته...شوفي بعدين مين بياخذك غيري..بتظلين هنا وبروح عنك...
<<<<<<<<
"صادق يايوسف..ظليت لوحدي هنا وانت اللي رحت عني ...قولي وينك وبجيك..ليتك..بس ليتك تعرف اني لازالت انتظرك"
فجــــــــر
التفت فجر لعزيز اللي صحاها من ذكرياتها القديمه..ابتسمت له بحزن مخفي وهي تناظر عيونه
تحاول تلقى يوســف فيها...لكنها مالقت غير انعكاس صورتهــا
"وهم يايوسف...صرت وهـــم.."
00000000000


الفصل الثاني
بدايـة الطريقــ..
--------------------





يومهم كان طويل ومليء بالمواقف اللي كل مالها وتقربهم من بعض.. وعلى انه متعب ومشقي لكن استشعروا بطعم حلاوته
انتهى مشوارهم بعد ماتعشوا بمطعم يقدم مااكولات صينيه حاز على اعجاب غلا ورجعوا الفندق
وعلى طول تركي رمى نفسه على السرير..وغلا واقفه تناظره ومتردده تتقدم أي خطوه..وكل الخجل اللي توقعته انه اختفى رجع مره ثانيه وبقوه..
طاحت عينها على التلفون وتذكرت انها ماكلمت اهلها
غلا \تركي ممكن اكلم اهلي..!!
تركي كان مغمض عيونه من التعب\اكيد
استقلت غلا وضعيته وخذت التلفون وطلعت من الغرفه وظغطت على رقم بيتهم
غلا\الــوا
جمانه\غــلا
غلا والفرحه تسللت لقلبها\جمـــون..والله...والله وحشتيني...!!
جمانه وهي تصارخ\حتى انا ياحماره رحتي عني وخلتيني...غلا شخبارك وشمسويه..!!
غلا\انا بخير ماتتخيلين شكثر انا مرتــاحه.....وخف صوتها..جمون بموت فهمتيني..!!
جمانه تناظر البنات اللي مزعجينها\فهمتك ياقلبي والله ليتني جنبك اللحين..اقول غلا خذي فجر تبي تكلمك ..انا بكلمك بعدين
غلا\ اوكي..عطيني اياها بسرعه..بسرعه
00000000





حياتها اصبحت بدون طعم..ويومها يمر وهي ماتحس بقيمته
وقتها يمضي..يمضـي بدون هدف..
ونفسها الندامانه متحسفه على كل شي جرى بغير رغبتها..
صارت معزوله عن الناس..والتجمعات نادر ماتحظرها...وحتى اهلها..ماقامت تحس انهم اهلها..
محد بيفهمها..ولا احد حاول انه يحسسها بالأمان وراحة البال..!!
والسبب مجهول..وغير معروف..هل طلاقها اثر على نفسيتها والقدر ارغمها على الأنعزال..!!؟
او روحها التعبانه هي اللي جعلت الناس تنفر منها..!!؟
سميه بعد مللها اللي اصبح روتيني..طلعت من دارها وجلست تتفرج على التلفزيون تضيع فيه وقتها لمن يجون اهلها من بيت عمها..
هي كانت ناويه تروح اليوم..لكن فكرة غلا وعرسها لازالت في بالها من امس...
كل ماتتذكر شكلها واناقتها اللي مابعدها اناقه تموت غيره ويشتعل قلبها من القهــر والندم..واللي زاد الطين بله..حظور تركي ولد عمها اللي ماكان اقل جمال من غلا..وكانوا مثل اللوحه الخارقة الجمال ابدعها الخالق..واصبحوا ثنائي حازوا على التميز من قبل الجميع..
وبهالذكرى ظلت بالبيت تندب حظها العاثر..
دخل عليها طلال اللي كان توه واصل بعد طلعته مع الشباب..
طلال باابتسامه طيبه\السلام عليكم..
سميه\وعليكم..جات معاك امي..!!
طلال وجلس على كنب قريب منها\لا بيجون مع ابوي....ليش مارحتي معهم...!!
سميه واعتفست ملامحها تدريجيا\وليش اروح..!!
طلال\والناس ليش يروحون يعني..!!
سميه \انت اللحين تسألني..!!
طلال بمزحه المعتاد\اجل أسأل امي..!!
سميه وقامت من مكانها\لاتفكر انك خفيف دم....مو زين عليك هالخفه..
طلعت سميه لغرفتها..وتركت طلال مصدوم منها..
كلته بقشوره..هذه جزاه انه يمزح معها..!
طلال\امحق اخت...ربي لك الحمد..
000000000







جرتها من طرف بلوزتها البيضاء ودخلتها غرفة الحريم اللي كانت فاضيه
جمانه اعترضت ..وعصبت من هالهمجيه ابتسام
جمانه بصوتها الخشن\عنز..عنــز شايفتني عنز قدامــك...
ابتسام بفرحه اغمرتها\واحلى اعنز شفتها بحياتي...!!
جمانه رصت على اسنانها\صج انــكــ
ابتسام\هــا ..ها وش بتقولين حبيبتي..!!
جمانه هدت وعدلت كم بلوزتها \ولا شي..اصلا انا احاول اتحفظ بهالكلمات..
ابتسام\فديت اللي يبون يتحفظون..من وين هالأدب طلع لك..!!
جمانه\والله اني معطتك وجهه ..
ابتسام\تونا نمدحك...!!صبري شوي خليني اصدق انك تغيرتي..
جمانه \بلاهذره..وقولي لي وشفيك جارتني لهنا..!!
ابتسمت ابتسام.وهي ناويه على جمانه..
ابتسام\جمــون..
جمانه\ياملقك..قولي خلصيني..!!
ابتسام\ياأختي استحي على وجهك..انا اكبر منك...!
جمانه\زين..زييين..قولي..
ابتسام\والله لأذلك ..
جمانه وماقدرت تكابر والفضول بدى يلعب دوره\ياربي بسوم حرام عليك.
ابتسام وترفع حاجبها بغرور\توك مو مهتمه..!!
جمانه بنبره باكيه\مين قال..!!
ابتسام\اسلوبك يبوح..!!
جمانه وبدت تتملل\ياربي منك..!!
ابتسام\وتتذمر بعد..!!
جمانه وتغمض عيونها بعصبيه\تكلمــي...!!
ابتسام\ياشين اللي يتأمرون..!!
جمانه\ابتســــــــام.
"جمــانه"

التفت ابتسام وجمانه للصوت اللي وراهم
جمانه\ها يمه..
هند كانت واقفه ولابسه عبايتها\يالله بنروح البيت..!!ابوك له ربع ساعه واقف بره..
جمانه كانت هاللحظه بتصيح من القهر..
جمانه برجاء\يمه شوي..!!
هند بنبره عاليه\اي شوي..بسرعه وريني طولك..ابوك معصب..
جمانه التفت لأبتسام اللي كانت حابسه ظحكتها..
ناظرتها نظره سريعه تحمل الحقد الي كان بقلبها..وقامت عشان تطلع..
جمانه وهي ترص على اسنانها\بينا كول اوكي بسوم..!!
بسوم بدون اهتمام وهي تناظر عمتها اللي واقفه ومعصبه\يصير خير روحي اخرتي عمتي....
00000000000







بعد ماسكرت من امها اللي كلمتها بعد فجر..سمت بالله ودخلت الغرفه..وطاحت عينها بشكل لااردي على تركي اللي كان معطيها ظهره..ويوم حست انها طولت بوقوفها دخلت الحمام بعد ماخذت ملابسها تاخذ شاور وهي تفكر كيف هالليله بتعدي..!؟

بعد ماخذت الشاور اللي طولت فيه وهي تحاول ترتب افكاره وتتهيأ للخطوه الجايه..حاولت تستمد شوي من الجرأه وتقوي نفسها وتطلع..!!
لكنها ماقدرت تتحرك أي خطوه..ظلت فتره واقفه بداخل الحمام.. ومو متجرأه انها تفتحه..
حاولت تشغل نفسها بأي شي غير اللي في بالها..!!
فكرت باأمها وابوها واشتياقها لهم..!!فكرت بالبنات..فجر وجمانه والبقيه..
فكرت بدراستها..والجامعه وبكل شي..وحاولت وحاولـــت...لكن عبث..!!
ماتت قهر من خجلها اللي مو بوقته ابد..وغصبن عنها طلعت من فمها كلمتها المعتاده وهي تشد على شعرها اللي فاتحته.. "ياربــي"

رجعت لمراية الحمام وهي معزمه انها تطلع..وناظرت نفسها للمره الأخيره..حلوه...وزادت حلاه بالقميص الأبيض اللي على لون بشرتها..!! وطلعت بسرعه قبل ماتتراجع..ويوم لقت نفسها بالغرفه..شافت تركي على نفس وضعيته..وهذا الشي ريحها..على الأقل بيخف توترها..لكن اللي استغربت منه انه الأضاءه كانت خافته..هي قبل ماتطلع كان نور الأضاءه واضح بالغرفه..
لكن هالشيء ايضا كان لصالحها..وبكذا بدت تتشجع وتتقرب من السرير ببطء لمن وصلت له..
مالت بجسمها على السرير..واخيرا جلست براحه يوم سندت راسها على المخده..وماوحى لها تهدأ انفاسها الا بحست بشي يجرّهــا.........!!
0000000000000








كل شي اشتاق له..ومن كثر شوقه مو قادر يغمض عينه وتخترب اجمل صوره تشوفها عينه
توه كان مع احبابه اللي حاوطوه وفرحوا بجيته ..توه كان يشوف نظرات الحزن والأشتياق من ربعه والطاقم كله..كانوا يبونه يرجع ويكمل حلمه اللي مابدى..كانوا يبونه بينهم..بروحه المرحه ولعبه المميز..!!
كانوا يرجونه بكلماتهم التشجيعيه..ونظراتهم المتفائله للرجوع..!!
لكن ماكان فيه غير الأسف..والأسى ..وحلم مشرق يلمع بعينه...!!
يناظر الملعب من كل زواياه وهو واقف بوسطه..ويتحسر وويقول"آه على حلمن مضى"
يرفع عينه للسماء واشعة الشمس تضرب على ارضية الملعب وتنورها..
والعشب الأخضر الزاهي معطيها حيويه وراحه للنفس وخصوصا لأنه اللون الأخضر لون الجنه..
تطيح عينه على المرمى ..والمدرجات.. وألأنوار..والكور اللي بكل جانب وغصبن عنه يحن لأيامه الحلوه..
رمى نفسه بكل قوه على الأرض والعشب الأخضر يداعب جفونه اللي حرقتها دموع ضايعه محتاجه مين يوصلها لدار امينه تسعد قلب الوليد وتريحه..
ليته ماترك حلمه..وليته ماسافر..وليته كان هنا بين اهله وناسه
وليته ماسمح لنفسه التايه انها تستسلم لأحاسيسه اللي خانته
ليته كان الوليد الصغير اللي بحظن امه وابوه..وبقرب اخته واخوه
ليته ماكبر..ولا نمت نسمات الهوى اللي تبحث عن يوسف..!!
ياليت..وياليت...وياليت..
ماتنفع ياليت اليوم..!!
بأيدك امانه يالوليد ولازم توصلها..!!

رجع البيت وروحه كانت هناك عندهم..بملعبه..وباأرضه..وشاف عزيز كعادته يلعب كوره وهالمره باابتسامه اشرقت وجهه الطفولي..وشاف الفرق بين اول امس واليوم..وراحة البال مرسومه بملامحه..
زاد حفوزه وهو يشوف عزيز يحاول يسدد الكوره بالملعب وماحس بنفسه الا بغرفته يبدل ملابسه ويلبس زي الأتفاق الرسمي..
ناظر نفسه بالمرايه..!!

ياهو مشتاق لهاللبس..ياهو فاقده وفاقد لونه..معقوله يقدر يرجع يلعب بكل نشاط.
وين طموحاته واردته انه ممكن يكمل في الخارج..
معقوله كل هذا ضاع..والا هو اللي حاول ينسى آماله..!!
نزل من على الدرج بكل حيويه ونفس الأحساس اللي كان يحس به وهو يستعد لمباره جديده ويطلع للملعب عشان يقابل جمهوره كان يعيشه وهو يطلع للحوش لعزيز اللي من شافه صفر تصفيره طويله تدل على اعجابه بالوليد..
خذ منه الوليد الكوره وهو غافل بتأمله فيه وينتظر أي حركه من الوليد..!!
ركزها على الأرض وعاش لحظات طويله مع نفسه
هل هو قادر يرجع مثل اول..!بنفس الحماس ونفس الموهبه..!!
هذه الكوره قباله..قدر يسترجعها بنفسه بعد هجر طويل منه ..واللحين تنتظر صحبته !!صحبته اللي ماوفا فيها!!
اكيد يقدر...!!
وليش مايقدر...!!
مشى بالكوره بسرعه كبيره ماتصورها..!!وحلمه كان يشوفه مثل النور قدامه..!!
وحس انه رجع الوليد الهاوي..
ويوم حس عزيز بضياع الكوره لحق الوليد وهو يصرخ باأعتراض..والوليد يضحك عليه ويلهث ويحاول يسرع للمرمى ويسدد اول هدف...
ضرب الوليد الكوره بالمرمى من بعيد وصرخ بفرحه ورجع لعزيز اللي كان مو اقل فرحه منه وحظنه ورفعه لفوق وهو يحس انه استجرع احلى لحظات عمره بزيه اللي اندفن وانكتب انه يكون اجمل ذكرى...!!
0000000000




الأوراق متناثره من كل صوب في مكتبه..يحاول يخلص قدر اكبر لكن مو مركز ابدا وخصوصا وهو يسمع صياح بنته اللي منتشر صداه بكل البيت..هالوقت هذا المفروض يتواجد بالشركه ويشرف مع مدير الماليه على الميزاينه..لكن عناد بنته وتشبصها فيه ارغمه يكون معاها بااغلب الأوقات..!!
ريوف في مرحله صعيبه بهالسن..والتذمر والبكا الشديد اصبحت عاده من عادتها اليوميه..!!
وعبدالرحمن ماكان عنده حل مريح..!!يحاول يهديها ويفهمها انه قريب منها..لكن هي كل مالها وتزيد اكثر..!!
كانت فاقده حنان من نوع ثاني كانت محتاجه لشخص ممكن يفهمها ويحسسها بالحب!!..وكان تعبيرها هو بكاءها المتواصل...!عبدالرحمن ماقصر عنها..لكنها تبي أم
ام تمسح دموعها البريئه..وتحظنها وتعطيها ألأمان اللي ماقدر عليه ابوها...
ريوف هاللحظه دخلت على ابوها المكتب ورمت اللعبه اللي بأيدها بكل قوه على الأرض ورجعت تصيح
عبدالرحمن شعر بدخلتها وقط القلم على الطاوله بضيق
عبدالرحمن\شفيج يابابا..!!لازم يعني هالحركات كل يوم..!!
ريوف وعيونها حمر من كثر الدموع\ليث.!!ليث جالث هنا..تعال معـــاي
عبدالرحمن وعقد حواجبه\ليش,,!!..وتنهد بصوت مسموع..والله انك دلع سكتي خلاص
ريوف وعاندت\ماأبي..
عبدالرحمن برجا\حبيبي
ريوف وتناظره بطرف عينها ومتجمده في مكانها\ماأبي..ماأبي
قام عبدالرحمن من كرسيه ورفعها بخفه وهي زعلانه ورافضه الحركه..
جلس على الكرسي وجلسها بحظنه..اخذ ورقه وقلم من الدرج واعطاها اياه\يالله نرسم
طلعت ابتسامه منها غصبن عنها..لكنها ظلت ساكته..
جلس معاها على الأرض..وبدى يرسم بيت صغير وجنبه صورة بنت
ريوف كانت تناظر الرسمه وهي فرحانه انه ابوها قريب منها ويلعب معها ويرسم لها..وبدون شعور سألته\منو هذه..!!
عبدالرحمن\هذه الحلوه..!!
ريوف ببراءه وهي تناظر ابوها\منو الحلوه..!!
عبدالرحمن بابتسامه حنونه\حبيبة ابوها ريــوف..!
ريوف ظحكت بين دموعها وفجأه نطقت\انت حبيبي..
ضمها عبدالرحمن لحظنه\قوليها ثانيه
ريوف ولازالت تضحك بحظنه\حبيبــي..حبيبي..حبيبـــي
عبدالرحمن وظحك لظحكتها\حبيبتي والله
قدر عبدالرحمن يمتص زعل بنته وتضجرها الممل..وتركها ترسم على ألأرض..ورجع لأوراقه وعينه كل مالها وتطيح على بنته الفرحانه برسمها..
------------





فتحت عيونها على صوته الشجي اللي حاول يوقظها من النوم وهي مو حاسه بنفسها وودها لو تستمتع بنومتها اكثر..
ويوم ركزت..وتذكرت اللي صار بليلة امس غمضت عيونها من الخجل اللي شعرت فيه ورفعت الفراش لوجهها وهي تخفي ابتسامتها الخجوله
رفع تركي الغطاء عنها بنعومه وهي تحاول تجره منه وهي مغمضه وصارت معركه بينهم هو يجره مره وهي تجره مرات لكنه كان اقوى واسرع منها وقدر يشوف وجهها اللي حاولت تخفيه
تركي\بنطول يعني..!!
غلا\..........
تركي\خلاص قومي ... وهمس بنبره غريبه ...
غـلا
فتحت عيونها وناظرته وحاولت انه ماترمش وتركز بملامحه اللي كانت قريبه..وسرحت غصبن عنها
لكن وقظها صوت تركي اللي جاء بوسط الهدوء
تركي\صباح الخير
غلا برقه\صباح النور
تركي بنفس النبره\بتقومين..!!
غلا\اممم
وطت راسها وقامت من السرير وهو اعتدل بجلسته وابتعد شوي عشان تمر
طلعوا من الفندق ودخلو اقرب كوفي..وطلبوا قهوه وكروسان كان حار
غلا كانت تاكل بصمت وماكانت متجرأه تفتح حديث مع تركي واكتفت بالرد عليه بردود بسيطه ومختصره يمكن لأنه حتى هو مختصر كلامه وحديثه!!..وكل ماطاحت عينها عليه شافته يناظرها من ورى نظارته الشمسيه البنيه اللي كانت شفافه ..وحتى اكله لسه مالمسه..
حاولت كذا مره تلهي نفسها بألأكل..وتناظر أي شي الا عيونه..لكنها توترت وبدت ترمش بكثره..وتظغط على المنديل اللي بايدها..وتمسح فيه شفايفها بعد القهوه اللي شربتها..وظلت تمسح فيه بااستمرار بدون شعور وهي ترمش..!!
ويوم حس تركي انه وترها ولاحظ عيونها اللي ترمش بااستمرار وهذا كان مبتغاه...شقد تطلع بريئه وهي ترف عينها..!!ابتسم ابتسامه جانبيه وبدى يشرب قهوته بدون مايضيف سكر..
غلا انتبهت عليه..وماقدرت تمنع نفسها من السؤال
غلا بصوتها الناعم\تحبها ساده..!!
تركي وحاول يقلد نبرة صوتها بس ماقدر وهدى صوتها بدون وكأنه يهمس\مااشربها الا ساده..!!
غلا قطبت بفضول\ليش..!!
تركي\ماأدري..بس اللي اعرفه اني احبها كذا..
غلا وحست باللوعه \ ياربـي..ماأتخيل...وابتسمت وهي تزم شفايفها..مااتخيل اشربها مره..
تركي وعجبه الموضوع وكلماتها العفويه\جربيها..وصدقيني بتحسين بطعمها...
غلا\لاتحاول..مستحيل..
تركي دخل بموضوع ثاني وهو يحس بالصداع فجأه يجتازه\اوكي..وين ودك تروحين اليوم..!!
غلا\ماأعرف..براحتك بضيق
تركي \نروح نتسوق..
غلا وغصبن عنها ابتسمت بفرحه لأنها تحب تتسوق\فكره حلوه..
تركي\اكيد تحبينه..!
غلا ورمشت\كيف عرفت..!!
تركي ناظرها من فوق لتحت \واضــح....مايبي لها تفكير..

سكتت وهي تعرف انه يتعمد يحرجها..لكنها مع ذلك تحس انه حبه يزيد..يزيد لدرجة الهيـام
وحتى بنظراته الجريئه تحبه..وودها لو تقول له..وترتاح..تحس انها اذا قالت له بتتحرر وبتطير لسماه
وبتكون اميره له..لوحـده..

طلعوا من المقهى وتسوقوا لأي محل يصادفهم ويعجبهم..لمن وصلوا لمجمع هاربد سايد






عجبها غلا محل صغير معروضه في اكسسوارت .وهي تموت على شي اسمه اساور ..
كان ودها تدخله بس حيائها منعها..!
وماحست الا بتركي جرها من ايدها الصغيره ومدخلها محل ملابس ..
دخلته ونست شي اسمه اكسسوار وهي تشوف البدل المعروضه..وتوها بتلمس خامة التيشرت الا شافت شي احمر قدامها..
كان تركي ماسك فستان احمر شيفون ومكسي..وفيه ترتر ابيض ناعم..ناظرته ولقت الأبتسامه بشفاته
تركي\شرايك..!!
غلا بعفويه وهي تناظر الفستان اللي ابهرها\نعوم
تركي\اوكي..كملي جولتك..انا عند قسم الرجال..
مشى وهو لازال ماسك الفستان..وغلا استغربت بسالفة الفستان لكنها قالت بالأخير انه اكيد لراوين اخته..
مرت بكل المحل..ولقت اشياء كثيره عجبتها..وودها لو تشتريهم..بس مو قادره..مشت لتركي اللي كان يدور بين جينزات ..وشكله يدور مقاس له..قربت منه..وصارت ورى ظهره..وهو ماحس فيها ويوم خلص وخذ اللي يبيه لف وشافها
تركي استغرب\خلصتي...
غلا\ايه
تركي\وين اللي شرتيه..!!
غلا بااحراج\ماعجبني شي..
رفع حاجبه تركي وطنش..ومشى وهي مشت وراه..حاسب للكاشير وطلعوا..
وطاحت عينها على نفس محل الأكسسوارت..وحست بالغصه..ودها تدخله..بس كيف.!!
كان يناظرها تركي بدون ماتحس..!!وعرف انها ودها بهالمحل..جرها مثل كل مره باأيدها ودخلوا..
ناظرته من طرف عينه بحب وامتنان..ورجعت تناظر الأكسسوارت اللي احتارت من بينهم وش تختار..والا ايش تخلي..!!
خلاها تركي على راحتها وفك ايدها..وجلس على اقرب كرسي وهو يناظرها من ورى النظاره..!!ويراقب حركاتها وهي تتجول بالمحل..!!

بألأخير وبعد مدى شوي طويله..اختارت غلا بالغصب اسورتين عرضتين..وحلق حديدي له 3 دوائر بنفس الحجم ماعدا الدائره الأخيره..وهي لو دها تشيل المحل كله بس احترمت نفسها..!!
لكن المشكله مو عارفه تختار أي لون..!!
كان له لونين..نحاسي غامق..وابيض زاهي..
قام تركي من مكان..ولاحظ حيرتها..!!
وهي قررت تتجرأ وتسأله
غلا\اي لون احلى..!!
تركي وتوهق فعلا\كلهم حلوين..!!
غلا ابتسمت..وسكتت..
تركي..يوم حس بسكوتها..خذهم من ايدها
تركي\ليه الحيره..!! كلهم لك..
-------------------












قولي ذبحتيني؟؟
ابعدت سماعة التلفون عنها..وظحكت بشكل هستيري على هالطفله اللي تكلمها..ويوم حست انها اوكي وتقدر تكملها قربت السماعه منها..
ابتسام\ومسويه نفسك بو زعم مو مهتمه..!!
جمانه كانت ترص على سماعة التلفون من الغيظ وهي تقول"ياصبر ايوب"
جمانه\بسوم..ليش تذليني؟؟!كملي سالفتك وش قال بعدين؟؟
ابتسام\عشان تعرفين كيف تسوين روحك كبيره علي..!!وبعدين تعالي انتي مو مهتمه..ليش معصبه..!!
جمانه وحاولت تهدي نفسها..وتنتقي كلماتها\السالفه مو سالفة اهتمام..حطي نفسك بمكاني ..لو احد تكلم عنك..اكيد ودك تعرفين وش يقول..بغض النظر عن الشخص..صح والا لا..!!
ابتسام\صح..
جمانه\حلو..كملي حبيبتي..
ابتسام\شقولك ماقال شي بعدها؟؟سألني شخبارها. وقلت له هي عند اخوها..وابتسمت..بــس..
جمانه بخيبة امل\بس..!!
ابتسام\بس.. تصدقين والله حركات رجعنا لذكريات اول..انتي وياه احلى مجانين عرفتهم..مواقفكم لاتنسى..!!
"وش فايدة المواقف مدام القلب مجروح ياابتسام"
ابتسام\اقول..جمون..
جمانه بهدوء\هلا
ابتسام\تدرين كم باقي على العيد واحنا لسه ماشرينا..
جمانه"فاضيه ياابتسام..انتي فاضيه"\بالطقاق....وتنهدت.. مو مهم..
ابتسام\الحمدلله ..انا عندي كم بدله مالبستهم..والله ماأحس انه في عيد..يمكن لأنه كان عندنا زواج غلا..
جمانه وضاقت نفسه وهي ترفع غرتها لورى اذنهاا\يمكـن..بسوم
ابتسام\هممم
جمانه\متى بتجون..!!
ابتسام\مدري جمانه..شكل مرت ابوي بتروح بيت اهلها..
جمانه\اوكي ماأطول عليك..
ابتسام\وين..
جمانه\راوين تنتظرني تحت من زمان..!!
ابتسام وتمنت انها معهم لكن وش تسوي بمرت ابوها\زين مع السلامه..
سكرت جمانه التلفون..وهي حايره..!!
مو عارفه وش كانت تبي تسمع من ابتسام..!!
امنياتها وصلت لشي اكبر..لأنها كانت تبي الكثير عشان ترتاح..!!
-------------






راسه ثقل..وطاقته كلها انتهت وهو ينتقل بشوارع ومجمعات سدني
واثر هالشي على وجهه اللي ظل مشدود بسبب اعصابه والصداع اللي لازمه
ولأنه غلا كانت غرقانه بالحب وباأحلامها الورديه اللي تحققت
مالاحظت ابدا..لكن برجعتهم المبكره للفندق وبعد ماتعشوا
جلس تركي على الكنب بتعب ورمى مفتاح الغرفه وتلفونه بألأرض.. وهو يمدد رجلينه بالطاوله اللي جنبه وبان قد ايش هو طويل..لمحته غلا ودخلت الغرفه تبدل ملابسها..ناظرت ساعتها وشافتها 8....!! يعني دخل العشاء وهي ماصلت المغرب تحسفت انها ماقالت لتركي يوقف بأي مكان عشان يصلون..هي بالموت طلعت من لسانها يوم طلبت منه انهم يصلون الظهر والعصر جمعا..ويوم دخل وقت المغرب ماقدرت تقول شي وتوقعت انه هو اللي بيذكرها...لكنه ماتذكر..!!؟؟

دخلت الحمام وتروشت على السريع ..وصلت وهي تستغفر ربها..
ويوم خلصت..احتارت و ش تلبس...!!وبالأخير استقرت على برمودا حريري لونه نحاسي..وتيشرت اصفر وتذكرت ساعتها جمانه اللي تموت على الأصفر..!
رفعت شعرها على فوق وحطت شدو اصفر بدون كحل..ومرطب على شفايفها

دق تلفون تركي... واكنس راسه للأرض..وابتسم بوهن وهو يشوف المتصل مبارك.. رفع التلفون ورد عليه على طول..
تركي\هلا
مبارك\عااااااااااش من سمع هالصــــوت..هلا فيك هلا..شخبارك..!
رجع تركي جسمه على ورى\تمام..انت وش اخبارك..واخبار الشغل..
مبارك\كل شي تمام..لاتحاتي..والشغل ماشي على اكمل وجه..بس ينتظر جيتك....
ابتسم تركي بتعب وهو يشد باأصابعه على جبينه الحار\زين والله..على كذا خلاص مو نازل الرياض..
مبارك\ههههههههههههه لاتخاف مستحيل اصدقك..الشغل صار يجري بدمك..

ظحك تركي..وكمل حكيه مع مبارك..والتفت لاارديا بجهة اليمين وشاف
غلا اللي توها طالعه من الغرفه..
ناظر بلبسها اللي دوم يعجبه..وتذكر الفستان اللي شراه لها..اشر لها بأيده انها تجي جنبه..وهي شافته وقربت منها..
مسك ايدها وجلسها جنبه..ولصق فيها بدون مايناظرها..وهي استحت وكان ودها تقوم لكن حست انها تجمدت يوم طوق ايده بخصرها..
تركي\اوكي..مو مشكله عندنا من هالنوع كميه كبيره..خلاص..سلام..


غلا\منوا..!!
تركي وتنرفز\ليش تسالين..!!
غلا تفاجأت من رده الجاف\لا بس..
تركي\على العموم هذا صديقي..تقدرين تقولين انه صديق العمر..
غلا وهي ترمش\اهـا
ناظر عيونها..والأصفر اللي معطيها انوثه كبيره..يحب يتأمل فيها..ويحب يناظر عيونها اللي حسها كلها برائه وهي رفعت عينها وناظرته..حست انه كل مالها وتفقد السيطره ..مو قادره تتحكم بنفسها ولا حتى ترمش والجو اللي بينهم كان هدوء وماينسمع غير صوت انفاسهم اللي معطيه حميمه على الجو
وفجأه عقد تركي حواجبه والصداع بدى يضرب براسه..
انتبهت له غلا وبسرعه تكلمت\تركي..فيك شي..!!
تركي بضيق واضح واحتد صوته\صــداع ..احس بصداع بيذبحني..!!
غلا قامت بسرعه\بروح اجيب بندول..وقبل ماتمشي مسكها تركي
تركي\لا ..وغمض عيونه..ماأبي..
غلا تجاهلت معارضته\صدقني بترتاح..ثوانــي بس..

راحت غلا للغرفه..وتركي لازال مغمض عيونه..حس انه يوم غمض بدت ترتخي اعصابه شوي..لكن الألم لازال موجود..وهو يعرف السبب..
السبب واضح مثل وضوح الشمس..له يومين ماشرب..وجسمه تعود على الشـرب
واذا ماشرب الليله. اكيد ماراح يحصل خير..!
--------------




مجتمعين الشباب كلهم في البيت الكبير..وبالتحديد بالصاله الداخليه..وكانت الجمعه روعه وخصوصا انه الكل تقريبا موجود..
سلطان..الوليد..طلال..هيثم..والجد والجده وهند..الكل كان مجتمع ومستمتع بهاللمه اللي قلت تدريجيا بالأيام الأخيره..
سلطان كان مسوي حزب..ويهتف بأعلى صوته..والشباب وراه ياأكدون رأيه بكل طواعيه
هند\انا وحده مالي خلق لبران..برد وغبار وتعب..مو قادره الصراحه...
سلطان كان معارض بقوه لكلام اخته..وبهجوم وبكل اصرار قال\وايش علينا منك..احنا رايحين رايحين..وابوي سالم ان شاء الله..وعلا صوته..واللي مايبي يطق راسه بالطوفه..
فتحت هند عيونها بدهشه\انا اطق راسي بالطوفه..
سلطان\اللي على راسه ..وانتي كمليها ههههههههه
هند\بعــــد..!!
طلال\عمتي الله يهداك...شفيك صايره حساسه..هو مايقصد..والصراحه..الصراحه احنا نبي نخيم اليوم قبل بكره..
هند وكتفت ايدينها بعصبيه\قولوا لي مين فكرته هذه..!!!
سلطان\مو مهم مين فكرته..المهم احنا بنخيم بثاني يوم للعيد..!!
هيثم ظحك\قويه ثاني يوم للعيد..خير وين جالسين؟؟
الوليد ولأول مره يتكلم\حلاتها والله من ثاني يوم..والتفت لجده..ها جدي وش رايك..!!
الجد كان رأيه معروف..والوليد قال هالكلمه لأنه عارف و ش رد جده\واحد يفوت طلعة البر...وابتسم..اكيــد موافــق
سلطان كان متشقق من الوناسه\ياحـي ابوي والله..خلاص مدام الغالي قال موافق.. والتفت لـ هند ..وش علينا من البقيه..!!
طلال بصوت كله فرحه\يعني خلاص نجهز امورنا..!!
الجده\جهز وانا جــدك..
===========


اخيرا انتهى الفصل..
لكن الى متى جمانه بتظل تناظر الجانب المظلم للوليد..وتفسر اموره على هواها..!!

وتركي وبداية مشواره مع غلا..
امور بدت تنكشف عند غلا وبحكم سذاجتها وحبها له صابتها الغفله..
كيف بتمر ليلتهم..وتركي بيستسلم لصداعه...!!

وطلعة البر..هل هالرحله بتكون من صالح ابطال القصه..!!
الاخت الصغيرة
الاخت الصغيرة •
الجزء الثاني والثلاثون
الفصل الأول
أريد’ أمـانــا
----------------------







كانت بين نارين..تصحيه للصلاه..او تخليه نايم..!
مره تقول بتصيحه..ومرات تقول لا ماأقدر اتخذ هالخطوه بمووووت ان قربت له..!!
وبين هذا وهذا..صحى تركي وهو يحس بظل شخص واقف جنب المرايه..رجع شعره على ورى عشان تتضح الصوره له اكثر..وعرفها على طول

تركي بصوت ثقيل\كم الساعه..!!
ناظرت غلا ساعتها وهي ترتجف من الخوف كان وده تطلع اول ماشافته يفتح عيونه لكن ماقدرت وتجمدت بمكانها\خمس ونص....ومامرت الا ثواني معدوده وشافته قايم من السرير وماخذ الفوطه ومتجهه لها بحكم انه الحمام على يسارها..

وقف قبالها وهو يناظرها بنظرات ثابته وهي من اول ماشافته قريب منه نزلت عيونها للأرض ..وانتظرته يكمل طريقه..لكنه ظل واقف وساكت..لمن صابها الخوف يوم لمحته بطرف عيونها يرفع ايده ويحطها على شعرها اللي كان مرفوع بكلبس على فوق..وبخفه رفع الكلبس وتناثر شعرها على كتوفها ومشى بهدوء للحمام وترك غلا ترتجف من حركته زي الورقه اللي محتاجه احد يثبتها ويهون عليها..



طلع تركي من الحمام وهو متنشط بعد الدش اللي خذه..ومثل مااتوقع ماشافها بالغرفه..ابتسم على خوفها وخجلانها يوم اقترب منها..وبدل ملابسه ومشط شعره وطلع بعد ماأخذ تلفونه ودق عل ابوه يطمنه انهم وصلوا
وطاحت عيونه على غلا اللي عدلت جلستها يوم دخل..وهو بحكم جرئته اللي فرضها فرض على غلا جلس جنبها وملاصق فيها واخذ راحته بالجلوس,, وناظرها بعيونه وهو يكلم ابوه.. واذا كانت غلا شمعه بهاللحظه فهي اكيد ذابت من الأحراج اللي يحدث لها..التفت الجهه الثانيه تلهي نفسها بأي شي..المهم تبتعد عن عيونه اللي تحس انها تغوص فيها..

كل مر ه تتفاجأ من حركاته الجريئه اللي تصير معاها..لدرجة انه تتتوقع منه بأي لحظه الغير متوقع....ومايميدها تستوعب اللي يحصل لها لأنها فعلا يصدمها ويرغمها على الجمود واكمال نتجية افعاله..
سكر تركي بعد ماسلم على ابوه..ومد التلفون لغلا\يسلم عليك ابوي..
غلا بصوتها الناعم\الله يسلمه..
تركي\خذي كلمي اهلك..!!
مستحيل اكلمهم"هذا اللي كان في بال غلا.. مستحيل تكلمهم وهو جنبها مو ناقصه احراج يكفي اللي فيها\بعدين بكلمهم..
تركي\على راحتك.. وبابتسامه جانبيه...جهزي نفسك بنطلع نتغدى..
وكأنها الجمله السحريه عند غلا قامت على طول عشان تتحاشى نظراته وتبتعد عنه شوي..مشاعر جديده تجتازها وهي محتاجه مكان هادي او بالأحرى محتاجه غرفتها ودفترها..احاسيس تتضاعف واغمرت قلبها الصغير.. تبي تفرغ كل اللي بداخلها باسرع وقت..تبي تقول للعالم باأجمعه انها سعيده.. سعيده بقربه
ويكفي عليها..يكفي عليها ياتركي اللي سويته بهاليــوم..اللي فيها اكبر من اللي كانت تتوقعه..
قربه....هدوئه..كلامـه..تصرفاته...كل شي فيه ارغمها انها تعترف وبدون خجل انها مجنونه به..
0000000000









دخلت قسمهم عشان تستعجل امها لأنهم معزومين في بيت عمهم ابو احمد وصادفت ابوها طالع ابتعدت عن الباب وابتسمت له ووطت راسها باحترام
واول ماطلع التفت باأمها ولقت الدموع ماليه محاجرها..وباأيدها التلفون
دهشهاالمنظر..وقربت من امها بخوف وماعرفت وش تسوي ساعتها
ابوها كان موجود مع امها..واكيد في مشكله بينهم..
وهي خجلانه ماودها تسأل وتتدخل بخصوصياتهم..!!
ويوم حست بهدوء امها وهي تمسح دموعها بمنديل كان بأيدها تكلمت
راوين\ يمـه.. وبصوت حزين ومبكي..شفيـك
نور بصوت مثقل\مافيني شي حبيبتي...بس ...بس متضايقه شوي..
راوين بحيره\من ايش..!!
سكتت امها وبسكوتهاعرفت راوين انها مو حابه تتكلم..وضاقت نفسها وهي تشوف امها قد ايش هي مهمومه
وبدال ماتلقى الراحه بعيونها والسعاده تهل بوجها الطيب وخصوصا انه امس كان زواج ولدها البكر
لقت فرحه مخطوفه..وكسر للخاطر...
لكن راوين كانت مصره تعرف وش سبب هالحزن اللي عيش امها بكابه\ارجوك يمه..قولي لي.لاتكتمين..مو زين عليك..
نور\صدقيني مافي شي..بس كنت توني مكلمه اهلي..وحسيت اني مشتاقه لهم..
راوين\وشوقك لهم يخليك تبكين..!!
نور بقلب مجروح وعيون كلها بوح\كنت اتمنى اشوفهم وخصوصا اأمس..كنت ابي اشوف سند لي يفرح معاي ويشاركني زواج ولدي. كنت اتمنى لو حتى امي تجي وبجيتها تعوضني عن الهند ومافيها...لكن لاهم جو..ولا شاركوني فرحتي..!!احساس صعب ياراوين اذا كنتي تبين تشوفين الأمان وماتلقينه..وبطيبه ابتسمت
اهل ابوك ماقصروا معي..كرموني ووقفوا معاي بفرحي وحزني..لكني كنت ابي عزوه..عـــزوه تشد من ازري..ويوم كلمتهم اسأل عنهم بكيت يوم باركوا لي بعرس ولدي ..ونزلت دموعها
كانوا يفكرون اني ماأقدرعلى جيتهم لأني ماأقدر ادفع تذاكرهم مثل كل مره. وهم مايدرون انه ولدي هو اللي مايبيهم ولايعترف فيهـم...
مو شي جديد كانت تسمعه راوين من امها.. لكن الجديد في الأمر احساس الألم العظيم اللي تحمله امها بصدره وكاتمته وصابره..
دخل فجأه عليهم ياسر ..ونور على طول مسحت دموعها..وابتسمت بوجه ولدها..وراوين تناظرها ومو قادره تبتسم وتخفي المها مثل امها.."ليتني مثلك يايمه..ليتني اخذ منك ولو القليل..ياأطيب ماطاحت به عيني "
00000000000











كانت تحكي له من كل قلبها..وماتعرف هل هو يحس فيها او لا..!!
كانت تشكي له عن وحدتها..والغربه الفظيعه اللي حست فيها وهي بين احبابها وناسها..
وهو ماقدر غير انه يواسيها بنظراته..ويحاول يفهمها بقدر استطاعته..!!
كانت تتمنى لو يرجع معاها لبيته..وتكتمل عايلتهم الصغيره..وبكذا ممكن تنسى الشعور بالنقص..وتلقى السند بعد امها وابوها..!!
وكانت تشوف نظرات الأعتراض بوجهه كل ماحاولت فيه يرجع معاها..!!
لكنها صمدت..وحاولت تقنعه بشتى الطرق..وحسسته انها محتاجه له..محتاجه له اكثر من اول وهي ترص على ايدينه النحيله..وبدموعها تعاتبه على معارضته الشديده..!!
"اهون عليك..ليتك تفهمني ياأخوي..احتاجــك والله احتاجــك..كان ناصر يسمعها ويحس بنفس الألم اللي تحس فيه..لأنه حتى هو وحيد..حتى هو محروم منهم..لكنه صامد وصابــر..وجلوسه بهالمكان ممكن يكون مستقبل يبنيه باأيده وموهبته..!!لكن كيف يقول..كيف يفهمها وهو عاجز..!!
ماكان عنده غير نظراتها اللي تحكي الكثير..وتبوح عن مشاعره المكنونه بداخله وتنتظر من يفجرها..!!
ماكان عنده غير دموعه اللي بدت تحرقه..وتعبر عن حالته اللي وصلت لحزن عظيــم كان مدفون من زمان
وهي اللي نبشته جمانه بأيدينها..واشعلت الفتيل بعد ماكان طافي ومنســي..!
رفع ايده ناصر..رفعها بكل قوته اللي استمدها من روحه الخفيفه.. رفعها وهي تهتز وتطلب الرحمه والثبات..لكنه قاوم وقـاوم لمن وصل لمبتغاه ومسح دموع اخته بعشوائيه وايديه كل مالها ترتجف وتضعف وترتخي اعصابها..
جمانه مصدومه من الموقف اللي المها وحسسها قد ايش هي قست عليها وحملت فوق استطاعته وقدراته وهي تشوف عجز اخوها قدامها..وماقدرت غير تغمض عيونها اكثر بااستسلام.. وترص على ايدين اخوها الراجفه وتقربهم لفمها اكثر وتضمه باأيدها ..
كلمات جمانه كانت تثقل قلب ناصر البريء..ودموعها كانت تذوبــه ببطء شديد..ماكان يبي يشوفها بهالحاله..كان يبي يهون عليها..ويواسيها اكثر..كان يحاول يلصق الحروف ويكون كلمه بشفايفه حتى لو كانت ثقيله على لسانه ومتعبه..كان يجاهد وهو يمسك انفاسه ليستمد القوى ويرص على اسنانه اللي يحسها ثقيله
لمن طلعت منه الحروف وهي مرتجه لثقلها عليه وصعوبتها..ان تي سامحينـ سامحينــ سامحينــي
جمانه كانت لازالت مغمضه عيونها وتبكي بصمت وهي حاظنه ايدين اخوها..وبلحظه حست انها سمعت صوت قريب منها ويوم رفعت راسها لقت ناصر فاتح فمه وشفايفه ترتجف وتطبق على بعض بسرعه شديده..ويوم ركزت اكثر سمعته يكرر بصوته الثقيل كلمتين كانوا لها الأثر الكبير عليها..!!
كانت تسمعه يردد هالكلمتين بصعوبه لدرجة انه عروق وجهه اصبحت واضحه وتشوفها..
هي كانت تعرف انه اخوها يقدر يتكلم لكن بصعوبه شديده..لكنها ماعمرها سمعته..كانت تتمنى لو تسمعه لو مره وحده..واليوم تحققت امنيتها.....وماأستوعبت الا بالأخير وعلى طول طبقت باايدنها على شفايفه تمنعه من الكلام وهي تردد له بكل حزن ممزوج بفرحه..سامحتك وربي سامحتك..
هدت انفاس ناصر تدريجيا وهو يسمع اخته ..ويشوف الفرحه بعيونها..وارتخت اعصابه اكثر يوم شاف ابتسامتها اللي تخطت دموعها..
جمانه بعد فترة هدوء بينها وبين اخوها كان ودها لو تسمعه مره ثانيه ينطق ويتكلم بكل حريه..لكنها خافت تأذيه وتتعبه اكثر..ففضلت السكوت وظلت تتأمل بعيونه الحزينه اللي ماحست فيها الا بهاللحظه..
ماحست الا يوم ارتاحت بقربه وسماع صوته..!!
كانت تحكي هالعيون..وترجي بصمـت..وكل اللي تطلبه بهاليوم سعادة اللي قبالها..!!
طلعت جمانه بعد ماودعت اخوها ووعدته بزياره قريبه ..طلعت ورمت كل الحمل اللي ثاجم بصدرها واستبدلته بفرحه وامل قادم استمدته من اخوها..ويمكن بدموعها وشكواها وألأمان اللي حست فيه بقربها عنده ارتــاحت..وخف وجعها..وتجففت دموعها اللي انهلت بقربه وكونت بروده على القلب والروح....
ومابقى غير المراره اللي تسربت وبقى لها اثــر..!!
0000000000000







اشتاق لجمعتهم..واشتاق لظحكهم..وسوالفهم الحلوه اللي تنسيك همومك وانت بوسطهم..
كان جالس معهم ويحكي بدون توقف..يحس انه من زمن ماتكلم وفضفض.. وهالأجازه كانت هي بمثابة الراحه بعد عناء الغربه والسفر ..
لكن في عيون بنيه جريئه مشتاق لها اكثر مشتاق لصوتها..وتصرفاتها الشيطانيه ..ووده لو يخترق كل هالجدارن اللي مثبته واللي تحد بينه وبينها ويوصل لها..صحيح انها مانسى سالفة التلفون..لكن وصوله لديرته ولأحبابه اعفى عن الكثير من ألأمور ..
لكن كيف ..كيف بيوصل لها وهي بعيده..!!
فكر انه يكلم ابتسام يمكن الحل باأيدها..!!دق على رقمها وطلع بره يكلمها بحريه..وهي من اول رنه ردت
ابتسام\هلا وغلا بالغالـــي ولد الغالي..!!
ابتسم الوليد على خبال اخته ومشى بالحديقه\هلا بك..شالأخبار..!!
ابتسام بنبره عاليه\بخير يعلك الخير...
الوليد\شلون ألأجواء عندكــم..!!
ابتسام بااستهبال\حار جاف صيفا..معتدل ممطر شتاء هههههههه(هذه جمله مستحيل انساها حفظتها صم من يوم ابتدائي)
ابتسام\الوليد معاك عزيز..!!
الوليد\ايه معي لاتخافين..
ابتسام ابتسمت\خلاص مستحيل يفك منك..
الوليد بهمس\اقول
ابتسام وتقرب السماعه لأذنها\قــول
توه بيتكلم الا سكــت..وطال سكوته..وابتسام عرفت وش يبي يقول بدون مايتكلم
ابتسام\فهمت عليك..!!
الوليد ابتسم باأحراج\...شخبارها..!!
ابتسام ماتعرف وش تقول لأنه جمانه اليوم متغيره 180 درجه وماوحى لها تسألها عن المسج\بخير..هي اللحين عند اخوها ناصر..راحت تزوره..!!
الوليد حس بخيبة امل\اها..طيب اكلمك بعدين..
ابتسام\من صجك انت..!!
الوليد\اجل امزح معاك..سلام..
سكر الوليد وهو مستأء..من دقايق وهو يعيش احلى لحظاته بوجوده مع اهله..وشوقه العميق لجمانه
واللحين حس بخيبة امل كبيـــره
دخل المجلس وهو يحول يخلق ألأبتسامه بوجهه..ولأنه الحنين لازال يلعب فيه من كل صوب فكر بفكره مجنونه..وهالعطله بيستقلها..بيستقلها حتى لو العواقب كبيـــره..!!
000000000000000







الحياه حلوه..بس محتاجه مين يفهمها..!!

طل لؤي براسه على يوسف اللي كان متسند على عامود الأناره ويناظر البحر اللي قباله..
لؤي\شالنظره الغريبه للحياه اليوم ترى مو اول مره اسمعها منك..وبنظره تشكك..متأكد انك يوسف..!!
ابتسم يوسف وهو لازال يناظر البحر\بشحمه ولحمه..معك يوسف العالي..!!
رجع لؤي راسه وتسند ثانيه على العامود\عسى هالنظره دوم...مو يــوم..وبفلسفه ووجه حيوي..بس قلي ياعبقري زمانك..كيف نفهمها بالله..!!
يوسف وبدى يسترسل في الكلام\نحللها..ونناقش مشاكلها اللي احنا بأيدينا اختلقناها..حتى لو وقفنا عن نقاط صعبه..نقدر بعقلنا اللي انعمه الله علينا نفككها على حده..وبسهوله وخذها مني ممكن نوصل لحل مثالي وبدون أي مشادة اعصاب..وظغوطات احنا في غنى عنها!!
لؤي ويحك شعره\ياعيني على اللي يعرف يركب حروف..!!
يوسف ولأول مره يتلفت عليه من وصلوا البحر\وليش عندك شك بالموضوع..!!
لؤي\الصراحه بعد هالخطبه لا..والف لابعد...
يوسف ويناظر غروب لشمس وبنفسه كان يسبح ربه\..تدري
لؤي\ايه
يوسف وبحماس اول مره يعهده\اذا انتهيت من المعرض..ولازال الدكتور سمير على وعده..تدري وش معزم عليه..!!
لؤي\ايش..!!
يوسف باابتسامه هاديه\ماراح اقول..اذا جاء ذاك اليوم بتشوف وش بيسوي يوسف..!!
لؤي\وانا وش ينطرني لذاك اليوم..!!
يوسف\صدقني بتنتظر..احنا انتظرنا 11 سنه..ومو كثير علينا كم شهر..!!
سكت لؤي..وهو شاك باأمور كثيره..كلام يوسف كان كله اراده وقوه..!!وكأنه واثق من شيء معين..!!
بس ليش..!!
ليش يحس بالألم على يوسف..وهو قريب منه..!
ليش يحس انه القدر بيعاند..وبيكتب عليه الحرمان حتى من اعز ناسه واللي بقى له بهالدنيا..ليش..!!
ليش هالأحساس يراوده ويعذبه وهو ماآن آوانه..!!
يوسف\تصدق ودي نرجع...لكن الجو بديــع اليوم..!!
لؤي كان سرحان باأفكاره اللي جلبت له الحزن..
يوسف\لؤي
لؤي\هلا
يوسف\علامك..
لؤي باأبتسامه باهته\ماكو شي..سلامتك
000000000






مو طبيعين..انتوا مو طبيعين..!!
ابتسمت راوين لجملة ابتسام..وتسندت على الكنب\ليش تقولين كذا..!!
ابتسام كانت تنقل نظرها بين فجر وراوين وجمانه
راوين كان الحزن لازال يبين بعيونها
وجمانه كانت هاديه على غير العاده
ابتسام\اللي يشوف هالوجيه..تجيه الضيقه وهو فرحــان...امنت فيك يااااارب..وخزت جمانه..جمانوا ووجع كل هذا عشان غلا سافرت عنك..يااختي احنا مالنا رب...!!

جمانه ماعرفت وش ترد على ابتسام..!!
هي من اول مارجعت من عند اخوها وهي بحالة صمت ساكن.على انها حست بالراحه بعد مافضت اللي بداخلها كله لأخوها لكنها لازالت تهوجس وتفكر ..مستحيل تنسى موضوع مرت عمها لطيفه ويوم رجعت تفكر فيه اكثر عرفت انه غيرتها وهمومها اللي تجمعت ورى بعض هي اللي وصلتها لحالة اليأس اللي تعيشه..يعني يكفي انه ضميرها يأنبها على قرارها اللي جنته باأيديها.. وكلام لطيفه كمل الناقص واشعل اللي كان مطفي وينتظر الفوران.

ابتسمت على افكارها وحالته الغريبه اللي تحسها كل مره تزداد..ليتها تلقى حل عشان ترتاح..ليتها ماتجرأت في يوم وافصحت عن مشاعرها لنفسها ليتها كانت جمانه الطفله اللي كل همها بهالدنيا كيف تعيش يومها بسعاده تامه..!!.
و بين هألأمور كلها قلبها كان ينبض وعيونها تسأل وتقول وينه..!!
تحس بالتناقض باأفكارها...مره تتمنى ابتعاده عن حياتها نهائيا..ومرات تتمنى قربه ولاعذابه..!!
والشوق المجنون مو راحمها وهي مو ناقصه مراره..وكل ماتتخيل انه موجود وقريب منها تحمر خجل على مشاعرها العذريه..
وترجع تتمنى من جديد وبكل حنين يكسوها ويغلبها.. انها تحظى بهالليله الطويله بأي خبر عنه
وهي بهالحاله بتظل مكتفيه وشاكره..!!


جمـانه..جمــانه..جمــــــانه.
التفت جمانه لمصدر الصوت ولقت ابتسام محمره بغيض\هـا
ابتسام\ابدا سلامتك..
التفت لراوين\شفيها هذه..!!
راوين\من زمان وهي تناديك وانت سرحانه..!!
جمانه ابتسمت بخجل ولازالت الأفكار تراودها لكن تحاول تتناسها\وانتوا واقفين بالبلعوم..وشفيها يعني اذا سرحت..!!ومثلت العصبيه...اوووووف منكم تبطون الكبدّ
ابتسام وفرحت بتغير نفسية جمانه\هذا جزانا انا نخاف عليك ...صج مو جهه محاتاه..!!
حطت ايدها بخصرها وهي تجيد دورها\اي خوف الله يخليك..قولي لوعه..حامض..اي شي..ثقيل على القلب..!!
ابتسام\ليت غلا موجوده هي اللي بتسكتك..انتي وحده يبيلك ضرب..!!
جمانه بنبره عاليه وهي تقرب وجهها منها\وانت وحده يبيلك كـف..!!
دخلت فجر عليهم وهي ماسكه ريوف بايدها
فجر\خير..شالأزعاج..لاقوموا تضاربوا احسن..!!
جمانه وموهامها ابد\ودي والله بس اخاف برستيجي يخرب..!!
ابتسام قلبها مقهور لكن فرحتها اليوم بوجود اخوها ريحتها وخلقت البسمه بشفاتها وهذا الشي باين بوجهها\هين يالعجوز..بذلك مثل ماذلتيني..!!
جمانه بااستخفاف\باأيش مثلا
ابتسام وتطالعها بنص عين\انتي عارفه..لاتسوين روحك غبيه..
يوم سمعت جمانه جملة ابتسام..حست انه الموضوع بخصوص الوليد..وسكتت..وهي تسرح بتخيلاتها من جديد..
0000000







جوراحها تنطق..وعروقها تنبض على سيمفونية حب هاديه وخجوله
كانت تعيش اجمل لحظات حياتها بقربه وهي ملكه...كانت تقرى قصص رومانسيه عديده وكانت كل ليله تتمنى انها تكون واقع تعيشه معاه بدون خجل وبدون حدود مرسومه..
لكن قصتها هي وياه تعدت كل أساطير الحب وهي تشوفه كل ماله يكون اجمل بنظرها..والخجل اللي كانت تشعر فيه بدى يخف تدريجيا وبدون شعور..وهي تقول ليش الخجل مدام اني مع اللي ابتغيه..!!؟؟
قد ر تركي وبجدارده وبأقل من اربع وعشرين انه يطيح قلب غلا العذري بكل بسهوله وبرضاها وهو يشوف نظرات التقبل بعيونها..
وبهاللحظه هذه بالذات..وبعد ماتغدوا ركبوا قطار كان يدور حول مدينة سيدني ومناطقها.ومايوقف الا بمناطق سياحيه..ولأن تركي هاوي سياحه وسفر وعاشق لرؤية كل جديد قرر يبدأ برحلته بركوب الهيلكوبتر اللي يطل على برج سيدني المشهور والأوبرا اللي بوسط البحر..ويوم عرض على غلا الفكره انصدمت وبدت ترمش بتوتر من خوفها الشديد..
غلا برجاء فظيع\لا تركي..ارجوك ماأقدر..تكفــى..
تركي\وليش انزين..!!
غلا\ياربي تركي...!!..وكملت وهي تحس بالدوخه من الآن..ماأحب المرتفعات..ماأحبها..!!
ابتسم بخبث\اي مرتفعات اللي تحكين عنها..!!انتي ركبتي الطياره ومااظن في فرق بين الأثنين..!!
غلا وحست انه كلامها ضايع معاه\لا في فرق..افهمنــي..!وبعدين احنا تونا ماكلين ...
تركي ومصر على رايه وهو يناظره من تحت النظاره\واذا.!!
غلا لفت وجهها عنه وظلت تناظر المناطق وهي تحس بالخوف والرعب من اللحين
ابتسم تركي على دلعها ..وطنشها..بيركب يعني بيركب..وهي غصب بتركب معاه..
كلها دقايق ووقف القطار..وبدوا ينزلون منه الركاب..
والمنطقه هذه ماكنت تبعد عن ساحة الهيلكوبتر كثير..استأجر تركي تاكسي ووصلوا للساحه وغلا اول ماشفتها حست انه رجولها تخونها وهي تنتقل عينها بين الهيلكوبترات اللي تحلق بالجو..وصوتها اللي يزعج الأذن
وبدون شعور لصقت بتركي اللي كان يحجز التذاكر..وهي تترجاه بعيونها انه يتراجع..لكن تركي كان يناظرها وهو مستمتع بخوفها..
مسكها من ايدها اللي ترتجف ومشى وهو يقول لها\بلا دلع..
قربوا من الهيلكوبتر لمن وصلوا له..تركي التفت لغلا وشافها تناظر أي شي الا عيونه..ركب قبلها واعطاها على طول ايده
ناظرت ايده الممدوده اللي تطالب بقربها..وبلحظه فكرت انها تعانده وتتركه يركب لحاله..لكن لمن شافت نظرات الأصرار والمتعه الغريبه اللي بعيونه..ولمن حست بنسمات الهواء اللي تحاوطها من كل جهه..شعرت بااحساس كبير يجذبها لتركي.. سلمت امرها لله وسمت بالله وتمسكت بايده وهي تناظر الله ثم تناظره..
شدها تركي له..وركبها جنبها وهو يطمنها بنظراته..وطارت الهيلوكبتر لتحلق بالسماء وتعلن للكون وللبشريه انهم احلى اثنيــن..







غلا كانت طول الوقت مغمضه عيونها وخايفه ومتمسكه بذراع تركي اللي اول مره تكون قريبه لهالحد..
ومو حاسه بنفسها...ولا بحاسه بتركي اللي كان عايش متعه جديده..متعه مثيره..متعه لها طعم ثاني بنظره..
دائما وابدا متعة الحلال بتكون غييير..بتكون اهدى للنفس واريح للبال..بتكون صافيه مثل الشمس وطاهره مثل اللولو المكنون..حتى لو هالشخص تعتريه الذنوب من ساسه لأخمص قدميه..بتكون متعه حقيقه مايستشعر فيها الا اللي يجربها بحلوها ومرها..
جرها تركي اكثر لصدره..وهو يتمنى لو هاللحظات هذه تطــول وماتنتهي...!
شعرت غلا بقربه..وفتحت عيونها بخوف..واول مافتحتها التقت بعيون تركي الهايمه..غمضت على طول لكن تركي منعها بصوته\فتحي غلا....فتحي عيونك..
غلا بهمس\لا لا
تركي بحيره\ليش..!!
غلا\خايفــه..
تركي\من ايش..!

احتارت.شتقول له..تقول خايفه من المكان..والا تقول الحقيقه اللي هي خايفه من عيونه ..خايفه من نظراته اللي كل مالها وتخترقها وتضيعها..!!
تركي\غلا
فتحت غلا..وناظرت تركي اللي ابتسم لها بحنيه..
مسك ايدها ولف للنافذه اللي جنبه\شوفي المنظر.بيعجبك..!!
قربت غلا اكثر وشافت انهم تحت البحر..وخافت اكثر\لا تركي بنطيح..!!
ضحك تركي..ضحك من كل قلبه..وهذه اول مره غلا تشوفه يضحك..وبدون شعور سألته\وليش تضحك..!!
تركي\هههههههههه اضحك على جنونك ههههههههههه كيف نطيح..!!
انحرجت غلا ورمشت بتوتر\مافي شي مستحيل..فرضا طحنا..مايسوى علينا..!!
تركي\اتركي عنك هالتهيأت..وناظري الأوبرا..!!شرايك فيها..!!




غلا بغرور\حليوه
تركي ورفع حاجب\لا والله
غلا\انا احلى..!!
ناظرها تركي نظره طويـله..سكتتها..وتمنت انها مانطقت..بس هي متهوره وغبيه بعد..
تركي \وانتي تشكين بنفسك..!!؟
غلا ورمشت\ها..
تركي بهمس\ولاشي..
0000000000






مشاغـب وشقي..ومستحيل يجلس في مكان واحد
ولأنه مافي احد بسنه يلعب معاه والأهم انه مافي بلابشتيشن في البيت..وريوف محتميه في البنات وجالسه معهم...والوليد تركه لأنه طلع مع الشباب ومارضوا يطلعونه معهم....قرر يونس حاله بنفسه..!!
وبسبب حبه للأستكشاف..والتطلع لأي شي مجهول بنظره
طلع فوق بعيد عن عيون الكل ورجوله جرته لباب كان نصه مفتوح..
دخل الغرفه وبشفاته ابتسامه شيطانيه..رفع خصلات شعره المتناثره بشكل متساوي على جبينه وقرب من باب نافذة الغرفه اللي عجبه منظرها..حاول يفك الباب بايده الصغيره..لكن الباب كان مقفول بااحكام..وبسبب شوقه لرؤية الباقي حاول مره ثانيه وثالثه وهو يرص على اسنانه بشده..لمن طلع صوت وانفتح الباب الزجاجي
توسعت ابتسامته..وظحك لمن بانت اسنانه..وهو يشوف الحديقه والأنوار اللي مشتغله..
وتمنى بداخله لو غرفته بداخلها نافذه تطل على الحديقه..بيظل طول اليوم يلعب فيها اكييد..!!
ولمن شبع من المنظر..طلع وهو يسكر باب النافذه عشان محد يكشفه..
وعيونه كانت تجول باأرجاء الغرفه كلها..كان وده يظل اكثر بس خاف احد يدخل عليه وينفضح..
وكان احساسه صائب..دخلت عليه فجر وشكلها مستعجله..ويوم طاحت عينها عليها تفاجأت
قربت منه وعيونها كلها تساؤلات\عزيز
عزيز عرق جبينه وكان يناظر أي شي الا عيونها..ويحاول يخفف عرقانه باأيده الصغيره
فجر وبدت تطرح الأسئله\شقاعد تسوي..!!
عزيز وعيونه اخير استقرت للأرض وبصوتها الخشن\ولاشي
تفهمت موقفه فجر وكيف ماتفهمه وهي تدرس بروضة اطفال وحست باحراجه وهي تشوف وجهه كيف انقلب احمر.....قربت منه اكثر وهي تمسح على شعره الناعم اللي عجبها كثافته
فجر\عزيز
عزيز رفع عينه\نعم
فجر\ياحلوها من ثمك الصغير كلمة نعم....ومسكت ايده... تعال اجلس..
جلسته على السرير..وفتحت درجها وهي تطالعه وتبتسم لها وهو يشوفها ومنحرج منها ولا كأنه عزيز المعروف بمشاغبته..
طلعت علبة جواهر جلاكسي من الدرج..وجلست جنبه وفتحت العلبه
فجر\تحبه..
عزيز يوم شاف علبة الجالكسي ماقاوم واخذ وحده بهدوء..واخذ الثانيه بخجل
فجر \تبي بعد..
عزيز وهو يفتح الجالكسي وياكل وهو يكلمها\عادي تعطيني..!!
فجر باابتسامه حنونه\اكيييد..ومدت له العلبه كلها وهو على طول فتحها وبدى ياكل وحده ورى الثانيه وهي تتأمل كل ش فيه..عيونه..حركاته العفويه..كل شي كانت تتأمله..!!
كثير كانت تحاول تتجاهله..وتصد عنه..لأنه كان يشبه يوسف كثير..وهذا الشي مايختلف عليه اثنين الكل يشهد بالشبه الكبير سوا كانت بالملامح او الأسلوب..!!
ولأنها ماتقدر تناظره بسبب ذكرى يوسف كانت ماتحتك فيه..على انها تحب الأطفال وتموت فيهم وتعمل المستحيل عشان تخلق البسمه بشفاتهم لكنها ماتقدر على شوفته..تحس بالألم وبنفس الوقت بالأمل.
ماتبي تنجرف اكثر وتتخيل المستحيل..!!
ماتبي تعيش ذكريات وطفوله قديمه..!!اللي فيها كافيها ووجود عزيز بقربها رجعها لسنين حلوه ومره اندفنت مع مرور الزمن..


تعالي..!!
فجر بعتب وهي مكتفه ايدينها الصغيره\ماأبي..!!
وقف قبالها وهو يختلق العصبيه\قلت لك تعالي..وكلمة الرجال ماتنعاد..!!
رفعت عينها له بتحدي\وانا اقولك ماأبي..فكني..ابتعد عني؟؟!ماأبي العب معكم كلكم غشاشين..
يوسف يحاول يخفف نبرة صوته وهو يرص على اسنانه\متأكده..!!
فجر\ايه متأكده..انت واحمد غشاشين..
يوسف ويحاول يخوفها بعيونه اللي تخزها وبان كبير وهو ماتخطى 12 سنه\طيب يافجر..ومشى عنها ويوم بيطلع التفت لها وهو يحاول يخفي ابتسامته...شوفي بعدين مين بياخذك غيري..بتظلين هنا وبروح عنك...
<<<<<<<<
"صادق يايوسف..ظليت لوحدي هنا وانت اللي رحت عني ...قولي وينك وبجيك..ليتك..بس ليتك تعرف اني لازالت انتظرك"
فجــــــــر
التفت فجر لعزيز اللي صحاها من ذكرياتها القديمه..ابتسمت له بحزن مخفي وهي تناظر عيونه
تحاول تلقى يوســف فيها...لكنها مالقت غير انعكاس صورتهــا
"وهم يايوسف...صرت وهـــم.."
00000000000


الفصل الثاني
بدايـة الطريقــ..
--------------------





يومهم كان طويل ومليء بالمواقف اللي كل مالها وتقربهم من بعض.. وعلى انه متعب ومشقي لكن استشعروا بطعم حلاوته
انتهى مشوارهم بعد ماتعشوا بمطعم يقدم مااكولات صينيه حاز على اعجاب غلا ورجعوا الفندق
وعلى طول تركي رمى نفسه على السرير..وغلا واقفه تناظره ومتردده تتقدم أي خطوه..وكل الخجل اللي توقعته انه اختفى رجع مره ثانيه وبقوه..
طاحت عينها على التلفون وتذكرت انها ماكلمت اهلها
غلا \تركي ممكن اكلم اهلي..!!
تركي كان مغمض عيونه من التعب\اكيد
استقلت غلا وضعيته وخذت التلفون وطلعت من الغرفه وظغطت على رقم بيتهم
غلا\الــوا
جمانه\غــلا
غلا والفرحه تسللت لقلبها\جمـــون..والله...والله وحشتيني...!!
جمانه وهي تصارخ\حتى انا ياحماره رحتي عني وخلتيني...غلا شخبارك وشمسويه..!!
غلا\انا بخير ماتتخيلين شكثر انا مرتــاحه.....وخف صوتها..جمون بموت فهمتيني..!!
جمانه تناظر البنات اللي مزعجينها\فهمتك ياقلبي والله ليتني جنبك اللحين..اقول غلا خذي فجر تبي تكلمك ..انا بكلمك بعدين
غلا\ اوكي..عطيني اياها بسرعه..بسرعه
00000000





حياتها اصبحت بدون طعم..ويومها يمر وهي ماتحس بقيمته
وقتها يمضي..يمضـي بدون هدف..
ونفسها الندامانه متحسفه على كل شي جرى بغير رغبتها..
صارت معزوله عن الناس..والتجمعات نادر ماتحظرها...وحتى اهلها..ماقامت تحس انهم اهلها..
محد بيفهمها..ولا احد حاول انه يحسسها بالأمان وراحة البال..!!
والسبب مجهول..وغير معروف..هل طلاقها اثر على نفسيتها والقدر ارغمها على الأنعزال..!!؟
او روحها التعبانه هي اللي جعلت الناس تنفر منها..!!؟
سميه بعد مللها اللي اصبح روتيني..طلعت من دارها وجلست تتفرج على التلفزيون تضيع فيه وقتها لمن يجون اهلها من بيت عمها..
هي كانت ناويه تروح اليوم..لكن فكرة غلا وعرسها لازالت في بالها من امس...
كل ماتتذكر شكلها واناقتها اللي مابعدها اناقه تموت غيره ويشتعل قلبها من القهــر والندم..واللي زاد الطين بله..حظور تركي ولد عمها اللي ماكان اقل جمال من غلا..وكانوا مثل اللوحه الخارقة الجمال ابدعها الخالق..واصبحوا ثنائي حازوا على التميز من قبل الجميع..
وبهالذكرى ظلت بالبيت تندب حظها العاثر..
دخل عليها طلال اللي كان توه واصل بعد طلعته مع الشباب..
طلال باابتسامه طيبه\السلام عليكم..
سميه\وعليكم..جات معاك امي..!!
طلال وجلس على كنب قريب منها\لا بيجون مع ابوي....ليش مارحتي معهم...!!
سميه واعتفست ملامحها تدريجيا\وليش اروح..!!
طلال\والناس ليش يروحون يعني..!!
سميه \انت اللحين تسألني..!!
طلال بمزحه المعتاد\اجل أسأل امي..!!
سميه وقامت من مكانها\لاتفكر انك خفيف دم....مو زين عليك هالخفه..
طلعت سميه لغرفتها..وتركت طلال مصدوم منها..
كلته بقشوره..هذه جزاه انه يمزح معها..!
طلال\امحق اخت...ربي لك الحمد..
000000000







جرتها من طرف بلوزتها البيضاء ودخلتها غرفة الحريم اللي كانت فاضيه
جمانه اعترضت ..وعصبت من هالهمجيه ابتسام
جمانه بصوتها الخشن\عنز..عنــز شايفتني عنز قدامــك...
ابتسام بفرحه اغمرتها\واحلى اعنز شفتها بحياتي...!!
جمانه رصت على اسنانها\صج انــكــ
ابتسام\هــا ..ها وش بتقولين حبيبتي..!!
جمانه هدت وعدلت كم بلوزتها \ولا شي..اصلا انا احاول اتحفظ بهالكلمات..
ابتسام\فديت اللي يبون يتحفظون..من وين هالأدب طلع لك..!!
جمانه\والله اني معطتك وجهه ..
ابتسام\تونا نمدحك...!!صبري شوي خليني اصدق انك تغيرتي..
جمانه \بلاهذره..وقولي لي وشفيك جارتني لهنا..!!
ابتسمت ابتسام.وهي ناويه على جمانه..
ابتسام\جمــون..
جمانه\ياملقك..قولي خلصيني..!!
ابتسام\ياأختي استحي على وجهك..انا اكبر منك...!
جمانه\زين..زييين..قولي..
ابتسام\والله لأذلك ..
جمانه وماقدرت تكابر والفضول بدى يلعب دوره\ياربي بسوم حرام عليك.
ابتسام وترفع حاجبها بغرور\توك مو مهتمه..!!
جمانه بنبره باكيه\مين قال..!!
ابتسام\اسلوبك يبوح..!!
جمانه وبدت تتملل\ياربي منك..!!
ابتسام\وتتذمر بعد..!!
جمانه وتغمض عيونها بعصبيه\تكلمــي...!!
ابتسام\ياشين اللي يتأمرون..!!
جمانه\ابتســــــــام.
"جمــانه"

التفت ابتسام وجمانه للصوت اللي وراهم
جمانه\ها يمه..
هند كانت واقفه ولابسه عبايتها\يالله بنروح البيت..!!ابوك له ربع ساعه واقف بره..
جمانه كانت هاللحظه بتصيح من القهر..
جمانه برجاء\يمه شوي..!!
هند بنبره عاليه\اي شوي..بسرعه وريني طولك..ابوك معصب..
جمانه التفت لأبتسام اللي كانت حابسه ظحكتها..
ناظرتها نظره سريعه تحمل الحقد الي كان بقلبها..وقامت عشان تطلع..
جمانه وهي ترص على اسنانها\بينا كول اوكي بسوم..!!
بسوم بدون اهتمام وهي تناظر عمتها اللي واقفه ومعصبه\يصير خير روحي اخرتي عمتي....
00000000000







بعد ماسكرت من امها اللي كلمتها بعد فجر..سمت بالله ودخلت الغرفه..وطاحت عينها بشكل لااردي على تركي اللي كان معطيها ظهره..ويوم حست انها طولت بوقوفها دخلت الحمام بعد ماخذت ملابسها تاخذ شاور وهي تفكر كيف هالليله بتعدي..!؟

بعد ماخذت الشاور اللي طولت فيه وهي تحاول ترتب افكاره وتتهيأ للخطوه الجايه..حاولت تستمد شوي من الجرأه وتقوي نفسها وتطلع..!!
لكنها ماقدرت تتحرك أي خطوه..ظلت فتره واقفه بداخل الحمام.. ومو متجرأه انها تفتحه..
حاولت تشغل نفسها بأي شي غير اللي في بالها..!!
فكرت باأمها وابوها واشتياقها لهم..!!فكرت بالبنات..فجر وجمانه والبقيه..
فكرت بدراستها..والجامعه وبكل شي..وحاولت وحاولـــت...لكن عبث..!!
ماتت قهر من خجلها اللي مو بوقته ابد..وغصبن عنها طلعت من فمها كلمتها المعتاده وهي تشد على شعرها اللي فاتحته.. "ياربــي"

رجعت لمراية الحمام وهي معزمه انها تطلع..وناظرت نفسها للمره الأخيره..حلوه...وزادت حلاه بالقميص الأبيض اللي على لون بشرتها..!! وطلعت بسرعه قبل ماتتراجع..ويوم لقت نفسها بالغرفه..شافت تركي على نفس وضعيته..وهذا الشي ريحها..على الأقل بيخف توترها..لكن اللي استغربت منه انه الأضاءه كانت خافته..هي قبل ماتطلع كان نور الأضاءه واضح بالغرفه..
لكن هالشيء ايضا كان لصالحها..وبكذا بدت تتشجع وتتقرب من السرير ببطء لمن وصلت له..
مالت بجسمها على السرير..واخيرا جلست براحه يوم سندت راسها على المخده..وماوحى لها تهدأ انفاسها الا بحست بشي يجرّهــا.........!!
0000000000000








كل شي اشتاق له..ومن كثر شوقه مو قادر يغمض عينه وتخترب اجمل صوره تشوفها عينه
توه كان مع احبابه اللي حاوطوه وفرحوا بجيته ..توه كان يشوف نظرات الحزن والأشتياق من ربعه والطاقم كله..كانوا يبونه يرجع ويكمل حلمه اللي مابدى..كانوا يبونه بينهم..بروحه المرحه ولعبه المميز..!!
كانوا يرجونه بكلماتهم التشجيعيه..ونظراتهم المتفائله للرجوع..!!
لكن ماكان فيه غير الأسف..والأسى ..وحلم مشرق يلمع بعينه...!!
يناظر الملعب من كل زواياه وهو واقف بوسطه..ويتحسر وويقول"آه على حلمن مضى"
يرفع عينه للسماء واشعة الشمس تضرب على ارضية الملعب وتنورها..
والعشب الأخضر الزاهي معطيها حيويه وراحه للنفس وخصوصا لأنه اللون الأخضر لون الجنه..
تطيح عينه على المرمى ..والمدرجات.. وألأنوار..والكور اللي بكل جانب وغصبن عنه يحن لأيامه الحلوه..
رمى نفسه بكل قوه على الأرض والعشب الأخضر يداعب جفونه اللي حرقتها دموع ضايعه محتاجه مين يوصلها لدار امينه تسعد قلب الوليد وتريحه..
ليته ماترك حلمه..وليته ماسافر..وليته كان هنا بين اهله وناسه
وليته ماسمح لنفسه التايه انها تستسلم لأحاسيسه اللي خانته
ليته كان الوليد الصغير اللي بحظن امه وابوه..وبقرب اخته واخوه
ليته ماكبر..ولا نمت نسمات الهوى اللي تبحث عن يوسف..!!
ياليت..وياليت...وياليت..
ماتنفع ياليت اليوم..!!
بأيدك امانه يالوليد ولازم توصلها..!!

رجع البيت وروحه كانت هناك عندهم..بملعبه..وباأرضه..وشاف عزيز كعادته يلعب كوره وهالمره باابتسامه اشرقت وجهه الطفولي..وشاف الفرق بين اول امس واليوم..وراحة البال مرسومه بملامحه..
زاد حفوزه وهو يشوف عزيز يحاول يسدد الكوره بالملعب وماحس بنفسه الا بغرفته يبدل ملابسه ويلبس زي الأتفاق الرسمي..
ناظر نفسه بالمرايه..!!

ياهو مشتاق لهاللبس..ياهو فاقده وفاقد لونه..معقوله يقدر يرجع يلعب بكل نشاط.
وين طموحاته واردته انه ممكن يكمل في الخارج..
معقوله كل هذا ضاع..والا هو اللي حاول ينسى آماله..!!
نزل من على الدرج بكل حيويه ونفس الأحساس اللي كان يحس به وهو يستعد لمباره جديده ويطلع للملعب عشان يقابل جمهوره كان يعيشه وهو يطلع للحوش لعزيز اللي من شافه صفر تصفيره طويله تدل على اعجابه بالوليد..
خذ منه الوليد الكوره وهو غافل بتأمله فيه وينتظر أي حركه من الوليد..!!
ركزها على الأرض وعاش لحظات طويله مع نفسه
هل هو قادر يرجع مثل اول..!بنفس الحماس ونفس الموهبه..!!
هذه الكوره قباله..قدر يسترجعها بنفسه بعد هجر طويل منه ..واللحين تنتظر صحبته !!صحبته اللي ماوفا فيها!!
اكيد يقدر...!!
وليش مايقدر...!!
مشى بالكوره بسرعه كبيره ماتصورها..!!وحلمه كان يشوفه مثل النور قدامه..!!
وحس انه رجع الوليد الهاوي..
ويوم حس عزيز بضياع الكوره لحق الوليد وهو يصرخ باأعتراض..والوليد يضحك عليه ويلهث ويحاول يسرع للمرمى ويسدد اول هدف...
ضرب الوليد الكوره بالمرمى من بعيد وصرخ بفرحه ورجع لعزيز اللي كان مو اقل فرحه منه وحظنه ورفعه لفوق وهو يحس انه استجرع احلى لحظات عمره بزيه اللي اندفن وانكتب انه يكون اجمل ذكرى...!!
0000000000




الأوراق متناثره من كل صوب في مكتبه..يحاول يخلص قدر اكبر لكن مو مركز ابدا وخصوصا وهو يسمع صياح بنته اللي منتشر صداه بكل البيت..هالوقت هذا المفروض يتواجد بالشركه ويشرف مع مدير الماليه على الميزاينه..لكن عناد بنته وتشبصها فيه ارغمه يكون معاها بااغلب الأوقات..!!
ريوف في مرحله صعيبه بهالسن..والتذمر والبكا الشديد اصبحت عاده من عادتها اليوميه..!!
وعبدالرحمن ماكان عنده حل مريح..!!يحاول يهديها ويفهمها انه قريب منها..لكن هي كل مالها وتزيد اكثر..!!
كانت فاقده حنان من نوع ثاني كانت محتاجه لشخص ممكن يفهمها ويحسسها بالحب!!..وكان تعبيرها هو بكاءها المتواصل...!عبدالرحمن ماقصر عنها..لكنها تبي أم
ام تمسح دموعها البريئه..وتحظنها وتعطيها ألأمان اللي ماقدر عليه ابوها...
ريوف هاللحظه دخلت على ابوها المكتب ورمت اللعبه اللي بأيدها بكل قوه على الأرض ورجعت تصيح
عبدالرحمن شعر بدخلتها وقط القلم على الطاوله بضيق
عبدالرحمن\شفيج يابابا..!!لازم يعني هالحركات كل يوم..!!
ريوف وعيونها حمر من كثر الدموع\ليث.!!ليث جالث هنا..تعال معـــاي
عبدالرحمن وعقد حواجبه\ليش,,!!..وتنهد بصوت مسموع..والله انك دلع سكتي خلاص
ريوف وعاندت\ماأبي..
عبدالرحمن برجا\حبيبي
ريوف وتناظره بطرف عينها ومتجمده في مكانها\ماأبي..ماأبي
قام عبدالرحمن من كرسيه ورفعها بخفه وهي زعلانه ورافضه الحركه..
جلس على الكرسي وجلسها بحظنه..اخذ ورقه وقلم من الدرج واعطاها اياه\يالله نرسم
طلعت ابتسامه منها غصبن عنها..لكنها ظلت ساكته..
جلس معاها على الأرض..وبدى يرسم بيت صغير وجنبه صورة بنت
ريوف كانت تناظر الرسمه وهي فرحانه انه ابوها قريب منها ويلعب معها ويرسم لها..وبدون شعور سألته\منو هذه..!!
عبدالرحمن\هذه الحلوه..!!
ريوف ببراءه وهي تناظر ابوها\منو الحلوه..!!
عبدالرحمن بابتسامه حنونه\حبيبة ابوها ريــوف..!
ريوف ظحكت بين دموعها وفجأه نطقت\انت حبيبي..
ضمها عبدالرحمن لحظنه\قوليها ثانيه
ريوف ولازالت تضحك بحظنه\حبيبــي..حبيبي..حبيبـــي
عبدالرحمن وظحك لظحكتها\حبيبتي والله
قدر عبدالرحمن يمتص زعل بنته وتضجرها الممل..وتركها ترسم على ألأرض..ورجع لأوراقه وعينه كل مالها وتطيح على بنته الفرحانه برسمها..
------------





فتحت عيونها على صوته الشجي اللي حاول يوقظها من النوم وهي مو حاسه بنفسها وودها لو تستمتع بنومتها اكثر..
ويوم ركزت..وتذكرت اللي صار بليلة امس غمضت عيونها من الخجل اللي شعرت فيه ورفعت الفراش لوجهها وهي تخفي ابتسامتها الخجوله
رفع تركي الغطاء عنها بنعومه وهي تحاول تجره منه وهي مغمضه وصارت معركه بينهم هو يجره مره وهي تجره مرات لكنه كان اقوى واسرع منها وقدر يشوف وجهها اللي حاولت تخفيه
تركي\بنطول يعني..!!
غلا\..........
تركي\خلاص قومي ... وهمس بنبره غريبه ...
غـلا
فتحت عيونها وناظرته وحاولت انه ماترمش وتركز بملامحه اللي كانت قريبه..وسرحت غصبن عنها
لكن وقظها صوت تركي اللي جاء بوسط الهدوء
تركي\صباح الخير
غلا برقه\صباح النور
تركي بنفس النبره\بتقومين..!!
غلا\اممم
وطت راسها وقامت من السرير وهو اعتدل بجلسته وابتعد شوي عشان تمر
طلعوا من الفندق ودخلو اقرب كوفي..وطلبوا قهوه وكروسان كان حار
غلا كانت تاكل بصمت وماكانت متجرأه تفتح حديث مع تركي واكتفت بالرد عليه بردود بسيطه ومختصره يمكن لأنه حتى هو مختصر كلامه وحديثه!!..وكل ماطاحت عينها عليه شافته يناظرها من ورى نظارته الشمسيه البنيه اللي كانت شفافه ..وحتى اكله لسه مالمسه..
حاولت كذا مره تلهي نفسها بألأكل..وتناظر أي شي الا عيونه..لكنها توترت وبدت ترمش بكثره..وتظغط على المنديل اللي بايدها..وتمسح فيه شفايفها بعد القهوه اللي شربتها..وظلت تمسح فيه بااستمرار بدون شعور وهي ترمش..!!
ويوم حس تركي انه وترها ولاحظ عيونها اللي ترمش بااستمرار وهذا كان مبتغاه...شقد تطلع بريئه وهي ترف عينها..!!ابتسم ابتسامه جانبيه وبدى يشرب قهوته بدون مايضيف سكر..
غلا انتبهت عليه..وماقدرت تمنع نفسها من السؤال
غلا بصوتها الناعم\تحبها ساده..!!
تركي وحاول يقلد نبرة صوتها بس ماقدر وهدى صوتها بدون وكأنه يهمس\مااشربها الا ساده..!!
غلا قطبت بفضول\ليش..!!
تركي\ماأدري..بس اللي اعرفه اني احبها كذا..
غلا وحست باللوعه \ ياربـي..ماأتخيل...وابتسمت وهي تزم شفايفها..مااتخيل اشربها مره..
تركي وعجبه الموضوع وكلماتها العفويه\جربيها..وصدقيني بتحسين بطعمها...
غلا\لاتحاول..مستحيل..
تركي دخل بموضوع ثاني وهو يحس بالصداع فجأه يجتازه\اوكي..وين ودك تروحين اليوم..!!
غلا\ماأعرف..براحتك بضيق
تركي \نروح نتسوق..
غلا وغصبن عنها ابتسمت بفرحه لأنها تحب تتسوق\فكره حلوه..
تركي\اكيد تحبينه..!
غلا ورمشت\كيف عرفت..!!
تركي ناظرها من فوق لتحت \واضــح....مايبي لها تفكير..

سكتت وهي تعرف انه يتعمد يحرجها..لكنها مع ذلك تحس انه حبه يزيد..يزيد لدرجة الهيـام
وحتى بنظراته الجريئه تحبه..وودها لو تقول له..وترتاح..تحس انها اذا قالت له بتتحرر وبتطير لسماه
وبتكون اميره له..لوحـده..

طلعوا من المقهى وتسوقوا لأي محل يصادفهم ويعجبهم..لمن وصلوا لمجمع هاربد سايد






عجبها غلا محل صغير معروضه في اكسسوارت .وهي تموت على شي اسمه اساور ..
كان ودها تدخله بس حيائها منعها..!
وماحست الا بتركي جرها من ايدها الصغيره ومدخلها محل ملابس ..
دخلته ونست شي اسمه اكسسوار وهي تشوف البدل المعروضه..وتوها بتلمس خامة التيشرت الا شافت شي احمر قدامها..
كان تركي ماسك فستان احمر شيفون ومكسي..وفيه ترتر ابيض ناعم..ناظرته ولقت الأبتسامه بشفاته
تركي\شرايك..!!
غلا بعفويه وهي تناظر الفستان اللي ابهرها\نعوم
تركي\اوكي..كملي جولتك..انا عند قسم الرجال..
مشى وهو لازال ماسك الفستان..وغلا استغربت بسالفة الفستان لكنها قالت بالأخير انه اكيد لراوين اخته..
مرت بكل المحل..ولقت اشياء كثيره عجبتها..وودها لو تشتريهم..بس مو قادره..مشت لتركي اللي كان يدور بين جينزات ..وشكله يدور مقاس له..قربت منه..وصارت ورى ظهره..وهو ماحس فيها ويوم خلص وخذ اللي يبيه لف وشافها
تركي استغرب\خلصتي...
غلا\ايه
تركي\وين اللي شرتيه..!!
غلا بااحراج\ماعجبني شي..
رفع حاجبه تركي وطنش..ومشى وهي مشت وراه..حاسب للكاشير وطلعوا..
وطاحت عينها على نفس محل الأكسسوارت..وحست بالغصه..ودها تدخله..بس كيف.!!
كان يناظرها تركي بدون ماتحس..!!وعرف انها ودها بهالمحل..جرها مثل كل مره باأيدها ودخلوا..
ناظرته من طرف عينه بحب وامتنان..ورجعت تناظر الأكسسوارت اللي احتارت من بينهم وش تختار..والا ايش تخلي..!!
خلاها تركي على راحتها وفك ايدها..وجلس على اقرب كرسي وهو يناظرها من ورى النظاره..!!ويراقب حركاتها وهي تتجول بالمحل..!!

بألأخير وبعد مدى شوي طويله..اختارت غلا بالغصب اسورتين عرضتين..وحلق حديدي له 3 دوائر بنفس الحجم ماعدا الدائره الأخيره..وهي لو دها تشيل المحل كله بس احترمت نفسها..!!
لكن المشكله مو عارفه تختار أي لون..!!
كان له لونين..نحاسي غامق..وابيض زاهي..
قام تركي من مكان..ولاحظ حيرتها..!!
وهي قررت تتجرأ وتسأله
غلا\اي لون احلى..!!
تركي وتوهق فعلا\كلهم حلوين..!!
غلا ابتسمت..وسكتت..
تركي..يوم حس بسكوتها..خذهم من ايدها
تركي\ليه الحيره..!! كلهم لك..
-------------------












قولي ذبحتيني؟؟
ابعدت سماعة التلفون عنها..وظحكت بشكل هستيري على هالطفله اللي تكلمها..ويوم حست انها اوكي وتقدر تكملها قربت السماعه منها..
ابتسام\ومسويه نفسك بو زعم مو مهتمه..!!
جمانه كانت ترص على سماعة التلفون من الغيظ وهي تقول"ياصبر ايوب"
جمانه\بسوم..ليش تذليني؟؟!كملي سالفتك وش قال بعدين؟؟
ابتسام\عشان تعرفين كيف تسوين روحك كبيره علي..!!وبعدين تعالي انتي مو مهتمه..ليش معصبه..!!
جمانه وحاولت تهدي نفسها..وتنتقي كلماتها\السالفه مو سالفة اهتمام..حطي نفسك بمكاني ..لو احد تكلم عنك..اكيد ودك تعرفين وش يقول..بغض النظر عن الشخص..صح والا لا..!!
ابتسام\صح..
جمانه\حلو..كملي حبيبتي..
ابتسام\شقولك ماقال شي بعدها؟؟سألني شخبارها. وقلت له هي عند اخوها..وابتسمت..بــس..
جمانه بخيبة امل\بس..!!
ابتسام\بس.. تصدقين والله حركات رجعنا لذكريات اول..انتي وياه احلى مجانين عرفتهم..مواقفكم لاتنسى..!!
"وش فايدة المواقف مدام القلب مجروح ياابتسام"
ابتسام\اقول..جمون..
جمانه بهدوء\هلا
ابتسام\تدرين كم باقي على العيد واحنا لسه ماشرينا..
جمانه"فاضيه ياابتسام..انتي فاضيه"\بالطقاق....وتنهدت.. مو مهم..
ابتسام\الحمدلله ..انا عندي كم بدله مالبستهم..والله ماأحس انه في عيد..يمكن لأنه كان عندنا زواج غلا..
جمانه وضاقت نفسه وهي ترفع غرتها لورى اذنهاا\يمكـن..بسوم
ابتسام\هممم
جمانه\متى بتجون..!!
ابتسام\مدري جمانه..شكل مرت ابوي بتروح بيت اهلها..
جمانه\اوكي ماأطول عليك..
ابتسام\وين..
جمانه\راوين تنتظرني تحت من زمان..!!
ابتسام وتمنت انها معهم لكن وش تسوي بمرت ابوها\زين مع السلامه..
سكرت جمانه التلفون..وهي حايره..!!
مو عارفه وش كانت تبي تسمع من ابتسام..!!
امنياتها وصلت لشي اكبر..لأنها كانت تبي الكثير عشان ترتاح..!!
-------------






راسه ثقل..وطاقته كلها انتهت وهو ينتقل بشوارع ومجمعات سدني
واثر هالشي على وجهه اللي ظل مشدود بسبب اعصابه والصداع اللي لازمه
ولأنه غلا كانت غرقانه بالحب وباأحلامها الورديه اللي تحققت
مالاحظت ابدا..لكن برجعتهم المبكره للفندق وبعد ماتعشوا
جلس تركي على الكنب بتعب ورمى مفتاح الغرفه وتلفونه بألأرض.. وهو يمدد رجلينه بالطاوله اللي جنبه وبان قد ايش هو طويل..لمحته غلا ودخلت الغرفه تبدل ملابسها..ناظرت ساعتها وشافتها 8....!! يعني دخل العشاء وهي ماصلت المغرب تحسفت انها ماقالت لتركي يوقف بأي مكان عشان يصلون..هي بالموت طلعت من لسانها يوم طلبت منه انهم يصلون الظهر والعصر جمعا..ويوم دخل وقت المغرب ماقدرت تقول شي وتوقعت انه هو اللي بيذكرها...لكنه ماتذكر..!!؟؟

دخلت الحمام وتروشت على السريع ..وصلت وهي تستغفر ربها..
ويوم خلصت..احتارت و ش تلبس...!!وبالأخير استقرت على برمودا حريري لونه نحاسي..وتيشرت اصفر وتذكرت ساعتها جمانه اللي تموت على الأصفر..!
رفعت شعرها على فوق وحطت شدو اصفر بدون كحل..ومرطب على شفايفها

دق تلفون تركي... واكنس راسه للأرض..وابتسم بوهن وهو يشوف المتصل مبارك.. رفع التلفون ورد عليه على طول..
تركي\هلا
مبارك\عااااااااااش من سمع هالصــــوت..هلا فيك هلا..شخبارك..!
رجع تركي جسمه على ورى\تمام..انت وش اخبارك..واخبار الشغل..
مبارك\كل شي تمام..لاتحاتي..والشغل ماشي على اكمل وجه..بس ينتظر جيتك....
ابتسم تركي بتعب وهو يشد باأصابعه على جبينه الحار\زين والله..على كذا خلاص مو نازل الرياض..
مبارك\ههههههههههههه لاتخاف مستحيل اصدقك..الشغل صار يجري بدمك..

ظحك تركي..وكمل حكيه مع مبارك..والتفت لاارديا بجهة اليمين وشاف
غلا اللي توها طالعه من الغرفه..
ناظر بلبسها اللي دوم يعجبه..وتذكر الفستان اللي شراه لها..اشر لها بأيده انها تجي جنبه..وهي شافته وقربت منها..
مسك ايدها وجلسها جنبه..ولصق فيها بدون مايناظرها..وهي استحت وكان ودها تقوم لكن حست انها تجمدت يوم طوق ايده بخصرها..
تركي\اوكي..مو مشكله عندنا من هالنوع كميه كبيره..خلاص..سلام..


غلا\منوا..!!
تركي وتنرفز\ليش تسالين..!!
غلا تفاجأت من رده الجاف\لا بس..
تركي\على العموم هذا صديقي..تقدرين تقولين انه صديق العمر..
غلا وهي ترمش\اهـا
ناظر عيونها..والأصفر اللي معطيها انوثه كبيره..يحب يتأمل فيها..ويحب يناظر عيونها اللي حسها كلها برائه وهي رفعت عينها وناظرته..حست انه كل مالها وتفقد السيطره ..مو قادره تتحكم بنفسها ولا حتى ترمش والجو اللي بينهم كان هدوء وماينسمع غير صوت انفاسهم اللي معطيه حميمه على الجو
وفجأه عقد تركي حواجبه والصداع بدى يضرب براسه..
انتبهت له غلا وبسرعه تكلمت\تركي..فيك شي..!!
تركي بضيق واضح واحتد صوته\صــداع ..احس بصداع بيذبحني..!!
غلا قامت بسرعه\بروح اجيب بندول..وقبل ماتمشي مسكها تركي
تركي\لا ..وغمض عيونه..ماأبي..
غلا تجاهلت معارضته\صدقني بترتاح..ثوانــي بس..

راحت غلا للغرفه..وتركي لازال مغمض عيونه..حس انه يوم غمض بدت ترتخي اعصابه شوي..لكن الألم لازال موجود..وهو يعرف السبب..
السبب واضح مثل وضوح الشمس..له يومين ماشرب..وجسمه تعود على الشـرب
واذا ماشرب الليله. اكيد ماراح يحصل خير..!
--------------




مجتمعين الشباب كلهم في البيت الكبير..وبالتحديد بالصاله الداخليه..وكانت الجمعه روعه وخصوصا انه الكل تقريبا موجود..
سلطان..الوليد..طلال..هيثم..والجد والجده وهند..الكل كان مجتمع ومستمتع بهاللمه اللي قلت تدريجيا بالأيام الأخيره..
سلطان كان مسوي حزب..ويهتف بأعلى صوته..والشباب وراه ياأكدون رأيه بكل طواعيه
هند\انا وحده مالي خلق لبران..برد وغبار وتعب..مو قادره الصراحه...
سلطان كان معارض بقوه لكلام اخته..وبهجوم وبكل اصرار قال\وايش علينا منك..احنا رايحين رايحين..وابوي سالم ان شاء الله..وعلا صوته..واللي مايبي يطق راسه بالطوفه..
فتحت هند عيونها بدهشه\انا اطق راسي بالطوفه..
سلطان\اللي على راسه ..وانتي كمليها ههههههههه
هند\بعــــد..!!
طلال\عمتي الله يهداك...شفيك صايره حساسه..هو مايقصد..والصراحه..الصراحه احنا نبي نخيم اليوم قبل بكره..
هند وكتفت ايدينها بعصبيه\قولوا لي مين فكرته هذه..!!!
سلطان\مو مهم مين فكرته..المهم احنا بنخيم بثاني يوم للعيد..!!
هيثم ظحك\قويه ثاني يوم للعيد..خير وين جالسين؟؟
الوليد ولأول مره يتكلم\حلاتها والله من ثاني يوم..والتفت لجده..ها جدي وش رايك..!!
الجد كان رأيه معروف..والوليد قال هالكلمه لأنه عارف و ش رد جده\واحد يفوت طلعة البر...وابتسم..اكيــد موافــق
سلطان كان متشقق من الوناسه\ياحـي ابوي والله..خلاص مدام الغالي قال موافق.. والتفت لـ هند ..وش علينا من البقيه..!!
طلال بصوت كله فرحه\يعني خلاص نجهز امورنا..!!
الجده\جهز وانا جــدك..
===========


اخيرا انتهى الفصل..
لكن الى متى جمانه بتظل تناظر الجانب المظلم للوليد..وتفسر اموره على هواها..!!

وتركي وبداية مشواره مع غلا..
امور بدت تنكشف عند غلا وبحكم سذاجتها وحبها له صابتها الغفله..
كيف بتمر ليلتهم..وتركي بيستسلم لصداعه...!!

وطلعة البر..هل هالرحله بتكون من صالح ابطال القصه..!!
أصغر سلفيه أثريه.
أصغر سلفيه أثريه. •
مشكورة خيتي جد روووووعة بس تكفين الله يوفقك.؟...
الاخت الصغيرة
الاخت الصغيرة •
اسفة ع التاخير وسبب لامور خاصة
&&&&&&&&&&&
الجزء الثالث والثلاثون
(حاجه غريبه)
---------------


صدتــــك..!!
شبصت راوين ايد ينها على السلم بقوه..وخافت انها تطيح من صرخة جمانه اللي فاجأتها.. راوين\ياحمــاره..خرعتينــي..ووبصوت باكي..كنت بطيــح..!!
جمانه ماتت ظحك على راوين \محد قالك توقفين هنا على اطراف رجلينك..!!.تعالي شتسوين هنا..!!
راوين باأحراج وهي موطيه راسها للأرض\ولاشــي..
جمانه \حلفي انتي بس.. وعقدت حواجبها ..كأنه صوت سلطان..!!
راوين\ايه الشباب كلهم تحت..
جمانه واتسعت عيونها\صحيــح..!!..وابتسمت بخبث ..ياسلام اللحين عرفت ليش انتي واقفه..!!
راوين وبان توترها\تدرين انك سخيفه..
جمانه \شكرا هذا المطلوب..وبعدين تعالي وشفيها يعني اذا ناظرتي سللطان..ورفعت حاجب اليمن..لا عيب ولاحرام..!!
راوين انقهرت وانحرجت وحمرت..
جمانه\شفيك عــادي..ايزي ياماما...حتى انا بناظر..
مالت براسها جمانه وطاحت عينها على طلال اللي كان متكشخ ولابس شماغه وواقف وماسك ايد جده ويكلمه وواضح بملامحه انه فرحان..وظحكت عشان تقهر راوين..
جمانه\والله حركاااااات..هههههههههه
تركتها راوين ودخلت الغرفه وهي معصبه لأنها انفضحت قدام العجوز جمانه..
وجلست على الكرسي وحست انها شوي وبتصيح من الأحراج..
يعني لازم توقف زي الهبله تناظره..!!
لازم حركات المراهقيــن..!!
اللي يشوفها يقول ماعمرها شافته..!!
وش استفادت اللحين..!!
شوفه وحرقت جـــوف..اووووف
------------------






ماسك بايده اليسار الأكياس اللي اشتروها..وبايده اليمين ماسك سماح اللي تعبت عليه بالسوق..واول ماوصلوا الشقه حط ألأكياس بألأرض وخذ المفتاح من جيبه
سماح\خلاص احمد..وظغطت على شفايفها بوهن..ابي اتنفــس..
احمد التفت لسماح بسرعه ولف حوالينه وماشاف احد..ورفع الغطاء من وجهها وشافها معرقه ومحمره وسندها على الجدار\اتحملي حبيبتي..شوي بـس..ودور بين كومة المفاتيح على مفتاح الشقه..وبصعوبه لقاه فتح الباب وخذ الأكياس ..وعلى طول دخل سماح الغرفه وجلسها على السرير..وجلس جنبها وهو متوتر\انا قلت لك ماله داعي تروحين..وانتي اللي اصريتي..!!
سماح\خلاص احمد..مو وقت لوم ..وغمضت عيونها..ارجــوك..
حس بالتعب لتعبها..وحس بالألم لألمها..مسح على جبينها ورفع خصلات شعرها المعرقه..وقام من السرير ودخل المطبخ وصب لها حليب بارد..وراح لها وشافها لازالت مغمضه
جلس جنبها وهو يفصخ غترته وهمس\سمــاح..
فتحت عيونها سماح..ورجعت تغمضهم\لاأحمد..مو مشتهيه أي شي..
احمد\ادري..بس لازم تشربين..وسندها بأيده..يالله عاد..
سماح بااعتراض وهي تسكر شفايفها\صدقيني ماأبي تونا متعشين..مالي خلق...
احمد تجاهل كلامها وشربها غصب
احمد\بعد فتحي بقى شوي...
سماح\يوووه احمــ وسكتت يوم دخل الحليب غصب بفمها..
احمد\كأن دلعك زايد هاليومين..!
سماح بعصبيه خفيفه\ليه مو من حقي..!!
ابتسم لها وقام يبدل ملابسه\من حقك ونص بعد..
بادلته سماح ألأبتسامه ورجعت تتسند على السرير..حطت ايدها على بطنها وتحسست عليه..على حسب كلام الدكتوره كلها شهرين وتولد..واحساسها يقول انها هالأيام موعد ولادتها..والامها صارت لاتطاق..مو عارفه هل بسبب الحبوب اللي تاخذها...او الثقل اللي بطنها هو السبب..!
دخل احمد وهو مبدل وناوي ينام جلس على السرير وقابلها
سماح\اقول احمد..
احمد\نعم
سماح ولازالت ماسكه بطنها\احس اني بولد هالأيام..!!
احمد\مو كانه بدري..!
سماح\انت لو تشوف بطني كيف منتفخ والعروق كيف متجمعه فيه..كان مت خوف علي...احمد
احمد بـحيره\عيونــه..
سماح بنظراات حزينه\انا خايفه..!!
احمد\من ايش..!!
سماح\مدري..خايفه وبس..
احمد خف صوته وبانت حنيته\ليش الخوف وانا معاك..!!
سماح\اخاف اموت وانا اولد..!! وبنظرات جاده احمد..اذا بولد ادخل معي غرفة الولاده..
هزته احمد كلمة الموت..وتلخبطت افكاره وماعرف كيف قدر يسطير على الوضع ويرد على سماح..لكن شعر انه قلبه هو اللي تكلم مو لسانه\اولا ماأبي اسمع كلمة موت من لسانك..سامعتني.
.وثانيا مين قالك اني بخليك..بكون معاك بكل لحظه..فاهمتني ..بكل لحظه..
ريحتها كلماته..لكن لازال الخوف مسيطر على افكارها
سماح برجا\ ماتقدر تاخذ اجازه هالأيام..خلك جنبي.اخاف يجيني الطلق وانت بعيد..
استغرب احمد من كلام سماح..!!ليش هالخوف كله..!!
تأثر من كلامها..وغصبن عنه صابه الخوف والرهبه وهو يتخيل امور كثيره..حس انه مقصر معاها..وخصوصا بشغله..شغله اخذ الكثير من وقته..!!
لكن ماعنده حل ثاني..وظيفته هذه هي..ماتتغير ابدا..وسماح هي الضحيه..!!
لازم ياخذ اجازه..سماح اهم..اهم من كل شي..
واذا صابها اي ضرر..مااراح يسامح نفسه ابدا..
---------------





حبة البندول اللي اخذها خففت الصداع نسبياّ..وريحته خصوصا بوقته الحرج..
جاته لحظه قرر انه ينزل فيها لأقرب محل يبيع فيها الخمره ويشرب لحد الثماله ويعوض فيها
هاليومين اللي مضوا..!!
.لكن هاللحظه تبخرت بالهواء..ومااصبح لها اثر.. وهو يشوف نظرات القلق بعيون غلا..هالنظره هذه ذكرته بشخص نساه..او حاول انه يتناساه
هالنظره هذه كانت غير..غير عن نظرات الهيام اللي بعيونها..
هالنظره كانت كلها خوف وحيره وحنيـه..
هالنظره ذكرته بنظرات امه اللي ظن انه نساها..!
كان دوم يحاول يتحاشى عيونها..كان خايف انه يتأثر فيها و يأنبه ضميره وهو اللي قلّه مايحس بالأتأنيب.
وكيف يحس وهو قلبه صار عاصـي..وقلبه ظلّ طريقـه..!!
كل مايتذكر انه امه نور..نور اللي عايروها بالهنديه..يقسى قلبه..ويتحجر مثل الصخر اللي حتى امواج البحر ماقدرت على قسوته وجموده..!!
ومع كل هذا..مع كل انواع الذلّ اللي استشعره..!!
كان عارف ومتيقن انه مرده بيحن..بيحنّ وحتى لو فات الأوان..
"تركــي"

التفت لها..التفت لغلا وطاحت عينه بعيونها..والمسافه اللي بينهم كانت سنتيمرات معدوده..ماأتحمل هالمسافه..
وابعد وجهه عنها بااقل من ثانيه..يحس انه مشاعره متلخبطه..ومو قادر يواجها..ولا يواجهه هالعيون اللي اوقظته من سباتـه..
غلا بنبره اتعبته\احسن اللحين..!!
بدون شعور حس انه بدال مايلين قسى..واستغرب من نفسه..بعد كل هالمشاعر ومحاسبة نفسه يقسى..!!
ليش يقسى..!!
معقوله لأنه رافض يواجه حقيقته المـره..!!
تركي بنبره خاليه من المشاعر\ايه..احسن....ووقف بسرعه ..تصبحين على خير..





اول ماصحت..مررت ايدها على مكان تركي..ولقته خالي..فتحت عيونها واعتدلت في جلستها..
وهي مستغربه.."وينه"..قامت السرير وطلعت للصاله و اعتفست ملامحها وهي تحس بـ برودة الأرضيه وهي حافيه..طلت على البوفيه ومالقته لكن شافت صينية الفطور.وعرفت انه فطر وطلب لها..غسلت وجهها وجلست تاكل لأنها جيعانه وماذاقت الأكل من امس ..
بكره ليلة العيد..وعلى حسب مخططات تركي..فشكلهم بيعيدون هنـا..وهذه اول مره تعيد بعيد عن اهلها وبلادها..!!لكن اكيد بتكون غيــر بوجودها مع تركـي..
واثناء ماهي تاكل..دخل تركي وجلس جنبها بدون ماينطق بحرف..وبعد فترة صمت تكلم..
تركي\متى صحيتي..
بلعت اللي بفمها وردت عليه..\من شوي..!!
قام من مكانه متجهه لغرفة النوم..وهي ماقدرت تسأله لا وين كنت..ولا وين بتروح..!!

وبعد فتره قليله خلصت اكلها ودخلت الغرفه ومالقته..تقربت من الحمام وسمعت صوت قطرات الماي..وتوها بترجع الا طلع بوجهها تركي واصطدم فيها وخرعها..وهي طاحت بصدره العاري...

بهاللحظه..ولأنها مازالت مصدومه..ماقدرت ترفع جسمها عنه وهي تحس بالبلل اعترى وجهها..
رفع وجهها بايده..ويوم شاف البلل بوجهها ابتســم..وماقاوم الظحكــه وضحك بصوت هادي لمن هالظحكه علت وعلــت..
يوم استوعبت غلا..ابعدت ايديه عنها..ولفت وجهها وهي متفشله..وجلست على الســرير ورمت وجها بالمخده وهي تحاول تخفف من الحموره والحراره اللي احتوتها..
ودها تبكي اللحين من الأحراج..مو قادره تتحمل أي لمسه منه..تحس انها تتغير بلمساته....وتتعلق فيه اكثر واكثر.. وروحها تطير لفوق مثل العصفور الحر..
لكنها تستغرب من تصرفاته..مره يضحك مثل الطفل اللي ماعرف الهم..ومره يحتد مثل الصقر اللي دوم عالي..
احساسيها صارت تكبر من دون ارادتها..وحتى وهو غامض وحاد تحبـه..ويمكن اللي علقها فيه زود هو غموضه..وقوة شخصيتها اللي يفرضها على كل مجلس يكون موجود فيه..

مسكها من كتفها ورفعها...وهي مستلمه له وغمضت عيونها بقوه لأنها مابدل..!!
تركي وهو يمسح على شعرها\ليش الحياء..انا زوجـك..
غلا بهمس \ادري..
تركي باابتسامه جانبيه\حلو انك تدرين..
مسكت ايده اللي تمسح على شعرها ونزلتها بهدوء..
تركي انصدم من حركتها واحتد صوته\ليش..!!
غلا لفت وجهها عنه وقالت\ماأقدر اتحمل....وغمضت عيونه و بنعومه زايده كملت ..افهمنـي..!!
ابتسم لها تركي وفهمها على طول..ومسك ذقنها هذا هو اللي يبيه يحبها اذا استحت\طيب يابنت عمي..وريني كيف يتتحملين اللحين..!!
------------------



بليز..لا تسون حركات وتجلسون على البدله خمس سنين..بكره ليلة العيـد.يعني فهمومها مافي وقت..!!
تأففت ابتسام بضيق.. لحد الآن مالقت شي يناسبها..والمحلات كلها زحمه..واذا لقت بدله حلوه ..ماتلقى لها مقاس.>>هذا حال معظم البنات اليوم

جمانه راحت تحاسب الكاشير..وجرت راوين معاها..خلاص الي شافته بتشتريه..وماتبي تتعب نفسها وهي تدور بدون فايده..
ابتسام\فجور حرام عليك..والله انا خلقه متضايقه..شوفي لحد اللحين ماشريت شي..!!
تجاهلت فجر كلام ابتسام..وخذت من البترينا بلوزه عجبتها..!!
فجر\شرايك بهذه..!!
فرحت ابتسام بالبلوزه..واكثر شي شدها هو الوانها..البني والذهبي والأحمر..لكن يوم دققت فيها لقتها طويله حيل..
ابتسام\فجور..طويــله..!!
ظحكت فجر وهي طفشانه ومتملله.ماتحب شي اسمه سوق..لكنها جات علشان عيون بنات عمها اللي ارغموها على الطلعه..
ابتسام وشوي وبتبكي\ليش تظحكين..!!
فجر وهي تطوي البلوزه وتتذكر امور حلوه\تذكرت غلا..كانت دوم تجنني اذا اختارت شي..تعفس المحل كله..وبعدين تطلع ولاكأنها سوت شي..وتنهدت بصوت مسموع..والله وحشتني اختي..!!.. ورجعت تناظر ابتسام..المهم ماعلينا..بتاخذينها والا..!!
ابتسام حايره وظلت ماسكه البلوزه وتلفها من كل صوب\مدري..
فجر\طيب تعالي نسأل البنات.
ابتسام\اوكي..
قربت ابتسام وفجر..من راوين و جمانه اللي توها دافعه ومخلصه..
ابتاسم\شرايكم بهــذه..!!
جمانه\فظيعــه..من وين جبتيها..ماشفتها...!!
ابتسام\فجر طلعتها لي..ها راوين..شرايك..
راوين\الصراحه ماتتفوت البلوزه..وبعدين انا شفت بالمحل اللي قبل هذا تنوره تناسبها..طقميها معها...
ابتسام\متأكده..
راوين وابتسمت\ايه متأكده..
ابتسام\اممم..
فجر\شوفي بسوم..اذا ماتبينها مو مشكله..نكمل المحلات يمكن نلقى..!!
ابتسام واتخذت قرار\لا خلاص..بشتريها..وعلى قولتهم الموضه طويل.
جمانه\بس لحظه مو كأنها ضيقه شوي...
ابتسام\حرام عليك..شنوا ضيقه..!!
جمانه\شفيك انتي اذا عدله عليك...خلاص اشتريها..
ابتسام كانت متضايقه على متنها الزايد والملحوظ وقالت عشان تقهر جمانه\اكيد بتشريها..ماراح انتظرك..
جمانه وعقدت حواجبها\ماصخــه...!!
سفهتها ابتسام وراحت تحاسب..,ظحكت عليهم راوين...!!
فجر لجمانه\احنا ماصدقنا على الله تلقى شي يناسبها.وانتي تقولين ضيقه..!!
جمانه ظحكت بقهر\اسفه عمتــي..غلطنــا..
راوين\ياعيني على الأدب..
جمانه بدلع\من زمان انا مؤدبه..بس انتوا توكم تعرفون..
راوين رافعت حاجب وودها لو تصيد جمانه بأي زله\مو كأنك تكررين هالجمله دوم..!!
جمانه\شسوي فيكم..محد مصدق اني مؤدبــه..!!
---------------







المطعم كان هــادي جدا..وصوت الموسيقى الرومانسيه هي السيمفونيه الوحيده اللي محايطه الجو..
والشموع اللي في كل طاوله زادت شاعريه على الجو..والأناره كانت خافته وصفــراء..واللون اللي طاغي على المكان هو اللون الأبيض وممزوج بلون الذهب الفاتر ..حتى المنيو على قولة غلا كان بنفس اللون..
كانت تناظر الزباين اللي داخلين بكل حــب وهو تشوفهم كيف ماسكين ايد بعض بكل حميمه وماهمم الناس اللي حولهم..
وعيونهم تحكـتي معاني الحـب والألفــه..!
كانت تتمنى تشوف هالنظره بعيون تركـي..كانت تدري انها عاجبته..لكن متى يقول الكلمه اللي تحلم فيها من زمــان..!!
متى يقولها لها..وهي ترد عليه باأجمــل منها..متى..!!
ناظرته بكل حـب يمكن يحس باللي يجول بداخلــها..لكنه كان منشغل بالمنيوا اللي قدامــه
كان هالليله لبسه رسمـي..وانيــق يزيـاده بجاكيته ألأبيض اللي فصخه وحطه على الكرسي وظل بالبلوزه البنيـه..والجل اللي رجع شعره على ورى..وبنظارته اللي تتمنى لويبفصخها لو دقيقه عشان تتأمل عيونه بوضوح..
مسك تركي ايدهـا وهي سرحـانه فيه..وهي ارتجفت من لمسة ايده..
ظغطت تركي باايده اكثر وقربها منه
تركي\ليه هالرجفـه..!!
ابتسمت غلا بخجل\مدري..بس..وسكتت..
تركي ابتسم لأبتسامتها وقرب نفسه اكثر لمن باس ايدها ..
تركي بهمس\واللحيــن..
ماردت عليه وحاولت تجر ايدها لكنه كان متمسك فيها ويبتسم.. ناظرت حوالينها بتوتر..خافت انه احد شافهــم...
لكن حصلت انه الكل منشغل باللي جنبه..
تركي\شتناظرين..!!
غلا كانت منزله راسها\تركي..بليــز
تركي\مأاسمــع..
رفعت راسها غلا بقهر\لاوالله..
تركي\تدرين..حلوه وانتي معصبه..وحلوه وانتي هاديه..وسكت شوي..وكمل..كل شي فيك حلو..
غلا بعفويه \ادري.. وسكتت وهي مصدومه من نفسها كيف قدرت تقول هالكلمه له.."ياربي وش بيقول عني اللحين..ماعندي حيــا"
توها بيرد عليها..الا جاء الأكل لهم.. ترك تركي ايدها وهي على طول حطتها بحظنهــا..
.وحط النادل الصحون بالطاوله ومشى..
خذ تركي الشوكه والسكين..وهو عارف انه غلا ماراح تتكلم..
اخذ قطعة ستيك وقربها لغلا..
غلا كثرة صدماتها..وزاد حياءها..وحمر وجهها..
ولمن شاف عدم تجاوب منها..قربه لفمها وبنظراته كان يطلبهــا..
فتحت غلا فمها وهي تتمنى تنتهي هاللحظه ويريحها تركي..
ماكان يعرف انه يسبب ربكه بقلبها الصغيــر...ويشعل روحها بحرارة تصرافاته
..لكن بألأخير حست بفرحه تغمر روحهــا..
تحب الأهتمام اللي بعيونه..وتحـب والله غروره..
تركي\شبعتــي..!!
غلا\ايه
تركي ويعقد حواجبـه\طيب انا ماشبعـت..
ابتسمت غلا بخجل..ومدت لها بشوكه مثله وكل مافيها يرتجـف..
قرب لها تركي اكثر..وهي وصلت له..ويوم دخل الأكل بفمه غمضت عيونها وهي تضحك من الخجل..


طلعوا من الفندق..واجر تاكسي
كان حاس بالسعاده لأسباب كثيره..
..طول هاليومين قدر بصعوبه يمسك نفسه عن الشرب وياخذ البندول بكميات كبيره عشان تخفف صداعه ويمكن طلعاته اللي من الصبح مع غلا لحد الليل هي اللي مخليته ينشغل عن الشرب..لكنه متأكد انه بيجي يوم وبيرجع للشرب..وهاليوم اكيد قريب..لأنه مقاومته اصبحت ضعيفه..

طلب من راعي التاكسي انه يوقفهم هنا يوم قربوا من الفندق لأنهم بيكملون مشي.
مشى تركي وهو رافع جاكيته على كتفه..وغلا تمشي جنبه..مسك ايدها بدون يناظرها..
غلا كانت بقمة سعادتها اللي صار لها اليوم اكثر من اللي تتمناه..وهي بالمقابل تمسكت فيه اكثر واكثر..
حس تركي فيها..وبدى يدندن بصوت واطي..ولأنها من عشاق عبداللحليم غنى

حاجه غريبه..حاجـه غريبه
الدنيا لها طعم جديــد..
غلا ناظرته بعدم تصديـق.."صوته المخملي اثر على مسامعها"
حاجه غريبه..حاجه غريبه
انا حاسس اني ده يوم عيد
حاجه غريبه..حاجـه غريبه
الدنيا لها طعم جديــد..
حاجه غريبه..حاجه غريبه
انا حاسس اني ده يوم عيد..!!
سكت تركي عند هالمقطع وهو مستغرب من نفسه..طلعت منه الكلمات بكل عفويه. وكأنه تدل على حالة نفسيته المرتاحه..!.واللي يحسه بداخله كان كبير..وصعب ينوصف..

غلا فاجأته وهي تكمل الأغنيه بصوتها العذب
بدت بااول كلمه.. وانا حاسه..وانا حاســه..ونست الخجل وكملت
وانا حاسه الدنيا هربانه
ويانا بالليل كل سعاده
حاجه غريبه

اندهس منها تركي..وكمل بسعاده
حاجه غريبه..حاجه غريبه
انا حاسس اني ده يوم عيد
حاجه غريبه..حاجـه غريبه
الدنيا لها طعم جديــد..
حاجه غريبه..حاجه غريبه
انا حاسس اني ده يوم عيد..!!

ظحك تركي عليها..ماكانت تتقن اللهجه المصريه لكن صوتها الناعم اثر على نفسه بكل قوه..حس انه صوتها هزه وضرب دقاته قلبه بشكل سريع.. و احساسها العذب وصل له..

وظحكت معاه غلا وظحكهم ملى الشارع ..وحس انه كأنه رجع لأيام السبعينات..ايام شاديه وعبدالحليم..وخصوصا وهم راجعين من سهره جميله بظلمة هالليل وماسكين ايد بعض بكل حميمه..وكملوها بهألأغنيه اللي جات بوقتها..
مشوا للفندق وهم يكررون الأغنيه بدون خجل وبراحه غريبــه...وهم عايشين احلى لحظات عمرهم..وكل اللي يقابلهم ينعجب من هالثنائي ويتمنى ربع هالسعاده الي تهل بوجهم....
----------





روعــه..روعــه يايوسف..شي مثير..امزجت الواقع بالخيال..!!
اشرقت الأبتسامه بوجه يوسف وهو يسمع المديح من الدكتور سمير..
يوسف\شكرا يادكتور..اسعدتني بكلماتك..
الدكتور\صدقني لو في عبارات اجمل بقاموس ذاكرتي كان مابخلت عليك فيها..وسكت لحظات...وكمل..كم بقى لك لوحه وتنهي شغلك..!!
يوسف كان يفكر بموضوع اللوح..هو صحيح رسم كميه لابأس فيها..لكن الحفوز اللي بقلبه حمسه اكثر ..وريشته ماكانت تجف طول اليوم..وحتى وهو نايم..يصحى ويكمل بقية رسوماته..ولو عليه يرسم بدون نهايه ..وبدون تعب.!.وكيف يتعب وهو يشوف الحلم منور قدامه وبانت اخيرا ملامحه..!!
يوسف\مو كثير..لكن ماأقدر احدد لك حاليا..
الدكتور\اوكي..بس اللي ابيك تعرفه انه عندي دره لمده لاتقل عن 3اسابيع..وبعدها اتمنى اشوف انك جاهز من جميع النواحي..
يوسف\ان شاء الله خير.
الدكتور\نسيت اخبرك بشي..بعد ماأرجع عندي لك مفاجأه بتعجبـك..
يوسف\بتخليني اهوجس يادكتور..
الدكتور\لاتهوجس..مفاجأه راح تعجبك صدقني..!!
ابتسم بحب للدكتور سمير..مو عارف كيف يشكره..حروفه صارت تخونه امامه عطفه وفضله عليه..
مافي كملة شكر توفي حقـه..وحتى لو الشكر من اليوم لبكره ..ماراح يكفي..!!
ترك العنان لعيونه..كانت تعبر عن الف معنى ومعنى يحمله بقلبه لهالشخص الغالي عليه..
الدكتور مد يده\يالله يايوسف..مع السلامه..اشوف على خير باذن الله..
مد يوسف يده له..وهو حاط امله كله بالله ثم لـ هالأنسان الطيب..
وصحيح اذاقالوا..
ضاقت فلما استحكمت حلقاتها..فرجـت وكنت اظنها لاتفرج
--------------





لـيلي مـثل لـيلك ؛؛. او همومنا غير
قـلبي صـباحك مـشرقه مـع صاحبي
يااللي السما عندك؛؛. رياض ونواوير
ومـن الـفرج عجعج سناها وفاحي
وانـا نـجومي ؛؛. في الغداري مسامير
عـلى الـسما ؛؛. دقـت فـكل النواحي
عـلمي بـنور الشمس ؛؛. وقت المعاذير
قـلت الـفراق ؛؛. وصـار هذاطاحي
كـان الالـم ؛؛؛؛ غـيث فـدمعي تناثير
وكـان الـندم سـيل فخدى بطاحي
لي فتره ماكتبت..والسبب غير معروف..وهذه الخاطره لها فتره غير معروفه نهايته..واليوم انهيتها بدون نفس
احس بفتور بالكتــابه..قلمي ماصار يساعدني..
حسيته بلحظه ..انهغريب عني..وحتى الورق..الورق اشوفه باهت وهو ساطع بلونه ألأبيض
احاسيس غريبه تجتازني..وانا جاهلتها..احس بملل من كل شي..واللي مستغربه حتى الورق ملاذي الوحيد ياأستمنه..وبلحظه غريبه.. ضعف ايمانـي..والمصيبه انه كل ماأقول اني بقرأ قراءن عشان ارتاح واتقرب من ربي ..انسى..او ألأصح اتناسـى.!!صرت كسوله بكل شي..!!
ياربــي ساعدنــي..انا بحيـره من امــري..!!
احس بظلمــه..ظلمــه بعيوني..واعصابي تالفه..
افتقدت غلا..وافتقدت احمد..البيت صار هادي بدونهم..!!
حتى هيثم افتقدته..ماصارت اشوفه دوم..
وياسمين علمي فيها بنهاية الدوام..
واليوم ليلة العيد..فشله ادق عليها اللحين..!!
ياربي مالي غيـرك ساعدنـي.اناجيــك ياعالم ماتخفيه نفسي..
اناجيك وكلي امل انك تساعدني..وتبرد على قليبـي..!
-------------








من وين لك هالصـوره..!!
ابتسمت ابتسام بين دموعهـا اللي تنهمر بدون شعور اذا شافت صورة يوسف
ابتسام\شرايك فيهــا..!!مو يشبه عزيز..!!
الوليد\اول شي قولي لي..من وين لك..!!
ابتسام\يعني من وين بالله عليك..من الألبوم..شفتها بالصدفــه..واحنا غافلين عنها..!!
الوليد\اشوف..
مسكت ابتسام الصوره بقوه..وهي معترضه
ابتسام\لا..
الولليد احتار من امرها\ليش..!!
ابتسام\بس..اخاف تاخذها…وانا ماصدقت اني لقيتها..
الوليد\طيب بشوفهــا..حرام اشوفهــا..
حست ابتسام انها زودتها…اعطته بهدوء..وهي تناظر ملامح وجهه المخطوفه من الفرحه
دقق في الصوره اثكر..وحس انه غاص بملامحه..اشتــاق له....اشتاق له كثر المطـر اللي ينهمر وماينعد..اشتاق له كثر السحب وكثر البحـر..اشتـاق له..ومحد يلومـه..والله يلوم اللي يلومـه..!!
ابتسام حست بسرحان اخوها..وهو يضغط على الصوره بدون شعور..لكنها تركته ومسحت دموعها وهي تشوف اللهفه اللي بعيونه..وماحبت تخرب عليه هاللحظه..
الوليد حس فيها\ليش تصيحين..وانتي كل ليلة عيد تصيحين..!!
ابتسام وتحس بالعبره تخنقها\بس..ارجوك خلني اصيح وارتاح..
سكت الوليد وماعرف وش يقول..ابتسام كانت تصيح عليه قبل ماتصيح على نفسها..!!..ماقدرت تشوف هالنظره بعيونه..نظرة المحروم والملهوف..
الوليد بهدوء\ابتسام
ابتسام وكان صوتها مبحوح\نعم
الوليد \باخذ الصوره اليوم.. وترجاها بعيونه..بسوي لها كوبي وبرجعها لك..
انصعقت ابتسام..وحطت ايدها تحبس العبره والصرخه..ماتبي تشوف هالنظره منه..نظرة ألنكسار اللي بعيونه عذبتها وذبحتهــا..!!..ماقدرت تتكلم..وتركت العنان لدموعهــا..
الوليد شعر بضعفه قبل ضعفها..
وعرف انه كلهم ضعاف ومابأيدهم غير هالصوره اللي صارت تروي شوقهم وحرمانهم..
--------------





استشورت شعرها..وقررت تلفه بالبخار عشان اذا صحت الصبح ماتحاتيه..اسدلته ورى ظهرها..ودخلت تاخذ الرولات..ويوم طلعت شافت تركي شكله معتفس و مايل على الباب ومغمض عيونه..وشكله توه جاي..

قربت منه بسرعه وهي ميته من الخوف..وقطت كل اللي بأيدها..
وصلت له وهي تصرخ باسمه "تركـــي"
مسكته من خصره تحاول تسنده وتصحيه بضرباتها الخفيفه على خده
تركي كان سكــران لحد الثمالــه..مااستحمل الوضع..وبلحظة ضعف..شــرب وعوض كل ألأيام اللي انحرم منها..
حس بضربات على خده..وفتح عيونه الحمراء بصعوبه..وهو يحس انه كل شي بعيونه تدور..
لمن ارتكزت عينه على غلا..
جرّ ايدها بقوه لمن طاحت وهويصرخ
تركي\وخــري زييين..
مشى وهو يتمايل..وبين كل خطوه كان يميل جسمه وهومتعرض للطيحه..
غلا لازالت متجمده وجاهله الموضوع..ويوم شافت منظر تركي ..قربت منه وهي خايفه انه يطيح..!!
كانت خايفه عليه..وتناست كلمته القويه..وضربته ألأقوى..
جلسته على الكنب..واثناء ماتقرب منه..حست بريحه غريبه منه..واعتفست ملامحها..
هالريحه هذه وقظتها..وصحتها من نومها..وكل ألأعراض اللي بتركي اكدت لها شكوكهــا..
قربت منه اكثر وهي تتمنى انه اللي في بالها يكون مو صحيح..هي تحبه..تحبــه ليش مايفهم..!!..
ولمن وصلت لفمه ..
حست بألأشمئزاز والحسره والكـره..وابتعدت لأخر الصاله وهي تصرخ وتصيح من كل قلبها وتقول"حرام عليك..والله حــرام.."
-----------

الجزء الرابع والثلاثون
أرواح ترفـرف
-----------------





ماتدري..هل تدعي عليه وبهالدعـوى تبرد قلبها المقهور..!!او تحسب اجرها عند اللي اكبر منه وفوقـه..
ماتعرف هل هويتقصد تعذيبها..!!او انه يتللذذ بـ المهـا..!!
يمـه بس انا مو عبده له..ولا لمرته..حرام عليه..!!
طبطبت ام بندر على بنتها بحنان وهي تترجاها بعيونها اللي غلب عليها الدهر\سفهيه يايمه..لاتخلينه يستقل عنادك..وبعدين على اجر ياحبيبتي..احتسب اجرك عند ربك
ياسمين مسحت دموعها بكف ايدها..واحتد صوتها بقهر\لاتحاولين..مستحيل اطبخ له الذبيحه..اذا هو يبي..خلي مرته تطبخ له.اليوم عيد يايمه عيد..وانا اقضي هالعيد بالمطبـخ..!!ياكثر المطابخ اللي بالخبر..خل يدفع شوي من فلوسه اللي حاطهم على قلبه..!!
دخل مراون هاللحظه وهومتكشخ بثوب العيد..سلم على جدته وحب راسهاوبالمثل سوى لعمته
مروان\شالزين..شالحلاه..! على وين العزم ان شاء الله..بس وش فيه الحلو زعلان..!!
الجده\تتدلع بنتنا..وقامت بصعوبه اسندها مروان ولبست عباتها..!!
ياسمين\وين يمـه..
ام بندر\بروح اعيد بالجيران..!!
ياسمين كانت تبي تروح..ويمكن اكثر شي ضايقها بسالفة الطبخ انها ماراح تقدر تطلع وتشوف فجر وبتظطر تجلس عشان النذل اخوها..
طلعت ام بندر وياسمين تخفي دموعها عن مروان اللي من شافها تدمع جلس جنبها
مروان بخوف\ياسميــن..!!
ياسمين كانت عارفها انه بيسألها فاأبتسمت بين دموعها\انا مو ياسمين لين متى بظل افهمك..!!..انا عمتك سامـع..!!
مراون\فديت هالبـوز اللي ممدود..ولايهمك ياأغلى واجمل عمــه.. وبأدب مصطنع..عمتي ياسمين
ياسمين بصوت جامد وابتسامه تحالو تخفيها \صدقتي مو لابـق..!!
مراون\شسوي فيك..انتي اللي تبين اناديك بعمه..!!
ياسمين\يالحــامض...<<هالكلمه تذكرني بشخصيه عزيزه ..احبها كثير بس وينها..!!
مروان مستغرب من الوصف وحس بحموض بلسانه\..حامض..!!...زين بعديها..بس قولي..ليش متضايقـه..!!
تنهدت ياسمين..ومسكت ايد مروان..تبي تحس بالأمـان..او الرحـه\مو متضايقـه..
مروان\حطي عينك بعيني..!!
تجاهلت كلامها\امك صحـت..
ابتسم بسخريه\لا طبعـا..!!
صرخ مروان..وفاجأ اسمين بصرخته\يوووه نسيت..!!
ياسمين\شفيـك خرعتني..!!
مروان\اخوك يبيك..الله يعيني عليه اللحين..وش يفكني من لسانه البذيء
ياسمين\مروان..وبعدين معاك..!!
قام بسرعه \وانا ماأقول غير الحقيقه..!!
بهاللحظه دخل بندر وهو رافع ثوبه..وطاوي اكمامه\وعمى بشكلك ماتسمعين..!!
ياسمين توترت وسكتت\قومي قومه تشيلك مافي وقـت..!!
ياسمين نزلت عيونها ومشت بتطلع وكانت بتبدل ملابسها الجديده اللي قررت تروح فيهم لفجر..!!
لكن نظرات بندر لها ذبحتها..وحست بالـذل والمهانه..!!وكرهت هالعيد اللي اوله الظلم والعذاب..!!
..ناظرها بندر وكان وده يذبحهـا يحسها عاله ثقيله عليه..!!
يتمنى يزوجهـا ويفتك منها..لكن كان غصبن عنه متحمل عشان امه..ولو امه ميته كان رماها من زمـان على اول واحد تطيح عينه عليه..!!
ناظر مروان ابوه..وشاف كل حقد العالم متجمتع بعيونه..!ّ
كان يسأل نفسه كثير..ليش ابوه يكره اخته الوحيده..!!ليش يعاملها بكل حقد..ليش يذلها وهي يتيمه وكسيره..!!
يتمنى يعرف السبب..يمكن يسامح ابوه..يمكن يغفر له زلاتـه..!!يمكن يعفو عنه ويطلب له الهدايه..!!
لكن مالقى الجواب..مالقى غير قلب قاسـي وروح ظالمـه..
بندر انصدم من نظرات ولده..كانت نظراته قاهره ومرتكزه عليه..شاف القهر والوعيد بعيون ولده..
حس انه ولده ماهوب بولده..ماعرفـه..كانت نظراته تقتله..
حس بالوعيد والثأر بعيونه
حس انه الدنيا بتدور عليه..ومثل ماعذب امه واخته بيجي يوم وولده بيرد له الصاع صاعين.. وبيعذبه وبيتلذذ بتعذيبه..بيعلمه وش معنى كلمة ظلـم..!!بيفهمه انه الدنيا ماتسوى بدون امـان..!!
خاف من هالنظرات وعلى طول ابعد وجهه عنه وطلع من الغرفه وقلبـه يخفق بقوه.
-----------







فتحت عيونها وهي تشوف الدنيا ظلمـه..والم فظيــع يغزو ظهرها..مو قادره تتنفس ..تحس انفاسها مكتومه وانفها ملتهـب بحراره..حاولت تتنفس من فمهـا وحست بالهواء البارد يضرب ضرب بـ حنجرتها..رفعت شعرها من وجهها..وشافت نفسها متمدده على نصف الكنبه اللي كسرت ظهرها..ورجولها كانت ممدوده بالأرض
دارت عيونها حول الغرفــه وشافت كل شي طايح بألأرض ..والغرفه معفوسه..
ناظرت السرير والشراشف والمخدات اللي مرميه باهمال..وملابسها واغراضها وكرسي التسريحه
كل كل شي مرمــي وبسبب هالصـوره تذكرت كل شي صــار امس..وماحست الا بالدمـوع تملي وجهها وتوصل لشفايفها الجـافه..
اليوم عيـد..تركي كان سكران..سكران بليلة العيـد..!""
..العبـره كانت تخنقــها وتعذبهــا وتكتمهـا كل ماكررت بنفسها هالجمله
اليوم عيـد..تركي كان سكران..سكران بليلة العيـد..!""
..لمن اشهقت بصوت مؤلم وعالي وبكــت من كل قلبــها..بكت على حياتهـا اللي تدمرت..وبكت على تركـي اللي خطف فرحتهـا بمصيبـته..كل ماتتذكر شكله المبهدل وهو جاي من بـره..كل ماتتذكر عيونـه الحمره اللي تقطر دم..وريحته اللي طلعته على حقيقه وفضحته..كل ماتتذكر ضربته لها يوم يجرها ويطيحها بألأرض تحس بالـدم بيتفجر من خلاياها بكل عنـف..بس هالضربـه تهـون وغموضه وغروره يهـون..لكن خداعـه وخيانتــه ماتهـون..ابدا ماتهـون..!!
ليش ياتركـي ليش..!!ليش ذبحتنـي..وخطفت فرحتـي..حـرام عليـك..انتي ماتـدري وش سويت فينـي..
قتلتنـي..وحطمت كل آمالـي..بليلـه كنت متوقعتها غير..ليلة العيد..اول ليله بتجمعني انا وياك..محد كان راح يكدر لحظتنـا..وانت اللي قتلت هااللحظه بأفعالـك..
اللي يشرب الحـرام..وهو حرام..اكيد قادر على أللي اعظم منه..!!
وبهالفكره تذكرت الصلاه..نادر ماتشوفه يصلـي..!!
وليش تستغرب من الموضوع..اذا كان يشرب وعصى ربه..اكيد استغنى عن صلاته..
رمت نفسها على الكنبه وهي تضرب بأايدها عليـه بكل قوتها بدون ماترحـم نفسها.ولا ايدها اللي زرقت ووضحت عروقها..
..وظلت تصيـح..وتصيـح على حظهـا..وحبهـا المولود اللي ماتهنت فيه..


راسـه ثقيــل..ثقيــل لدرجة انه يحس بأأعصابه بتتفجر هاللحظــه من كثر الـدم المجتمع فيها..
فـتح عيونه ثوانـي..ورد غمضها بقوه وهو يجاهد على ارتخاء اعصابه..
رفع ايده وظغطها على جوانب راسه..وحس بالألم هنا يحتويه..شدد الظغط ببطء وهو يمرر ايديه على اطراف جبينه..مو قادر يقاوم الألم..صــداع اليم سكن فيه..
مو قادر يتحرك..ولايفتح عيونه..يبي الراحـه لو دقايق قليله..
هو مواول مره يشرب..ولا اول مره يفرط في الشرب..لكن ليش الألم زاد...ليش..!!
ولسـانه من كثر الشرب كان مرّ وجاف..بلل شفايفه بلسانه..وحاول يقوم على حيله وهو شبه مسكر عيونه
لمن وصل لقرشة ماي كانت محطوطه على الطاوله..فتحها بسرعه وشرب منها بدون شعـور..وحس انها ماارتوى شرب مره ثانيه لمن نزلت قطرات من الماي على ثوبه..
اعصابه بدت ترتخي والدم حس بتوازنه..وبسهوله قدر يفتح عيونه لكن لازال الصداع يحتويه
رجع قرشة الماي بمكانهـا..وهو ناوي يروح الغرفـه..فتـح البـاب وانصدم من اللي شافـه
الغرفـه كانت فوضـى بشكل مفجـع..وعلى طول التفت للسرير..توقع انه يلقى غلا..لكن مالقاهـا..
استـغرب اكثر..!!وينها..!! وبشكل لاارداي طاحت عينه على شي اسود ملتوي يهتـز..شغل النور واتضحت الصوره عنده..تقرب منها وكان ينتابه الخـوف عليها..
..ونادى باأسمـها
"غلا"
مالقى جواب منها..جلس بمستواها ومسك كتفها..وماحس الا انها انتفضـت بقوه وصرخـت بصرخه هزت الجناح كله
غلا\هــدنـي..لاتلمسنـي..
تركي انفجـع من صرختهــا...مو مستوعب شفيهـــا..!!والصـداع كان عامل عمايله..مومخليه يركز بشي
تأمل بعيونها المليناه دموع..ووجهها المحمـر..وشعرها المتناثر بفوضويه..ماعمرها شافها بهالمنظـر..
كرر اسمهــا ثانيه بصوت ثقيـل وهو يبي توضيح باللي يشوفه..!!
تركي\غلا
غلا حست انها بتنجن اذا نطق بااسمها ..طول ليلها كانت تصيح بدون شعور وتهلوس على اللي خطف فرحتها..تبي تكذب اللي تشوفه لكنها مو قادره..واللحين يجي بكل سهوله ..ولاكأنه مسوي شي..يجي ينثر الملح على الجرح اللي من صنع ايده..يجي ويقول غلا بكل سهــوله..!!
غلا ثارت اعصابها\لاتقول غلا..لاتقــول..وصرخـت من اعماقهــا انت ذبحتني..ذبحتني ياسكيــيييييير..ذبحتنــي..!!
مااتحمل تركي الكلمه..سكير..سكير..هالكلمه صدمتـه..وثارت جنونه
..توه يستوعب سبب عصبيتها..اكيد شافتـه وهو فاقـد..!
.وماحس الا معطيها كــف قوي على وجهها..
غمضت غلا عيونها بالـم وهي تحس بحراراة الكـف على خدهـا..ودموعها كانت تسيل بدون توقف..
فتحت عيونها المجروحه وعطته نظره قـويه..نظره انسانه ميتـه منه ومن ظلمـه
تبي تطعنه مثل ماطعنها..تبي تحسسه بحرقة الجوف اللي ذبحتها..!! وقالت الكلمه اللي حست انه بدمره وبتشفي غليلها وقهرها...
غلا بهدوء\اكرهـــــ..
مامداها تكمل الكلمه الا حست بكـف ثانـي على خدها....حطت ايدها على فمهـا تمنع شهقاتها وهي مفجوعه..
هالكـف كان الضربـه القاضيه عليها
تركي قطع اخر امل عندهـا..وهدم كل لحظه حلوه بينهـم..تركي حطمها..تركي اهانهـا..
قامت من مكانها تركـض زي المجنونه ..تبي تبتعد..تبي ترحل..تبي تضمد جروحهـا..وتجفف دموعهـا..
اقرب مكان كان لها..هو الحمام..دخلته وقفلت على نفسها مرتين..واتجهت للمرايه وفرغت كل اللي بداخلها من دموع واهــات..وهي تشوف اثار صفعاته على خدينهـا..دخلت البانيو وهي ترتجـف مثل الورقه..وفتحت الماي عليها وهي بملابسها اللي من امس..
تحس بحراراه بجسمها وهي بعـز البـروده..
تبي تستوعب اللي يحصل لها..تبي تنكـر افعال تركي..وتتذكر مواقفه الحلوه معاها..يمكن تنغفر زلاته..
كبت الماي على وجهها اكثر من مره زي المجنونه وتوها تحس بثلوجة الماي.. لكن النار اللي شبت بصدرها مين اللي بيطفيها..!!
-------------






نونونونونو..مو مصـدقــه بنــروح البـر..الــلــه..
ضربت ابتسام جمانه على جبتهـا..\تراه بر..رمل وحصا..ليش هالونــاسه كلهـا..!!
جمانه\وعمى خربتي كريم ألأساس اللي حطتـه..!!لي ساعه عشان اظبطه..!!
ابتسام\وان شاء الله ظبطتيه..!!
جمانه ورفعت حاجبها\مقهور حبيبتي..!!
ابتسـام\من صجـك انتــي..بس تصدقيــن حلو عليك الزيتـي..!!مخلي عيونك وسيعـه..!!
بكل خجل نزلت عيونها جمانه\شكـرا..!!
ابتسام\ياويلي على اللي يعرفون..!!
رفعت وجهها جمانه وخذت علبة الحلاو وسكرت الدولاب\كريــهه..وتوها بتطلع الا ومسكتها ابتسام
ابتسام\صبري يالخبله..خلينا نتعطر..!!
جمانه\وين..!!
ابتسام اتجهت للمرايه وبدت تفتح قرشات العطر..ودهن العود اللي مصفوفه
تشم هذا...تترك هذا..وهي فرحــانه..وميته ظحك لو احد جاء وشافها..وهي تتعبث بالعطور..!
جمانه\والله بتذبحك جدتــي.!!
طنشت كلامها وخذت دهن عود بريحة الفل..حطت بتحت اذنهـا وعجبهـا..
جمانه\بسوم خــلاص..
ابتسام تأففت\زييين..زييييييييييييين..!!
خذت القرشه وحطت لجمانه اللي اعترضت في البدايه ومابغت..
جمانه\وخري ماأحب دهن العود..يخنقني..
ابتسام\صج غبيه...يحصلك اصلا..تعــالي..قربت لأنها وحطت لها شوي..
ابتسام\شرايك..!!
جمانه وضاح من ملامحها انها متقززه\وعععععععععع
ابتسام\والله انك كذابه..!!
جمانه ظحكت \حلو..لأنه فل بــس...اما الباقي ماأحبه..!!
ابتسام ابتسمت وقالت بهمس وهي تقرب من أّذنها\ان شاء الله اطيبك بزواجـك..
رفعت وجهها جمانه..وماشافت غير ظهر ابتسام لأنها طلعت بعد مارمت عليها الكلمـه..
هالكلـمه هذه جننتها..وارسمت احلى ابتسامه بوجهها..ونعست عيونها اللي طلعت اجمل بالزيتي اللي بعيونها..
"شفيك جمـون لهدرجه اثرت فيك كلمة ابتسـام.!!.."
طلعت من غرفة جدتها وقلبها تحس بدقاته..وزعت عليهم الحلاو وسلمت على سماح اللي توها جايه تبارك للعيد
سماح\شلونك جمون..مبروك عليك العيد
جمانه\الله يبارك فيك..شخبار ولدنـا..!!
سماح ابتسمت بخجل\لاتذكريني متعبني..!!
الجده لسماح\تعالي سماح..تعالي يمه جنبي..!!
سماح\ان شاء الله جدتي..!!
ناظرت من طرف عينها ابتسام اللي جالسه جنب امها وتبتسم لها..لفت وجهها عنها ووزعت الحلاو وهي تسمع جدتها تتكلم عن البـر..ولمن وزعت على مرت عمها نور ابتسمت لها وهي تقول\ان شاء الله نوزعه لك يوم زواجـك..!!
ّغمضت جمانه عيونها بخجل..ومشت بسرعه وهي تمسع ضحكات راوين
"شفيهم اليوم الا بيزوجوني غصب..حرام عليهم مايدرون وش تأثير هالكلمات علي"
لفت مره ثانيه توزع للي يبي..ويوم خلصت جلست جنب راوين وقرصتها من فخذها
راوين بالم\اي
جمانه بصوت واطي\تستاهلين
راوين\تعالي ليش ماقلتوا لي عن البرّ
جمانه\انا مثلك توني ادري..!!
راوين\بمــوت وش يصبرني لبكره..!!
جمانه ابتسمت بحمق\معلوم حبيبتي..بكره بتشوفينهم..!!
خزتها راوين..ورمت عليها القنبله\حتى انتي..وهمست بحدة صوت..بكره بتشوفينهم..!!
انربط لسانها..وماعرفت وش تقول..وبسكوتها اثبتت لراوين صحة كلامهـا..
ظحكت راوين..ظحكت بصوت مسموع وسمعت جدتها تصارخ عليها
الجده\راويـن..ليش الضحــك..!!
هدت راوين وهي منحرجه..الكل صار يناظرها..وماعرفت و ش ترد نزلت عيونها ولعبت بأاصابعها بتوتر
وماحست الا بالكل يضحك عليها وعلى خجلها...
هند\ياويلي على بنت اخوي..تستحي..!!عطي شوي للي جنبك..
جمانه حست انها تفشلت قدام الكل وتلقائيه خشن صوتها\يمـــه..اليوم عيد
سميه\صبـاح الخير
التفت جمانه لمصدر الصوت وشافت سميه تخزها بنظرات غريبه..استغربت منها؟؟!!
ماعمرها فتحت مواضيع جانبيه معاها..مابينهم غير السلام والسؤال عن الحال..!!
واللحين يوم نطقت قامت تستهزأ بكلامها..!!
صج معقـده؟؟!!
جمانه لرواين\كله منك..!!
راوين\هههههه تستاهليــن..!!
---------------



ليت كل يوم عيـد..مدام انك يتعزمني هالعزومـه الحلوه..!!
ابتسم يوسف بهـدوء..ورد يناظر جموع الناس اللي حوله..الكل كان فرحان بهالعيد..واغلب الجاين بهالمول عوائل ومعاهم اطفالهـم..العيد حلو بعيون الأطفـال..الفرحه مرسومه رسم بملامحهم..والأبتسامه ماتفارق وجههم..وظحكهم مالي المكان..ياحلو برائتهم..وياطهارة روحهم..!!
يحب الأطفال..يحبهم بشده..!!!كان يتمنى وهو من صغره بحكم انه خاطب انه الأيام تمر ويرزق باأطفـال..
يحسهم بلسم للجروح..ونعمـه عظيمـه لاتقدر بثمن..!!.
حتى ألأسـامي لعياله كان مختارهم من كثر حبه لهم..!!الولد "جابر"..والبنت "حنان"..يتذكر انه فجر كانت تضحك عليه اذا سموه بو جابر..!!كانت تحسه ثقيل وكبير..لكن وينها فجـر اللحين..!!؟

"الله يوفقها"قالها بمراره..لكنه حـس بالرضـا لأول مره..!!؟
يوسف\تدري وش اللي اتمناه اللحين..!!
لؤي وهو يشرب عصير الليمون\ياكثر ماتتمنى يايوسف..بس تمنى..وابتسم.. على قولتك الأماني مو بفلوس..!!
يوسف ظغط على شفايفه يهون على نفسه الحالمه\كنت اتمنى اني اجيب معاي ريشتي.. واشر على الأطفال..وارسم اجمل لوحه فنيه شافتها عيني..!!
لؤي وظغط على شفايفه\حرام عليك..حتى بالعيد تبي ترسـم..
يوسف\وش اللي قاهرك..!!
لؤي\انسى الرسم فتره..عط نفسك شوية راحـه..
يوسف ابتسم\انت تطلب المستحيل..!!
لؤي\تذكر يوسف..جاتك فتره ماترسـم..كيف كنت عايش هالفتره..!!
يوسف حس بألألم يجتازه بهالذكرى\كنت ضايـع ..وغمض عيونه..ارجوك لاتذكرني..
لؤي\ انا حمــار لأني ذكرتــك.. وحب يغير الموضوع اقول..منت ناوي تغدينـي..!
ظحك يوسف\وانت ماتنسى شي..!!
لؤي\كل شي انساه الا بطنــي..!!
يوسف\لاتخاف حبيبي..اليوم بونسك احلى وناسـه..!!
لؤي\فديتــك انا..شوف شوف..
يوسف\شنوا اللي اشوف..!!
لؤي اشر على جمعة بنات بطاوله ومن ملامحهم واضح انهم عرب\صــاروخ..
يوسف\غظ النظر ..مو لازم تبقق عيونك كلهــا..
لؤي\يااخي خلني استمتع..على الأقل نونس نفسنا بهالغربه..
يوسف ورفع حاجب\وعبير...وين راحت..!!
لؤي\عبير بالقلب..
يوسف بنبره ساخره\لا..حشا مو قلب فنــدق..
لؤي\لاتخاف قلبي يسع الجميــع..الغرف مليانه وتستقبل المزيـد..
يوسف\صج انـك....استغفر الله العظيم..
لؤي كان يكلم يوسف وعينه على البنات لمن قاموا وعصب ورمى منديل مستعمل بوجه يوسف\شفت من عينك..هذه هم قاموا..!!
يوسف ابتسم ورجع المنديل بوجهه\احســن..
لؤي لقط المنديل ورماه بالأرض \اتعادلنا....وقرب من يوسف..الا تعال شخبار سيلينا..!!
يوسف اعتفست ملامحه\وانت وش ذكرك فيها..!!
لؤي\مدري..مرت على بالي..!!..من متى ماشفتها..!!
يوسف\اخر مره علمي بها يوم جاتني المطعم..!!وبعدها ماشفت وجهها..!!
لؤي\غريبه تصدق..!!هي تمــوت فيك..كيف ابتعدت فجـأه..!!
يوسف ورفع كتوفه\مدري..
يوسف كان يعرف الجواب..وكيف مايعرفه وهو اللي قال لسيلينا عن حب طفولته لفجر..وبكذا قدر يسكتها..!!
فجـر..يااااه يافجـر..وش علومـك اللحيـن..!!
اكيـد فرحـانه بالعيـد..!!
والله لكم وحشـه..لكم وحشـه تغمر الأرض وسماها..
يمـه وحشتيني..وحشني حسك..يبه حتى انت وحشتني وحشني كل شي فيك..
كلكم وحشتوني..لكني اوعدكـم اني راجـع...مانسيتكـم..صدقونـي مانسيتكـم..
الله يصبرني على بعادكـم..!!
يووووووووســـف
يوسف انتبه لنفسه\ها
لؤي\وين رحــت..؟
يوسف بعيون حالمه\لأحلى ذكـرى..
لؤي\من وراي..!افا...وغمز بعينه ماهقيتها منك..
يوسف\لايروح فكرك بعيد..!!
لؤي بصوت واطي\لاهو راح من زمان..!!
يوسف\شنوا..!!
لؤي ببراءه\ولاشــي..!!
يوسف\سمعتك..بس بكبر عقلي..!!
لؤي\ههههههههه فديتك....اقول قوم..نتمشى شــوي..يمكن يعجبنا شي..!!
يوسف وقام\واذا عجبنا شي بتشتري..!!
لؤي بثقه غريبه\لا طبعــا..!!
يوسف ابتسم\حلوه قناعتك يالؤي..!!
لؤي باابتسامه حلوه\الفرجـه ببـــلاش..خلنا نوس نفسنا..!!
يوسف\صحيح..!!
لؤي وضحك\والله..
يوسف\شوف هالبدلـه تصلح بيوم افتتاح المعرض مو..!!!!
لؤي\تينــن..وحك راسه بس مو كانها غاليه..!!
يوسف\لاتكسر مجاديفي..!!
لؤي\يبه احنا حدنا السوق اللي خبري خبرك..!!
يوسف\انا قلت لك حلوه قناعتك بس مو لهدرجه..!!وبعدين وشفيها اللي خبري خبرك..اهم شي لبس محترم ونظيـف..!!
لؤي وهو يمشي عن المحل\اقول بس تفـرج وانا اخــوك..
يوسف\ههههههههه وهذا اللي بيصير..
لؤي التفت له وحط ايدينه على خصره\ياحلـــوك..وانت رايــق..!! وبقلـب صافـي...عساه دوم ياربـ
----------------








اربعتهم بالسياره..طلعوا من جو الزحمه والمجلس المتروس رجال..وقرروا ياخذون كذا لفه بشوارع الخبر قبل ماياأذن العشاء
سلطان \تهقون تكفي ثنتين..!!
هيثم كان ماسك تلفونه ويرسل مسج معايده
هيثم وماشال عينه عن التلفون\اي ثنتين..!!
سلطان\الخيام..تتوقعون تكفنا ثنتين..!!
الوليد كان يناظر سلطان من المرايه ألأماميه\ايه تكفـي..!!
سلطان\واذا ماكفت..!!
طلال\وانت ليش تستعجل الأحداث..تذكر المره اللي فاتت خذنا اربع والحريم تجمعوا بخيمه وحده..على قولتهم ماتحلى الجمعه الا بالحشره..!!
هيثم باابتسامه ساخره وهو يلف على طلال\ياحلوك ياأخي..حتى احنا سوينا مثلهم..!!
طلال\انا عن نفسي ماكان ودي انام مع الشياب.. واعتفس وجهه..مايخلون احد يرتاح بنومته..!!
سلطان وهو يسوق\وانت مفكر انك بتنام بالبـر..وظحك بحماس حلاتها صباحـي..
طلال\اجل من اللحين اقولك استأجر اربع..!!
سلطان\عناد ياولد اخوي..ثنتين تكفينا...هالمره هذه حلموا تنامون دقيقه وحده..
الوليد بنظره غريبه\لاتوصــي حريــص بحلل هالطلعـه يعني بحللها..
سلطان\ههههههههه كفوا بو خالد..
هيثم\اقول..لاتنسون الذبيحه..جدي موصيني مليـون مره..
سلطان لف بالسياره بالجهه الثانيه
سلطان\زين انك ذكرتني..!!
طلال\وباقي اغراض الوجبات
سلطان\ كل شي جاهز بس بقى بعض ألأغراض..!!
هيثم\يعني يبي لنا سوبر ماركت..
سلطان \مالي خلق اليوم خلوها بكره الصبح..حيلي منهد من كثر الشيل والحط..
طلال\فديت عمــي التعبــان..
سلطان تشقق\ايه استعدلوا وقولوا عمي على طول
الوليد\ههههههههههههه كأنها صعبه شوي....للأسف ماعودني ابوي على هالكلمه..!!
سلطان\كأنها سبه هيثم..!!
هيثم ماكان معهم على الخط\اقول وقف عند هالمسجد اذن العشاء
سلطان ويأشر على خشمه\على هالخشـم..
--------








شوفوا شوفوا..انا مخططاتي كثيره وكلكم لازم تنفذون اوامري.. وسكتت فجاه وبعدين قالت..ايا القهر ليت غلا معانا
فجر ظحكت\ابعدونـي عن مخططاتكم بلييييز..
جمانه وبنبره أمر\مو بكيفك..انتي معنا يعني معانا..!!
فجر مسكت خشمها على خفيف\يمه من هالعجـوز..
راوين\ايه يافجر وريها ذابحتنــا..
جمانه لراوين\انتي مين محرظك علي اليوم..!!
راوين\ههههه يمكن غلا
فجر\اقــول..الحريم يبوني..اشوفهم واجيكـم..
جمانه بصوت عالي\لاتتأخريــن..
جمانه كانت تاشر على اصبعها\ شوفي بسوم كتبي عندك اول شي نروح السوبر ماركت تعرفين حركاتنا كوكيز شيبس عصاير حلاو.. واهم شي الأونو ذكروني فيها....امم وبعد ايه بطاريه حق المسجله..ووو وتحمست وهي تتذكر...وااااااي مومصدقه بــر...هواء صحراء ياااااااااي..
ابتسام كانت مندمجه بكتابة الأغراض اللي يبونها وكانت تكتب كل كلمه تنطقها جمانه لكن بألأخير لاحظت كلمه وحده تدل على حالتهم اللحين\صــج بزارين..وصرخـت شنــوا اونوا..!!
جمانه ورفعت حاجب\وانتي شعليك كتبي وبـس..ايه صح ذكريني اشتري واقي حقي خلص..
راوين\تعالوا احنا اللحين نكتب ومشتطيــن..منوا بيودينــا..!!
جمانه وضربت على كتفها\لاتخافين وانا بنت عمك..محسوبتكم جمانه بدبرها..وغمزت بعينها..!!
راوين\وثــــــــــوق..
ابتسام بنبره ساخره\نشوف..وردت تكتبت..وبعد وش تبون..!!
راوين بعفويه\وايس كريــم..
ابتسام رمت القلم بعصبيه\اذا قلت بزارين ماتصدقون..!!
راوين انحرجت وظحكت\ليــش..!!
جمانه\الله يهداك راوين ايس كريم بالبـــرد..
رايون بعيون ناعسه\حــلاتــه..
جمانه\لاحرام عليك لاتسوين كذا..
راوين\شوا..!!
جمانه\لاتنعسين عيونــك
ضربتها على راسها وابتسمت\ماصخــه
جمانه\المهم نرجع لمحور حديثنا..كتبي ايس كريم لعيون راوين الناعســه..
خذت القلم ابتسام وتنرفزت\ياشينكــم..
جمانه\يااختي وش عليك..!! قولي وش تبين وبنجيب لك..!!
ابتسام وتهف وتتأفف\ماأبي شي خلصونــا..وتنرفزت بسرعــه ترى فينـي نـوم..
جمانه جات في بالها فكره عبقريه\شرايكــم نسوي مسابقه للرجال والحريــم..!!
ابتسام\وتلوموني اذا قلت بزارين..
جمانه\ياأختي شفيك تحطمينا..مو يعني لأنك الكبيره تسوين نفسك شــي..
راوين بسعاده غمرتها\ياويلـــي عليكــم..ياربي مدري وش بسوي اذا انتهت العطله وبدت الأمتحانات..والله بشتاق لضرابكــم..
ابتسمت ابتسام وسط غضبها\حتى احنا بنشتاق لك..
جمانه وصرخت\وانتوا ليش تذكرونا بهالمــرض.. حــرام عليكــم يامجرمين...سكتوا تكفــون خلونا نفرح ونتونــس..
ابتسام\زييييين زين بطيتي اذني..
راوين\لاقوموا نصلي تأخرنا على الصلاه..
ابتسام وتناظر ساعتها\ويــــه تأخرنــا..!!
-----------





من بعد الموقف الأخير اللي حصل لها معاه وهي مالتقت فيه..وعرفت انه طلع اكيد وماراح يرد الا بالليل
وفترة غيابه هذه صارت من صالحها...جلست مع نفسها ساعات كثيره وهي مذهوله من اللي صار لها
اثار ضربه لازالوا معلمين على خدها وهي اللي ماتجرأ احد بيوم يمد ايه عليها..كل ماتحط ايدها على خدها وتتحسس اثار اصابعه تحس برعشه تقتلها وتعيد لها الموقف بكل بشاعته..
امس شافت تركي بوجه ثاني..واليوم شافت بوجه اخر..وكل صوره كانت ابشع من اللي قبلها.
وماتدري وش بتكون حياتها بعد اللي حصل..!!؟

كانت راسمه احلام بهاليوم المميز..كانت بتقلب يومه جنـّه وبتخلي عيده عيدين..وبتسمعه اجمل كلمه تمناها قلبه..
كانت بتحكي له عن نفسها بكل جرأءه وعن احاسيسها اللي خالجتها وعشقته..كانت واعده نفسها انه ماراح يعرف للنوم باب وبيظلون طول اليوم سهرانين وعيونهم هي التحكي اذا انتهوا من الكلام..
كانت تتوقع انه اليوم بيكون اجمل يوم بيمر بحياتهم..لكن كلها كانت اوهاوم اختلقتها ورسمتها بسراب..
واللي عذبها اكثـر..وكرهها روحهـا
انا لازالت تحبـه..
ويوم اعترفت له انها تكره حست بالطعنات بصدرها قبل ماتنطقها..
حست انها تكذب على نفسها وتضحك على روحها اللي تنادي فيه وتتمنى حتى بهاللحظه وجوده
أي مصيبه طاحت فيها...!!كل اللي يحصل لها اللحين اهدر طاقتها..
تحس بتعــب شديد بكل مفاصلها...ونفسها لو تنـام وترتاح..لكن وين النـوم والحبيب غـايب....!!
صـاحت على نفسها اكثر وعلى حظها اللي طيحها بتركـي..هي كانت ترثي حالها وتشتكي من عذابه.!
لكن حتى بعذابه كانت تنـاديه ..وتبيـه..!

رمت نفسها على المخـده وهي تتمنى لو يضيع حبه بظلمه وجبروته وتنسـاه ..
لكن لقت نفسها متعلقه فيه اكثر وتتمنى وجوده بهاللحظه..
اكيد بيصلح غلطته..اكيد بيعتذر وبيبرر اسبابـه..
مستحيل يشوفها بحال ويظل ساكت ..اكيد بيحن لها لأنه مايرضى عليها..!
وبهألأفكـار حست باايـد حانيه على ظهرها..وعلى طول عرفتـه..وكيف ماتعـرف هألأيد اللي كانت الدفـا والأمان لها..!
تركي بهمس\...غـلا
نزلت دموعـها غصـب..يوم حست بضعفه وحنيته يوم نطق بااسمها..
..لكن ماتجرأت ترفع راسها له..
ماتبي تحسسه بضعفها..ماتبيه يشوف اثار ضربته لها..
ظلت تصيح بدون صوت..وجسمها هو اللي يرتجف ويعلن انهزامها..كانت تنتظر منه حتى لو كلمه تذوب الثليج اللي بينهم وهي بتتخطاها..بتتخطاها وبتسبقه بكل حب ورضـا
لكن طال سكـوته..ومحد نطـق.. لكن حست هالأيـد تظغط على ظهرها اكثر واكثر حتى حست بلحظه انها ظهرها بينشطر نصفين ..رفعت راسها لها وهي تتالم من مسكته لها وترتجته بعيونها انه يخفف ظغطه
لكن شافت شي ثانـي..شـافت نفس نظرة امس..لكن الألم يملي عيونـه والحيره تكسيها وتمررها..اول مره تشوفه على هالحـال..ليش الألم بعيونه..!!
هي المفروض تتألم..هي اللي انجرحت وعانت منه..!!
اتعبتها هالنظـره وحست بالدوخـه تدريجيا يوم لاحظته يقرب منها ويلصق فيها وكأنه يبي يتنفس انفساهـا
ويخترق جسدها.. ويذوبها بنظراته اللي حستها تلهبها..
لمن اعتفست ملامحها وحست بالأشمئزاز منه.. ومن نفسهـا ومن كل شي بهالدنيـا.. حاولت تبعد نفسها منه..وكان ودها تصـرخ بصوت عالي..كان ودها تصـرخ وتسمع كل الدنيـا..
وتقول لاااا حرام عليك كفايه ذبحتنـي ..الضرب في الميت حرام..
ارجوك كفايه عذااااااااب..لكنها تفاجات انه ماعندها القدره على الكلام بهاللحظه..!!
استلمت له .. استسلمت وحست انها بتموت باأحضانه وهو مقيدها بكل قواه
اخنقتها العبره واخرستهأ..لكن ضميرها كان ينطق بدالها..ويقول.. لا..لاااا..الف مـــره..

كان يشوفها وهي بتموت قهـر قدامـه..ودموعها ملت وجهها..لكن اللي هوفيه ضيع عقله ونساه نفسـه
ورجــع عشان يكمـل الناقـص..ويقتلـها للمره الثانيه..
شدد مسكتـه عليها..وارخى راسها بصـدره..
ماكان يبي يناظر وجهها..دموعها يحسها تقتله..وتغرزسكاكين بقلبه..
وغلا كان سلاحها دموعهـا..واظافرها اللي اخترقت ظلوعه..!!
كان سكـران وضحيته غلا.. اللي طاحت بالمكـروه بيدينـه..
--------------







اشكالهم..تضحك الزعلان..وتونس الطفشان..وتلهي التعبان..!!
كانوا جالسين بالصاله ورؤسهم قبال بعض.. ولابسين عبايتهم من السااعه ثمان الصبـح..والنوم يجي ويروح ويعلن انتصاره..
لكن روحهم المتحمسه ضربت حفوز كبير بنفسهم..وارغمتهم يفتحون عيونهم على وسعها
سلطان بعد طلعة الروح رضى لهم يطلعون معاه للسوبر ماركت ويقضون حاجياتهم..وشرط عليهم شرط
اذا مالقاهم بالصاله الصبح بيروح ويتركهم..
واللحين هم جالسين يحترونه على نــار..
راوين\واحد+واحد كم..!!؟
جمانه بعين نص مفتوحه وهي تاشر على اصبعين وتصوبهم قبال راوين\اثنيــن
راوين كتفت ايدينها وهي تفكر\طيب ثنين +ثنين
جمانه وهي تتثاوب وصوتها رايح\اربعــه
راوين\وثلاثه +ثلاثه..!
جمانه وهي تحط ايدها على خدها\سهلــه...وتثاوبت للمره السادسه... سبعـه..
راوين دزتها من كوعها وجمانه تخرطفت ونزلت ايدها\وعمى..!!
راوين بعصبيه خفيفه\سبعه ها..!
جمانه تنرفزت \ماعندك سالفه انتي..!!
راوين\شسوي اضيع الزهـق..
سلطان توه نازل من الدرج\فديــت المطيعين انا..!!
راوين وجمانه قاموا بنفس الوقت وانصدموا في بعض..وبنفس الوقت التفتوا لبعض وكل وحده تخز الثانيه..
جمانه سفهتها وراحت لسلطان..اما راوين لفت شيلتها وخذت الشنطه من الكرسي..وتبعتها
جمانه\احنا نتظرك من سبع..!!
سلطان وهو يعدل غترته\طيب واذا..!!
جمانه كتفت ايدينها\واللحين تسع..!!
سلطان\تعيشون وتاكلون غيرها..احد يصحى من ثمان هألأيــام صج مخبل..مشى للباب ..يالله ياحلويين..!!وطلع
جمانه ماتت قهر\ياربي قهر..ليتنا نمنا.. وضربت رجلها بالأرض..اوووف..
راوين ولبست نقابها\كله منك..من سبع وانتي تنقزين لي..اذتيني..
جمانه تنرفزت لبست نقابها وحطت شنطتها بكتفها..ومطت نقاب راوين وطلعت تركض وهي تضحك على راوين اللي بان خشمها وهي متفاجأه..
راوين صرخت ورجعت نقابها\اوريــــك..هييييييين..

بالسياره كانوا الأجواء روعــه...سوالف وضحك وتخطيطات للبر..
واغنية عبدالمجيد "الحب الجيد"هي اللي مسيطره على الجو..
سلطان\اقول..وين البقيه!!..
جمانه\مايبون مالت عليهم..على قولتهم احد يروح السوبر ماركت بثاني يوم للعيد..!!
راوين بدلع\ليش سلطان احنا مانكفـي..!!
سلطان\افا عليك بنت اخوي تكفين وزد..!!
جمانه نطت بوسطهم\اقول سلطان..اي سوبر ماركت بتودينا..!!
سلطان وهو يطالع الطريق\ انتي وش تبين..!!
جمانه\ابي بندا..!!
سلطان\بندا مافيها كل اللي نبيه..!!.. بنروح جيــان..حلو..
جمانه وعجبها الموضوع\مافي مشكـل..
سلطان\هنــود احنا...!!ودق تلفونه
سلطان\هلا..صبــاح الكوفي..هههههههههه شفيـك..هذاني جاي لك..طيب وليش معصب..!!
عادي حبيبي..انت مو اول واحد تنتظر...اقول...صف بالطابور ياحلو..زين..زيين جايك ..اوكي بدق دقه واطلع
سلام..
جمانه بلقافه\منوا..!!
سلطان\الوليد..
تفاجأت جمانه..انصدمت..ماتدري تضحك تبكي..تصرخ..مو قادره تعبر..ولا تستقر على احساس معين
لكن الشي الوحيد اللي شعرت فيه..انه قلبها بدى يجق بشكل جنــوني..!!
اللحين بتشوفه..!!ياربــي زمــان..4 شهــور..4 شهور ماطاحت عينها بعينه..!!
4 شهور قضتهم بـ فرقا..وعذاب..وبعد..وحنين
ياربـي..بشوفه..بشوفه بعد هالغيـاب..!
سلطان\ راوين نسيت اقولك ..ارجعي ورى..!!
راوين بغباء\اللحين..!!
سلطان\كيف بالله بترجعين..!!
راوين ظحكت على غبائها\ههههههههههه سوري هذا من تأثير النوم..
وصلوا بيت العم محمد..وسلطان دق عليه ..وبعد دقيقتين طلع الوليد

في غيابـي عنك أشوفك .. وفي عذابـي منك أشوفك
لك ليـالي ما سألتـي .. ولي ليـالي ما سـألت
لو دريت إنك زعلتـي .. كان أفرح مازعلت
بس داري مافي قلبـك إلا قلبـك
واختياري إني أحبـك والا احبـك

الوليد\السلام عليكم..
سلطان\هلا والله..وعليكم السلام..كيف اصبحـت..
الوليد وهو يعدل الكرسي لأنه ضيق وهو طويل قال بهمس\تمـام..
سلطان\ابتسام مو جايه..
الوليد\لا..


جمانه كانت وراه بالظبط..وعيونها بألأرض..كانت تسمع صوته وتتمنى لو ترفع عينها وتشوفه..لكنها مو قادره الا انها تتنفس وبهـدوء..وحتى كلامه ماكانت تسمعه بوضوح..ماتدري ..ماتحس انها تسمع شـي..
الكل يتكلم الا هي ساكتـه..
حالتها النفسيه..اطرمتهـا..وعلقها ماكان يشتغل بوجوده..!!
وماحست الا بقرصه قويه من راوين..التفت لها بقوه وهي معصبه لأنها قطعت سكونهـا ..وخربت لحظتها.
راوين بهمس\وصلنا ياحظـي..!!
التفت جمانه للنافذه وشافت الوليد وسلطان واقفين جنب السياره..
راوين وهي تقرب منها\ياحظــه...وابتسمت بخبث..ياحظ اللي تفكرييين فيه..!!
نزلت جمانه بسرعه..وتركت راوين تظحك على كيفهــا..
طلعت راوين وسكرت الباب وقربت منها\شفيك..خايفه من الحقيقه..!!
خزتها جمانه وهي معصبه.."شفيها هذه..مو طبيعيه اليوم"
راوين قربت من اذنها\ذوقـي..ذوقـي اللي تذوقيني اياه كل ليله..!!ومشت ورى سلطان اللي يناديهم
دخلو جيان..وابتسمت جمانه..ابتسامتها كانت بوقتها..لكنها تذكرت انه هذه ثانيه مره تدخلها مع الوليد
ويوم مرت من المطاعم تذكرت كانتون والموقف اللي حصل لها معاه..كانت من احلى الذكريات اللي تعيشها..
"الولييييييييييد..الولييييييييد..الوليد.كل شي الوليد..مالت عليك"

راوين\لاتفكرين كثير..!!
دزتها جمانه بخفه وراوين ماتتت ظحك..ماتحب احد يقطع افكارها..وهي صايره مثل الشيطان..تقط الكلمه
وتروح..
سلطان التفت لهم يوم سمع ظحكت راوين\ياعلكـم..فضحتونا..
المجمع كان مليان شباب اكثر من عوائل لأنه هالفتره مخصصه للشباب..
راوين\شسوي فيها..هي حماره جمــون..!!
الوليد ماكان يعرف مين اللي موجودين..!!لأنه مالتفت لهم ابدا..وتوه يعرف راوين من صوتها..ويوم سمعها تقول جمون غصبن عنها ابتسـم ابتسامه جانبيه..لمن توسعت ابتسامته وماقدر الا انه يضحك على الخفيف..
مايدري يضحك على حاله..!!,الا على هاللقاء اللي ماتوقع انه يكـون..!!
..كان وده يلتفت لهم..ويشوفها..لكن ماكانت عنده ذيك الجرأه اللي قبل مايسافر ..
استغرب من نفسه هو ماخذ عليهم..ومتربي معاهم..!!
ليش الخجل اللحين..!!
مو هذا اللي يتمناه..!!
حس الأفكار تدور فيه..ومو قادر يميز شي..وقف مكانه يوم
سمع سلطان يقول للبنات يتسوقون على كيفهم..وبيتلاقون عند المحاسبه.!!
صحيح خاب امله..لكنه قال الله كريم..هالثلاث بطلع روحها وبخليها تمشي وتهذي وتقول
احبـك يامجنــون..!!
راوين\والله انك مو صاحيه...!!وش نبي بقسم الفواكه..!!
جمانه مسكت راوين وجرتها لقسم الفواكه لأنها كان اخر قسم..
تبي تبتعد شوي عن الوليد..!!ماتوقعت بعد هالغياب يكون لقائهم فجـأه بدون ماتستعد نفسيا..
فما قدرت غير انها تمشي لأخر السوبر ماركت..وتهدي من نفسها..!!
راوين\تدرين انك سخيفه..احنا ماعندنا وقت عشان نتسوق على راحتنا..!!
جمانه\شفيك انتي..انا مشتهيه عصاير معينه..شوفيها.
التفت راوين لقسم العصاير اللي قريب من قسم الفواكه..
راوين\يالله خذي اللي تبينه..
خذت جمانه كذا علبه بعشوائيه..المهم انها تملي العربانه وتسكت فم راوين..
راوين حست بتصرفات جمانه العجيبه..لكنها طنشتها وهي تقول"الوعد بعدين يالعجوز"
بعد ماخلصوا اتجهوا لقسم الحلويات وجمانه يوم شافت حبايب قلبها نست الوليد وبدت تشتري بجنون..وراوين عجبتها حلويات ** بالكرز..حطتهم بالسله وتذكرت الأيس كريم..لازم تاخذ لهم كرتون..
راوين\اقول جمون..
جمانه منشغله بمحتويات العلبه\ها
راوين\وجعـاه..خلصينا بروح اشتري ايس كريم.
جمانه وعينها على العلبه\زين روحي وانا بظل هنا استناك..
راوين\متأكده.
جمانه\ايه روحي..
خذت راوين اللي تبيه وشافت على الطرف ايس كريم باسكن روبنز واشتهت ميلك تشيك بالفراوله
وتذكرت طلال..اكيد بتشوفه اليوم..اكيد..
راحت لجمانه وشافتها مخلصه وماسكه ورقة الطلبات باأيدها وتناظرها..
مشوا لقسم الشيبس..ويوم خلصوا مسكت جمانه راوين من عباتها
شدت راوين عباتها من جمانه بالغصب\ يالدفشـه..وين رايحه..!!
جمانه\جاتني فكـره..!!
راوين\طيب وش دخلني انا..
جمانه مشت بالعربه\امشي وراي..
مشوا البنات لقسم الملابس والألعاب..وجمانه جاتها الظحكه..
راوين\شنسوي بالله هنا..
جمانه\بنشتري..
راوين\من صجك انتي..مفكره روحك بزر..والله انه ابتسام صادقه..!!
جمانه\يالخبله تعالي اقولك..قربـي..
قربت راوين منها وفجأه ظحكت\منتي بصاحيه..!!
جمانه بحماس\شرايك..!!
راوين\والله اتك رهيبـه..يالله بسرعـه..
سلطان\تتوقع كم الفاتوره..!!
الوليد يناظر العربه اللي امتلت اغراض\من اللحين اقولك اذا ماعندك لاتفشل نفسك..!!
سلطان\مالت عليك..امش امش تفائل بالخير ياأخي..
الوليد\ههههههههه نشــوف..
سلطان\تقريبا خلصنـا صح..!!
الوليد وهو يلتفت لعل يلقى جمانه\امم يقولون..
سلطان\شتناظر..
الوليد تفشل\ولاشـي..
سلطان\اوكي خليني ادق عليهم..!
جمانه\راوين تلفونـك..
راوين\يووه..سلطان..!!..ارد..
جمانه\ايه ردي..
راوين\هلا..
سلطان\هلا راوين..وينكم..!!خلصتوا..
راوين\احنا باول قسم..
سلطان\وانتوا تمشون عكس الناس...!!
راوين انحرجت\شفت عاد..
جمانه\قولي له خلصنا..!!
راوين\اقول سلطان ترى خلصنا
سلطان\واكي تعالوا عند الكاشير.. سلام
راوين\مع السلامه..لقيتيه؟؟!
جمانه\ايه بس مدري اخذ أي نوع..مو هذا واقي الشمس اللي ابيه..!!
راوني\عادي جمانه خذي أي شي..تأخرنـا..!!
جمانه واستقرت على واحد\اوكي خلاص..هذا اللي باخذه..

اتجهوا البنات للكاشير وشافوا سلطان والوليد يحاسبون
الوليد هالمره طاحت عينه بعين جمانه..وعرفها على طـول من طولهـا.
طول بالنظـره لأنه كان يبي تشوفه وهو يناظرها..وتحس فيه لو شوي..
لكن جمانه من اول ماقربت منهم وهي منزله عيونها بالأرض..!!
سلطان التفت لهم وظحك بصوت عالي ومومهتم باحد لأنه السوبر ماركت شوي فاضي
سلطان\من صجكم انتوا..!!وش اللي ماخذين..!!
تفشلت جمانه ولصقت ورى راوين ماتبي تنحط بهالمـوقف..وراوين ماكنت اقل خجل منها..هي بروحها حيويه..
راوين\سلطان الله يهداك كيفنا..!!
سلطان ولازال يضحك\والله انكـم...شقول بس هههههه
الوليد كتم ظحكته مايبي يحرجهم..لف على الكاشير وسوى روحه منشغل بالحساب..
حاسب سلطان وهو بين فتره وفتره يمسك الأغراض ويضحك..الكاشير كان سعودي من ضحك سلطان ضحك ونزل عيونه..

لمن خلصوا اخيرا ومشوا للبيت بعد ماوصلوا الوليد..واتصلت الجده تسال عنهم
سلطان دخل السياره بالكراج وهرن عشان ياخذون الخدمات الأغراض..
سلطان\هلا يمه
الجده\وينكم..تأخرتوا..
سلطان\هذا احنا وصلنـا..
الجده\انت اللي تهرن..!!
سلطان وعرف انه بياخذ تهزيأه\ايه..
الجده\فضحتنا بين الجيران..
سلطان يأشر على البنات عشان ينزلون \خليهم يصحون..مو زين عليهم النوم ..
الجده\منت بصاحي..
سلطان جاه خط ثاني \يالله يمه سلام..معاي خط
جمانه وهي تسكر الباب\شفيها جدتي..
سلطان\معصبه عليكم..تقول في بنات يطلعون من صباح الله..صج مايستحون..
راوين خافت\صج..!!
سلطان\اجل امزح معك..!!..ويناظر تلفونه شفيه هذا سكر..
جمانه\سلطان متى بنمشي..!!
سلطان\الظهـر..
جمانه\مابقى شي على الظهر..!!
سلطان\ليش وش عندك..
جمانه\شنطتي ماجهزتها..!!
سلطان ويقلد صوتها\شنطتك ماجهزتيها..!!
اللحين انا قلت مدري وش بتقولين..توقعت عندك شي كبير..هي شنطه وسكريها..!
راوين\اي والله صادق..
سلطان\زين رحوا شوفو هالخدمات .وراي مشاوير ماخلصتها..
---------------









سكرت سماح من سميه وهي حزينـه..كان ودها تكون معاهم..لكنها تعرف انها صعبه واكيد بتتعب ..والبر يبيله قلب قوي..
..وهذه اول مره سماح تعترض طلعه مع اهلها..لأنها تعرف وش اللي بيترتب على هالطلعه..!!
دخل عليها احمد اللي كان توه جاي من بره
احمد\السلام عليكم..
سماح\وعليكم السلام..تأخرت..!!
احمد وجلس جنبها\مريت بيتنا شوي وجيت..!!
سماح وزعلت\ليش ماقلت لي كان رحت معاك..!!
احمد\ماجاء على بالي اني امرهم..بس كنت قريب وقلت خليني اشوف حوستهم..!!
سماح\مشوا والا لسه..!!
احمد\ايه مشوا..
تضايقت سماح وبن على وجهها\تدري اني اغبطهم..!!
احمد\طيب ليش تقولينها بزعل..!!..وبعدين اللي يشوفك يقول مو شافتهم ابد..ان شاء الله بنجيهم كل يوم ومو رايحين الا بوقت النـوم..
فرحت سماح وابتسمت \صــج..
احمد بادلها الأبتسامه\ايه صج يالدلوعـه..
سماح ورجعت تكشر\بس ولو..النومه غيـر..
احمد\ويهون عليك..!!
سماح\ايش..!!
احمد\يهون عليك انام بعيد عنك..
سماح ظحكت\والله انك مكـار..مدري مين اللي يرجع من شغله باأخر الليل..
احمد مسك ايدها\شسوي ياحبي..غصبن عني..!!..لكني اوعدك بالخير ان شاء الله
سماح وهدى صوتها\وانا معاك لنهاية الطـريـق..
احمد تأثر بكلمتها..ورق لصوتها اللي دخل لأعماقه\صدقيني احلى طريق وانا جنبك..
سماح بقلب صادق\الله يخليك لي..
ظلوا فتره قليله ساكتين..
احمد\شرايك نطلع..!!
سماح ظحكت\احد يطلع الظهـر..
احمد\نتغدى ياقلبي..
سماح\والأكل اللي سويته..!!؟
احمد ابتسم\تاكله الخدامه..
سماح عجبتها الفكره\اوكي..اممم وبعد مانتغدر وين بنروح..!!
احمد فهمها على طول\ولامكـان..
سماح عصبت على خفيف\احمــد..
احمد\عيونه..
سماح\تكذب علي..!!؟
احمد\اوووه نسيت بعدها نروح لهم بالبـر.
سماح وارتاحت\اللحين اقوم..واتجهز بسرعـه..
احمد وقومها معاه\زين لاتتأخرين..اذا خلصتي صحيني.
سماح ابتسمت بحنان\اوكـي..ارتاح شـوي وبتشوفني جاهزه
-----------



بالسياره وجالس يتحرطم على اهله..واعصابه تغلي بجرعه حراريه كبيره
ليش كل هالتأخير..!!
وش بقى وماحطتوه بشنطكم..!!
احنا وين رايحين..بنهاجر يعني..!!
فشلتونا..الكل بيمشي وبينتبه لعفشكم..!!
ظحكت فجر ومدت له كاس عصير\خذ..برد على قلبك..!!
خذ هيثم العصير لأنه حس بملوحه بلسانه وكل هذا بسبب كلامه..
بو احمد كان جالس جنب هيثم اللي يسوق ويضحك على يوالف ولده\وانت ليش حارق اعصابك..وخز يعينه..يعني ماتعرف الحـريم..!!
ام احمد تدلخت على طول\وش فيهم الحريـم..!!
بو احمد\ابد..سلامتك ياأم احمد..شهـد على الفؤاد..
فجر\صدقني محد اخرنا غير احمد يوم جانا..!!
هيثم ولازال معصب\ايه..حطيها على احمد..والله لو غلا موجود كان تنومت بالمستشفى اليوم من برودها ودلعها..الا يمه شخبارها..!!
ام احمد\والله مدري ياولدي..احاتيها..حتى مادقت تبارك للعيد..!!
ابو احمد اعترض على طول\وانتوا ليش تدخلون في البنيه...ياعلها ماتدق طول عمرها ..خلوها براحتهــا..!!
ام احمد\وانت ماصدقت على الله اتكلم وتهب بوجهـي..
فجر\يمه ذكري الله..
هيثم بهمس\ليتني مانطقت..
فجر قربت منه\متى بنوصل هيثم..!!مو كانه طولنا..!!
هيثم واحتد صوته لأنه تذكر تأخيرهم\غمض عيونك وتشوفينا وصلنا..
فجر ابتسمت بحنان "ليتك تبرد على قلبك ياأخوي\صـج..!!
هيثم ويناظر الخيام المنصوبه من بعيد\خلاص بنوصل..
فجر\غريبه ماطولنا..
هيثم\احنا متعمدين مانبعد كثير.
ام احمد استغربت\ليش..!!
هيثم\عشان جـدي اولا.وغير كذا عشان يكون السوق قريب منـا..!!
ام احمد وعجبها الموضوع\والله انكم ريحتونا..مدام البيت قريب منا..بمره كل يوم..الواحد مايقدر يتسبح بهالبر..!!
هيثم\وهذا اللي تحاتونه.. وتضايق..الله يعيني على المشاوير..
ابو احمد ضحك\تحمل اللي يجيك..
هيثم وقف السياره\ على السلامه..
---------------

الاخت الصغيرة
الاخت الصغيرة •
اسفة ع التاخير وسبب لامور خاصة
&&&&&&&&&&&
الجزء الثالث والثلاثون
(حاجه غريبه)
---------------


صدتــــك..!!
شبصت راوين ايد ينها على السلم بقوه..وخافت انها تطيح من صرخة جمانه اللي فاجأتها.. راوين\ياحمــاره..خرعتينــي..ووبصوت باكي..كنت بطيــح..!!
جمانه ماتت ظحك على راوين \محد قالك توقفين هنا على اطراف رجلينك..!!.تعالي شتسوين هنا..!!
راوين باأحراج وهي موطيه راسها للأرض\ولاشــي..
جمانه \حلفي انتي بس.. وعقدت حواجبها ..كأنه صوت سلطان..!!
راوين\ايه الشباب كلهم تحت..
جمانه واتسعت عيونها\صحيــح..!!..وابتسمت بخبث ..ياسلام اللحين عرفت ليش انتي واقفه..!!
راوين وبان توترها\تدرين انك سخيفه..
جمانه \شكرا هذا المطلوب..وبعدين تعالي وشفيها يعني اذا ناظرتي سللطان..ورفعت حاجب اليمن..لا عيب ولاحرام..!!
راوين انقهرت وانحرجت وحمرت..
جمانه\شفيك عــادي..ايزي ياماما...حتى انا بناظر..
مالت براسها جمانه وطاحت عينها على طلال اللي كان متكشخ ولابس شماغه وواقف وماسك ايد جده ويكلمه وواضح بملامحه انه فرحان..وظحكت عشان تقهر راوين..
جمانه\والله حركاااااات..هههههههههه
تركتها راوين ودخلت الغرفه وهي معصبه لأنها انفضحت قدام العجوز جمانه..
وجلست على الكرسي وحست انها شوي وبتصيح من الأحراج..
يعني لازم توقف زي الهبله تناظره..!!
لازم حركات المراهقيــن..!!
اللي يشوفها يقول ماعمرها شافته..!!
وش استفادت اللحين..!!
شوفه وحرقت جـــوف..اووووف
------------------






ماسك بايده اليسار الأكياس اللي اشتروها..وبايده اليمين ماسك سماح اللي تعبت عليه بالسوق..واول ماوصلوا الشقه حط ألأكياس بألأرض وخذ المفتاح من جيبه
سماح\خلاص احمد..وظغطت على شفايفها بوهن..ابي اتنفــس..
احمد التفت لسماح بسرعه ولف حوالينه وماشاف احد..ورفع الغطاء من وجهها وشافها معرقه ومحمره وسندها على الجدار\اتحملي حبيبتي..شوي بـس..ودور بين كومة المفاتيح على مفتاح الشقه..وبصعوبه لقاه فتح الباب وخذ الأكياس ..وعلى طول دخل سماح الغرفه وجلسها على السرير..وجلس جنبها وهو متوتر\انا قلت لك ماله داعي تروحين..وانتي اللي اصريتي..!!
سماح\خلاص احمد..مو وقت لوم ..وغمضت عيونها..ارجــوك..
حس بالتعب لتعبها..وحس بالألم لألمها..مسح على جبينها ورفع خصلات شعرها المعرقه..وقام من السرير ودخل المطبخ وصب لها حليب بارد..وراح لها وشافها لازالت مغمضه
جلس جنبها وهو يفصخ غترته وهمس\سمــاح..
فتحت عيونها سماح..ورجعت تغمضهم\لاأحمد..مو مشتهيه أي شي..
احمد\ادري..بس لازم تشربين..وسندها بأيده..يالله عاد..
سماح بااعتراض وهي تسكر شفايفها\صدقيني ماأبي تونا متعشين..مالي خلق...
احمد تجاهل كلامها وشربها غصب
احمد\بعد فتحي بقى شوي...
سماح\يوووه احمــ وسكتت يوم دخل الحليب غصب بفمها..
احمد\كأن دلعك زايد هاليومين..!
سماح بعصبيه خفيفه\ليه مو من حقي..!!
ابتسم لها وقام يبدل ملابسه\من حقك ونص بعد..
بادلته سماح ألأبتسامه ورجعت تتسند على السرير..حطت ايدها على بطنها وتحسست عليه..على حسب كلام الدكتوره كلها شهرين وتولد..واحساسها يقول انها هالأيام موعد ولادتها..والامها صارت لاتطاق..مو عارفه هل بسبب الحبوب اللي تاخذها...او الثقل اللي بطنها هو السبب..!
دخل احمد وهو مبدل وناوي ينام جلس على السرير وقابلها
سماح\اقول احمد..
احمد\نعم
سماح ولازالت ماسكه بطنها\احس اني بولد هالأيام..!!
احمد\مو كانه بدري..!
سماح\انت لو تشوف بطني كيف منتفخ والعروق كيف متجمعه فيه..كان مت خوف علي...احمد
احمد بـحيره\عيونــه..
سماح بنظراات حزينه\انا خايفه..!!
احمد\من ايش..!!
سماح\مدري..خايفه وبس..
احمد خف صوته وبانت حنيته\ليش الخوف وانا معاك..!!
سماح\اخاف اموت وانا اولد..!! وبنظرات جاده احمد..اذا بولد ادخل معي غرفة الولاده..
هزته احمد كلمة الموت..وتلخبطت افكاره وماعرف كيف قدر يسطير على الوضع ويرد على سماح..لكن شعر انه قلبه هو اللي تكلم مو لسانه\اولا ماأبي اسمع كلمة موت من لسانك..سامعتني.
.وثانيا مين قالك اني بخليك..بكون معاك بكل لحظه..فاهمتني ..بكل لحظه..
ريحتها كلماته..لكن لازال الخوف مسيطر على افكارها
سماح برجا\ ماتقدر تاخذ اجازه هالأيام..خلك جنبي.اخاف يجيني الطلق وانت بعيد..
استغرب احمد من كلام سماح..!!ليش هالخوف كله..!!
تأثر من كلامها..وغصبن عنه صابه الخوف والرهبه وهو يتخيل امور كثيره..حس انه مقصر معاها..وخصوصا بشغله..شغله اخذ الكثير من وقته..!!
لكن ماعنده حل ثاني..وظيفته هذه هي..ماتتغير ابدا..وسماح هي الضحيه..!!
لازم ياخذ اجازه..سماح اهم..اهم من كل شي..
واذا صابها اي ضرر..مااراح يسامح نفسه ابدا..
---------------





حبة البندول اللي اخذها خففت الصداع نسبياّ..وريحته خصوصا بوقته الحرج..
جاته لحظه قرر انه ينزل فيها لأقرب محل يبيع فيها الخمره ويشرب لحد الثماله ويعوض فيها
هاليومين اللي مضوا..!!
.لكن هاللحظه تبخرت بالهواء..ومااصبح لها اثر.. وهو يشوف نظرات القلق بعيون غلا..هالنظره هذه ذكرته بشخص نساه..او حاول انه يتناساه
هالنظره هذه كانت غير..غير عن نظرات الهيام اللي بعيونها..
هالنظره كانت كلها خوف وحيره وحنيـه..
هالنظره ذكرته بنظرات امه اللي ظن انه نساها..!
كان دوم يحاول يتحاشى عيونها..كان خايف انه يتأثر فيها و يأنبه ضميره وهو اللي قلّه مايحس بالأتأنيب.
وكيف يحس وهو قلبه صار عاصـي..وقلبه ظلّ طريقـه..!!
كل مايتذكر انه امه نور..نور اللي عايروها بالهنديه..يقسى قلبه..ويتحجر مثل الصخر اللي حتى امواج البحر ماقدرت على قسوته وجموده..!!
ومع كل هذا..مع كل انواع الذلّ اللي استشعره..!!
كان عارف ومتيقن انه مرده بيحن..بيحنّ وحتى لو فات الأوان..
"تركــي"

التفت لها..التفت لغلا وطاحت عينه بعيونها..والمسافه اللي بينهم كانت سنتيمرات معدوده..ماأتحمل هالمسافه..
وابعد وجهه عنها بااقل من ثانيه..يحس انه مشاعره متلخبطه..ومو قادر يواجها..ولا يواجهه هالعيون اللي اوقظته من سباتـه..
غلا بنبره اتعبته\احسن اللحين..!!
بدون شعور حس انه بدال مايلين قسى..واستغرب من نفسه..بعد كل هالمشاعر ومحاسبة نفسه يقسى..!!
ليش يقسى..!!
معقوله لأنه رافض يواجه حقيقته المـره..!!
تركي بنبره خاليه من المشاعر\ايه..احسن....ووقف بسرعه ..تصبحين على خير..





اول ماصحت..مررت ايدها على مكان تركي..ولقته خالي..فتحت عيونها واعتدلت في جلستها..
وهي مستغربه.."وينه"..قامت السرير وطلعت للصاله و اعتفست ملامحها وهي تحس بـ برودة الأرضيه وهي حافيه..طلت على البوفيه ومالقته لكن شافت صينية الفطور.وعرفت انه فطر وطلب لها..غسلت وجهها وجلست تاكل لأنها جيعانه وماذاقت الأكل من امس ..
بكره ليلة العيد..وعلى حسب مخططات تركي..فشكلهم بيعيدون هنـا..وهذه اول مره تعيد بعيد عن اهلها وبلادها..!!لكن اكيد بتكون غيــر بوجودها مع تركـي..
واثناء ماهي تاكل..دخل تركي وجلس جنبها بدون ماينطق بحرف..وبعد فترة صمت تكلم..
تركي\متى صحيتي..
بلعت اللي بفمها وردت عليه..\من شوي..!!
قام من مكانه متجهه لغرفة النوم..وهي ماقدرت تسأله لا وين كنت..ولا وين بتروح..!!

وبعد فتره قليله خلصت اكلها ودخلت الغرفه ومالقته..تقربت من الحمام وسمعت صوت قطرات الماي..وتوها بترجع الا طلع بوجهها تركي واصطدم فيها وخرعها..وهي طاحت بصدره العاري...

بهاللحظه..ولأنها مازالت مصدومه..ماقدرت ترفع جسمها عنه وهي تحس بالبلل اعترى وجهها..
رفع وجهها بايده..ويوم شاف البلل بوجهها ابتســم..وماقاوم الظحكــه وضحك بصوت هادي لمن هالظحكه علت وعلــت..
يوم استوعبت غلا..ابعدت ايديه عنها..ولفت وجهها وهي متفشله..وجلست على الســرير ورمت وجها بالمخده وهي تحاول تخفف من الحموره والحراره اللي احتوتها..
ودها تبكي اللحين من الأحراج..مو قادره تتحمل أي لمسه منه..تحس انها تتغير بلمساته....وتتعلق فيه اكثر واكثر.. وروحها تطير لفوق مثل العصفور الحر..
لكنها تستغرب من تصرفاته..مره يضحك مثل الطفل اللي ماعرف الهم..ومره يحتد مثل الصقر اللي دوم عالي..
احساسيها صارت تكبر من دون ارادتها..وحتى وهو غامض وحاد تحبـه..ويمكن اللي علقها فيه زود هو غموضه..وقوة شخصيتها اللي يفرضها على كل مجلس يكون موجود فيه..

مسكها من كتفها ورفعها...وهي مستلمه له وغمضت عيونها بقوه لأنها مابدل..!!
تركي وهو يمسح على شعرها\ليش الحياء..انا زوجـك..
غلا بهمس \ادري..
تركي باابتسامه جانبيه\حلو انك تدرين..
مسكت ايده اللي تمسح على شعرها ونزلتها بهدوء..
تركي انصدم من حركتها واحتد صوته\ليش..!!
غلا لفت وجهها عنه وقالت\ماأقدر اتحمل....وغمضت عيونه و بنعومه زايده كملت ..افهمنـي..!!
ابتسم لها تركي وفهمها على طول..ومسك ذقنها هذا هو اللي يبيه يحبها اذا استحت\طيب يابنت عمي..وريني كيف يتتحملين اللحين..!!
------------------



بليز..لا تسون حركات وتجلسون على البدله خمس سنين..بكره ليلة العيـد.يعني فهمومها مافي وقت..!!
تأففت ابتسام بضيق.. لحد الآن مالقت شي يناسبها..والمحلات كلها زحمه..واذا لقت بدله حلوه ..ماتلقى لها مقاس.>>هذا حال معظم البنات اليوم

جمانه راحت تحاسب الكاشير..وجرت راوين معاها..خلاص الي شافته بتشتريه..وماتبي تتعب نفسها وهي تدور بدون فايده..
ابتسام\فجور حرام عليك..والله انا خلقه متضايقه..شوفي لحد اللحين ماشريت شي..!!
تجاهلت فجر كلام ابتسام..وخذت من البترينا بلوزه عجبتها..!!
فجر\شرايك بهذه..!!
فرحت ابتسام بالبلوزه..واكثر شي شدها هو الوانها..البني والذهبي والأحمر..لكن يوم دققت فيها لقتها طويله حيل..
ابتسام\فجور..طويــله..!!
ظحكت فجر وهي طفشانه ومتملله.ماتحب شي اسمه سوق..لكنها جات علشان عيون بنات عمها اللي ارغموها على الطلعه..
ابتسام وشوي وبتبكي\ليش تظحكين..!!
فجر وهي تطوي البلوزه وتتذكر امور حلوه\تذكرت غلا..كانت دوم تجنني اذا اختارت شي..تعفس المحل كله..وبعدين تطلع ولاكأنها سوت شي..وتنهدت بصوت مسموع..والله وحشتني اختي..!!.. ورجعت تناظر ابتسام..المهم ماعلينا..بتاخذينها والا..!!
ابتسام حايره وظلت ماسكه البلوزه وتلفها من كل صوب\مدري..
فجر\طيب تعالي نسأل البنات.
ابتسام\اوكي..
قربت ابتسام وفجر..من راوين و جمانه اللي توها دافعه ومخلصه..
ابتاسم\شرايكم بهــذه..!!
جمانه\فظيعــه..من وين جبتيها..ماشفتها...!!
ابتسام\فجر طلعتها لي..ها راوين..شرايك..
راوين\الصراحه ماتتفوت البلوزه..وبعدين انا شفت بالمحل اللي قبل هذا تنوره تناسبها..طقميها معها...
ابتسام\متأكده..
راوين وابتسمت\ايه متأكده..
ابتسام\اممم..
فجر\شوفي بسوم..اذا ماتبينها مو مشكله..نكمل المحلات يمكن نلقى..!!
ابتسام واتخذت قرار\لا خلاص..بشتريها..وعلى قولتهم الموضه طويل.
جمانه\بس لحظه مو كأنها ضيقه شوي...
ابتسام\حرام عليك..شنوا ضيقه..!!
جمانه\شفيك انتي اذا عدله عليك...خلاص اشتريها..
ابتسام كانت متضايقه على متنها الزايد والملحوظ وقالت عشان تقهر جمانه\اكيد بتشريها..ماراح انتظرك..
جمانه وعقدت حواجبها\ماصخــه...!!
سفهتها ابتسام وراحت تحاسب..,ظحكت عليهم راوين...!!
فجر لجمانه\احنا ماصدقنا على الله تلقى شي يناسبها.وانتي تقولين ضيقه..!!
جمانه ظحكت بقهر\اسفه عمتــي..غلطنــا..
راوين\ياعيني على الأدب..
جمانه بدلع\من زمان انا مؤدبه..بس انتوا توكم تعرفون..
راوين رافعت حاجب وودها لو تصيد جمانه بأي زله\مو كأنك تكررين هالجمله دوم..!!
جمانه\شسوي فيكم..محد مصدق اني مؤدبــه..!!
---------------







المطعم كان هــادي جدا..وصوت الموسيقى الرومانسيه هي السيمفونيه الوحيده اللي محايطه الجو..
والشموع اللي في كل طاوله زادت شاعريه على الجو..والأناره كانت خافته وصفــراء..واللون اللي طاغي على المكان هو اللون الأبيض وممزوج بلون الذهب الفاتر ..حتى المنيو على قولة غلا كان بنفس اللون..
كانت تناظر الزباين اللي داخلين بكل حــب وهو تشوفهم كيف ماسكين ايد بعض بكل حميمه وماهمم الناس اللي حولهم..
وعيونهم تحكـتي معاني الحـب والألفــه..!
كانت تتمنى تشوف هالنظره بعيون تركـي..كانت تدري انها عاجبته..لكن متى يقول الكلمه اللي تحلم فيها من زمــان..!!
متى يقولها لها..وهي ترد عليه باأجمــل منها..متى..!!
ناظرته بكل حـب يمكن يحس باللي يجول بداخلــها..لكنه كان منشغل بالمنيوا اللي قدامــه
كان هالليله لبسه رسمـي..وانيــق يزيـاده بجاكيته ألأبيض اللي فصخه وحطه على الكرسي وظل بالبلوزه البنيـه..والجل اللي رجع شعره على ورى..وبنظارته اللي تتمنى لويبفصخها لو دقيقه عشان تتأمل عيونه بوضوح..
مسك تركي ايدهـا وهي سرحـانه فيه..وهي ارتجفت من لمسة ايده..
ظغطت تركي باايده اكثر وقربها منه
تركي\ليه هالرجفـه..!!
ابتسمت غلا بخجل\مدري..بس..وسكتت..
تركي ابتسم لأبتسامتها وقرب نفسه اكثر لمن باس ايدها ..
تركي بهمس\واللحيــن..
ماردت عليه وحاولت تجر ايدها لكنه كان متمسك فيها ويبتسم.. ناظرت حوالينها بتوتر..خافت انه احد شافهــم...
لكن حصلت انه الكل منشغل باللي جنبه..
تركي\شتناظرين..!!
غلا كانت منزله راسها\تركي..بليــز
تركي\مأاسمــع..
رفعت راسها غلا بقهر\لاوالله..
تركي\تدرين..حلوه وانتي معصبه..وحلوه وانتي هاديه..وسكت شوي..وكمل..كل شي فيك حلو..
غلا بعفويه \ادري.. وسكتت وهي مصدومه من نفسها كيف قدرت تقول هالكلمه له.."ياربي وش بيقول عني اللحين..ماعندي حيــا"
توها بيرد عليها..الا جاء الأكل لهم.. ترك تركي ايدها وهي على طول حطتها بحظنهــا..
.وحط النادل الصحون بالطاوله ومشى..
خذ تركي الشوكه والسكين..وهو عارف انه غلا ماراح تتكلم..
اخذ قطعة ستيك وقربها لغلا..
غلا كثرة صدماتها..وزاد حياءها..وحمر وجهها..
ولمن شاف عدم تجاوب منها..قربه لفمها وبنظراته كان يطلبهــا..
فتحت غلا فمها وهي تتمنى تنتهي هاللحظه ويريحها تركي..
ماكان يعرف انه يسبب ربكه بقلبها الصغيــر...ويشعل روحها بحرارة تصرافاته
..لكن بألأخير حست بفرحه تغمر روحهــا..
تحب الأهتمام اللي بعيونه..وتحـب والله غروره..
تركي\شبعتــي..!!
غلا\ايه
تركي ويعقد حواجبـه\طيب انا ماشبعـت..
ابتسمت غلا بخجل..ومدت لها بشوكه مثله وكل مافيها يرتجـف..
قرب لها تركي اكثر..وهي وصلت له..ويوم دخل الأكل بفمه غمضت عيونها وهي تضحك من الخجل..


طلعوا من الفندق..واجر تاكسي
كان حاس بالسعاده لأسباب كثيره..
..طول هاليومين قدر بصعوبه يمسك نفسه عن الشرب وياخذ البندول بكميات كبيره عشان تخفف صداعه ويمكن طلعاته اللي من الصبح مع غلا لحد الليل هي اللي مخليته ينشغل عن الشرب..لكنه متأكد انه بيجي يوم وبيرجع للشرب..وهاليوم اكيد قريب..لأنه مقاومته اصبحت ضعيفه..

طلب من راعي التاكسي انه يوقفهم هنا يوم قربوا من الفندق لأنهم بيكملون مشي.
مشى تركي وهو رافع جاكيته على كتفه..وغلا تمشي جنبه..مسك ايدها بدون يناظرها..
غلا كانت بقمة سعادتها اللي صار لها اليوم اكثر من اللي تتمناه..وهي بالمقابل تمسكت فيه اكثر واكثر..
حس تركي فيها..وبدى يدندن بصوت واطي..ولأنها من عشاق عبداللحليم غنى

حاجه غريبه..حاجـه غريبه
الدنيا لها طعم جديــد..
غلا ناظرته بعدم تصديـق.."صوته المخملي اثر على مسامعها"
حاجه غريبه..حاجه غريبه
انا حاسس اني ده يوم عيد
حاجه غريبه..حاجـه غريبه
الدنيا لها طعم جديــد..
حاجه غريبه..حاجه غريبه
انا حاسس اني ده يوم عيد..!!
سكت تركي عند هالمقطع وهو مستغرب من نفسه..طلعت منه الكلمات بكل عفويه. وكأنه تدل على حالة نفسيته المرتاحه..!.واللي يحسه بداخله كان كبير..وصعب ينوصف..

غلا فاجأته وهي تكمل الأغنيه بصوتها العذب
بدت بااول كلمه.. وانا حاسه..وانا حاســه..ونست الخجل وكملت
وانا حاسه الدنيا هربانه
ويانا بالليل كل سعاده
حاجه غريبه

اندهس منها تركي..وكمل بسعاده
حاجه غريبه..حاجه غريبه
انا حاسس اني ده يوم عيد
حاجه غريبه..حاجـه غريبه
الدنيا لها طعم جديــد..
حاجه غريبه..حاجه غريبه
انا حاسس اني ده يوم عيد..!!

ظحك تركي عليها..ماكانت تتقن اللهجه المصريه لكن صوتها الناعم اثر على نفسه بكل قوه..حس انه صوتها هزه وضرب دقاته قلبه بشكل سريع.. و احساسها العذب وصل له..

وظحكت معاه غلا وظحكهم ملى الشارع ..وحس انه كأنه رجع لأيام السبعينات..ايام شاديه وعبدالحليم..وخصوصا وهم راجعين من سهره جميله بظلمة هالليل وماسكين ايد بعض بكل حميمه..وكملوها بهألأغنيه اللي جات بوقتها..
مشوا للفندق وهم يكررون الأغنيه بدون خجل وبراحه غريبــه...وهم عايشين احلى لحظات عمرهم..وكل اللي يقابلهم ينعجب من هالثنائي ويتمنى ربع هالسعاده الي تهل بوجهم....
----------





روعــه..روعــه يايوسف..شي مثير..امزجت الواقع بالخيال..!!
اشرقت الأبتسامه بوجه يوسف وهو يسمع المديح من الدكتور سمير..
يوسف\شكرا يادكتور..اسعدتني بكلماتك..
الدكتور\صدقني لو في عبارات اجمل بقاموس ذاكرتي كان مابخلت عليك فيها..وسكت لحظات...وكمل..كم بقى لك لوحه وتنهي شغلك..!!
يوسف كان يفكر بموضوع اللوح..هو صحيح رسم كميه لابأس فيها..لكن الحفوز اللي بقلبه حمسه اكثر ..وريشته ماكانت تجف طول اليوم..وحتى وهو نايم..يصحى ويكمل بقية رسوماته..ولو عليه يرسم بدون نهايه ..وبدون تعب.!.وكيف يتعب وهو يشوف الحلم منور قدامه وبانت اخيرا ملامحه..!!
يوسف\مو كثير..لكن ماأقدر احدد لك حاليا..
الدكتور\اوكي..بس اللي ابيك تعرفه انه عندي دره لمده لاتقل عن 3اسابيع..وبعدها اتمنى اشوف انك جاهز من جميع النواحي..
يوسف\ان شاء الله خير.
الدكتور\نسيت اخبرك بشي..بعد ماأرجع عندي لك مفاجأه بتعجبـك..
يوسف\بتخليني اهوجس يادكتور..
الدكتور\لاتهوجس..مفاجأه راح تعجبك صدقني..!!
ابتسم بحب للدكتور سمير..مو عارف كيف يشكره..حروفه صارت تخونه امامه عطفه وفضله عليه..
مافي كملة شكر توفي حقـه..وحتى لو الشكر من اليوم لبكره ..ماراح يكفي..!!
ترك العنان لعيونه..كانت تعبر عن الف معنى ومعنى يحمله بقلبه لهالشخص الغالي عليه..
الدكتور مد يده\يالله يايوسف..مع السلامه..اشوف على خير باذن الله..
مد يوسف يده له..وهو حاط امله كله بالله ثم لـ هالأنسان الطيب..
وصحيح اذاقالوا..
ضاقت فلما استحكمت حلقاتها..فرجـت وكنت اظنها لاتفرج
--------------





لـيلي مـثل لـيلك ؛؛. او همومنا غير
قـلبي صـباحك مـشرقه مـع صاحبي
يااللي السما عندك؛؛. رياض ونواوير
ومـن الـفرج عجعج سناها وفاحي
وانـا نـجومي ؛؛. في الغداري مسامير
عـلى الـسما ؛؛. دقـت فـكل النواحي
عـلمي بـنور الشمس ؛؛. وقت المعاذير
قـلت الـفراق ؛؛. وصـار هذاطاحي
كـان الالـم ؛؛؛؛ غـيث فـدمعي تناثير
وكـان الـندم سـيل فخدى بطاحي
لي فتره ماكتبت..والسبب غير معروف..وهذه الخاطره لها فتره غير معروفه نهايته..واليوم انهيتها بدون نفس
احس بفتور بالكتــابه..قلمي ماصار يساعدني..
حسيته بلحظه ..انهغريب عني..وحتى الورق..الورق اشوفه باهت وهو ساطع بلونه ألأبيض
احاسيس غريبه تجتازني..وانا جاهلتها..احس بملل من كل شي..واللي مستغربه حتى الورق ملاذي الوحيد ياأستمنه..وبلحظه غريبه.. ضعف ايمانـي..والمصيبه انه كل ماأقول اني بقرأ قراءن عشان ارتاح واتقرب من ربي ..انسى..او ألأصح اتناسـى.!!صرت كسوله بكل شي..!!
ياربــي ساعدنــي..انا بحيـره من امــري..!!
احس بظلمــه..ظلمــه بعيوني..واعصابي تالفه..
افتقدت غلا..وافتقدت احمد..البيت صار هادي بدونهم..!!
حتى هيثم افتقدته..ماصارت اشوفه دوم..
وياسمين علمي فيها بنهاية الدوام..
واليوم ليلة العيد..فشله ادق عليها اللحين..!!
ياربي مالي غيـرك ساعدنـي.اناجيــك ياعالم ماتخفيه نفسي..
اناجيك وكلي امل انك تساعدني..وتبرد على قليبـي..!
-------------








من وين لك هالصـوره..!!
ابتسمت ابتسام بين دموعهـا اللي تنهمر بدون شعور اذا شافت صورة يوسف
ابتسام\شرايك فيهــا..!!مو يشبه عزيز..!!
الوليد\اول شي قولي لي..من وين لك..!!
ابتسام\يعني من وين بالله عليك..من الألبوم..شفتها بالصدفــه..واحنا غافلين عنها..!!
الوليد\اشوف..
مسكت ابتسام الصوره بقوه..وهي معترضه
ابتسام\لا..
الولليد احتار من امرها\ليش..!!
ابتسام\بس..اخاف تاخذها…وانا ماصدقت اني لقيتها..
الوليد\طيب بشوفهــا..حرام اشوفهــا..
حست ابتسام انها زودتها…اعطته بهدوء..وهي تناظر ملامح وجهه المخطوفه من الفرحه
دقق في الصوره اثكر..وحس انه غاص بملامحه..اشتــاق له....اشتاق له كثر المطـر اللي ينهمر وماينعد..اشتاق له كثر السحب وكثر البحـر..اشتـاق له..ومحد يلومـه..والله يلوم اللي يلومـه..!!
ابتسام حست بسرحان اخوها..وهو يضغط على الصوره بدون شعور..لكنها تركته ومسحت دموعها وهي تشوف اللهفه اللي بعيونه..وماحبت تخرب عليه هاللحظه..
الوليد حس فيها\ليش تصيحين..وانتي كل ليلة عيد تصيحين..!!
ابتسام وتحس بالعبره تخنقها\بس..ارجوك خلني اصيح وارتاح..
سكت الوليد وماعرف وش يقول..ابتسام كانت تصيح عليه قبل ماتصيح على نفسها..!!..ماقدرت تشوف هالنظره بعيونه..نظرة المحروم والملهوف..
الوليد بهدوء\ابتسام
ابتسام وكان صوتها مبحوح\نعم
الوليد \باخذ الصوره اليوم.. وترجاها بعيونه..بسوي لها كوبي وبرجعها لك..
انصعقت ابتسام..وحطت ايدها تحبس العبره والصرخه..ماتبي تشوف هالنظره منه..نظرة ألنكسار اللي بعيونه عذبتها وذبحتهــا..!!..ماقدرت تتكلم..وتركت العنان لدموعهــا..
الوليد شعر بضعفه قبل ضعفها..
وعرف انه كلهم ضعاف ومابأيدهم غير هالصوره اللي صارت تروي شوقهم وحرمانهم..
--------------





استشورت شعرها..وقررت تلفه بالبخار عشان اذا صحت الصبح ماتحاتيه..اسدلته ورى ظهرها..ودخلت تاخذ الرولات..ويوم طلعت شافت تركي شكله معتفس و مايل على الباب ومغمض عيونه..وشكله توه جاي..

قربت منه بسرعه وهي ميته من الخوف..وقطت كل اللي بأيدها..
وصلت له وهي تصرخ باسمه "تركـــي"
مسكته من خصره تحاول تسنده وتصحيه بضرباتها الخفيفه على خده
تركي كان سكــران لحد الثمالــه..مااستحمل الوضع..وبلحظة ضعف..شــرب وعوض كل ألأيام اللي انحرم منها..
حس بضربات على خده..وفتح عيونه الحمراء بصعوبه..وهو يحس انه كل شي بعيونه تدور..
لمن ارتكزت عينه على غلا..
جرّ ايدها بقوه لمن طاحت وهويصرخ
تركي\وخــري زييين..
مشى وهو يتمايل..وبين كل خطوه كان يميل جسمه وهومتعرض للطيحه..
غلا لازالت متجمده وجاهله الموضوع..ويوم شافت منظر تركي ..قربت منه وهي خايفه انه يطيح..!!
كانت خايفه عليه..وتناست كلمته القويه..وضربته ألأقوى..
جلسته على الكنب..واثناء ماتقرب منه..حست بريحه غريبه منه..واعتفست ملامحها..
هالريحه هذه وقظتها..وصحتها من نومها..وكل ألأعراض اللي بتركي اكدت لها شكوكهــا..
قربت منه اكثر وهي تتمنى انه اللي في بالها يكون مو صحيح..هي تحبه..تحبــه ليش مايفهم..!!..
ولمن وصلت لفمه ..
حست بألأشمئزاز والحسره والكـره..وابتعدت لأخر الصاله وهي تصرخ وتصيح من كل قلبها وتقول"حرام عليك..والله حــرام.."
-----------

الجزء الرابع والثلاثون
أرواح ترفـرف
-----------------





ماتدري..هل تدعي عليه وبهالدعـوى تبرد قلبها المقهور..!!او تحسب اجرها عند اللي اكبر منه وفوقـه..
ماتعرف هل هويتقصد تعذيبها..!!او انه يتللذذ بـ المهـا..!!
يمـه بس انا مو عبده له..ولا لمرته..حرام عليه..!!
طبطبت ام بندر على بنتها بحنان وهي تترجاها بعيونها اللي غلب عليها الدهر\سفهيه يايمه..لاتخلينه يستقل عنادك..وبعدين على اجر ياحبيبتي..احتسب اجرك عند ربك
ياسمين مسحت دموعها بكف ايدها..واحتد صوتها بقهر\لاتحاولين..مستحيل اطبخ له الذبيحه..اذا هو يبي..خلي مرته تطبخ له.اليوم عيد يايمه عيد..وانا اقضي هالعيد بالمطبـخ..!!ياكثر المطابخ اللي بالخبر..خل يدفع شوي من فلوسه اللي حاطهم على قلبه..!!
دخل مراون هاللحظه وهومتكشخ بثوب العيد..سلم على جدته وحب راسهاوبالمثل سوى لعمته
مروان\شالزين..شالحلاه..! على وين العزم ان شاء الله..بس وش فيه الحلو زعلان..!!
الجده\تتدلع بنتنا..وقامت بصعوبه اسندها مروان ولبست عباتها..!!
ياسمين\وين يمـه..
ام بندر\بروح اعيد بالجيران..!!
ياسمين كانت تبي تروح..ويمكن اكثر شي ضايقها بسالفة الطبخ انها ماراح تقدر تطلع وتشوف فجر وبتظطر تجلس عشان النذل اخوها..
طلعت ام بندر وياسمين تخفي دموعها عن مروان اللي من شافها تدمع جلس جنبها
مروان بخوف\ياسميــن..!!
ياسمين كانت عارفها انه بيسألها فاأبتسمت بين دموعها\انا مو ياسمين لين متى بظل افهمك..!!..انا عمتك سامـع..!!
مراون\فديت هالبـوز اللي ممدود..ولايهمك ياأغلى واجمل عمــه.. وبأدب مصطنع..عمتي ياسمين
ياسمين بصوت جامد وابتسامه تحالو تخفيها \صدقتي مو لابـق..!!
مراون\شسوي فيك..انتي اللي تبين اناديك بعمه..!!
ياسمين\يالحــامض...<<هالكلمه تذكرني بشخصيه عزيزه ..احبها كثير بس وينها..!!
مروان مستغرب من الوصف وحس بحموض بلسانه\..حامض..!!...زين بعديها..بس قولي..ليش متضايقـه..!!
تنهدت ياسمين..ومسكت ايد مروان..تبي تحس بالأمـان..او الرحـه\مو متضايقـه..
مروان\حطي عينك بعيني..!!
تجاهلت كلامها\امك صحـت..
ابتسم بسخريه\لا طبعـا..!!
صرخ مروان..وفاجأ اسمين بصرخته\يوووه نسيت..!!
ياسمين\شفيـك خرعتني..!!
مروان\اخوك يبيك..الله يعيني عليه اللحين..وش يفكني من لسانه البذيء
ياسمين\مروان..وبعدين معاك..!!
قام بسرعه \وانا ماأقول غير الحقيقه..!!
بهاللحظه دخل بندر وهو رافع ثوبه..وطاوي اكمامه\وعمى بشكلك ماتسمعين..!!
ياسمين توترت وسكتت\قومي قومه تشيلك مافي وقـت..!!
ياسمين نزلت عيونها ومشت بتطلع وكانت بتبدل ملابسها الجديده اللي قررت تروح فيهم لفجر..!!
لكن نظرات بندر لها ذبحتها..وحست بالـذل والمهانه..!!وكرهت هالعيد اللي اوله الظلم والعذاب..!!
..ناظرها بندر وكان وده يذبحهـا يحسها عاله ثقيله عليه..!!
يتمنى يزوجهـا ويفتك منها..لكن كان غصبن عنه متحمل عشان امه..ولو امه ميته كان رماها من زمـان على اول واحد تطيح عينه عليه..!!
ناظر مروان ابوه..وشاف كل حقد العالم متجمتع بعيونه..!ّ
كان يسأل نفسه كثير..ليش ابوه يكره اخته الوحيده..!!ليش يعاملها بكل حقد..ليش يذلها وهي يتيمه وكسيره..!!
يتمنى يعرف السبب..يمكن يسامح ابوه..يمكن يغفر له زلاتـه..!!يمكن يعفو عنه ويطلب له الهدايه..!!
لكن مالقى الجواب..مالقى غير قلب قاسـي وروح ظالمـه..
بندر انصدم من نظرات ولده..كانت نظراته قاهره ومرتكزه عليه..شاف القهر والوعيد بعيون ولده..
حس انه ولده ماهوب بولده..ماعرفـه..كانت نظراته تقتله..
حس بالوعيد والثأر بعيونه
حس انه الدنيا بتدور عليه..ومثل ماعذب امه واخته بيجي يوم وولده بيرد له الصاع صاعين.. وبيعذبه وبيتلذذ بتعذيبه..بيعلمه وش معنى كلمة ظلـم..!!بيفهمه انه الدنيا ماتسوى بدون امـان..!!
خاف من هالنظرات وعلى طول ابعد وجهه عنه وطلع من الغرفه وقلبـه يخفق بقوه.
-----------







فتحت عيونها وهي تشوف الدنيا ظلمـه..والم فظيــع يغزو ظهرها..مو قادره تتنفس ..تحس انفاسها مكتومه وانفها ملتهـب بحراره..حاولت تتنفس من فمهـا وحست بالهواء البارد يضرب ضرب بـ حنجرتها..رفعت شعرها من وجهها..وشافت نفسها متمدده على نصف الكنبه اللي كسرت ظهرها..ورجولها كانت ممدوده بالأرض
دارت عيونها حول الغرفــه وشافت كل شي طايح بألأرض ..والغرفه معفوسه..
ناظرت السرير والشراشف والمخدات اللي مرميه باهمال..وملابسها واغراضها وكرسي التسريحه
كل كل شي مرمــي وبسبب هالصـوره تذكرت كل شي صــار امس..وماحست الا بالدمـوع تملي وجهها وتوصل لشفايفها الجـافه..
اليوم عيـد..تركي كان سكران..سكران بليلة العيـد..!""
..العبـره كانت تخنقــها وتعذبهــا وتكتمهـا كل ماكررت بنفسها هالجمله
اليوم عيـد..تركي كان سكران..سكران بليلة العيـد..!""
..لمن اشهقت بصوت مؤلم وعالي وبكــت من كل قلبــها..بكت على حياتهـا اللي تدمرت..وبكت على تركـي اللي خطف فرحتهـا بمصيبـته..كل ماتتذكر شكله المبهدل وهو جاي من بـره..كل ماتتذكر عيونـه الحمره اللي تقطر دم..وريحته اللي طلعته على حقيقه وفضحته..كل ماتتذكر ضربته لها يوم يجرها ويطيحها بألأرض تحس بالـدم بيتفجر من خلاياها بكل عنـف..بس هالضربـه تهـون وغموضه وغروره يهـون..لكن خداعـه وخيانتــه ماتهـون..ابدا ماتهـون..!!
ليش ياتركـي ليش..!!ليش ذبحتنـي..وخطفت فرحتـي..حـرام عليـك..انتي ماتـدري وش سويت فينـي..
قتلتنـي..وحطمت كل آمالـي..بليلـه كنت متوقعتها غير..ليلة العيد..اول ليله بتجمعني انا وياك..محد كان راح يكدر لحظتنـا..وانت اللي قتلت هااللحظه بأفعالـك..
اللي يشرب الحـرام..وهو حرام..اكيد قادر على أللي اعظم منه..!!
وبهالفكره تذكرت الصلاه..نادر ماتشوفه يصلـي..!!
وليش تستغرب من الموضوع..اذا كان يشرب وعصى ربه..اكيد استغنى عن صلاته..
رمت نفسها على الكنبه وهي تضرب بأايدها عليـه بكل قوتها بدون ماترحـم نفسها.ولا ايدها اللي زرقت ووضحت عروقها..
..وظلت تصيـح..وتصيـح على حظهـا..وحبهـا المولود اللي ماتهنت فيه..


راسـه ثقيــل..ثقيــل لدرجة انه يحس بأأعصابه بتتفجر هاللحظــه من كثر الـدم المجتمع فيها..
فـتح عيونه ثوانـي..ورد غمضها بقوه وهو يجاهد على ارتخاء اعصابه..
رفع ايده وظغطها على جوانب راسه..وحس بالألم هنا يحتويه..شدد الظغط ببطء وهو يمرر ايديه على اطراف جبينه..مو قادر يقاوم الألم..صــداع اليم سكن فيه..
مو قادر يتحرك..ولايفتح عيونه..يبي الراحـه لو دقايق قليله..
هو مواول مره يشرب..ولا اول مره يفرط في الشرب..لكن ليش الألم زاد...ليش..!!
ولسـانه من كثر الشرب كان مرّ وجاف..بلل شفايفه بلسانه..وحاول يقوم على حيله وهو شبه مسكر عيونه
لمن وصل لقرشة ماي كانت محطوطه على الطاوله..فتحها بسرعه وشرب منها بدون شعـور..وحس انها ماارتوى شرب مره ثانيه لمن نزلت قطرات من الماي على ثوبه..
اعصابه بدت ترتخي والدم حس بتوازنه..وبسهوله قدر يفتح عيونه لكن لازال الصداع يحتويه
رجع قرشة الماي بمكانهـا..وهو ناوي يروح الغرفـه..فتـح البـاب وانصدم من اللي شافـه
الغرفـه كانت فوضـى بشكل مفجـع..وعلى طول التفت للسرير..توقع انه يلقى غلا..لكن مالقاهـا..
استـغرب اكثر..!!وينها..!! وبشكل لاارداي طاحت عينه على شي اسود ملتوي يهتـز..شغل النور واتضحت الصوره عنده..تقرب منها وكان ينتابه الخـوف عليها..
..ونادى باأسمـها
"غلا"
مالقى جواب منها..جلس بمستواها ومسك كتفها..وماحس الا انها انتفضـت بقوه وصرخـت بصرخه هزت الجناح كله
غلا\هــدنـي..لاتلمسنـي..
تركي انفجـع من صرختهــا...مو مستوعب شفيهـــا..!!والصـداع كان عامل عمايله..مومخليه يركز بشي
تأمل بعيونها المليناه دموع..ووجهها المحمـر..وشعرها المتناثر بفوضويه..ماعمرها شافها بهالمنظـر..
كرر اسمهــا ثانيه بصوت ثقيـل وهو يبي توضيح باللي يشوفه..!!
تركي\غلا
غلا حست انها بتنجن اذا نطق بااسمها ..طول ليلها كانت تصيح بدون شعور وتهلوس على اللي خطف فرحتها..تبي تكذب اللي تشوفه لكنها مو قادره..واللحين يجي بكل سهوله ..ولاكأنه مسوي شي..يجي ينثر الملح على الجرح اللي من صنع ايده..يجي ويقول غلا بكل سهــوله..!!
غلا ثارت اعصابها\لاتقول غلا..لاتقــول..وصرخـت من اعماقهــا انت ذبحتني..ذبحتني ياسكيــيييييير..ذبحتنــي..!!
مااتحمل تركي الكلمه..سكير..سكير..هالكلمه صدمتـه..وثارت جنونه
..توه يستوعب سبب عصبيتها..اكيد شافتـه وهو فاقـد..!
.وماحس الا معطيها كــف قوي على وجهها..
غمضت غلا عيونها بالـم وهي تحس بحراراة الكـف على خدهـا..ودموعها كانت تسيل بدون توقف..
فتحت عيونها المجروحه وعطته نظره قـويه..نظره انسانه ميتـه منه ومن ظلمـه
تبي تطعنه مثل ماطعنها..تبي تحسسه بحرقة الجوف اللي ذبحتها..!! وقالت الكلمه اللي حست انه بدمره وبتشفي غليلها وقهرها...
غلا بهدوء\اكرهـــــ..
مامداها تكمل الكلمه الا حست بكـف ثانـي على خدها....حطت ايدها على فمهـا تمنع شهقاتها وهي مفجوعه..
هالكـف كان الضربـه القاضيه عليها
تركي قطع اخر امل عندهـا..وهدم كل لحظه حلوه بينهـم..تركي حطمها..تركي اهانهـا..
قامت من مكانها تركـض زي المجنونه ..تبي تبتعد..تبي ترحل..تبي تضمد جروحهـا..وتجفف دموعهـا..
اقرب مكان كان لها..هو الحمام..دخلته وقفلت على نفسها مرتين..واتجهت للمرايه وفرغت كل اللي بداخلها من دموع واهــات..وهي تشوف اثار صفعاته على خدينهـا..دخلت البانيو وهي ترتجـف مثل الورقه..وفتحت الماي عليها وهي بملابسها اللي من امس..
تحس بحراراه بجسمها وهي بعـز البـروده..
تبي تستوعب اللي يحصل لها..تبي تنكـر افعال تركي..وتتذكر مواقفه الحلوه معاها..يمكن تنغفر زلاته..
كبت الماي على وجهها اكثر من مره زي المجنونه وتوها تحس بثلوجة الماي.. لكن النار اللي شبت بصدرها مين اللي بيطفيها..!!
-------------






نونونونونو..مو مصـدقــه بنــروح البـر..الــلــه..
ضربت ابتسام جمانه على جبتهـا..\تراه بر..رمل وحصا..ليش هالونــاسه كلهـا..!!
جمانه\وعمى خربتي كريم ألأساس اللي حطتـه..!!لي ساعه عشان اظبطه..!!
ابتسام\وان شاء الله ظبطتيه..!!
جمانه ورفعت حاجبها\مقهور حبيبتي..!!
ابتسـام\من صجـك انتــي..بس تصدقيــن حلو عليك الزيتـي..!!مخلي عيونك وسيعـه..!!
بكل خجل نزلت عيونها جمانه\شكـرا..!!
ابتسام\ياويلي على اللي يعرفون..!!
رفعت وجهها جمانه وخذت علبة الحلاو وسكرت الدولاب\كريــهه..وتوها بتطلع الا ومسكتها ابتسام
ابتسام\صبري يالخبله..خلينا نتعطر..!!
جمانه\وين..!!
ابتسام اتجهت للمرايه وبدت تفتح قرشات العطر..ودهن العود اللي مصفوفه
تشم هذا...تترك هذا..وهي فرحــانه..وميته ظحك لو احد جاء وشافها..وهي تتعبث بالعطور..!
جمانه\والله بتذبحك جدتــي.!!
طنشت كلامها وخذت دهن عود بريحة الفل..حطت بتحت اذنهـا وعجبهـا..
جمانه\بسوم خــلاص..
ابتسام تأففت\زييين..زييييييييييييين..!!
خذت القرشه وحطت لجمانه اللي اعترضت في البدايه ومابغت..
جمانه\وخري ماأحب دهن العود..يخنقني..
ابتسام\صج غبيه...يحصلك اصلا..تعــالي..قربت لأنها وحطت لها شوي..
ابتسام\شرايك..!!
جمانه وضاح من ملامحها انها متقززه\وعععععععععع
ابتسام\والله انك كذابه..!!
جمانه ظحكت \حلو..لأنه فل بــس...اما الباقي ماأحبه..!!
ابتسام ابتسمت وقالت بهمس وهي تقرب من أّذنها\ان شاء الله اطيبك بزواجـك..
رفعت وجهها جمانه..وماشافت غير ظهر ابتسام لأنها طلعت بعد مارمت عليها الكلمـه..
هالكلـمه هذه جننتها..وارسمت احلى ابتسامه بوجهها..ونعست عيونها اللي طلعت اجمل بالزيتي اللي بعيونها..
"شفيك جمـون لهدرجه اثرت فيك كلمة ابتسـام.!!.."
طلعت من غرفة جدتها وقلبها تحس بدقاته..وزعت عليهم الحلاو وسلمت على سماح اللي توها جايه تبارك للعيد
سماح\شلونك جمون..مبروك عليك العيد
جمانه\الله يبارك فيك..شخبار ولدنـا..!!
سماح ابتسمت بخجل\لاتذكريني متعبني..!!
الجده لسماح\تعالي سماح..تعالي يمه جنبي..!!
سماح\ان شاء الله جدتي..!!
ناظرت من طرف عينها ابتسام اللي جالسه جنب امها وتبتسم لها..لفت وجهها عنها ووزعت الحلاو وهي تسمع جدتها تتكلم عن البـر..ولمن وزعت على مرت عمها نور ابتسمت لها وهي تقول\ان شاء الله نوزعه لك يوم زواجـك..!!
ّغمضت جمانه عيونها بخجل..ومشت بسرعه وهي تمسع ضحكات راوين
"شفيهم اليوم الا بيزوجوني غصب..حرام عليهم مايدرون وش تأثير هالكلمات علي"
لفت مره ثانيه توزع للي يبي..ويوم خلصت جلست جنب راوين وقرصتها من فخذها
راوين بالم\اي
جمانه بصوت واطي\تستاهلين
راوين\تعالي ليش ماقلتوا لي عن البرّ
جمانه\انا مثلك توني ادري..!!
راوين\بمــوت وش يصبرني لبكره..!!
جمانه ابتسمت بحمق\معلوم حبيبتي..بكره بتشوفينهم..!!
خزتها راوين..ورمت عليها القنبله\حتى انتي..وهمست بحدة صوت..بكره بتشوفينهم..!!
انربط لسانها..وماعرفت وش تقول..وبسكوتها اثبتت لراوين صحة كلامهـا..
ظحكت راوين..ظحكت بصوت مسموع وسمعت جدتها تصارخ عليها
الجده\راويـن..ليش الضحــك..!!
هدت راوين وهي منحرجه..الكل صار يناظرها..وماعرفت و ش ترد نزلت عيونها ولعبت بأاصابعها بتوتر
وماحست الا بالكل يضحك عليها وعلى خجلها...
هند\ياويلي على بنت اخوي..تستحي..!!عطي شوي للي جنبك..
جمانه حست انها تفشلت قدام الكل وتلقائيه خشن صوتها\يمـــه..اليوم عيد
سميه\صبـاح الخير
التفت جمانه لمصدر الصوت وشافت سميه تخزها بنظرات غريبه..استغربت منها؟؟!!
ماعمرها فتحت مواضيع جانبيه معاها..مابينهم غير السلام والسؤال عن الحال..!!
واللحين يوم نطقت قامت تستهزأ بكلامها..!!
صج معقـده؟؟!!
جمانه لرواين\كله منك..!!
راوين\هههههه تستاهليــن..!!
---------------



ليت كل يوم عيـد..مدام انك يتعزمني هالعزومـه الحلوه..!!
ابتسم يوسف بهـدوء..ورد يناظر جموع الناس اللي حوله..الكل كان فرحان بهالعيد..واغلب الجاين بهالمول عوائل ومعاهم اطفالهـم..العيد حلو بعيون الأطفـال..الفرحه مرسومه رسم بملامحهم..والأبتسامه ماتفارق وجههم..وظحكهم مالي المكان..ياحلو برائتهم..وياطهارة روحهم..!!
يحب الأطفال..يحبهم بشده..!!!كان يتمنى وهو من صغره بحكم انه خاطب انه الأيام تمر ويرزق باأطفـال..
يحسهم بلسم للجروح..ونعمـه عظيمـه لاتقدر بثمن..!!.
حتى ألأسـامي لعياله كان مختارهم من كثر حبه لهم..!!الولد "جابر"..والبنت "حنان"..يتذكر انه فجر كانت تضحك عليه اذا سموه بو جابر..!!كانت تحسه ثقيل وكبير..لكن وينها فجـر اللحين..!!؟

"الله يوفقها"قالها بمراره..لكنه حـس بالرضـا لأول مره..!!؟
يوسف\تدري وش اللي اتمناه اللحين..!!
لؤي وهو يشرب عصير الليمون\ياكثر ماتتمنى يايوسف..بس تمنى..وابتسم.. على قولتك الأماني مو بفلوس..!!
يوسف ظغط على شفايفه يهون على نفسه الحالمه\كنت اتمنى اني اجيب معاي ريشتي.. واشر على الأطفال..وارسم اجمل لوحه فنيه شافتها عيني..!!
لؤي وظغط على شفايفه\حرام عليك..حتى بالعيد تبي ترسـم..
يوسف\وش اللي قاهرك..!!
لؤي\انسى الرسم فتره..عط نفسك شوية راحـه..
يوسف ابتسم\انت تطلب المستحيل..!!
لؤي\تذكر يوسف..جاتك فتره ماترسـم..كيف كنت عايش هالفتره..!!
يوسف حس بألألم يجتازه بهالذكرى\كنت ضايـع ..وغمض عيونه..ارجوك لاتذكرني..
لؤي\ انا حمــار لأني ذكرتــك.. وحب يغير الموضوع اقول..منت ناوي تغدينـي..!
ظحك يوسف\وانت ماتنسى شي..!!
لؤي\كل شي انساه الا بطنــي..!!
يوسف\لاتخاف حبيبي..اليوم بونسك احلى وناسـه..!!
لؤي\فديتــك انا..شوف شوف..
يوسف\شنوا اللي اشوف..!!
لؤي اشر على جمعة بنات بطاوله ومن ملامحهم واضح انهم عرب\صــاروخ..
يوسف\غظ النظر ..مو لازم تبقق عيونك كلهــا..
لؤي\يااخي خلني استمتع..على الأقل نونس نفسنا بهالغربه..
يوسف ورفع حاجب\وعبير...وين راحت..!!
لؤي\عبير بالقلب..
يوسف بنبره ساخره\لا..حشا مو قلب فنــدق..
لؤي\لاتخاف قلبي يسع الجميــع..الغرف مليانه وتستقبل المزيـد..
يوسف\صج انـك....استغفر الله العظيم..
لؤي كان يكلم يوسف وعينه على البنات لمن قاموا وعصب ورمى منديل مستعمل بوجه يوسف\شفت من عينك..هذه هم قاموا..!!
يوسف ابتسم ورجع المنديل بوجهه\احســن..
لؤي لقط المنديل ورماه بالأرض \اتعادلنا....وقرب من يوسف..الا تعال شخبار سيلينا..!!
يوسف اعتفست ملامحه\وانت وش ذكرك فيها..!!
لؤي\مدري..مرت على بالي..!!..من متى ماشفتها..!!
يوسف\اخر مره علمي بها يوم جاتني المطعم..!!وبعدها ماشفت وجهها..!!
لؤي\غريبه تصدق..!!هي تمــوت فيك..كيف ابتعدت فجـأه..!!
يوسف ورفع كتوفه\مدري..
يوسف كان يعرف الجواب..وكيف مايعرفه وهو اللي قال لسيلينا عن حب طفولته لفجر..وبكذا قدر يسكتها..!!
فجـر..يااااه يافجـر..وش علومـك اللحيـن..!!
اكيـد فرحـانه بالعيـد..!!
والله لكم وحشـه..لكم وحشـه تغمر الأرض وسماها..
يمـه وحشتيني..وحشني حسك..يبه حتى انت وحشتني وحشني كل شي فيك..
كلكم وحشتوني..لكني اوعدكـم اني راجـع...مانسيتكـم..صدقونـي مانسيتكـم..
الله يصبرني على بعادكـم..!!
يووووووووســـف
يوسف انتبه لنفسه\ها
لؤي\وين رحــت..؟
يوسف بعيون حالمه\لأحلى ذكـرى..
لؤي\من وراي..!افا...وغمز بعينه ماهقيتها منك..
يوسف\لايروح فكرك بعيد..!!
لؤي بصوت واطي\لاهو راح من زمان..!!
يوسف\شنوا..!!
لؤي ببراءه\ولاشــي..!!
يوسف\سمعتك..بس بكبر عقلي..!!
لؤي\ههههههههه فديتك....اقول قوم..نتمشى شــوي..يمكن يعجبنا شي..!!
يوسف وقام\واذا عجبنا شي بتشتري..!!
لؤي بثقه غريبه\لا طبعــا..!!
يوسف ابتسم\حلوه قناعتك يالؤي..!!
لؤي باابتسامه حلوه\الفرجـه ببـــلاش..خلنا نوس نفسنا..!!
يوسف\صحيح..!!
لؤي وضحك\والله..
يوسف\شوف هالبدلـه تصلح بيوم افتتاح المعرض مو..!!!!
لؤي\تينــن..وحك راسه بس مو كانها غاليه..!!
يوسف\لاتكسر مجاديفي..!!
لؤي\يبه احنا حدنا السوق اللي خبري خبرك..!!
يوسف\انا قلت لك حلوه قناعتك بس مو لهدرجه..!!وبعدين وشفيها اللي خبري خبرك..اهم شي لبس محترم ونظيـف..!!
لؤي وهو يمشي عن المحل\اقول بس تفـرج وانا اخــوك..
يوسف\ههههههههه وهذا اللي بيصير..
لؤي التفت له وحط ايدينه على خصره\ياحلـــوك..وانت رايــق..!! وبقلـب صافـي...عساه دوم ياربـ
----------------








اربعتهم بالسياره..طلعوا من جو الزحمه والمجلس المتروس رجال..وقرروا ياخذون كذا لفه بشوارع الخبر قبل ماياأذن العشاء
سلطان \تهقون تكفي ثنتين..!!
هيثم كان ماسك تلفونه ويرسل مسج معايده
هيثم وماشال عينه عن التلفون\اي ثنتين..!!
سلطان\الخيام..تتوقعون تكفنا ثنتين..!!
الوليد كان يناظر سلطان من المرايه ألأماميه\ايه تكفـي..!!
سلطان\واذا ماكفت..!!
طلال\وانت ليش تستعجل الأحداث..تذكر المره اللي فاتت خذنا اربع والحريم تجمعوا بخيمه وحده..على قولتهم ماتحلى الجمعه الا بالحشره..!!
هيثم باابتسامه ساخره وهو يلف على طلال\ياحلوك ياأخي..حتى احنا سوينا مثلهم..!!
طلال\انا عن نفسي ماكان ودي انام مع الشياب.. واعتفس وجهه..مايخلون احد يرتاح بنومته..!!
سلطان وهو يسوق\وانت مفكر انك بتنام بالبـر..وظحك بحماس حلاتها صباحـي..
طلال\اجل من اللحين اقولك استأجر اربع..!!
سلطان\عناد ياولد اخوي..ثنتين تكفينا...هالمره هذه حلموا تنامون دقيقه وحده..
الوليد بنظره غريبه\لاتوصــي حريــص بحلل هالطلعـه يعني بحللها..
سلطان\ههههههههه كفوا بو خالد..
هيثم\اقول..لاتنسون الذبيحه..جدي موصيني مليـون مره..
سلطان لف بالسياره بالجهه الثانيه
سلطان\زين انك ذكرتني..!!
طلال\وباقي اغراض الوجبات
سلطان\ كل شي جاهز بس بقى بعض ألأغراض..!!
هيثم\يعني يبي لنا سوبر ماركت..
سلطان \مالي خلق اليوم خلوها بكره الصبح..حيلي منهد من كثر الشيل والحط..
طلال\فديت عمــي التعبــان..
سلطان تشقق\ايه استعدلوا وقولوا عمي على طول
الوليد\ههههههههههههه كأنها صعبه شوي....للأسف ماعودني ابوي على هالكلمه..!!
سلطان\كأنها سبه هيثم..!!
هيثم ماكان معهم على الخط\اقول وقف عند هالمسجد اذن العشاء
سلطان ويأشر على خشمه\على هالخشـم..
--------








شوفوا شوفوا..انا مخططاتي كثيره وكلكم لازم تنفذون اوامري.. وسكتت فجاه وبعدين قالت..ايا القهر ليت غلا معانا
فجر ظحكت\ابعدونـي عن مخططاتكم بلييييز..
جمانه وبنبره أمر\مو بكيفك..انتي معنا يعني معانا..!!
فجر مسكت خشمها على خفيف\يمه من هالعجـوز..
راوين\ايه يافجر وريها ذابحتنــا..
جمانه لراوين\انتي مين محرظك علي اليوم..!!
راوين\ههههه يمكن غلا
فجر\اقــول..الحريم يبوني..اشوفهم واجيكـم..
جمانه بصوت عالي\لاتتأخريــن..
جمانه كانت تاشر على اصبعها\ شوفي بسوم كتبي عندك اول شي نروح السوبر ماركت تعرفين حركاتنا كوكيز شيبس عصاير حلاو.. واهم شي الأونو ذكروني فيها....امم وبعد ايه بطاريه حق المسجله..ووو وتحمست وهي تتذكر...وااااااي مومصدقه بــر...هواء صحراء ياااااااااي..
ابتسام كانت مندمجه بكتابة الأغراض اللي يبونها وكانت تكتب كل كلمه تنطقها جمانه لكن بألأخير لاحظت كلمه وحده تدل على حالتهم اللحين\صــج بزارين..وصرخـت شنــوا اونوا..!!
جمانه ورفعت حاجب\وانتي شعليك كتبي وبـس..ايه صح ذكريني اشتري واقي حقي خلص..
راوين\تعالوا احنا اللحين نكتب ومشتطيــن..منوا بيودينــا..!!
جمانه وضربت على كتفها\لاتخافين وانا بنت عمك..محسوبتكم جمانه بدبرها..وغمزت بعينها..!!
راوين\وثــــــــــوق..
ابتسام بنبره ساخره\نشوف..وردت تكتبت..وبعد وش تبون..!!
راوين بعفويه\وايس كريــم..
ابتسام رمت القلم بعصبيه\اذا قلت بزارين ماتصدقون..!!
راوين انحرجت وظحكت\ليــش..!!
جمانه\الله يهداك راوين ايس كريم بالبـــرد..
رايون بعيون ناعسه\حــلاتــه..
جمانه\لاحرام عليك لاتسوين كذا..
راوين\شوا..!!
جمانه\لاتنعسين عيونــك
ضربتها على راسها وابتسمت\ماصخــه
جمانه\المهم نرجع لمحور حديثنا..كتبي ايس كريم لعيون راوين الناعســه..
خذت القلم ابتسام وتنرفزت\ياشينكــم..
جمانه\يااختي وش عليك..!! قولي وش تبين وبنجيب لك..!!
ابتسام وتهف وتتأفف\ماأبي شي خلصونــا..وتنرفزت بسرعــه ترى فينـي نـوم..
جمانه جات في بالها فكره عبقريه\شرايكــم نسوي مسابقه للرجال والحريــم..!!
ابتسام\وتلوموني اذا قلت بزارين..
جمانه\ياأختي شفيك تحطمينا..مو يعني لأنك الكبيره تسوين نفسك شــي..
راوين بسعاده غمرتها\ياويلـــي عليكــم..ياربي مدري وش بسوي اذا انتهت العطله وبدت الأمتحانات..والله بشتاق لضرابكــم..
ابتسمت ابتسام وسط غضبها\حتى احنا بنشتاق لك..
جمانه وصرخت\وانتوا ليش تذكرونا بهالمــرض.. حــرام عليكــم يامجرمين...سكتوا تكفــون خلونا نفرح ونتونــس..
ابتسام\زييييين زين بطيتي اذني..
راوين\لاقوموا نصلي تأخرنا على الصلاه..
ابتسام وتناظر ساعتها\ويــــه تأخرنــا..!!
-----------





من بعد الموقف الأخير اللي حصل لها معاه وهي مالتقت فيه..وعرفت انه طلع اكيد وماراح يرد الا بالليل
وفترة غيابه هذه صارت من صالحها...جلست مع نفسها ساعات كثيره وهي مذهوله من اللي صار لها
اثار ضربه لازالوا معلمين على خدها وهي اللي ماتجرأ احد بيوم يمد ايه عليها..كل ماتحط ايدها على خدها وتتحسس اثار اصابعه تحس برعشه تقتلها وتعيد لها الموقف بكل بشاعته..
امس شافت تركي بوجه ثاني..واليوم شافت بوجه اخر..وكل صوره كانت ابشع من اللي قبلها.
وماتدري وش بتكون حياتها بعد اللي حصل..!!؟

كانت راسمه احلام بهاليوم المميز..كانت بتقلب يومه جنـّه وبتخلي عيده عيدين..وبتسمعه اجمل كلمه تمناها قلبه..
كانت بتحكي له عن نفسها بكل جرأءه وعن احاسيسها اللي خالجتها وعشقته..كانت واعده نفسها انه ماراح يعرف للنوم باب وبيظلون طول اليوم سهرانين وعيونهم هي التحكي اذا انتهوا من الكلام..
كانت تتوقع انه اليوم بيكون اجمل يوم بيمر بحياتهم..لكن كلها كانت اوهاوم اختلقتها ورسمتها بسراب..
واللي عذبها اكثـر..وكرهها روحهـا
انا لازالت تحبـه..
ويوم اعترفت له انها تكره حست بالطعنات بصدرها قبل ماتنطقها..
حست انها تكذب على نفسها وتضحك على روحها اللي تنادي فيه وتتمنى حتى بهاللحظه وجوده
أي مصيبه طاحت فيها...!!كل اللي يحصل لها اللحين اهدر طاقتها..
تحس بتعــب شديد بكل مفاصلها...ونفسها لو تنـام وترتاح..لكن وين النـوم والحبيب غـايب....!!
صـاحت على نفسها اكثر وعلى حظها اللي طيحها بتركـي..هي كانت ترثي حالها وتشتكي من عذابه.!
لكن حتى بعذابه كانت تنـاديه ..وتبيـه..!

رمت نفسها على المخـده وهي تتمنى لو يضيع حبه بظلمه وجبروته وتنسـاه ..
لكن لقت نفسها متعلقه فيه اكثر وتتمنى وجوده بهاللحظه..
اكيد بيصلح غلطته..اكيد بيعتذر وبيبرر اسبابـه..
مستحيل يشوفها بحال ويظل ساكت ..اكيد بيحن لها لأنه مايرضى عليها..!
وبهألأفكـار حست باايـد حانيه على ظهرها..وعلى طول عرفتـه..وكيف ماتعـرف هألأيد اللي كانت الدفـا والأمان لها..!
تركي بهمس\...غـلا
نزلت دموعـها غصـب..يوم حست بضعفه وحنيته يوم نطق بااسمها..
..لكن ماتجرأت ترفع راسها له..
ماتبي تحسسه بضعفها..ماتبيه يشوف اثار ضربته لها..
ظلت تصيح بدون صوت..وجسمها هو اللي يرتجف ويعلن انهزامها..كانت تنتظر منه حتى لو كلمه تذوب الثليج اللي بينهم وهي بتتخطاها..بتتخطاها وبتسبقه بكل حب ورضـا
لكن طال سكـوته..ومحد نطـق.. لكن حست هالأيـد تظغط على ظهرها اكثر واكثر حتى حست بلحظه انها ظهرها بينشطر نصفين ..رفعت راسها لها وهي تتالم من مسكته لها وترتجته بعيونها انه يخفف ظغطه
لكن شافت شي ثانـي..شـافت نفس نظرة امس..لكن الألم يملي عيونـه والحيره تكسيها وتمررها..اول مره تشوفه على هالحـال..ليش الألم بعيونه..!!
هي المفروض تتألم..هي اللي انجرحت وعانت منه..!!
اتعبتها هالنظـره وحست بالدوخـه تدريجيا يوم لاحظته يقرب منها ويلصق فيها وكأنه يبي يتنفس انفساهـا
ويخترق جسدها.. ويذوبها بنظراته اللي حستها تلهبها..
لمن اعتفست ملامحها وحست بالأشمئزاز منه.. ومن نفسهـا ومن كل شي بهالدنيـا.. حاولت تبعد نفسها منه..وكان ودها تصـرخ بصوت عالي..كان ودها تصـرخ وتسمع كل الدنيـا..
وتقول لاااا حرام عليك كفايه ذبحتنـي ..الضرب في الميت حرام..
ارجوك كفايه عذااااااااب..لكنها تفاجات انه ماعندها القدره على الكلام بهاللحظه..!!
استلمت له .. استسلمت وحست انها بتموت باأحضانه وهو مقيدها بكل قواه
اخنقتها العبره واخرستهأ..لكن ضميرها كان ينطق بدالها..ويقول.. لا..لاااا..الف مـــره..

كان يشوفها وهي بتموت قهـر قدامـه..ودموعها ملت وجهها..لكن اللي هوفيه ضيع عقله ونساه نفسـه
ورجــع عشان يكمـل الناقـص..ويقتلـها للمره الثانيه..
شدد مسكتـه عليها..وارخى راسها بصـدره..
ماكان يبي يناظر وجهها..دموعها يحسها تقتله..وتغرزسكاكين بقلبه..
وغلا كان سلاحها دموعهـا..واظافرها اللي اخترقت ظلوعه..!!
كان سكـران وضحيته غلا.. اللي طاحت بالمكـروه بيدينـه..
--------------







اشكالهم..تضحك الزعلان..وتونس الطفشان..وتلهي التعبان..!!
كانوا جالسين بالصاله ورؤسهم قبال بعض.. ولابسين عبايتهم من السااعه ثمان الصبـح..والنوم يجي ويروح ويعلن انتصاره..
لكن روحهم المتحمسه ضربت حفوز كبير بنفسهم..وارغمتهم يفتحون عيونهم على وسعها
سلطان بعد طلعة الروح رضى لهم يطلعون معاه للسوبر ماركت ويقضون حاجياتهم..وشرط عليهم شرط
اذا مالقاهم بالصاله الصبح بيروح ويتركهم..
واللحين هم جالسين يحترونه على نــار..
راوين\واحد+واحد كم..!!؟
جمانه بعين نص مفتوحه وهي تاشر على اصبعين وتصوبهم قبال راوين\اثنيــن
راوين كتفت ايدينها وهي تفكر\طيب ثنين +ثنين
جمانه وهي تتثاوب وصوتها رايح\اربعــه
راوين\وثلاثه +ثلاثه..!
جمانه وهي تحط ايدها على خدها\سهلــه...وتثاوبت للمره السادسه... سبعـه..
راوين دزتها من كوعها وجمانه تخرطفت ونزلت ايدها\وعمى..!!
راوين بعصبيه خفيفه\سبعه ها..!
جمانه تنرفزت \ماعندك سالفه انتي..!!
راوين\شسوي اضيع الزهـق..
سلطان توه نازل من الدرج\فديــت المطيعين انا..!!
راوين وجمانه قاموا بنفس الوقت وانصدموا في بعض..وبنفس الوقت التفتوا لبعض وكل وحده تخز الثانيه..
جمانه سفهتها وراحت لسلطان..اما راوين لفت شيلتها وخذت الشنطه من الكرسي..وتبعتها
جمانه\احنا نتظرك من سبع..!!
سلطان وهو يعدل غترته\طيب واذا..!!
جمانه كتفت ايدينها\واللحين تسع..!!
سلطان\تعيشون وتاكلون غيرها..احد يصحى من ثمان هألأيــام صج مخبل..مشى للباب ..يالله ياحلويين..!!وطلع
جمانه ماتت قهر\ياربي قهر..ليتنا نمنا.. وضربت رجلها بالأرض..اوووف..
راوين ولبست نقابها\كله منك..من سبع وانتي تنقزين لي..اذتيني..
جمانه تنرفزت لبست نقابها وحطت شنطتها بكتفها..ومطت نقاب راوين وطلعت تركض وهي تضحك على راوين اللي بان خشمها وهي متفاجأه..
راوين صرخت ورجعت نقابها\اوريــــك..هييييييين..

بالسياره كانوا الأجواء روعــه...سوالف وضحك وتخطيطات للبر..
واغنية عبدالمجيد "الحب الجيد"هي اللي مسيطره على الجو..
سلطان\اقول..وين البقيه!!..
جمانه\مايبون مالت عليهم..على قولتهم احد يروح السوبر ماركت بثاني يوم للعيد..!!
راوين بدلع\ليش سلطان احنا مانكفـي..!!
سلطان\افا عليك بنت اخوي تكفين وزد..!!
جمانه نطت بوسطهم\اقول سلطان..اي سوبر ماركت بتودينا..!!
سلطان وهو يطالع الطريق\ انتي وش تبين..!!
جمانه\ابي بندا..!!
سلطان\بندا مافيها كل اللي نبيه..!!.. بنروح جيــان..حلو..
جمانه وعجبها الموضوع\مافي مشكـل..
سلطان\هنــود احنا...!!ودق تلفونه
سلطان\هلا..صبــاح الكوفي..هههههههههه شفيـك..هذاني جاي لك..طيب وليش معصب..!!
عادي حبيبي..انت مو اول واحد تنتظر...اقول...صف بالطابور ياحلو..زين..زيين جايك ..اوكي بدق دقه واطلع
سلام..
جمانه بلقافه\منوا..!!
سلطان\الوليد..
تفاجأت جمانه..انصدمت..ماتدري تضحك تبكي..تصرخ..مو قادره تعبر..ولا تستقر على احساس معين
لكن الشي الوحيد اللي شعرت فيه..انه قلبها بدى يجق بشكل جنــوني..!!
اللحين بتشوفه..!!ياربــي زمــان..4 شهــور..4 شهور ماطاحت عينها بعينه..!!
4 شهور قضتهم بـ فرقا..وعذاب..وبعد..وحنين
ياربـي..بشوفه..بشوفه بعد هالغيـاب..!
سلطان\ راوين نسيت اقولك ..ارجعي ورى..!!
راوين بغباء\اللحين..!!
سلطان\كيف بالله بترجعين..!!
راوين ظحكت على غبائها\ههههههههههه سوري هذا من تأثير النوم..
وصلوا بيت العم محمد..وسلطان دق عليه ..وبعد دقيقتين طلع الوليد

في غيابـي عنك أشوفك .. وفي عذابـي منك أشوفك
لك ليـالي ما سألتـي .. ولي ليـالي ما سـألت
لو دريت إنك زعلتـي .. كان أفرح مازعلت
بس داري مافي قلبـك إلا قلبـك
واختياري إني أحبـك والا احبـك

الوليد\السلام عليكم..
سلطان\هلا والله..وعليكم السلام..كيف اصبحـت..
الوليد وهو يعدل الكرسي لأنه ضيق وهو طويل قال بهمس\تمـام..
سلطان\ابتسام مو جايه..
الوليد\لا..


جمانه كانت وراه بالظبط..وعيونها بألأرض..كانت تسمع صوته وتتمنى لو ترفع عينها وتشوفه..لكنها مو قادره الا انها تتنفس وبهـدوء..وحتى كلامه ماكانت تسمعه بوضوح..ماتدري ..ماتحس انها تسمع شـي..
الكل يتكلم الا هي ساكتـه..
حالتها النفسيه..اطرمتهـا..وعلقها ماكان يشتغل بوجوده..!!
وماحست الا بقرصه قويه من راوين..التفت لها بقوه وهي معصبه لأنها قطعت سكونهـا ..وخربت لحظتها.
راوين بهمس\وصلنا ياحظـي..!!
التفت جمانه للنافذه وشافت الوليد وسلطان واقفين جنب السياره..
راوين وهي تقرب منها\ياحظــه...وابتسمت بخبث..ياحظ اللي تفكرييين فيه..!!
نزلت جمانه بسرعه..وتركت راوين تظحك على كيفهــا..
طلعت راوين وسكرت الباب وقربت منها\شفيك..خايفه من الحقيقه..!!
خزتها جمانه وهي معصبه.."شفيها هذه..مو طبيعيه اليوم"
راوين قربت من اذنها\ذوقـي..ذوقـي اللي تذوقيني اياه كل ليله..!!ومشت ورى سلطان اللي يناديهم
دخلو جيان..وابتسمت جمانه..ابتسامتها كانت بوقتها..لكنها تذكرت انه هذه ثانيه مره تدخلها مع الوليد
ويوم مرت من المطاعم تذكرت كانتون والموقف اللي حصل لها معاه..كانت من احلى الذكريات اللي تعيشها..
"الولييييييييييد..الولييييييييد..الوليد.كل شي الوليد..مالت عليك"

راوين\لاتفكرين كثير..!!
دزتها جمانه بخفه وراوين ماتتت ظحك..ماتحب احد يقطع افكارها..وهي صايره مثل الشيطان..تقط الكلمه
وتروح..
سلطان التفت لهم يوم سمع ظحكت راوين\ياعلكـم..فضحتونا..
المجمع كان مليان شباب اكثر من عوائل لأنه هالفتره مخصصه للشباب..
راوين\شسوي فيها..هي حماره جمــون..!!
الوليد ماكان يعرف مين اللي موجودين..!!لأنه مالتفت لهم ابدا..وتوه يعرف راوين من صوتها..ويوم سمعها تقول جمون غصبن عنها ابتسـم ابتسامه جانبيه..لمن توسعت ابتسامته وماقدر الا انه يضحك على الخفيف..
مايدري يضحك على حاله..!!,الا على هاللقاء اللي ماتوقع انه يكـون..!!
..كان وده يلتفت لهم..ويشوفها..لكن ماكانت عنده ذيك الجرأه اللي قبل مايسافر ..
استغرب من نفسه هو ماخذ عليهم..ومتربي معاهم..!!
ليش الخجل اللحين..!!
مو هذا اللي يتمناه..!!
حس الأفكار تدور فيه..ومو قادر يميز شي..وقف مكانه يوم
سمع سلطان يقول للبنات يتسوقون على كيفهم..وبيتلاقون عند المحاسبه.!!
صحيح خاب امله..لكنه قال الله كريم..هالثلاث بطلع روحها وبخليها تمشي وتهذي وتقول
احبـك يامجنــون..!!
راوين\والله انك مو صاحيه...!!وش نبي بقسم الفواكه..!!
جمانه مسكت راوين وجرتها لقسم الفواكه لأنها كان اخر قسم..
تبي تبتعد شوي عن الوليد..!!ماتوقعت بعد هالغياب يكون لقائهم فجـأه بدون ماتستعد نفسيا..
فما قدرت غير انها تمشي لأخر السوبر ماركت..وتهدي من نفسها..!!
راوين\تدرين انك سخيفه..احنا ماعندنا وقت عشان نتسوق على راحتنا..!!
جمانه\شفيك انتي..انا مشتهيه عصاير معينه..شوفيها.
التفت راوين لقسم العصاير اللي قريب من قسم الفواكه..
راوين\يالله خذي اللي تبينه..
خذت جمانه كذا علبه بعشوائيه..المهم انها تملي العربانه وتسكت فم راوين..
راوين حست بتصرفات جمانه العجيبه..لكنها طنشتها وهي تقول"الوعد بعدين يالعجوز"
بعد ماخلصوا اتجهوا لقسم الحلويات وجمانه يوم شافت حبايب قلبها نست الوليد وبدت تشتري بجنون..وراوين عجبتها حلويات ** بالكرز..حطتهم بالسله وتذكرت الأيس كريم..لازم تاخذ لهم كرتون..
راوين\اقول جمون..
جمانه منشغله بمحتويات العلبه\ها
راوين\وجعـاه..خلصينا بروح اشتري ايس كريم.
جمانه وعينها على العلبه\زين روحي وانا بظل هنا استناك..
راوين\متأكده.
جمانه\ايه روحي..
خذت راوين اللي تبيه وشافت على الطرف ايس كريم باسكن روبنز واشتهت ميلك تشيك بالفراوله
وتذكرت طلال..اكيد بتشوفه اليوم..اكيد..
راحت لجمانه وشافتها مخلصه وماسكه ورقة الطلبات باأيدها وتناظرها..
مشوا لقسم الشيبس..ويوم خلصوا مسكت جمانه راوين من عباتها
شدت راوين عباتها من جمانه بالغصب\ يالدفشـه..وين رايحه..!!
جمانه\جاتني فكـره..!!
راوين\طيب وش دخلني انا..
جمانه مشت بالعربه\امشي وراي..
مشوا البنات لقسم الملابس والألعاب..وجمانه جاتها الظحكه..
راوين\شنسوي بالله هنا..
جمانه\بنشتري..
راوين\من صجك انتي..مفكره روحك بزر..والله انه ابتسام صادقه..!!
جمانه\يالخبله تعالي اقولك..قربـي..
قربت راوين منها وفجأه ظحكت\منتي بصاحيه..!!
جمانه بحماس\شرايك..!!
راوين\والله اتك رهيبـه..يالله بسرعـه..
سلطان\تتوقع كم الفاتوره..!!
الوليد يناظر العربه اللي امتلت اغراض\من اللحين اقولك اذا ماعندك لاتفشل نفسك..!!
سلطان\مالت عليك..امش امش تفائل بالخير ياأخي..
الوليد\ههههههههه نشــوف..
سلطان\تقريبا خلصنـا صح..!!
الوليد وهو يلتفت لعل يلقى جمانه\امم يقولون..
سلطان\شتناظر..
الوليد تفشل\ولاشـي..
سلطان\اوكي خليني ادق عليهم..!
جمانه\راوين تلفونـك..
راوين\يووه..سلطان..!!..ارد..
جمانه\ايه ردي..
راوين\هلا..
سلطان\هلا راوين..وينكم..!!خلصتوا..
راوين\احنا باول قسم..
سلطان\وانتوا تمشون عكس الناس...!!
راوين انحرجت\شفت عاد..
جمانه\قولي له خلصنا..!!
راوين\اقول سلطان ترى خلصنا
سلطان\واكي تعالوا عند الكاشير.. سلام
راوين\مع السلامه..لقيتيه؟؟!
جمانه\ايه بس مدري اخذ أي نوع..مو هذا واقي الشمس اللي ابيه..!!
راوني\عادي جمانه خذي أي شي..تأخرنـا..!!
جمانه واستقرت على واحد\اوكي خلاص..هذا اللي باخذه..

اتجهوا البنات للكاشير وشافوا سلطان والوليد يحاسبون
الوليد هالمره طاحت عينه بعين جمانه..وعرفها على طـول من طولهـا.
طول بالنظـره لأنه كان يبي تشوفه وهو يناظرها..وتحس فيه لو شوي..
لكن جمانه من اول ماقربت منهم وهي منزله عيونها بالأرض..!!
سلطان التفت لهم وظحك بصوت عالي ومومهتم باحد لأنه السوبر ماركت شوي فاضي
سلطان\من صجكم انتوا..!!وش اللي ماخذين..!!
تفشلت جمانه ولصقت ورى راوين ماتبي تنحط بهالمـوقف..وراوين ماكنت اقل خجل منها..هي بروحها حيويه..
راوين\سلطان الله يهداك كيفنا..!!
سلطان ولازال يضحك\والله انكـم...شقول بس هههههه
الوليد كتم ظحكته مايبي يحرجهم..لف على الكاشير وسوى روحه منشغل بالحساب..
حاسب سلطان وهو بين فتره وفتره يمسك الأغراض ويضحك..الكاشير كان سعودي من ضحك سلطان ضحك ونزل عيونه..

لمن خلصوا اخيرا ومشوا للبيت بعد ماوصلوا الوليد..واتصلت الجده تسال عنهم
سلطان دخل السياره بالكراج وهرن عشان ياخذون الخدمات الأغراض..
سلطان\هلا يمه
الجده\وينكم..تأخرتوا..
سلطان\هذا احنا وصلنـا..
الجده\انت اللي تهرن..!!
سلطان وعرف انه بياخذ تهزيأه\ايه..
الجده\فضحتنا بين الجيران..
سلطان يأشر على البنات عشان ينزلون \خليهم يصحون..مو زين عليهم النوم ..
الجده\منت بصاحي..
سلطان جاه خط ثاني \يالله يمه سلام..معاي خط
جمانه وهي تسكر الباب\شفيها جدتي..
سلطان\معصبه عليكم..تقول في بنات يطلعون من صباح الله..صج مايستحون..
راوين خافت\صج..!!
سلطان\اجل امزح معك..!!..ويناظر تلفونه شفيه هذا سكر..
جمانه\سلطان متى بنمشي..!!
سلطان\الظهـر..
جمانه\مابقى شي على الظهر..!!
سلطان\ليش وش عندك..
جمانه\شنطتي ماجهزتها..!!
سلطان ويقلد صوتها\شنطتك ماجهزتيها..!!
اللحين انا قلت مدري وش بتقولين..توقعت عندك شي كبير..هي شنطه وسكريها..!
راوين\اي والله صادق..
سلطان\زين رحوا شوفو هالخدمات .وراي مشاوير ماخلصتها..
---------------









سكرت سماح من سميه وهي حزينـه..كان ودها تكون معاهم..لكنها تعرف انها صعبه واكيد بتتعب ..والبر يبيله قلب قوي..
..وهذه اول مره سماح تعترض طلعه مع اهلها..لأنها تعرف وش اللي بيترتب على هالطلعه..!!
دخل عليها احمد اللي كان توه جاي من بره
احمد\السلام عليكم..
سماح\وعليكم السلام..تأخرت..!!
احمد وجلس جنبها\مريت بيتنا شوي وجيت..!!
سماح وزعلت\ليش ماقلت لي كان رحت معاك..!!
احمد\ماجاء على بالي اني امرهم..بس كنت قريب وقلت خليني اشوف حوستهم..!!
سماح\مشوا والا لسه..!!
احمد\ايه مشوا..
تضايقت سماح وبن على وجهها\تدري اني اغبطهم..!!
احمد\طيب ليش تقولينها بزعل..!!..وبعدين اللي يشوفك يقول مو شافتهم ابد..ان شاء الله بنجيهم كل يوم ومو رايحين الا بوقت النـوم..
فرحت سماح وابتسمت \صــج..
احمد بادلها الأبتسامه\ايه صج يالدلوعـه..
سماح ورجعت تكشر\بس ولو..النومه غيـر..
احمد\ويهون عليك..!!
سماح\ايش..!!
احمد\يهون عليك انام بعيد عنك..
سماح ظحكت\والله انك مكـار..مدري مين اللي يرجع من شغله باأخر الليل..
احمد مسك ايدها\شسوي ياحبي..غصبن عني..!!..لكني اوعدك بالخير ان شاء الله
سماح وهدى صوتها\وانا معاك لنهاية الطـريـق..
احمد تأثر بكلمتها..ورق لصوتها اللي دخل لأعماقه\صدقيني احلى طريق وانا جنبك..
سماح بقلب صادق\الله يخليك لي..
ظلوا فتره قليله ساكتين..
احمد\شرايك نطلع..!!
سماح ظحكت\احد يطلع الظهـر..
احمد\نتغدى ياقلبي..
سماح\والأكل اللي سويته..!!؟
احمد ابتسم\تاكله الخدامه..
سماح عجبتها الفكره\اوكي..اممم وبعد مانتغدر وين بنروح..!!
احمد فهمها على طول\ولامكـان..
سماح عصبت على خفيف\احمــد..
احمد\عيونه..
سماح\تكذب علي..!!؟
احمد\اوووه نسيت بعدها نروح لهم بالبـر.
سماح وارتاحت\اللحين اقوم..واتجهز بسرعـه..
احمد وقومها معاه\زين لاتتأخرين..اذا خلصتي صحيني.
سماح ابتسمت بحنان\اوكـي..ارتاح شـوي وبتشوفني جاهزه
-----------



بالسياره وجالس يتحرطم على اهله..واعصابه تغلي بجرعه حراريه كبيره
ليش كل هالتأخير..!!
وش بقى وماحطتوه بشنطكم..!!
احنا وين رايحين..بنهاجر يعني..!!
فشلتونا..الكل بيمشي وبينتبه لعفشكم..!!
ظحكت فجر ومدت له كاس عصير\خذ..برد على قلبك..!!
خذ هيثم العصير لأنه حس بملوحه بلسانه وكل هذا بسبب كلامه..
بو احمد كان جالس جنب هيثم اللي يسوق ويضحك على يوالف ولده\وانت ليش حارق اعصابك..وخز يعينه..يعني ماتعرف الحـريم..!!
ام احمد تدلخت على طول\وش فيهم الحريـم..!!
بو احمد\ابد..سلامتك ياأم احمد..شهـد على الفؤاد..
فجر\صدقني محد اخرنا غير احمد يوم جانا..!!
هيثم ولازال معصب\ايه..حطيها على احمد..والله لو غلا موجود كان تنومت بالمستشفى اليوم من برودها ودلعها..الا يمه شخبارها..!!
ام احمد\والله مدري ياولدي..احاتيها..حتى مادقت تبارك للعيد..!!
ابو احمد اعترض على طول\وانتوا ليش تدخلون في البنيه...ياعلها ماتدق طول عمرها ..خلوها براحتهــا..!!
ام احمد\وانت ماصدقت على الله اتكلم وتهب بوجهـي..
فجر\يمه ذكري الله..
هيثم بهمس\ليتني مانطقت..
فجر قربت منه\متى بنوصل هيثم..!!مو كانه طولنا..!!
هيثم واحتد صوته لأنه تذكر تأخيرهم\غمض عيونك وتشوفينا وصلنا..
فجر ابتسمت بحنان "ليتك تبرد على قلبك ياأخوي\صـج..!!
هيثم ويناظر الخيام المنصوبه من بعيد\خلاص بنوصل..
فجر\غريبه ماطولنا..
هيثم\احنا متعمدين مانبعد كثير.
ام احمد استغربت\ليش..!!
هيثم\عشان جـدي اولا.وغير كذا عشان يكون السوق قريب منـا..!!
ام احمد وعجبها الموضوع\والله انكم ريحتونا..مدام البيت قريب منا..بمره كل يوم..الواحد مايقدر يتسبح بهالبر..!!
هيثم\وهذا اللي تحاتونه.. وتضايق..الله يعيني على المشاوير..
ابو احمد ضحك\تحمل اللي يجيك..
هيثم وقف السياره\ على السلامه..
---------------