ريجيمي من اخصائي التغذيه مايرجع الوزن حتى لو خبصتي

السلام عليكم ورحمه الله وبركاته
اهلين بنات كيفكم وكيف الريجيم والرياضه
انا صراااااحه عن نفسي سنين وانا من ريجيم لريجيم مافي ريجيم على وجه الكرة الارضيه الا ومجربته بس وين المشكله الي انزلهم اردهم على طول وقعدت على هالحال لين طفح الكيل
فيني وقلت خلاص مابدهاش لازم الاقي الحل الجذري وفعلا رحت لدكتور تغذيه سوى لي تحاليل والحمد الله طلعت سليمه وطلعت السمنه من العادات السيئه والاكل بلهفه زي مانسوي ونتيجه الريجمات السريعه الي بعدها تنقضي على الأكل كأنك ماشفتيه من سنبن وتتكرر معي معادله اليويو نزول سريع وطلوع سريع
المهم قعد معي وعطاني برنامج لمدة اسبوعين طلعت الميزان قبل كان الوزن الطامه الكبرى:icon33:
95 كيلو المهم اخذت النظام ابكتبه لكم تحت وكنت في قمه حماسي ووصاني وركز علي عالمشي قالي امشي وان شاء الله اكيد راح ينقص وزنك فعلا التزمت اسبوعين
ورحت عندة طلعت عالميزان ماتصدقوا شقد فرحتي طلع وزني 89:icon28: ماشاء الله تبارك الله وهو انبسط وقالي براااافو
بعدين تجي الكارثه ننفس اليوم يجونا ضيوف من مكان ثاني اقاربي ووانواع التخبيص الله لايوريكم صعب تلتزمي بريجيم وعندك احد خصوصا تكون دايم طلعات واسواق وعزايم واكل وانا يويما تخبيص طول هالأسبوعين المهم هو اعطاني نظام ثاني بعد ماقاسني تبوا الصراحه جاني اكتئاب منه كيميائي وانا الكيميائي ما اصمل عليه جربته اول يوم وخربت المهم وبعد اسبوعين من التخريب جى موعد الوزن وش تتوقعوا مانزلت بس ولله الحمد الوزن ثابت له شهر مع اني كنت اخبص مرة وهذي الميزة في الريجيم ماخلاني ازود اول يابنات والله يوم افك يوم او يومين مع هالريجيمات السريعه ازيد اثنين او ثلاثه كيلو المهم رحت وتحججت وتعذرت وقلتله ماقدرت امسك ريجيم كان عندنا ضيوف هزئني شوي:icon33: :angry2:
بعدها اعطاني النظام الثالث امشي عليه اسبوعين وبعد اسبوعيم بيشوف وش صار
المهم انا بديت السبت اليوم رابع يوم
والله يابنات ميزة انظمته ماتخلي الوزن يزيد والنظام هذا مررررة حلو ومرتاحه عليه
انا كتبت الموضوع لو وحدة حابه تبدء معي وحلو النزول شوي شوي عشان مايرجع الوزن يطلع ثاني
المهم ابكتبلكم نظام اول اسبوع






(((((برنامج رقم 1)))))

الفطور: كوب شاي+حليب قليل الدسم+حبه شابورة بر+ قطعه جبنه بيضا قليله الدسم

الغدا:كوب ماء كبير+سلطه خضرا صحن+قطعه لحم او دجاج مسلوق او مشوي+برتقالهاو تفاحه

العشا:كوب زبادي قليل الدسم+حبه شابورة+تفاحه

الأكل المسموح فيه بين الوجبات
خس-خيار-جزر-عصيرجريب فروت-شاي-قهوة-عصير ليمون-بيبسيدايت-سفن دايت-حليب قليل الدسم

الأكل الممنوعمكرونه-بطاطس-رز-كيك-حلويات-تمر-عنب-موز-عسل-مكسرات-قشدة-زبدة-كريمه-ايسكريم-سمن بلدي




((((((برنامج رقم2)))))
صراحه هالبرنامج مامشيت عليه نهائي حدي يوم واخرب فيه لان الكميائي عجزت اسويه لو سويته كان نقصت بس مالي نصيب

الفطور:برتقاله او تفاحه او كوب عصير جريب فروت+شاي بالحليب او قهوة

اليوم الاول
الغدا:ربع دجاجه مسلوقه او قطعه لحم+حبتين طماط
العشا:بيضه مسلوقه+سلطه خضراء+عصير جريب فروت

اليوم الثاني
الغدا:قطعه لحم مشوي+سلطه خضرا
العشا:سلطه فواكه(برتقاله+تفاحه+كمثرى)

اليوم الثالث
الغدا:سمكه مشويهاو عليه تونه صغيرة بدون زيت
العشا:ربع دجاجه مسلوقه +سلطه خضرا

اليوم الرابع
الغدا:بيضتين مسلوقه+جبنخ بيضا قليله الدسم+حبه طماط
العشا:ربع دجاجه مشويه+فاصوليا خضراء+كوسه

اليوم الخامس
الغدا:خضار مسلوق(كوسا فاصوليا سبانخ)+ قطعه جبنه بيضا+تفاحه
العشا:سلطه خضرا+سمكه مشويه او علبه تونه بدون زيت

اليوم السادس
الغدا:ربع دجاجه مشويه او مسلوقه+سلطه خضرا+عصير جريب فروت
العشا:سلطه فواكه

اليوم السابع
الغدا:سلطه خضرا+قطعه لحم مشوي
العشا:سلطه خضراء+ربع دجاجه مسلوقه

ملاحظات
(1)هذا النوع من الريجيم كيميائي ولذلك لايمكن اضافه اي صنف من اصناف الطعام او ابدال صنف باخر
(2)يسلق الخضار بالماء بدون استخدام اي مكعبات او غيرة
(3) يمكن اضافه الملح والفلفل والثوم والبصل والبقدونس والليمون والخل
(4)مسموح بشرب عصير الليمون والشاي والقهوة في اي وقت واي كميه لكن الشاي بدون لبن او سكر
(5)يمكن تناول الخيار والخس بين الوجبات
(6)نزع الدهون والجلد من الدجاج وكذلك يجب ان يكون اللحم بدون دهن


((((برنامج رقم3)))
هذا النظام الي حاليا امشي عليه وان شاء الله اكمل عليه وانزل
الفطور:نصف كوب حليب او لبين قليل الدسم+بيضه مسلوقه بدون الصفار او قطعه جبنه قليله الدسم + ربع رغيف خبز محمص او حبه توست

الغدا:قطعه لحم مشويه او مسلوقه او ربع دجاجه مسلوقه او مشويه او سمكه مشويه او قطعه جبنه قليله الدسم+شوربه خضار مسلوق+برتقال او تفاح او جريب فروت+شاي او قهوة بدون سكر

العشا:كوب زبادي قليل الدسم+سلطه خضرا+ربع رغيف خبز اسمر او حبه توست
+شاي او قهوة بدون سكر او نصف كوب حليب قليل الدسم



هذي الانظمه وان شاء الله بعد ما اخلص اسبوعين اكتبلكم الريجيم الجديد
والله كتبت عشان تستفيدوا والله الريجيمات السريعه دمااااااار للنفسيه وتزيدنا الطاق طاقين حلو الواحد ينزل شوي شوي
دعواتكم لي اني انحف والله يوفقني بحياتي والله تعبت وانا اكتب بالموضوع هذا ومابي شي منكم الا الدعاء ان الله ينحفني من غير شر ويسعدني