زعلان ومايبي يرضى

بنات انا وزوجي زعلانين لنا ثلالث ايام وهذي اول مره نطول بعادتي اذا زعلنا ماخلي الموضوع يكبر اوروح اسولف والا اتحرش فيه يعني اسوي اي شي من غير مااذل نفسي وكانت امورنا تمشي تمام كنت احسه يطفش اذا زعلنا مررره وبمجرد اتصل عليه اقله تعال سويت قهوه يجي وماكان صار شي بس هالمره غير
انا غلطت وما ادري هو انا غلطت اولا وهذا اللي محيرني هو اشترى جوال جديد وصار حاط راسه فيه 24 ساعه انا بدا ابليس يوسوس لي لانه صار يفتح النت برا البيت وهو في العمل يعني هو جواله فاتوره ومايشتغل على الوتس اب والجهاز الا بالبيت بس الحين صار يشتغل عليه على حساب الفاتوره حتى برا انا مررررررره تضايقت وقلت ليه كذا وش اللي شادك فيه لها الدرجه وانا يعني دخلت جو وصرت احلفه انه مو مشترك بالبرامج اياها الهوز والبينقو والعلوم الحلوه فهو زعل بسبب هالموضوع وحرم انه ماعنده اي شي بس اخر المكالمه قال بكره تروحين لاهلك قلت مو رايحه مو على كيفك كل مره بنتناقش تقول روحي لاهلك وزعلت قلت ودني لاهلي بيت اهلي اكرم لي من واحد كل ماناقشته بشي قال روحي لاهلك بعدها بساعات حاولت اراضيه برسايل وجلست اتصل مايرد مارضى ابدا وش اسوي له يعني تاسفت برساله واليوم الثاني جاي ولالاوداني لاهلي بس قالب وجهه خلاص ماكفرت وامس حاولت احط يدي علي راسه قال وخري عني
وطنشته مع اني تعبت في الليل وصار يقول اوديك المستشفى وارتاحي بس الكلام رسمي جدا
واليوم على نفس الحال
وهو مبسوط بنتي تلعب معاه وتسليه وانا قاعده على الاب ارسلته له ع الواتس اب انا طفشت تجي نتصالح
قال لا انا مبسوط كذا بالله عليكم وش اسوي له حقوقه كامله اكل وطبخ وكل شي
وبغيت اقهره صرت اضحك باعلى صوتي على موضوع زوجي بيني اصير دلوعا وقفلت الاب ورحت اكل بنتي رجعت لقيته يقرى اللي كنت اقراه قهرني وش دخله اقرى اللي اقراه وهو طلع الحين بكره عنده عمل وبيصير لنا اربع ايام زعلانين وانا مررررررره طفشت ونفس الوقت قررت اسحب عليه مو على كيفه كم مره حاولت اصالحه ويسحب علي خلو غروره ينفعه معاي حق او لا