تستهويني التعليقات والمحشات في الجرايد والمجلات ؟! وبالذات التعليق اللي على الشعراء والشاعرات :D
صراحه بعضهم يكتبون كلام (مدري وش يبي)
هو فلسفه!! ولا تميلح؟! ولا على قولة المثل خالف تعرف
بس أحب اقول بعد هالمقدمه اللي مالها سنع أني ماني حاشه اللي في الناس الناجحين واللي يستاهلون :)
+++
هي كانت مشككه واتأكدت لمّا
قزت اسم عيلتي على لوحـات(بي امي)
نواف الدبل
شكلك يانواف ماقصدك تكتب قصيده؟!شكلك تبي تبيع (موترك)
المهم علي بـ2500 ريال بس اهم شي تكون مجدده ومفحوصه
++++
أبيك تعطيني غلا مثل ما اعطيك
ولاّ بجوز اعن الغرام ومجاله
حنين الشمال
افاااا ياحنين؟هذا مثل شغل (المخدرات سلم واستلم)
++++
لو قالت ان الدايره مستطيله
بقول ان الدواير كلها مستطيلات
سعد بن علوش
بقوووووه منتهي وغادي (كشنه)ياسعد! ونبي نغني عليك اغنيه(خروفي خروفي )
++++
تبيني ارجع لك واحبك واراضيك
طيب موافق بس قم حبك كوعك
طلال العبدالله الرشيد
تصدق لو انك قايلها بشوتك(بوز) كان اهون عليها
++++
الغرب يصنع طايرات وصواريخ
والشرق الأوسط ضاع نفطه بلاشي
حمود البغيلي
وينك فيه؟شكلك منتب عايش معنا؟!من زمان وحنا على هـ الحال الله يرحم حالك
++++
راحـو عدوّيـن الحـلال الضانـي
وجونا عيـال البيبـس والأندومـي
علي بن حمري
احلف انك ماتاكل اندومي؟شكلك تجيبه للبيت بالكراتين
++++
ودي ارقد على ذراعك وانام
وانت تحكي ويدك في يدي
نايف صقر
وش على بالك(مخدة صباح الخير) وبعدين شكلك تبي توفر حق (الفندق) عشان كذا تبي تنام عليها.منتب سهل شكلك (قعيطي) بخيل بقوووه.
++++
تخونين وتبين ارضى واحد يرضى تخونينه
انا لو شفتني مع حبيبه ثانيه ترضين
حامد زيد
كان قلت لها(عامل الناس كما تحب ان تعامل) اوه نسيت انك ماتعرف هالعلوم ونسيت انك تبي تضبط القافيه.
++++
قالوا لي عنك البارحه..غلطت مره و قلتني
قالوا لي انك من خجلك السالفه راحت هدر
سعود بن عبدالله
اثرك من اللي يحبون وكالة (يقولون)؟!ومن حنا صغار نعرف ان (فلان هدر دمه)
اما سالفه جديده علينا
++++
وان شعرت الوقت ملنـي وإلا مرتنـي الكآبـة
آخذ الجيتار وأعزِف أحلى لحـن ل "كورتَـزار
بشاير الشيباني
اقول لو أحد من اللي يسمعونك عرف كورتزار؟!
بعدين تعالي وش ازين نوع بـ (الجياتر) ودي اشري لي واحد.
++++
واحترت ياظالمة في صدقك وزورك
واعطيتك احساس قلبي قبل تعطينـي
سعد العصيمي
ياخوي تعلم شغل العصابات(لاتسلم قبل ماتستلم)
++++
تعبت ادوًر لين صدفه لقيتك
ويومٍ لقيتك قلت ودي بفرقاك
المرقب العالي
حركات اولى ابتدائي اذا قلت له خذ هالشي قال ماابي؟! واذا قلت له لا تاخذ قال ابي ههههههههههه
+++
ماصار ذا عشق ...!! صار خبال ياعمي
أجل وأنـا فـي غفـاة النـوم أناديهـا
عبدالكريم المهنا
زين انك قلتها بنفسك خبال؟! ولا تراك من اول غاثنا بخبالك؟!
+++
يوم العذارى بأجمل الصوت غنَّنن
سيت همـي واستمعـت الغنـاوي
يا حلو دق طبولهـن يـوم شالـنْ
والطار صوته في دجى الليل داوي
احمد الجريفاني
افرح ياعم تبي تجيك جائزه رفع المعنويات من جمعية (الطقاقات الدوليه)
+++
دسَّم قصيدك وإطلق الفكر بالمنظار
قيمة لسانك في معاني درر وافكار
القرناس
انا عن نفسي احب قصائد قليلة الدسم
+++
عيني بعينك والزين صدق جذاب
وأهل القلوب العطاشا مثلي تعلمك
عبيد بن سعيد المطرفي
لا تقول لها عيني بعينك؟! يمكن وسيعة وجه وتسويها؟!
بعدين ماسمعت المثل اللي يقول(قالوا للحرامي احلف قال جاك الفرج)
+++
مابقي لك غير تذبحني وتزهق روحي
تعلن النايف ضحيه من ضحايا ارهابك
النايف
حشا يالنايف هذي مثل أمنا (الغوله)!!اسمع شوري (فك نفسك وأنحش)
+++
أرد بكلمة وحده تراك أنتا شبيـه إنسـان
و أنا ما طالعك حاجه وكلامك ما يضايقني
غنج
كل هذا كلمه وحده؟! صدق الله لايوليكي على مسلم؟!
+++
انا شاعر من عروقي نبت زهر الغرام ظلال
خطر لو طفت بخدودك خطا مرة تجرحيني
سكود الشمال
اجل السنه الجايه يبون يسون (أسبوع الشجره) عندك هههههههههه
+++
صادفنّي ثـلات إحتـرت ويّاهـن
أبهرني صحيـح وقمـت أطالعهـن
طولهن واحد ..ولبستهن ..وممشاهن
والله أعلـم بعـد يمكـن طبايعهـن
خالد المريخي
المفروض اهلك مايخلونك تدوج بالسوق لحالك؟! واذا شفتك مره ثانيه تسوي هالحركات ببلغ الهيئه عنك
+++
ان غبت عني حن قلبي وتشره
وان جيتني قلبي حفظ كل تقدير
خالد عبدالرحمن
موب تشره هذا؟ اخاف انك مثل ابووجهين اذا لـقاك الواحد ظهره صلخته وحشيت فيه
+++
ياحلو حكـي بعينـه قريتـه مـا حكـاه
ضعت به.. وشلون اجل لو بشافيه يحكيه؟
رشيد الدهام
ماشاء الله وش هالعيون اللي عندك؟! لا تكون جايب جهاز الأشاعه(اكس)
ولا عيونك مثل جهاز (سونار) حق الحوامل؟!
+++
من كثر صدماتي بناسٍ قريبيـن
قمت أتحرى صدمتي من أظلالي
ريما السديري
الحين المشكله انحلت بعد التأمين الألزامي؟! يعني اذا احد صدمك لا تخافين؟!ا
++++
لوّ ان عندي مثل ما عند الوليد بن طلال
شريت برج الفيصليه لجل اغيظ المملكه
زايد الرويس
افاااااااااا مدام انك حسودي مالله رازقك
+++
من يجني الراحه بموسم عذابه
حاول تناسى والليالي تنسيـك
سعد آل سعود(منادي)
وش هالحركات الجديده؟! أخبر للقمح والتمر موسم؟!اما العذاب له موسم هذا الشي اللي يموت ضحك
+++
قولي نعم لا سألتك لا تقولين إيـه
تفرق مع الشاعر اللي ضاعت آماله
سعد الحريص
ياخوي تقول ايه؟يعني تصرّفك مايبي لها ذكاء؟!
+++
من عرفت الحب والليل القديم
صرت امد الكف صادق للسلام
عناد المطيري
أمة محمد كلها ماده يدها للسلام؟! ولا احد معبرنا
+++
كم كافر في جلد مسلم مع الناس
وأمه وابوه اسباب كفره وغيّـه
ريميه
وش تكفيره الله يصلحك؟! لا احد يسمعك ترى هالشغله هالأيام تودي ابو زعبل انتبهي
+++
ماعاد لي في هواك اطماع
التوبـه التوبـه التـوبـه
عبير بنت احمد
صادقه؟فكه من جحا غنيمه؟!كود يسمعن البنات هالقصيده
+++
وأتحرى وأطالع..فـ.. الشبابيـك .. ضـي
وطول ليلي .. هنا وهناااك.. أنادي ياهيه..!!
قسمه العمراني
وش هذا ياقسمه؟! حركات شغالات(خدمات) الطلطله من الشبابيك
+++
يالله نعيش الهوى مثل الخواجات
لا خوف لا هم لا منقود لا عيب
فيصل المجفل
احس ان اللي كاتبه هالبيت نوال السعداوي موب انت
+++
ويارب تعجبكم تري تعبت ههههههههههههه وان شالله بكمل لكم عما قريب سلامي لكم جميعاااااااااا..... المشرفاات تري حلفت لاتميزوني ولاحاجه هههههههههه مصدقه
سلالالالالالالالالالالالالالالالالام
حارقتهم @harkthm
عضوة فعالة
يلزم عليك تسجيل الدخول أولًا لكتابة تعليق.
خخخخخخخخخخخخخ
الله يرجك رجة ماتعرفيييييييييييني بعدها
هع هع هع
ابوزعبل انتي وياها يالله
وانا بعد ابحلف معها انكم ماتعطونها منتميز :30:
يسلمووووووووو ياصرقوعه انتي
ماادري
•
طويل الموضوع عندي بعد شوي امتحان
اهم شي حجزت مكااااان خخخخخخخخخخخخخخخخ
باذن الله ارجع له يوم الثلاثاء
سلملم
اهم شي حجزت مكااااان خخخخخخخخخخخخخخخخ
باذن الله ارجع له يوم الثلاثاء
سلملم
تويـتـي
•
خخخخخخخخخخخخخخخخخخخخخخخخخخخخخخخخخخخخخخخخخي الله يرجك رجا مبرحا :D
اقوول كنك نسيتي نجااح المساعيد تكفيييييييين علقي عليها خع خع
زمان بعود كبريت اتوعد والزمان انذار
وجيت بغصن زيتون ومواوبل ترددها
واعذراك تجمل قولها تدري بلاش اعذار
بلاش حجه من الباب للطاقه توردها
نااصر القحطاني
علقي عليهم <<< انبسطت الاخت خخخخخخخخخي
وتسلمييييييييييييين ع التعليقاااااات الراييقه ..
اقوول كنك نسيتي نجااح المساعيد تكفيييييييين علقي عليها خع خع
زمان بعود كبريت اتوعد والزمان انذار
وجيت بغصن زيتون ومواوبل ترددها
واعذراك تجمل قولها تدري بلاش اعذار
بلاش حجه من الباب للطاقه توردها
نااصر القحطاني
علقي عليهم <<< انبسطت الاخت خخخخخخخخخي
وتسلمييييييييييييين ع التعليقاااااات الراييقه ..
الصفحة الأخيرة
قبل عذيب ماتجي وامومه كماااااان