زعل خدامتي

السلام عليكم ورحمة الله وبركاته
خواتي عندي مشكله من البارحه مع شغالتي
من ست شهور عندي، من شهرين اعطيتها جوال سامسونج صغير عشان تتواصل مع أهلها لأنها اذتمي كل شويه تبغي فوني تراسلهم واتساب وتتحجج إنه شي ضروري وكنت طيبه معاها واعطيها دايما، طبعا ارتحت من خذت لها الجوال وأول مره تستخدم جوال فيه واتساب، المهم قلتلها مايكون معاج وقت الشغل ويكون فالغرفه على طول إلا لما أطلع من البيت تخلينه معج أدق اتطمن على البيت والعيال.
الله يسلمكم من رمضان تخربط جدولنا طبعا واستخدمته بشكل مبالغ، حاطته ف علاق ومعاها وبن ماتكون، خلص رمضان قلت تتعدل بس ماشي هيه تزيد يوم عن يوم صارت مدمنه واتساب.
البارحه مسكتها قلتلها يا فلانه مايصير وقتج ع الفون، اهملتي التنظيف والشغل صرتي تشتغلبن اي. كلام عشان تركضين ع الواتساب، قلتلها الفون يتم فالغرفه تستخدمينه وقت راحتج ولما تكونين فالغرفه.
طبعا زعلت زعل كبير من أمس، وتتحاشاني كلش واكلمها وماترد علي صحيح تسوي اللي اطلبه بس عاطتني ظهرها، وأنا مخليه عمري ماهامني بس منقهره من داخلي
من البارحه اغلقت الفون بشكل كامل ماتفتحه أبد، وطول اليوم يالسه برع، وتغسل الملابس كل شويه، وتمسح الطاولات كل شويه، يعني بطريقه مغايظ احسها تشتغل، لاتقولون إني كذا أبغي منها، لا ابغيها تتقن شغلها، غسيل الثياب يكفي مره لأنه فاتوره الماي تيي وايد علينا.
بصراحه محتاره ماعارفه اتصرف معاها، ما توقعت ردت فعل كذا منها، صح كلمتها قلتلها مايحتاي حركات وزعل مراهقين، قالت أنا عبده عندج سوي فيني اللي تبغي، قلت انتي مب عبده عند حد، بيني وبينج عقد عمل ومن حقي اتدخل فالعمل إذا ماعجبني، طبعا لازالت نفس الطبع لليوم
شورن علي الله يخليكن