زعلانة ,طفشانة تعالي اضحكي ووسعي صدرك

يقولك هذي البنت سلمكم الله عندها أخوات أكبر منها واصغر منها وهي توها متخرجة من الثانوي , المهم بالبيت ما عندهم خادمة , وكل يوم الدور على وحدة من البنات تطبخ بعدين ترمي الزبالة عند الباب , المهم
جاء دور هالبنت اللي اتكلم عنها 0
كانت سهرانة مع أخواتها حتى الساعة الثانية صباحا, وبعدها اخواتها طلعوا ينامون فوق , وهي قعدت تنظف المطبخ وتشطب عليه , وقامت وطلعت الزبالة عند الباب , المهم هالبنت قالت ليش احطها عند الباب , خليني
اتشجع وارميها بالزبالة احسن , وطلعت برة وكان الشارع فاضي مرة وكانت
الساعة حوالي الثالثة والنصف صباحا , المهم يوم جت تطلع ترمي الزبالة قفل باب بيتهم ههههههه وقعدت المسكينة بالشارع , فكرت ترن الجرس خافت ابوها يهاوشهاويسويلها شيء لأن أبوها ( شديد ) وقعدت بالشارع ما عليها الا قميصها حق البيت , المهم حست أن هناك صوت يقترب , صوت سيارة !!! قامت ويش سوت ,مسكت المسكينة الزبالة وقلبتها ودخلت جوتها, المهم كان اللي جاي ولد الجيران 00 كان توه جاي من
الاستراحة , المهم جا ولد الجيران ووقف السيارة وطلع المفتاح عشان يدخل للبيت , الا سمع صوت يتحرك بالزبالة ّّ!!! واستغرب ان الزبالة مقلوبة , قام قرب عندها وجا بيرفع الزبالة ويزينها الا صرخت البنت وقالت لالالا , قال الولد ( بسم الله الرحمن الرحيم ) انتي انس ولا جن؟؟
قالت والله انس , قال انتي ويش اللي جابك هنا ؟؟؟ قالت له القصة كلها
وهي متغطيه بالزبالة , وترجت ولد الجيران يساعدها , قالها خلاص لا
تخافين بساعدك ؛
قام قرب سيارته من باب البيت وركب فوق السيارة ونقز وفتح للبنت الباب
, وقالها ادخلي بسرعة لاحد يشوفك , قامت المسكينة ما صدقت رمت الزبالة
وطلعت كدا قدام ولد جيرانهم , المهم دخلت وقفلت الباب على طوول ,
وولد الجيران واقف ما تحرك يناظر فيها , المهم ما مر على ها السالفة
يومين الا وجاء وخطبها من ابوها وتزوجها ههههههه والله قصة زواج غريبة ,
وعلى فكرة هذي قصة حقيقية وحصلت بالفعل , واللي يعيش ياما يشوف ويسمع 0
يالله يا بنات ويش رايكم بها القصة , وايش الأفكار الجزئية اللي ممكن
نستخلصها من هذة القصة؟؟؟؟؟