ألف الف مبروووك
والله يتمم لك على خير يارب

أنا هالخلطه شفتها بأحد المنتديات وعجبتني بس ماصلحتها

يارب تستفيدين منها وتفيدك

وهي لتنعيم الشعر وتكثيفة .... للشعر المنكوش والي صعب تسريحة في مـــــــــــدة قليلة,والتجربة خير برهان


المقادير / لبن **ادي طازج + سمسم+ زيت نارجيل+زيت حبة البركة+زيت زيتون,فقط
اما خل تفاح فيغسل بة الشعر...
تخلط المقادير بشكل متواز ن وتوضع بالثلاجة .
طريقة الاستعمال .


يوميا لمدة ثلاث ايام وتلاحظو الفرق .


اولا خل التفاح يغسل الشعر بشامبو بيبي جونسون للاطفال وبعد تنظيفة تجيبي ماء حلو شرب وتوضعي فية خل التفاح ومن ثم تغسلي بة شعرك ويشطف وينشف
جيدا .ومن ثم توضعي الخلطة المذكورة اعلاة قبل النوم وتلبسي طاقية بلاستيك الين الصباح يغسل بالطريقة الاولى, اتمنى لكم شعر ناعم وغير مجعد اطلاقا ومغذي لة...


نسختها لك


لكي ودي ووردي ,,

شوفي ياعنري نصيييييييييييييحه مني لاتكثرين الخلاقين ولا الخرابيط مثل مكاييج وقمصان نوم وووالخ
حطي لك 30 الف ذهب وعشر الاف بس تقضي فيهم (3عطور ماركه ماتجي ب1000) (مكياج اذا كنتي بالرياض روحي لشارع السويلم يبيع مكاييج بسعر الجمله وكلها ماركات والعطورات بعد انا ما اخذ الا منهم) وبالنسبه لبودره الجسم والغوات والحركات هذي (روحي لنكتار او بودي شوب وخذي لك مجموعه تتكون من رغوه جسم للاستحمام .كريم .عطر صغير للبيت قدام زوجك تعطرين منه .صابونه .بودره.وبخاخ جسم وكلها ب300 وانصحك خذي وحده من بودي شوب ووحده من نكتار عاد الروايح اللي تعجبك )(وادخلي صحارى خذي لك تيورين طلعه فخمات خلي لهم مبلغ 2000طبعا مع جزماتهم كرمتو وشناطهم)بعد هذا نجي ل(ملابس الطلعتا العاديه مثل اهلك او طلعه عاديه زياره بسيطه لاحد تمونين عليه خذي لك تنوره جينز ميدي وشكلي عليها تي شيرتات من ايتام ودبنهامز ونكست وهالمركات الرخيصه وخصصي لها الملابس العاديه 1000 تبي تجيب لك 5 بلايز وتنوره )((وانصحك للجزم العاديه وشباشب البيت روحي لشارع الخزان اذا كنتي بالرياض فيه محل اسمه (رند)يجنن جميع انوا الجزم عنده وفخمات واشكال روعه وخياليه ...)))
نجي للانجري قمصن النوم (خذي لك قميص اول ليله غالي من نعومي لان هذي ليلتك دلعي نفسك ماعليه وخذي من لاسنزا قميصين نوم مع بيجامه نعوووووووومه مر وانيقه حقة نوم البسيها ثاني يوم وقت النوم وخصصي لهم مبلغ 700 ريال تكفي غير قميص او ليله لان قميص اول ليله غالي شوي بس تبين نصيحتي ؟؟ بدلك على محل باسواق الاندلس ماعرف اسمه بالضبط بس انه اول محل عند المصلى حق قمصان نوم روعه واسعارهم معقوله ماتتعدى ال300 ونفسهم عند نعومي على 2000انا عن نفسي اخذت منهم قميص اول ليله ...
نجي الان لملابس البيييييييييت (هذي طال عمرتس خصصي لك 2000 وادخلي الهرم تلقينه قدام اسواق العويس هذا كل شي للبيت بتلقينه فيه مثل(بيجامات وقمصان بيت وشورتات وملابس نوم نعومه وجينزات وشباشب فرو وشباشب ناعمه للبيت ووالخ انتي عاد لادخلتيه شوفي فيه كل احتياجات البيت الخاصه لك ((وبعدها روحي لشارع السويلم اللي قلت لك عليه وخذي لك مبلغ ب1000 يشمل (الربطات والشباصات والبودرات للجسم والشامبوات واعواد الاذان ومشقر لحواجبك وجسمك اذا كنتي تستخدمينه وهذي الاشياء فهمتي علي ؟؟)
بس نصيحه خلي ثلاث ارباع مهرك ذهبببببببببببببببببببببببببببببببببببببببببببببببببببب لان الخلاقين تبي تسمنين عليها وتذبينها وهو راح يشتري لك كل فتره خلاقين بس ذهب تحلمييييييييييييييين ههههههههههههههههههه امزح بس احرصي عالذهب واذا تقولين غالي خبي فلوسه مع احد ثقه واذذا رخص روحي واشتري ذهب بس خذي لك للعرس طقم واحد كبير للعزايم وطقم ناعم للبيت والطلعه العاديه

نسيت اقولك خذي لك فستان ناعم من روزانا على طريق العليا العام فسلتينهم روعه بس شوي غاليه يعني خذي واحد ب1800 وخليه لكل المناسبات اذا وراك عزايم كبيره واذا ماحد عازمك عزيمه كبيره خلاص بلاش كبير خذي ناعم وهادي واتمنى اكوون افدتك والله يوفقك

والله يا اختي انا مثلك اعاني من الشعر اللي لاهو ناعم ولا هو خشن

ولكن انا عزمت اسوي الكيراتييين .... شفته ع وحدة من البنات وجاز لـي صار شعرها ولا شعر نانسي عجرم <= خخخ تسمع بها

جد والله انصحك به ..... والف مبروك

مبروووووووووووووووووووووووك
اول شي أحجزي فستان الفرح والكوفيره والمصوره وخلي فلوسهم بظرف على جنب عشان ماتنسين وتصرفينه
خلي لك برنامج قبل العرس باسبوع تروحين الصالون وتسوين بدكير ومناكير وحمام مغربي وتنظيف بشره وحف وجه وجسم وتشقير حواجب وتشقير ظهر
واشتري لك قمصان نوم وكثري منها شي طويل وشي قصير وشي ستان وشي شيفون يعني نوعي بالخامات والالوان
واهم شي كثري ملابس داخليه كثررررررررررررررررري
اشتري ساعتين وحده فضيه وحده ذهبيه واهم شي الذوق مو السعر
اشتري ملابس بيت وكثري منها
اشتري فستان فخم واحد وكم طقم حلوين لاول لايام تلبسينها اذا بتزورين اهله
واشتري طقم شور جل من بودي شوب وكريم الكاكاو من بودي شوب مع الصنفره
اشتري عطور اربعه ممكن(ستيلا -شانس من شانيل-اديكت من ديور -مس ديور-فريود-نيناريتشي)انتي وذوقك
واهم شي خذي كريمات العنايه الشخصيه
غسول نسائي وخيط اسنان وفرشاة اسنان ومعجون-كوتكس-معطر فم-علك-ديودرنت-نير-موس نسائي-مكينة براون-مشقر جولان-مقراضه -مقص-فازلين-مسك العروس من عبد الصمد القرشي-خذي عود الخليج من اصغر علي تولتين بمية ريال وريحة حلوه-خذي من سيد جنيد كريمات للجسم اللي فيها لمعه)
وخذي لك 4 جزم و4شنط ومكياج خذي من سنتر بوينت من ماركة برجوا والمناكير من ماركة نيفيا والشدو من المحلات العاديه مو شرط ماركه لانهم كلهم نفس الشي
واتمنى اكون افدتك
والذهب لاتكثرين خذي سلسله وقلوب وكم خاتم واسواره حلوه وباقي فلوسك خليها فالبنك ولايدري زوجك ان زاد شي من مهرك انتبهيييييييييييييييييييييييييييي



على فكره انا مهري 60 الف وشريت 3 اطقم ذهب وكوشتي ب5الاف وعبيت 6 اشناط جهازي وزاد من مهري 26الف
والحمدالله ماقصرت على نفسي بشي ومكياج كنت شاريه ب6الاف وجهازي ظليت سنتين البس منه وفي اشياء جديده طلعتها وانا مالبستها
واختي مهرها 100الف وزاد من مهرها 60 الف يعني اهم شي الذوق مومهم السعر مع اني انا واختي متسوقين من مجمعات ومسافرين لدول الخليج ومجهزين منها
يعني اهم شي الذوق والبركه من الله بس اهم شي لاتسرفين واشتري اللي تحتاجينه ولا تفكرين في الناس

واتمنى اكون افدتك لو بشي قليل
والله يوفقك

الله يوفقك يارب