اهلين يالغاليات اليوم جبت لكم طبق لعشاق الزهره { القرنبيط }
وحلقات البصل
والطريقه سهله بالمره وماتاخذ وقت و خلال ربع ساعه كل شي جاهز
يعني اذا راحت عليك نومه اسعفي نفسك بهالطبق
ونبدا بالطريقه المصوره
اول شي غسلي الزهره زين وقطعيها حسب ذوقك واسلقيها
في مويه وملح وفلفل اسود لمدة 12 دقيقه
وبعد ماتنسلق طلعيها تبرد
وجهزي الخلطه :في الخلاط نص كاس مويه وربع كاس دقيق
وملعقه صغيره بكنج بودر وبيضه وفلفل اسود واحمر
وثوم بودره وملح وببريكا ------واخلطيهم زين
وسخني الزيت نفس غزارة زيت البرستد
وغطي الزهره حبه حبه في الخلطه وعلى طول في الزيت
وقلبيهم واقليهم نفس قلي البرستد
واذا طلعتيها على ورق نشاف للتخلص من الزيت الزايد
ولا تغطينها عشان ماتذبل وتصير مقرمشه
ونجي لحلقات البصل اسهل واسهل ماتبي لاسلق
ولا تتبيل قطعي الحلقات وعلى طول في الخلطه وللزيت
واقليها زي الزهره وووووووواو على الطعم
وهذا شكلها النهائي
وصوره اقرب لعيونكم
ملاحظه:اذا حسيتي الخلطه ثقيله زيديها شوي مويه يعني بالملعقه
موتصبين صب
واي استفسار على هذا الرابط في الملف
http://forum.hawaaworld.com/showthread.php?t=1123919
اتمنى تعجبكم وتقرروتجربونها
وعليكم بالف صحه وعافيه
والقادم احلى واحلى باذن الله
:cook::39::cook:
