رياحين المحبه ...أوتاد.. الحين وش السواة ؟؟

السلام عليكم ورحمة الله وبركاته

:(

أولا استغفر الله العظيم من كل ذنب عظيم

والله احترت ؟؟؟؟؟

الحين ريلي كل يوم حاشرني يبا الثانيه

وأقول يابنت الحلال أرضي بالأمر الواقع

لكني إنسانه غيوووره يعني أتخيل نفسي مثل أختنا الله يفرج همها المنتظره الأمل بالله

عندي خيارين ..

أجرب وأعيش نار الغيره إللي بتحرقني وبتحرقه وبنفترق بعدها لامحاله مثل

المنتظره الأمل بالله ؟؟

والا آخذها من قاصرها وألم ملابسي وأطلع لبيت أبوي الله يخليه لي ونفترق

بالمعروف قبل لا تطلع فضايحنا قدام الله وخلقه ؟؟

المره إللي جرب فيها وتزوج بنت ناس وطلقها في ثالث يوم لأنها ماملت عينه ..

رغم إنها جميله والله ورومانسيه وطيبه لأنه جاب صورها

ورسايلها في شنطه وشفتها وقريتها وهو مايدري إني أعرف الرقم السري للشنطه

وعتني لأشياء كثيره

أولها إنه مستحييييييييييييل يعدل في المستقبل

ليش ؟ أعطيكم مثال :

حضرتها الله يسهل عليها وين ماكانت هالضحيه المسكينه اللي طاحت بين ايدينه

اشترالها أثاث فااااااااااااااااخر وتسلف عشانها وأنا أترجاه يغير سجاد

بيتنا إللي له عشر سنوات .. وآخرتها رحت أنا وغيرته على حسابي وطلعته من

الأرض تقولون قشر مووووز :30: <<<< بعد تضحكين إنتي ووجهك

هذا غيض من فييييييض مافي داعي اسرد تفاصيل أكثر ..

أأأأأأأأأأأأأأأه ياقلبي لما أشوف تجارب غيري أقول يابنت الناس مافي أمل ابد

لا تحلمييييييييييييييين

الرجل يوم يتزوج خلاص إنسيه كانه ميت خصوصا إللي أزواجهم مثل زوجي

وحريمهم بطبع مثل طبعي .

وأبوي قال ترجعين بيت ابوكي وتعيشي بكرامتك

والا اجلسي عنده وخليه يتزوج ...

بس لو رضيتي بالثانيه لا تجين تعورين راسي بعدين وتشتكين

إنه ماعدل بينكم إنتي اخترتي وانتي حره ..

:angry:

بتقولون شو السبب اقسم بالله عشان بس التغيير لا أكثر ولا أقل

دلع ودلعناه

أكل وترست له بطنه

لبس ولبسنا ماخلينا قصير ولا طويل ولا عريض الله يخس ابليسهم

من رييايل ولا ملا عينه

شو الحل معاه شو أسوي الحين شورو علي :icon33:

أنا عمري 28 تزوجته من عشر سنوات

بينا أطفال الحمدلله الله يخليهم لي ويعوضني فيهم ويرزق كل محروم يارب

الحمدلله لو تطلقت أقدر أعيش حياتي وأكمل بدونه لأني من زمان غاسله إيدي منه

ومعتمده على نفسي في كللللللللللللللللللللللللل الأمور من الألف إلى الياء ..

يعني اريح دماغي واتطلق أحسن والا أتم معاه وآكل في نفسي وأذيه وأذي عيالي ؟؟