ريجيم الشوربات روووعة

سلام يا كلابيظ
نفوت بالموضوع دغري الصراحة انا متلكون زهئت من الريجيم
بس حابة احكيلكون تجربتي مع ريجيم الشوربات لانو الصراحة نزلت عليه
بشكل ممتاز يعني 8 ك ب3 اسابيع فقط
بعد الولادة صرت مثل الدبة ومع الرضاعة في ناس تنحف لاء بس انا كنت
بزيد وصل وزني لل73 اول مره بحياتي اوصل لهذا الرقم :(
طول عمري وزني بالخمسينات وكنت كل ما احاول اسوي ريجيم
اعملو يومين والثالث اخربو النتيجة كانت فششششششششششل
مستمر :angry: بعدين مسكت بنت جيراني الدبدوبة والتلا يلا نبدا ريجيم ونشجع بعض وبالفعل بدينا بريجيم الشوربات ولما لائيت حالي بنزل وصلت لل65
وفرحت على حالي
تقاعست وبطلت ريجيم اما بنت جيراني بعدا مستمرة بالريجيم وصارت
منئصة لهلئ حوالي 15 ك وانا عم طئ مابعرف شو صايرلي
بئى شو رايكون حبايبي نتشجع من بعض

وهذه تفاصيل الريجيم بدقة

الفطور
فنجان نسكافيه بحليب قليل الدسم وتفاحة اد مابدك كلي تفاح
مافي مشكلة بس ماحتئدري اكتر من وحدة او اتنين

الغداء
صحن شوربة اي شوربة ومهما كانت بس حاولو لا تخلوها تكون تئيلة او دسمة

المغرب كاسة لبن قليل الدسم

العشاء اما صحن شوربة او نكتفي بتفاحة او نسكافيه

امشو في هذا النظام اسبوع كامل من السبت الى الخميس
والجمعة مفتوح تاكلو على كيفكم
ولكن ماحتئدرو تاكلو وئتا لانو معدتكون حتكون تقلصت
الي بدا تمشي معي بالنظام تئلي
شو رايكون بالصيام اول يومين والفطور على الشوربة
سدؤوني الصيام هو اكبر مساعد على الريجيم وخصوصآ
بالايام الاولى لانها اصعب ايام ولكن مع الصيام كتير حتهووووووووووون
:27: يلا ياكلابيظ خلينا تبدأ ونتوكل على الله حطو ايدكون بأيدي
حرمان لمدة شهرين = التمتع بجسم رشيق العمر كلوووو