رولات الباذنجان بالكفته...سويها غداااااااا أو عشااااااا

السلام عليكم ورحمة الله وبركاته


هاااااااا حبيباتي شخباركم وشلونكم


يله ترا ما بقاي شئ على رمضان ومن اللحين
خلينا نزهب كمن طبخه جديده ونجيدها حق الفطور
وكل عام وإنتم بخير


:42:

اليوم جايبه لكم طبق تحففففففففففففففه

واااااااااايد لذيذ وسهل وما ياخذ شئ


( ماله إسم ترا بس بسميها رولات الباذنجان بالكفته )


المقادير :

- علبه كباب أمريكانا أو كفته جاهزه النوع الي تحبينه .
( إحنا بالبيت إنسوي كفتتنا الخاصه أو بالكيلو من المواشي )

- باذنجان مقطع دواير ومقلي .

- علبة مشروم شرائح .

- فلفل أخضر مقطع شرائح .

- بصل وثوم .

- بهارات ( كركم + كمون + زنجبيل + فلفل ) + صويا صوص .

- علبة كريما حمرا KDD .

- علبة قيمر KDD .

- 2 ملعقه جبن كلاس كرافت .


الطريقه :

1. أول شئ تقلين شرايح الباذنجان وتخلينها على محارم( محتاجه عدد مساوي لقطع الكفته ) .

2. إذا شريتي كفتة أو كباب أمريكانا فما عليك إلا إنك تقلينها . ( إذا حبيت تسوين كفتتك فراح تزيدين الخطوات بإنك تحضرين الكفته وتقلينها بس أمريكانا توفي الغرض ) .

3. اللحين تجهزين الطبقه الأولي : حطي زيت زيتون وزبده وحطي عليهم البصل جوانج والثوم المفروم وتبليهم بالبهارات وضيفي الصويا صوص وإحمسيهم لغايه ما يذبلون بعدين ظيفي لهم المشروم والفلفل الأخضر البارد المقطع وحركي شوي بعدين طفي النار وحطيهم كطبقه أولي بصينية البايركس .

4. حطي بطرف دائرة الباذنجان قطعة كفته ولفيها رولات وصفيهم على الخلطه مالت المشروم وكملي لين يخلص المقدار معاك .

5. اللحين خلطي في ماعون أو باديه الكريمه مع القيمر مع الجبن الكرافت وصبيهم على الرولات ودخليهم الفرن مده 1/2 ساعة إلى ساعه إلا ربع أو لغايه ما يستوي ..


وبسسسسسسسسسسسس


:21:



بس إيه فري كوووووووووووول أند ديليشس


:cook:

يله باي باي