صباحكم ورد صبابا
قبل كل شئ أحب أذكر انه فصيلة دمي A وجربت ريجيم دشتي من 6 سنوات... بس بصراحة رسم جسمي رسم.... وكل اللي حواليي صار يتكلم عن جسمي .... بس حملت بعدها وانتوا أدرى بالحمل
اللي حبيت أذكره... انه الريجيم مو بهذاك السوء... واللي يقرأ الكتاب راح يفهم أكثر. أكثر البنات يسووا نفس الغلطة... انهم يستمروا على المرحلة الأولى شهور... وهاذ شئ م ينصح به الدكتور اتكنز,,,, حدها شهر... وبعدها تنتقلي للمرحلة الثانية والثالثة والرابعة... وف كل مرحلة تزيدي الكربوهيدرات والنشويات لأكلك بس تدريجيا... مو تردين تآكلي بعشوائية وصحن متروس عيش ولا كيسة خبز كاملة ولا صينية معكرونة... لا طبعا... بشويش بشويش... وانتي عاد تراقبي وزنك ف نفس الوجت... لنفترض انك بديتي بربع خبزة للفطور وثلاث ملاعق للغدا... وحسيتي وزنك بعده ينقص... ساعتها تزيدي شوي وتخليها نص خبزة و5 ملاعق رز.... اذا بعده ينقص ممكن تزيدي ع اساس توصلي لكمية تثبت الوزن... وبالتالي طول حياتك م راح تزيدي لأنك عرفي الحد اللي يزيدك
الخطأ الثاني اللي يسووه البنات... انهم يوقفوا بعد المرحلة الأولى وترجع تآكل.... هاذ بدون شك بيرجع كل مجهودك لوراء
وبعدين يا صبايا.... صح الكميات مفتوحة... بس ليش م نتبع سنة سيدنا محمد.... ما نآكل إلا لما نجوع.... وم نوصل حد الشبع والتخمة
الماي شئ ضروري والرياضة بعد
ان شاء الله ناوية أبدأ الأسبوع الجاي... بس مع تعديلات بسيطة
قبل الفطور بساعة .... راح آخذ 7 تمرات او أقل....وهذه الشئ الوحيد اللي راح اخالف فيه اتكنز... والكل عارف كيف التمر يعطي طاقة ويغذي المخ... عشان كذيه م راح اخاف من هالناحية
الشئ الثاني... م راح آكل كميات خيالية من اللحوم والدجاج والسمك.... بحاول آكل الخضار المطبوخة.... انا اموت ع الباميا والباذنجان والسبانخ...وف الأخير هي أكثر فايدة
والرياضة أكثر شئ بسويه رياضة الدرج... هذا يناسبني حسب ظروفي
ف الأخير ابي اذكر نقطة معينة.... انه الخبز والمعكرونات والعيش هم اكثر شئ يزيدوا الوزن .... واذا جيتي تجربي أي ريجيم ف العالم وحذفي هالأشياء منه وبتشوفي سرعة الحرق كيف تزيد ف جسمك
أهم شئ الإعتدال ثم الإعتدال
بكون متواصلة معكم بس عاد من ابدأ الأسبوع الجاي ان شاء الله
راح تسرني تعليقاتكم وردودكم
زوجة المسكري @zog_almskry
عضوة فعالة
يلزم عليك تسجيل الدخول أولًا لكتابة تعليق.
نور الاماني
•
موووفقه يااارب
أم بثينه
•
انا حالياً متبعه نظامه لكن اخذ تمر ( لي باليوم 3 - 5 حبات ) و الفاكهه أحياناً أخذ حبة تفاح
و مثل ما قلتي احاول اكثر السلطه مع الوجبه حتى ما اكل كثير من اللحوم
و الحمد لله النزول واضح
و مثل ما قلتي احاول اكثر السلطه مع الوجبه حتى ما اكل كثير من اللحوم
و الحمد لله النزول واضح
الصفحة الأخيرة