روتيني للشعر الكيرلي

مساء الخير على الجميع 💛

وأنا أتقهوى قهوتي وانتظر شعري ينشف وأحوس بتطبيق عالم حواء وأقرا الممواضيع جاء في بالي اعلمكم طريقتي بروتين شعري الكيرلي لعلي إن شاء الله أفيدكم ، خصوصاً أن الشعر الكيرلي شوي متعب ويبي له عناية مرررره بزياده هو اكيد كل الشعور تحتاج بس الكيرلي يبي لك من قلب قلبك المهم مالكم بالطويلة تخيلو أول كنت أكررررررره أخلي شعري كيرلي لو وش يصير لدرجة في المتوسط والثانوي حياتي أستشوار في أستشوار كنت أحس أنو الشعر الكيرلي موب زين ويفشل 😂 مع العلم أنو كان مره حلو وتخيلو كانت تستخدم له أمي الله يطول بعمرها الكريم القديم الأبيض أبو وردة حمراء كان تذكرونه 😂😂
عاد يوم رحت للجامعة تخبرون نبي السلامة والتوفيق من الله بس لاكشخه ولا هم يحزنون وأبد لهيت بشعري وصار شغلي الشاغل صرت أهتم فيه بشكل واخليه كيرلي ومفكوك بعد زي الشمس بالجامعه 😭😂
طبعاً كانت عنايتي لشعري سابقاً أنو أزيته كل أسبوع مرتين بأي زيت موجود وأخليه لثلاث ساعات تقريباً وأغسله هذي الحركه كانت تجنن تهجد الشعر وتوخر النفشه مرره وبعد مااغسله كنت احط عليه بلسم دوف بس ماأجي الجذور وبعدها سيروم للشعر واخليه ينشف من حاله فقططط هذا كان زمان ولا كنت اعرف منتجات خاصه للشعر الكيرلي مثل الآن صار فيه أشياء روعه وصدق تحمي شعرك وتغذية فصرت أسوي روتين مختلف تمامأ عن زمان وو اللي بقولكم طريقته 😍

طريقتي كالتالي والمنتجات كلها متوفره بالصيدليات أو تطلبونها أون لاين بس الزيت أخذه من عند العطار :
ضروري أزيت شعري في الأسبوع بزيت جوز الهند اللي بعلبه حديد لو مره بس مدة ساعه وأبداّ مااحط على الجذور ، غسلي شعرك بأي شامبو يناسبك أنا أستخدم شامبو هيربل اسنسز بزيت الأرغان بعدين أحط كمية بسيطة بلسم وأمشطه وأنا تحت المويه بعد ماأخلص متحممه وشعري رطب أحط عليه حمام زيت فاتيكا تقريباً 15 دقيقه وبعدين اغسله بموية مايله للبرودة وبعدين أحط عليه بديل الزيت من بانتين ( بحط لكم صورته ) وشعري على تحت ، وبرضو أمشطه بمشط أسنانه كبيرة بصراحه اشوف حالياً يمشطونه بمشط أسنانه صغيره بس أنا اعجبني اللي أسنانه كبار يعطي فوليوم أكثر ويلف الشعره زياده يصير يجنن وآخر شي أحط عليه مسحه خفيفه سيروم الشعر من إلفيف بعدين ألف شعري بتشيريت قطني واخليه لين ينشف شوي وبعدين اوخر التيشيرت اخلي شعري ينشف من هواء ربي 💛😘

فيه غيري يستخدمون دفيوزر للشعر الكيرلي ينشفه ( بحط لكم صورته ) بس أنا ماأعجبني اخليه ينشف من نفسه وبس والله 🌸

النتيجة زي هذي بالضبط 😍