ريجيم كيميائى التونة بالسلاطة ... مين هتقول انااااااااا

بصوا بقى نويت كتير اعمل ريجيم لكن كل مرة الظروف كانت بتساعدنى انى ماكملش لكن زمان اول مرة عملت ريجيم جاب معايا نتيجة وكان ريجيم كيميائى (ريجيم التفاح) لكن المرة دى ولأهمية البروتين قررت انة يكون ريجيم كيميائى لكن بالتونة
( وعد منى يا بنات امشى على الريجيم دة المدة اللى ناوية عليها ) ارجو من كل من تريد ان تنفذ هذا الريجيم معى انها تكتب الجملة دى فى مشاركتها
الريجيم هو :
فى الصباح وقبل الفطار : تمارين ايروبكس ( 20 - 30 دقيقة )
الفطار : 2 كوب ماء + علبة تونة كبيرة (او صغيرة زى ما تحبى لكنى افضل الكبيرة لو الاكل مرتين فقط فى اليوم يعنى فطار وغدا ) مصفاة تماماً من الزيت ومشطوفة بالماء و مقطع عليها قطع صغيرة جداً من البصل والفلفل الخضر والفجل الاحمر ( مش هاتحسى بلسعة الفجل الاحمر مع التونة ) مضاف اليهم قليل جداً من الملح والليمون والكمون وكترى من كمية السلاطة على التونة قدر المستطاع. + شاى اخضر بالجنزبيل ( ويمكن اضافة القرنفل والنعناع الاخضر ) بسكر دايت بسيط وتاكلى حبة او اتنين جوز ( عين جمل ) علشان فية زيت ال omega 3 مفيد جداً فى حرق الدهون ، بس يكون نىء طبعاً .
بين الفطار والغدا: ماء اى كمية (ممكن تمضغى معاها لبان يعطى الاحساس انك بتاكلى )
الغدا : زى الفطار بالظبط
وبعد الغدا : ماء ولبان
وانا عن نفسى ان شاء اللة هاعمل النظام دة فطار وغدا فقط
فى المساء : اما تمارين زى الصبح او مشى او جرى او صعود السلاسم وانا ان شاء اللة هالعب على ال stepper قدر المستطاع
الراحة من الريجيم يوم فى الاسبوع والراحة من الاكل بردو يوم او يومين فى الاسبوع ورا بعض او متفرقين.
ياريت الى عجبها النظام وناوية تمشى علية معايا تكتب الاقرار دة علشان يكون حافز ليها وعلشان تتكسف من نفسها لو بوظت الريجيم وترجع تكملة تانى ولو عندها اى تعديلات علية تقولها لنا ليستفيد الكل
وانا اولكم :
الاقرار : وعد منى يا بنات امشى على الريجيم دة المدة اللى ناوية عليها
الريجيم كما وضحتة
المدة : من 1/12/2006 الى 20/1/2007
الراحة من الريجيم : يوم الجمعة ( او لو فى مناسبة حتمية )
الراحة من الرياضة : الجمعة والسبت

يللا نخس يا بنات وما تنسوش شد ضلات البطن طول ما انت صاحية على فترات يساعد بردو
يللا ... مين اول واحدة هاتقول ......... انااااااااااااااااااااااا !!!