زعلت وقالت انتي حسوده وبلكتني

السلام عليكم
لي صديقه وجاره معرفتي فيها من سنوات
تحب تفضفض لي عن زوجها وبطبيعتي انا اسلك لها واخفف عنها لان فضفضتها بالغالب تكون خرابيط مثل زوجي بيشكت بالبر وانا بفقده مقدر على بعده مقدر افقده اتعب بدونه وانا اخفف عنها واصبرها ومحومه كبدي في نفس الوقت في ذا التعلق الزايد في زوجها وعدم الثقه فيه ابد لو بيطقطق في جواله شكت انه يكلم بنات رغم ان زوجي انا سبق وكشفت له خيانات لكن رجعت اثق فيه او تقدرون تقولون مو ثقه قد ماهي تكبيرت راااس كبرت راسي وقلت له رب يحاسبه وماصرت افتش وراه وارتحت نفسيا وجسديا وهاالشي بالعكس خلا زوجي يتعلق فيني اكثر يوم شافني ماطقيت له خبر نجي الجارتي العزيزه
دائما تفضفض لي عن زوجها وانه هاجرها وانه تشتاقله وشكاوي كثيره وانا احاول الاقيلها حلول ومرات اخفف عنها صحيح اللي تمر فيه ممكن انا امر فيه لكن عادي مايفرق معي واتحسس نفسها
وحصل موقف دقت علي قالت شفتي زوجي طلع الصباح ارسله مايرد مطنشني لايكون مع بنات انا هنا حامت كبدي وردت فعلي شوي قويه عليها مو نفس دائما اسلك لها قلت لها يا فلانه يع حومتي كبدي وش ذا التعلق اللي يحوم الكبد ماتدرين يمكن الرجال ما انتبه الجواله يمكن خلص شحنه الله اعلم في ظروف الرجال بعدين ممداه طالع الصباح وحظر تجول منين بيشوف البنات وين مخك انتي صاااحيه اساسا تقولين له نص ساعه طالع امداك بسم الله تشتاقين له والله العظيم لو انا زوجك ماتحملت لزقت فكي شوي عنه ما اللومه هاجرك من لزقتك فيه وشكك الرايد فيه كثر خيره اللي مخليك على ذمته
انا نفسك متزوجة والله اذا طلع زوجي انبسط التفت النفسي اغير جو مع اهلي مو شاغل تفكيري زوجي ٢٤ ساعه الله لايجعله اكبر همي يارب
ردت علي انتي حسوده شفتنيني متعلقه في زوجي ذا التعلق واحبه وادوره وانتي ماجربتي ذا الاحساس ولا تعرفينه لانك ماتحبين زوجك وحسدتني يا الحسوده قلبك اسود الحين ظهرتي على حقيقتك وارسلت لي والله يا بكيت بكاء من كلامك اللي ظهرلي ان فيه كمية حسد وفرشت سجادتي ودعيت عليك من قلبي تذوقين اللي انا ذقته وشفته من زوجي عشان تعرفين تحسدين ونصيحه نظفي قلبك وطهريه
اخواتي انا والله العظيم مو مستحيه الا من اميمتها واهلها اللي لنا معهم علاقة اخوه ومن عمر نعرف بعض اكيد بتقول الاهلها وبيفهموني غلط ما اقول الا حسبي الله ونعم الوكيل كيف الناس يقلبون في دقيقه