بنتي راح اسجلها السنه الجايه بروضه اهليه
المهم انا حابه روضه تعلم مو لعب عمر بنتي خمس سنوات
افكر بروضه اسمها اجيال الرساله في الظهران بحي الجامعيين جنب عمل زوجي اسجلها هناك عشان المواصلات افتك منهااااا بس مو مرتاحه لان الروضه على شكل بيت مو مجمع زي المدارس
كلمت المديره وسويت نفسي ابي وظيفه قالت وش شهادتي حنا ما نوظف الا الي عندها شهاده جامعيه
اقساطهم 8500 غير المواصلات والكتب والمريول
بنات ياليت الي درست بروضه اجيال الرساله الي بالظهران تقولي هل تحس ان تعليمهم حلو يركزون على التعليم اكثر من اللعب وهل يضربون الاطفال لاني مو مستعده ادفع عشان يعقدون لي بنتي
اي معلومه يا بنات راح تفيدني عن هالروضه ولو تكون بسيطه بنظرها
ولا مانع من ذكر روضات اخرى بحسناتهم وسلبياتهم عشان يكون هذا الملف مرجع لنا للروضات الاهليه
وارجو ذكر هل يركزون على التعليم او اللعب
عن تجربه وحده من معارفنا درست بنتها روضه حكوميه والله بعد اربعه شهور لقيتها سئلتها وش عطوهم للان قالت ولاشي لعب في لعب
وروضه بعبدالله فؤاد انا كلمتهم شخصيا سويت حالي ابي وظيفه ابي اعرف وش مستوى الي يدرسون هناك
قالت لي سوي تحضير وتعالي ما سئلت لاعن شهاده ولا سئلت عن شيء
هالحركه ماعجبتني بصراحه بس للامانه انا ما دخلتها ولا اعرف احد من حولي درس فيها عشان احكم عليهم
Noor19 @noor19
عضوة جديدة
يلزم عليك تسجيل الدخول أولًا لكتابة تعليق.
Noor19
•
استغفر الله واتوب اليه
الصفحة الأخيرة