قلبي وصديقاتي للكاتبه/عواطف العنزي
اقدم لكم روايتي هذه واتمنى انها تعجبكم
وهي بعنوان
" قلبي وصـديـقـاتـي"
((وهذي الروايه شاركت فيها ببرنامج اريد حلا الذي يعرض على قناة بدايه كان موضوع الحلقه عن الاعجاب وطلبوا مشاركات بروايه عن هالشي
وفكرت اني اكتب هالروايه القصيره
والحمدلله في غضون اسبوعين انهيتها
وطبعا سيتم ارسالها لجميع المشتركين بخدمةبيوت مطمئنه قناة قصه لم تسمع بها للشيخ عادل وهذا رقم الخدمه88503
خدمه رااائعه انصحكم بالاشتراك))
طبعا الروايه تتكلم عن واقع عايشته وعاشه غيري
تتكلم عن اللي يصير بين البنات وعلاقاتهن مع بعض
عن احوالهن عن مشاكلهن مع بعض
عن تأثير الصحبه الصالحه والصحبه السيئه
وتأثير الاهل عليهن.
وطبعا المحور الاساسي للروايه
هو عن مرض" الاعجاب"
يمكن الحبكه وتصويري للاحداث يكون غير
سلس وثقيل على القراء بس ماعليه تحملوا وكملوها للأخير^_^
مع إشراقة صبح يوم جميل يحمل بطياته
الخير والسعاده بأذن الله ..
طلع ابو سعد من بيته الساعه 5 كعادته اليوميه عشان يوصل البنات للجامعه
فهو يعمل سائق لباص جامعة بنات ,
ركب الباص وتوكل على الله وراح يدور في مواقف البنات
وقف عند الموقف الاول وكان فيه7بنات واقفين ركبوا معه
طبعا حالهم مايسر كل من قلبه حي وغيور على محارمه
كانوا بالعبايات المخصره المزركشه تحتاج لعبايه ثانيه عشان تسترها
تناسوا ان الله ممكن بأي لحظه يأخذ امانته ويقبض ارواحهم
(و للأسف هذا حال بنات اليوم الا من رحم الله)
جلسن في المقاعد وتوزعن فيها
نجوى:اقول بنات من مذاكره للأختبار
سحر:انا والله كالعاده مافتحت الكتاب
نجوى:وانتي ميشو ذاكرتي؟
مشاعل:ان اذاكر ههههه طبعا لا
نجوى:الله ياخذ هالوجيه ولاوحده مذاكره نلطش منها
سحر:فيه شي اسمه براشيييييم نبرشم ونحل
مشاعل:اذا كانت اللي بتراقب هذيك المصريه بنغش براحتنا حتى لونفتح الكتاب عادي
نجوى:كيف تفتحين الكتاب قدامها عادي
مشاعل:ياشيخه عادي تدري انا نغش بس تطنش
نجوى:ريحتيني خلاص بعتبر نفسي ناجحه
سحر:تكفين عاد ياللي همك النجاح
نجوى:طبعا ياحبيبتي يهمني انجح ليش وش شايفتني
سحر:اقول خليني ساكته احسن
مشاعل:اصصص خلاااص غيروا هالسالفه
........وتموا يسولفون طول الطريق.....
وفي بيت من البيوووووت..
قامت ام نواف تصحي عيالها عشان المدرسه
راحت لغرفة بنتها الكبيره ربى 18سنه ثالث ثانوي
ام نواف:ربى قومي يمه الساعه6ونص
قومي لاتأخرين على المدرسه
ربى:طيب طيب الحين بقوم
ام نواف:قووومي يالله الحين
قامت ربى:ياربي خلاص قمت
راحت ربى تتجهز للمدرسه
وامها راحت تصحي باقي عيالها
عندهاولد وبنت اصغر من ربى
على الفطور كانت ام نواف مع عيالها وزوجها يفطرون
ام نواف:حبيبتي ربى شعندك حاطه روج
ربى:ليش شفيها عادي
ام نواف:هذي مدرسه وطلب للعلم مالها داعي هالحركات
ربى:ياويلي يمه وش مسويه انا كلها روج خربت الدنيايعني بعدين كل البنات يحطون ماحد قال شي
ام نواف:يعني مو ممنوع المكياج عندكم
ربى:لا موممنوع عادي
ام نواف:شهالمدرسه هذي اللي اعرفه ان المكياج ممنوع
ربى:مدرستناغير كل شي عادي
((طبعا كانت تكذب على امها والا المكياج ممنوع بس علشان امها تخليها براحتها مع ان ربى دلوعة اهلها وطلباتها مجابه وماناقصه شي ومغرقينها بالحب والحنان والدددلع))
ابونواف:وش فيها لو حطت عادي مافيها شي
ربى:فديتك والله انتي اللي فاهنمي
ام نواف:مافيهاشي بس الاحسن ان البنت تبتعد عن هالاشياءبالمدرسه
نواف(اخو ربى الصغير):يالله ترى تأخرنا على المدرسه
ابونواف:يالله مشينا
طلع ابو نواف وعياله عشان يوصلهم للمدرسه
وام نواف راحت تكمل نومتها كالعاده ^_^
في بيت ثاني من بيوت الحي نفسه
بعد ماشالت الفطور ونظفت الصحون
وشطفت ارضية المطبخ مثل كل يوم البنات يتجهزون لدواماتهم وهي تنظف البيت
هذا حال جوري يوميا عايشه عند ابوها وزوجته الظالمه ومخليتها خدامه عندها
وطبعا ابوها لاحياة لمن تنادي
ام عيسى(زوجةابوها):خلاص نظفتي المطبخ
جوري:ايه خلاص نظفت كل شي
ام عيسى:خلاص انقلعي لمدرستك
راحت جوري لغرفتها لبست المريول واخذت شنطتها وعبايتها وطلعت من البيت متجهه لمدرستها
,,,,,,,,,,,,,,,,,
قريبا وفي مدرسة بنات الحي
دخلت جوري المدرسه وتحديدا بالساحه
كانوا البنات يستعدون يصفون للطابور اليومي والاذاعه
راحت عند صديقتهاربى
جوري:السلام عليكم
ربى:وعليكم السلام
جوري:اخبارك
ربى:الحمدلله
هيييييي جوري وش فيه خدك كذا
جوري وهي تغطي وجهها بيدها:مافي شي بس طحت امس على الدرج
ربى:طحتي ولا من ابوك وزوجته
نزلت جوري راسها وهي تتذكر موقف امس
^
^
^
^
كانت تطبخ لهم العشاء وفجأه وهي تجهز الصحون طاح منها صحن وانكسر
جتها زوجة ابوها وهي معصبه:
خير وش سويتي حسب الله عليك كسرتي الصحون كلها
جوري:والله بس واحد اللي انكسر وغصب عني طاح
مسكتها ام عيسى مع شعرها:لا وترادديني بعد صدق انك قليلة ادب وماتستحين
جوري:اااااه خالتي تكفين وجعتيني اااه
خلاص والله اخر مره
رمتها ام عيسى على الارض بقوه:
هين ان ماقلت لأبوك عن سوالفك ياام لسان
دخل عليهم ابو عيسى:خير ليش اصواتكم طالعه
ام عيسى:شف بنتك اللي ماتستحي ماتعرف السنع ولاتعرف تدبر شي بالمطبخ ويوم جيت بعلمها قامت تكلم علي
جوري وهي تبكي:والله يبه ماقلتلها شي
ام عيسى:وتكذبين بعد كملت
قام ابوها ومسكها بشعرها وضربها كف
لين طاحت على الارض:
ياويلك لو قلتي لخالتك شي احترميها فاهمه
جوري وهي تبكي:حسبي الله ونعم الوكيل
حسسبي الله ونعم الوكيل
ام عيسى:يالله بس قومي نظفي المطبخ وجهزي العشاء وياويلك لو تعشين فاهمه عشان ثاني مره تحترميني وتمسكين لسانك
يالله فزي جهزي العشاء
قامت جوري تجهز العشاء ودموعها على خدودها
ماتدري تبكي على فراق امها
والا معاملة ابوها وزوجته لها
,,,,,
:هيييه جوري وين رحتي
كانت هذي ربى تناديها
جوري:خير هذا انا معك
ربى:ماقلتيلي من سوا فيك كذا
جوري:خلاص قلتلك طحت على الدرج
_ _ _ _ _ _ _ _ _ _ _ _ _ _ _ _ _ _ _ _ _ _
ماراح اشكيهم على الناس لكن ،،!!
ي ويلهم من دعوتي تالي الليل !
_ _ _ _ _ _ _ _ _ _ _ _ _ _ _ _ _ _ _ _ _
نروووووووح للجاااامعه واللي فيها
من الاشكال والالوان
بنات حاطين مكياج صارخ وكأنهم في سهره
وبنات حاطين لكن بنعومه
وبنات الايمو هذولا الله يعافيهم ولايبتلينا امعه ويقلدون باي شي يمكن من دواخلهم
مافيهم من معتقدات جماعة الايمو ولا يمارسون طقوسهم بس كذا مجرد تقليد اعمى لاشكالهم
وبنات مسترجلات قاصات بوي
ومسويات كدش مشمرين عن الاكمام
واللبس اسود او ابيض او السبورت حقات العيال
وبنات شغلهم الشاغل توعية من حولهم وهدايتهم هذولا الداعيات واللي ماسكين التوعيه الاسلاميه بالجامعه وعمل المحاضرات الدينيه
,,,,,
عند نجوى وصديقاتها
بعد ماجلسوا في مكانهم طبعا بساحة الجامعه
مشاعل بخشونه:يالله امشوا نفرفر باقي على الاختبار ساعه
نجوى وهي مشغوله تظبط مكياجها:انا ماني رايحه معكم بروح مواعده بنت
سحر:اوووه بنت من ورانا منهي
نجوى:لاتفهمين غلط ماهم من اللي ببالك هذي بنت تقربلي من جماعتنا متواعدات نتقابل اليوم
مشاعل او ميشو مثل مايسمونها:طيب نروح معك ونتعرف عليها
ارتبكت نجوى:هاه لا مو لازم بعدين هن ماهي اجتماعيه مره
مشاعل:براحتك
يالله سوسو امش معي
سحر:يالله
((طبعا نجوى ماتبي قريبتها تشوف صديقاتها -مشاعل وسحر- تعرف انهم مايشرفون وانهم غلط في غلط كلهن مسترجلات وكأنهن رجال سواء في قصة شعورهم او تصرفاتهم او كلامهم وافكارهم الدنيئه اللي يشوفهم مايصدق انهم بنات جردو انفسهن من الانوثه
بكل شي وعارفه انهم راح ياخذون فكره سيئه عنها اذا عرفوا ان صديقاتها من هالنوع خصوصا ان قريبتها بنت محترمه))
,,,,,,,
نرجع عند مدرسة الثانويه للبنات
بعد الطابور توزعوا البنات بفصولهم
كانوا قاعدين البنات ينتظرون الاستاذه تجي وتعطيهم الدرس
دخلت عليهم معلمه من معلماتهم:
السلام عليكم
البنات:وعليكم السلام
المعلمه:ابله عهود ماداومت اليوم وانا احتياط عندكم
البنات استانسوا:
فكككه
احسن
ياشيخه مابغت تغيب
ربى:اشوا انها ماداومت مالي خلق لاي درس
جوري:الا قوليلي شعندك حاطه روج
ربى:ياربي هذي امي الثانيه عادي ي اختي
مافيها شي
جوري:الا فيها هنا دراسه وعلم مافي وقت لهالخرابيط
ربى:انا عاد عندي وقت
جوري:احسك متغيره منتي ربى اللي اعرفها
ربى:يعني عشان حطيت روج صرت متغيره
جوري:مو عن الروج بس يعني لاحظت عليك بعض التصرفات اللي وبصراحه ماعجبتني
ربى:مثلا ايش يعني ؟
جوري:لما تمشين مع هذيك البنت اللي اسمها احلام لازم يعني كل وحده يدها على خصر الثانيه وهي تمشي لازم تبوسك كل ماتشوفك
ربى:ههههههههه والله انك تضحكين هههههه
جوري:ليش تضحكين قلت شي يضحك
ربى:هذا شي طبيعي صديقتي ونتمشى بالطريقه اللي تعجبنا عادي
جوري:لا ياربى مو عادي حاولي تبتعدين عن هالبنت لاتمشين معاها هذي البنت ماهي مظبوطه ماتشوفين قصة شعرها ولا مشيتها وتصرفاتها كأنها ولد
ربى:الحمدلله بس يابنت لاتصيرين معقده
عاااااادي
جوري:الا تعالي انتي شلون تعرفتي عليها
وهي بالفصل الثاني مو من بنات فصلنا
ربى:مره رحت احضر حصة الفيزياء بفصلهم تذكرين لما قالت الابله اللي ماهي فاهمه الدرس تحضر ال*** الجايه عند الفصل الثاني
جوري:ايوه اذكر وبعدين
ربى:المهم جلست جنب احلام وبعد ماخلصت ال*** قالتلي ابي اتفسح معك اليوم اذا ماعندك مانع قلتلها حياك تعالي عاد من يومها وان امشي معاها بس والله البنت حبوبه
جوري:انتبهي لنفسك بس وخلي دايما على بالك اهلك امك وابوك اللي ماعندهم اغلى منك اللي مدلعينك ومدللينك ومو مخلين عليك قاصر ابد خليهم دايما يفتخرون فيك
ربى:ياااااويلي جوري شفيك انا بسوي جريمه مثلا
جوري:ياربى الزمان هذا الله يكفينا شره
وشر الفتن اللي فيه بلاوي تصير بين البنات اعوذ بالله منها صارت كل بنت لها حبيبه معجبه فيها ولازم بينهم الحركات والقبلات وكأنهن زوج وزوجته واحيانا توصل اعوذ بالله لدرجة السحاق
ربى بذهول:يمممه لهالدرجه عاد اعوذ بالله
جوري:وصدقيني اكثر هذولا بنات مافكروا
بنهاية هالعلاقه ووش بتجني عليهم
مافكروا بأهاليهم ونظرة الناس لهم
وسمعتهم والاهم من هذا كله
مافكروا بالله سبحانه وتعالى
نسوا ان وراهم جنه ونار وحساب وقبر
بنات مريضات وعقولهن صغيره
ماقول غير الله يهديهن ويكفينا شرهن
ربى:هذا من نقص العاطفه والحنان البلا كله من اهاليهم
جوري:لا ياحبيبتي مو نقص حب وحنان
نقص عقل ودين وقلب ميت وبعيد عن ربه
انا مايقهرني الا هذي اذا البنت سوت شي غلط معجبه او تغازل وغيره من هالبلاوي قالوا نقص عاطفه مالها ذنب اهلها تاركينها
تجي البنت كبيره وعارفه الصح من الغلط وعارفه الحرام والحلال ويقولون نقص عاطفه ياسبحان الله يعني ياتسمع كلمه حلوه من اهلها ياتروح تغازل استغفر الله بس
ربى:هههه تحمستي مع الموضوع
جوري:بجد والله نقص العاطفه ماهو عامل رئيسي من عوامل الانحراف
ربى:اقول غيري السالفه بس
جوري:شوفي يوم الجمعه على قناة بدايه برنامج اريد حلا وموضوع الحلقه عن الاعجاب تابعيه
ربى:ان شاءالله
,,,,نخليهم يسولفون ونروح للجاااااااامعه
كانت نجوى جالسه بالساحه تستنى اتصال من قريبتها اللي تبي تشوفها
رن جوالها
نجوى:الووو
ايمان:هلا نجوى معليش طولت عليك
نجوى:لا عادي خذي راحتك وينك انتي
ايمان:انا بمبنى الاسلامي الدور الثاني
عرفتيه ولا اجيك
نجوى:لالا عرفته الحين جايه
ايمان:انتظرك
راحت نجوى عند ايمان في قسمها
نجوى:السلاااام ياحلوه
ايمان:وعليكم السلام هلا وغلا
اخيرا مابغينا نشوفك
نجوى:هههه والله انا مشغوله بمحاضراتي ورا بعض ومافي فرصه
ايمان:الله يعينك تعالي نجلس تبين نجلس بقاعه ولا هنا بالمصلى عند صديقاتي
نجوى(ياويلي اكيد مطوعات اف ماحب جلستهن):امم لا خلينا بقاعه احسن
ايمان:يالله
دخلن في قاعه من قاعات القسم
وجلسن فيها
ايمان:نجوى ليش حاطه صدى اغنيه والله حرام تخيلي كل من سمعها انتي تكسبين ذنبه
نجوى(اوووه بدينا بحركات المطوعات الله يعين عليها): كذا عجبتني الاغنيه وحطيتها انتي ماتسمعين اغاني
ايمان:الحمدلله ما اسمع ولا احبها اصلن
الاغاني تضيق الصدر وتجيب الغم والله سبحانه وتعالى يوم القيامه يصب الرصاص بأذن اللي يسمعها اعوذبالله
- - - - - - - - - - - - - - - - - - - - - - - - - -
ياصاحبي .. خلك معي ..لو تكرّمت
.....والله عشانك إنت ../ ماهو عشاني..!!
اسمع كلامي زين .. دامي تكلّمــت
....وماراح آخـذ منْـك ../ الا ثـواني
"الحين لو صابتني شوكه.. تأزمت
....وشلون لاصبّوا رصاص..فـ أذاني !!"
عرفت.. ليه بوضعي هذا تأقلمت!!
....وليه ..آتكدّر .. لاسمعت الأغاااني!!
- - - - - - - - - - - - - - - - - - - - - - - - - -
ايمان:عندك اختبار اليوم
نجوى:ايوه عندي
ايمان:متى
نجوى:الساعه 9
ايمان تناظر لساعتها:شوفي الحين الساعه 8باقي كثير عن الاختبار تعالي احظري محاظره بالمصلى مسوينها انا وصديقاتي والله راح تستانسين
نجوى(لا كملت بعد احضر محاضرتكم):
لا معليش انا لازم اراجع قبل الامتحان
ايمان:الله يوفقك
بلغي عاد اللي تعرفين عن المحاظره
نجوى مسويه مهتمه:عن ايش محاضرتكم
ايمان:عن الاعجاب بين البنات
نجوى(ههه تبيني اقول لسحر ولامشاعل مستحيل يحضرون):الله يجزيكم خير
بس احس ماحد يحضر من هالنوعيات
ايمان:صح صادقه والله ماحد يحضر منهم
مايحضر عندنا اللي فيهم خير ومحترماااات
بس حنا نسوي واجبنا وننصح ونوعي
قال تعالى(كنتم خير امة اخرجت للناس تأمرون بالمعروف وتنهون عن المنكر)
نجوى:اوكي خلص ببلغ البنات
ايمان:يالله عاد خلينا نشوفك مره ثانيه
نجوى:ان شاءالله
طلعوا من القاعه نجوى نزلت لصديقاتها وايمان راحت للمصلى عند صديقاتها
كانو يستعدون للمحاضره
مثل مافيه بنات ضالات مضلات وقلوبهم غافله وعقولهم صغيره
فيه بنات همهن نشر الخير همهن كيف يهتدي من حولهن
قلوب احبت بعض لله وفي الله
ايمان:هاه كل شي جاهز
خلود:ايه خلاص
ايمان:انتي راح تلقين اليوم خلاص انا عندي محاضره 9 لازم اروح
خلود:ياربي يعني عشان صوتي احسن من اصواتكم لازم انا هههه
نوال:الا وانتي الصادقه العكس ههه
ايمان:بنات حطيتو الاعلان داخل الكافتيريا
نوال:ايه حطينا بكل مكان
خلود:صدقوني ماراح يحضر الا نفس الوجيه اللي دايما تحضر
ايمان:صحيح الله يهديهم بس
بدوا البنات يتوافدون للمصلى ويجلسون للاستماع للمحاظره
اول شي وزعوا عليهم مطويات وكتيبات
عن الاعجاب والحجاب وعن بعض الفتاوي اللي تهم المرأه
وبعدها بدت خلود تلقي المحاضره
ومن ضمن اللي قالوه في محاضرتهم
قال تعالى(ومن الناس من يشتري لهوالحديث ليضل عن سبيل الله)
كان ابن مسعود يقسم ان المراد به الغناء
الاغاااني قد تجر الى الداهيهاالعظمى
وهو عشق فتاه لفتاه مثلها..والاعجاب بها نعم تحبها..لا لانها قوامة ليل اوصوامة نهار ولكن لجمال وجهها وملاحةبسمتها وكم نرى من البنات المائعات في حركاتهن وكلامهن ومشيهن مع الثياب الضيقه وكثرةاللمسات والقبلات وتبادل الرسائل العاطفيه والهدايا الشيطانيه وهذه مظاهر في بعض المدارس والكليات فلماذا يفعلن ذالك بسبب الاعجاب والعشق والمحبه وهذا عمل قوم لوط الذين اكتفى رجالهم برجالهم ونسائهم بنسائهم فطمس الله ابصارهم وسود وجوههم ثم خسف بهم وامطر عليهم حجاره من سجيل..
قال صلى الله عليه وسلم(اخوف مااخاف على امتي عمل قوم لوط)
فمزقي ماعندك من رسائل وارقام واتلفي الصور والاشرطه والافلام اثبتي ان حبك لله اعظم من كل حب.
د.محمدالعريفي
_ _ __ _ __ _ __ _ __ _ __ _ __ _ __ _ __ _ _
"فتلك همتها جنانا خالدات"
"وتلك همتها زخرفة العبات "
_ _ __ _ __ _ __ _ __ _ __ _ __ _ __ _ __ _ _
عند نجوى وصديقاتها
ميشو:ههههه يعني البنت تبيك تصيرين مطوعه مثلها
نجوى:مدري عنها اففف ليش حاطه اغاني تعالي للمحاضره معنا ماحب اللي كذا انا
سحر:اقول ميشو فيه وحده تبغاك بالقاعه
ميشو:مييين
سحر:من يعني حبيبةالقلب
ميشو:فديتها والله بروح لها
نجوى:مين هذي
سحر:وحده تحب ميشو !!!
(عاد اكيد تعرفون وش نوع هالمحبه مع وحده مسترجله)
سحر:ماشفتي بشاير من زمان عنها
نجوى:لا والله
سحر:الحين بدق عليها تجينا
سحر:الوو
بشاير:اهلييين سوسو
سحر:اهلين اسمعي اذا ماعندك شي تعالي عندنا تحت
بشاير:لا ماعندي شي دقايق وجايتكم باي
سحر:تقول الحين جايه
نجوى:باقي نص ساعه او اقل عن الاختبار
وش نسوي محنا حافظين
سحر:افا عليك لاتشيلين هم مع سوسو
اعتبري نفسك حاله كل الاسئله
جتهم بشاير
بشاير:هااااي
سحر ونجوى:هاياات
بشاير:اشتقققتلكم اقوى شي
سحر:واحنا بعد وينك من زمان عنك
بشاير:اي والله من زمان ماقعدنا مع بعض
طيب شرايكم نطلع مع بعض الليله
نجوى:وين نطلع
بشاير:نروح السوق ونفلها هناك
سحر:فكره حلوه والله بس انا مقدر الليله معزومين عندنا عمامي كلهم
بشاير:وانتي نجوى
نجوى:اوكي بروح
بشاير:اجل خلاص الليله بعد العشاء نروح
انا بمركم بسواقي
نجوى:لالا ابوي يوديني
بشاير:خير ابوك يوديك نبي لحالنا بناخذ راحتنا
نجوى:اممم مدري خلص بقوله وبقنع امي
بشاير:مستحيل يقولون لك لا
نجوى:عارفه والله خصوصا ابوي لو ابي عيونه عطانياها
بشاير:عموما بينا اتصال
نجوى:اووكي
جتهم مشاعل:هاااي صبايا
بشاير:هلا والله ميشو اشقنالك
مشاعل:وانتي اكثر
سحر:كيف كانت القعده مع الحبيبه
مشاعل:عسل والله هالبنت
سحر:ليش ثنتين كلهم منها هههه
مشاعل:ههه ايوه شرايك
ولفت توريهم رقبتها وطبعة روج صاحبتها
لما باستها !!
(ماراح اقول وش اللي صار بالقاعه مع مشاعل وخويتها يتنزه قلمي عن ذكر هالعلاقه الشاذه ولكم عاد ان تتخيلون براحتكم)
- -- -- -- -- -- -- -- -- -- -- -- -- -- -- -- -- -
اللهم لاتؤاخذنا بما فعله السفهاء منا
- -- -- -- -- -- -- -- -- -- -- -- -- -- -- -- -- -- -
نروح للمدرسه
وبالتحديد عند ربى وجوري
كانن بالفصل انتهت ال*** الاولى وبدت الثانيه
قبل ماتبداءال*** دخلت بنت للفصل
وحطت على طاولة ربى دفتر وطلعت
جوري:مين هذي
ربى:مدري ماعرفها
جوري:افتحي الدفتر طيب
اخذت ربى الدفتر وفتحته
كان فيه ورقه كلها اشعاااار وفاين معطر
ومطبوع عليه شفايف بالروج الاحمر
مكتوب فيه
...صباح الحب والاحساس لاغلى الناس..
اليوم ماصبحت عليك واحس اني متضايقه
لاني ماشفتك بالصباح والله مشتاقتلك موووووت .
ارتبكت ربى عشان الجوري شافته ودخلت الدفتر جوا الطاوله
جوري: من مين؟
ربى:هاه مدري
جوري:اكيد من احلام
ربى:.........
جوري:انتبهي ياربى هذي حركات الاعجاب التااافهه لاتنسين الكلام اللي قلتلك قبل
ربى:عادي تصبح علي فيها شي
جوري:الله يهديك اكيد فيها شي وش سببها هالرسايل وهالبوسات اللي لو تغيبين عنها 5دقايق جت تبوسك
ربى:اووه جوري خلاص عاد انا كبيره واعرف مصلحتي
جوري:الله يهديك بس
بدت المعلمه تلقي الدرس والكل ركز معاها
.........
نررررجع للجااامعه
عند فتيات الفردوس
القت خلود المحاضره وعرضوا في البروجكتر بعض من المقاطع للمشايخ اللي تبين حرمة الاعجاب
خلود:والحين بنات نبغى منكن قصه واقعيه او موقف عن الاعجاب اللي عندها تشاركنا
رفعت يدها وحده من البنات عشان يعطوها المايك وتقول ماعندها
البنت1:انا لما كنت في الثانويه كانت عندنا بنت كاتبه اسم اللي تحبها على يدها بالمشرط تخيلوا بالجرح كاتبه اسمها
لاحول ولاقوةالابالله
البنت2:والحين الاعجاب مو بس بين الطالبات صار حتى بين المعلمات انا عمتي مديره في مدرسه تقول عندهم معلمه معجبه بطالبه ودايم تواعدها بمكتبها من غير الزيارات اللي برا المدرسه ودايم بينهم رسايل وحركات سخيفه!!
البنت3:واعرف وحده رافضه الزواج نهائيا بس علشان حبيبتها ماتزعل وتبتعد عنها
البنت4:اول مادخلت القسم اذكر وحده سألتني انتي مرتبطه؟جاوبتها يكل جهلي بالسؤال القبيح:لا قالت اه يعني ماعندك حبيبه ضحكت وقلت وش يعني قالت:وحده تحبينها قلت:طيب انا عندي محاضره عن اذنك
اذكر هذاك اليوم جلست متنحه في السؤال وفي العالم الغريب.
نتركهم مع محاااضرتهم ونروح عند نجوى وشلتها
كانن بالقاعه جالسات استعدادا للاختبار
سحر:بناات انا بفتح الكتاب بخليه بالطاااوله
نجوى:انا بجي جنبك وابنقش منك اوكي
سحر:مدري عنها اخاف ماتخلينا جنب بعض
نجوى:يوووه هذي ورطه والله
مشاعل:القاعه زحمه ومليانه مستحيل تبدل مافي الاماكن اصلن
دخلت عليهم الاستاذه ومعاها اوراق الامتحان
سحر:يووووه هذي الله لايوريكم لها اربع عيون تشوف القاعه كلها بنظره وحده
نجوى:خساره لو انها استاذه صبريه كان اخذنا راحتنا
سحر:ماعليك انا اضبطك
نجوى:نشوف الله يستر بس
الاستاذه:يالله بنات شيلوا اللي قدامكم.
شالوا البنات كتبهم وملازمهم داخل الشنط وبدت الاستاذه توزع الاوراق
الاستاذه:كل وحده عينها بورقتها اللي المح عينها بورقة الثانيه الغي عليها الاختبار ومالها اعاده ابدا
نجوى بصوت منخفض:سوسو الحقيني ماني عارفه شي
سحر:طيب انطمي بفتح الكتاب الحين
فتحت نجوى الكتاب وبدت تحل بعض الاسئله وتقرب الورقه لنجوى وطبعا نجوى عيونها عليها
وفجأه وهي مندمجه تكتب من الكتاب
.......
الى هنااا نقف
حباااايبي ماااااراح اكمل الا لما اشوووف
ارائكم حول الروااايه صحيح لسا بالبدايه
بس ابي رايكم بكل شي فيها
بالشخصيااات وبموضوع الرواايه وبطريقتي ككاتبه مبتدئه
واهم شي توقعااااتكم للاحداااث الجااايه
.
مع خااالص ودي لكم
اختكم:عــــطـوفــــه
للامانه منقووووووووووووووووووول:)
اكملي والى الامــاام