اذكري الله و استهدي بالله

الموضوع بسيط بس يحتاج صبر منك و سعة بال

اتوقع الريحة مو من الشرشف نفسه بمعني ان الشرشف خلاص تغسلي و انتهى بس اعتقد المشكلة بالفراش لما يتسرب شي عليه و كمان المخدة تتشرب و تعلق الريحة

الحل هو انك تشتري حماية للفراش و المخدة شوفي المحل الي تشتري منه الملاحف و في كمان في بي اتش اس اسمه حماية الفراش و المخدة

هو عبارة عن كيس عادي للمخدة بس عازل يمنع تسرب السوائل للمخدة ...جيبي المخدة و لبسيها بكيس الحكاية و بعدها لبسيها بكيس المخدة العادي الي يجي طقم مع الملحف

و نفس الشي الحماية للفراش زي الشرشف الكبير لبسيه الفراش و بعدها افرشي الطقم

بكذا تظمني و لا شي يتسرب للفراش او المخدة نفسها اقصد الاسفنخ تبع الفراش او الاسفنج تبع المخدة لان لو تبلل صعبه ينغسل



طريقة تعطير الملابس

فضي الدواليب من كل الملابس امسحي الدولاب بمطهر مخفف و ارجعي امسحي بفوطه جافة و اتركيه مفتوح عشان يتهوى و ينشف تمام بعدها امسحي داخل الدولاب بعطر زيتي او كلونيا او أي عطر تحبيه بس الزيتي حلو لانه يمسك افرشي لك في الدواليب و الادراج ورق معطر تشتريه جاهز او انتي قطعي ورق على حجم الدولاب او الدرج و رشي عليه عطر او استبدليه بقطعة قماش و بعدها وزعي ملابسك المغسولة و المكوية و وزعي صابون مبشور بريحة حلوة او مسك مبشور بأكياس تل و اخر شي حطي المدخن و سكري الدولاب و انتبهي خلك قريب لا يحترق المكان لا سمح الله

الملابس و انتي تغسليها و تكويها طيبيها و بخريها و بكذا تمسك الريحة تمام


تعطير الغرفة

بعد تنظيف الغرفة كااامل امسحي الارضية لو كانت سيراميك بمطهر بريحة ورد او عود و لو ارضيتك سجاد جيبي مطهر داك بالورد و حطي عليه شوية عطر و بالفرشاة الخشنة افركي السجاد بعكس اتجاه الشعر تبع السجاد و خليكي غطسي الفرشاة بالمطهر انفضيها عشان تتخلصي من الماء الزايد و افركي السجاد حيطلع كأنه جديد و ياخذ ريحة حلوة و بتطلع منه أي حاجات عالقة فيه حتشبك بالفرشاة بعدها وزعي بسلال ورد مجفف و عطريه و وزعيه بسلال صغيره عطري الستارة و المخدات لو عندك ( ما اقصد المخدة الي تنامي عليها ) و اخر شي دخني الغرفة

ممكن الشرشف تبع السرير قبل ما تفرشيه تعطريه و تدخينه و ممكن تعطري شرشف و تدخنية و تفرشية كطبقة اولى على الفراش و بعدها تفرشي ملحفك عادي



بس انتبهي لو انتي او زوجك عندكم حساسية او ربو ابعدي عن كل هذه الاشياء اكتفي بالتنظيف الاعتيادي و اتبعي نفس الخطوات بس باستخدام عطور خفيفة جدا او عطور طبيعية

ان شاء الله تستفيدي

حبيبتي اول شي في معطر ملابس اشتريه في أنواع قويه استخدميه هذا اول شي وثااانيا بالنسبه لمشكله زوجك عندي نفس المشكله بزوجي بس خفيفه ولله الحمد وش اسوي قبل النوم احط له فوطه سميكه علي مخدته وحتي المخده حقته كل 3 شهور اخليه يشتري وحده ومااحط عليها المفرش او لبس اللحاف لا اخليها فاضيه واخبيها بالدولاب وبس يجي ينام اطلعها له واحط الفوطه وينام عليها اما مخدت اللحاف الي فيها اللبس مخليتها له علي جمب مايستخدمها مخليتها للزينه فقط لو جوني ناس وخشو غرفه نومي يشوفوها نظيفه وحلوة هذا افضل حل

انا اشتكي من نفس المشكله من زوجي لكن اخف اتو

اتوقع منك
فطريقتي  
مخصصه مناشف خاصه لزوجي
يحطها على مخدته لما ينام وينام عليها وخلصنا
طبعا تنطبق على طبقتين
والحمدلله مايتسرب شي 
وتنغسل وتستبدل باستمرار

ونصيحه خلي زوجك يعالج اسنانه
اذا عنده مشاكل
ويركب اذا فيه اسنان مخلوعه

حبيبتي هالشي ممكن يكون له سبب مرضي
في الجيوب الانفيه او اللحميه واشياء كثير
لازم يعرف السبب ويعالجه

انا ماراح ادور لك حلول بدائيه و وقتيه
غيري مخده وعطري
قدامك عمرررر مو زائر بيقضي يوم والا يومين ويمشي

لو كنتي انتي صاحبة المعاناه
كان اختلفت الردوود كليا
وكان قراتي لايشم منك الا الريح الطيب
وتعالجي واهتمي وعطري ووو


انا بالنسبه لي
المراه والرجل في كفه واحده
كمان انتي محتاجه ماتشمي الا الريحه الطيبه
ولا انتي مظطره تتحملي اي شي ممكن يكون له سبب وعلاج

لازم تعرفي اول شي اذا هالشي مرضي ويتعالج
او خارج عن الاراده وماله علاج

وقتها انتقلي لمرحلة البحث عن الحلول المؤقته
مثل تغيير وغسيل وغيرها

الله يشفيه ويكون بعونك🌹