الحساسه .. @alhsash_1

عضوة جديدة

روايـه من روايات المخافـر في تأكيـد مقوله أن الجـوع كافــر ...

اول شي احب احيي كل من يقرا هذي السالفه .. واحب انبه ان هذي القصة من الحقيقة و الواقع ... بكل احداثها و تفاصيلها ..

في البداية اعرفكم على الشخصيات و هي عبارة عن شله مكونه من سبع بنات ذوات الثمانية عشر ربيعاً ..

الشخصيات ..

1.ام صنيتان من شبيرمـه
2.ام محماس من الكنيسـه الكاثوليكيـه
3.ام عفيصان من الصحن الحيدري
4.ام حميسه من كوده الاعوج <= مهيـب انا ( يعنني مانيب المـّح )

5.ام شليويح من بلادين السكران ..

6.ام صدقه حسن سلسبيل من شارع المكرونة ..
7.خشيفه كريك ديفد من الضلفعة ..
ملاحظه هامة جداً ( لمن لم يعرف مقر الانسات الرجوع لأطلس المملكة )
وابـتدا المشـروع

كان يوم التيوس دي ( Tuesday)اتفقنا ــ يازعم ــ بنتحضر و نجيب فطور ( زطية على قولة صديقتي ) مثل الاوادم و الناس ..

وكل و حده تحمست و جابت اكله ..
ام محماس جابت بلاليط وام صدقه جابت منتو بالموز و فرموزه بالتمر وام شليويح جابت عصيده كوسا << تراه مفيده جداً لاصحاب القلوب الرقيقة .. وام صنيتان جابت ترمس مريسه و خشيفه جابت ستيك بالزعفران و الهيل باقي انا الله يسلمني تدرون وش جبت لهم جبت كليجا محشي كراث و المشروب عسانا ما شربنا ..

وبدا اليوم الاشعث الاغبر المنيل بستين نيله .. ويوم تجمعنا و شمرنا اكمامنا جات المقروده خشيفه و اقترحت اننا ناجل بلعتنا لاخر حصه لاننا فاشلين و ما عندنا حصص سابعه ( ترانا ثالث ادبي ) ومع شينها وقوة عينها موصيتنا ما نتعشى البارح و قلنا براسك يعني اوكي << للي ثقافته خكريه .. و كان شعورنا لا يوصف وفي حاله مزريه <<< مجاعة افريقيا ههههههههههههههههههه .. تدرون ما تعشينا امس على كلام خشيفه و ما تفسحنا ولا افطرنا بالبيت و كل هذا عشان نهجم على الاكل اللذيذ <<< ايه هين .. وفي الحصص الله لا يوريكم اشكالنا تفشل كل وحده عقلها ببطنها و كل ما سالت الابلا سؤال قلنا عصيده , مريسه , منتو ....... الخ , وساعاتنا ملت من وجيهنا و عقب الشين خلصت الحصة السادسه .. و حنا نازلين من الدرج بعدتنا و هنا تبدا الماساه و المعاناه واللهاه << اللي بثالث ادبي بتعرف معنى هالكلمة .. .

تخيلوا وش شفنا ؟!

شفنا اطيب وارق مخلوق على وجه الارض مديرتنا الفاضله المصون :16: << و العكس صحيح طبعا .. حنا اخترعنا خرعه ما يعلم بيها الا ربنا << الشغـله فيها جـوع وأكل لازم نتكلـّم فيها مصـري
و صارت قلوبنا في ...................................... ( جزء من النص مفقود ) << حشى مسج جوال :biggrin2: حنا ركضنا بسرعه و تخبينا ورا الجدار على اساس انها بتروح .. بس من الحـظ ما كرف قعدت كل الفسحه ( فسحه الصلاه ) عندنا .. المهم يوم دق الجرس راحوا البنات لفصولهم و دخلت المديره الموقره لغرفتها و جينا بنحط سماطنا الا .....................................

تخيلوا وش صار ..

جاو الابلات النحيسات وقالوا يالله قوموا في محاضره لازم تسمعونها و جمّعوا البنات و قعدوهم و حنا بنموت من الجوع و بطوننا لزقت بظهورنا و اصوات القرقره ترتفع شيئا فشيئا <<< مثل حالتي الحين وانا قاعده اكتب الموضوع ما بعد تغديت :icon33: ..

و قعدنا نترجى الابلات عشان يخلوننا ناكل اكلنا ما يسوى علينا هالاكل اللي جبناه و بعد حب الخشوم و طلعت الروح وافقوا اننا نقعد على جنب وناكل وكانت اشكالنا ماله داعي غلط في غلط و المشكله واللي زاد الطين بله ان كل المدرسات طلعوا ذاك اليوم عشان يسمعون المحاضره << ام الحظ اللي علينا .. وسوينا اللي بروسنا و قعدنا ناكل و حنا ساكتين عشان نسمع حضراتهم وش يقولون المشكله ان الكلام اللي بيقولونه سامعينه منهم عشر طعش مليون الف مره و اذا بغينا نتكلم بيننا لازم نتوشوش المهم و اكلنا و ملينا بطوننا الحمد لله ..

وهذي سالفة فطورنا اللي ما ادري وشلون اكلناه ذاك اليوم ..
ملاحظة .. " لمن ارادت ان تاخذ طريقة احدى الاكلات الرجوع لكتاب السبع زطـّيات فـي اخيـس الوجبـات " ..

ان شاء الله تعجبكم سالفتي و تراي اول مره انزل موضوع هنا يعني افهموه و لا تفشلوني .. و الله الله بالردود ..

تحياتي ..
الحساسه ..

يلزم عليك تسجيل الدخول أولًا لكتابة تعليق.

تسجيل دخول

ام جوريه • 19 سنة

محجوز

عدنا>>>>>>>>>>>>>>>>

ياهلا بنتنا الغاليه (الحساسه)بنت اختنا (المسلمة الحرة)

شوقتيني اجي للمدرسه اشوف صديقاتك

اموت وذوق هالكليجا

ياعمري اثاريك تعانين وحنا ماندري عنك

ما ادري ليش دايم هذي صفات المديرات

كسرتوا خاطري ليتني ابلا عندكم كان اخليكم تاكلون بالحصه

اقول اصحي تجيبين لي نسخه من هالكتاب لانه باين من عنوانه

الا اعجبتني واعجبتني وبهذا صدق المثل القايل (هذا الشبل من ذاك الاسد)

الله الله بالمواضيع الحلوه

الآنسة جوري • 19 سنة

لوووووووووووووووووووووووووووول
لوووووووووووووووووووول
لووووووووووووول

لا لا لازم ارجع للكتاب المذكور اعلاه !!
الاكلات مرررة شكلها تشهي .. خخخخخخخخخخخخخ

يلا اهم شي اكلتوا و مليتوا بطونكم .. و الجوع جد جد كـــــــــافر !!

و مع حبي..
جـــــــ:26:ـــــوري

الحساسه .. • 19 سنة

ام جوريه :

محجوز عدنا>>>>>>>>>>>>>>>> ياهلا بنتنا الغاليه (الحساسه)بنت اختنا (المسلمة الحرة) شوقتيني اجي للمدرسه اشوف صديقاتك اموت وذوق هالكليجا ياعمري اثاريك تعانين وحنا ماندري عنك ما ادري ليش دايم هذي صفات المديرات كسرتوا خاطري ليتني ابلا عندكم كان اخليكم تاكلون بالحصه اقول اصحي تجيبين لي نسخه من هالكتاب لانه باين من عنوانه الا اعجبتني واعجبتني وبهذا صدق المثل القايل (هذا الشبل من ذاك الاسد) الله الله بالمواضيع الحلوه

محجوز عدنا>>>>>>>>>>>>>>>> ياهلا بنتنا...

ان شاء الله :biggrin2:

منتظرتك طال عمرك لا تبطين علينا ..

الحساسه .. • 19 سنة

الآنسة جوري :

لوووووووووووووووووووووووووووول لوووووووووووووووووووول لووووووووووووول لا لا لازم ارجع للكتاب المذكور اعلاه !! الاكلات مرررة شكلها تشهي .. خخخخخخخخخخخخخ يلا اهم شي اكلتوا و مليتوا بطونكم .. و الجوع جد جد كـــــــــافر !! و مع حبي.. جـــــــ:26:ـــــوري

لوووووووووووووووووووووووووووول لوووووووووووووووووووول لووووووووووووول لا لا لازم ارجع...

يا هلا فيك انسه جوري ..

وعلى فكره هالكتاب ما طبعوا منه الا نسختين بس و حده انحرقت و الثانية ضاعت :biggrin2:

الف شكر لك على ردك الحلو ..

تحياتي ..
الحساسه ..

~SweeTy G!rL~ • 19 سنة

شكراااااااااااااااااااااااااااااااااااااااااااااااااا