همس آلمطر :

زواج تقليدي ومهب عايشه وصابره عشان عيالي ولاهو مايستاهل نقيض لي ف كل شي ولا افهم

زواج تقليدي ومهب عايشه وصابره عشان عيالي ولاهو مايستاهل نقيض لي ف كل شي ولا افهم

عواطف تركي :

ماشاء الله قامت الحرب بين انصار التقليدي والحب واشتغلوا مفتيات الديار الزواج كله على بعضه هم وغم ونكد ومشاكل وفيه نجاح وفشل سواء تقليدي او حب لا التقليدي مرتاحه ولا الحب مرتاحه ريحونا بس من التعصب الاعمى اللي ماله داعي الله يهني ويوفق كل زوجه مع زوجها سواء اكشط واربح ولا حب ملتهب بالنهايه هذا اسمه زواج على شرع الله وموثق بأوراق رسميه معترف بها الحب موجود سواء اعلن او بقى في السر اعرف بنات تزوجو بعد حب وجابوا اطفال ، مهما قلتو ماراح يثق فيها ومن الكلام الفاضي على الاقل تزوجها وعلى الاقل تزوجت شخص تحبه وتبيه احسن من تتزوج شخص ماتحبه ولا تبيه وتعيش حياتها نار وبالنهايه الزواج قسمه ونصيب سواء اهله خطبوها له او هو شافها وعجبته او يحبها وتحبه او طلع من تحت الارض او نزل من السماء كله نصيب الحديث رواه ابن ماجه وصححه الألباني بلفظ "لم ير للمتحابين مثل النكاح" ورواه البيهقي بلفظ: "ما رأيت للمتحابين مثل النكاح" ومعنى الحديث أن الرجل إذا نظر إلى المرأة وأحبها، فعلاج ذلك الزواج بها، قال المناوي في "فيض القدير" بعد ذكره لهذا الحديث: إذا نظر رجل لأجنبية وأخذت بمجامع قلبه فنكاحها يورثه مزيد المحبة، كذا ذكر الطيبي، وأفصح منه قول بعض الأكابر المراد أن أعظم الأدوية التي يعالج بها العشق النكاح، فهو علاجه الذي لا يعدل عنه لغيره ما وجد إليه سبيلا. اهـ. عن ابن عباس قال جاء رجل إلى النبي صلى الله عليه وسلم فقال إن عندنا يتيمة وقد خطبها رجل معدم ورجل موسر وهي تهوى المعدم ونحن نهوى الموسر فقال صلى الله عليه وسلم: لم ير للمتحابين مثل النكاح . الكلام صريح وواضح اللي يحب يتزوج لا تقولون خطوات الشيطان والشيطان ثالثهما وتجيبون شي وتلصقونه بشي . وكل شخص حر بنفسه يحب ولا يحترق ولا يكشط ويربح الكل ذنبه على جنبه

ماشاء الله قامت الحرب بين انصار التقليدي والحب واشتغلوا مفتيات الديار الزواج كله على بعضه هم...

صباح الخير123 :

انا ابغ افهم وين الدليل ع المكالمات والرسايل خافو الله تجيبو ادله وتفسروها ع كيفكم هذا شرع اجرأكم ع الافتاء اجرأكم ع النار هو قال اراسل اليتيمه قال اكلمها قال اتغزل فيها اتقو الله الله يقول ولاتخضعن بالقول فيطمع الذي في قلبه مرض وقال وقل للمؤمنين يغضوا من أبصارهم وقال وقل للمؤمنات يغضضن من أبصارهن والادله كثيره انه مايجوز تلين بالقول مع الرجل الاجنبي او تنطر اليه حتى باعجاب الدين واضح لاتحاولو تلفو الادله والي مايجوز بالدين لانحاول نزين له ونخرب بنات خلق الله والرجل لو اعجبته امراه يتقدم لخطبتها مو يقعد هو وياها مكالمات وحب وغرام وهذا ديننا نعم قد يحصل اعجاب اما لنظره فجاه او غيره ووصى الرسول انه يكون بالحلال يعني بالزواج مو اطيح له مكالمات وغزل وحب لاديننا يرضى ولاربنا يرضى ولاالاهل يرضون ونادرا رجال يتزوج وحده مكالمات ودق حنك معه الا من رحم ربي الا اذا كان اعجاب يعرفها من الصغر مثلا او شافها صدفه يوصي اخته عليها امه ممكن اما طرق ثانيه لاتحرفو في الدين

انا ابغ افهم وين الدليل ع المكالمات والرسايل خافو الله تجيبو ادله وتفسروها ع كيفكم هذا شرع...

عواطف تركي :

ماشاء الله متحمسه وانتي تردين وتقولين اننا نفتي ونحرف الدين وانا ما افتيت انا نقلت حديث شريف فقط يتعلق بالحب والزواج مايتعلق بشي ثاني ولصقته فيه . وعلى اساس ايام زمان كان في جوالات او رسايل ، طبيعي بيكون شافها وتعلق فيها كل زمان له ظروفه خلاصته انه حبها والحب علاجه الزواج فقط . لا تخلطين بين الحب اللي يكون في القلوب طاهر نظيف وبين العلاقات الفاسده اللي تكون ممارسات غير اخلاقيه . بإختصار احنا مجتمع يكره الحب ويحاربه لانه ماتربى عليه ، كل شي جميل خربوه وشوهوه وحرموه حتى حديث لم يرى للمتحابين الا النكاح اتحدى الشيوخ والمطاوعه يحثون الشباب عليه او يشرحون لهم معناه وسماحة الدين اللي يناسب كل زمان ومكان . اتذكر مره سمعت واحد من المشايخ يتكلم عن شخص انه يقول يحب بنت وقلبه متعلق فيها ماينام الليل ولا ياكل ولا يشرب ومرض من عشقه لها لكن وش رد هذا الشيخ ؟ ابد اتركها ويعوضك الله خير منها !!! وكأن الدين تعذيب وقتل للمشاعر والاحاسيس الانسانيه ليش مانصحه يتزوجها ؟ مو الزواج حل طبيعي للمحبين ؟ ليش يزرعون في عقول الشباب ان اللي تعرفها خلاص تعرف غيرك وانك بتشك فيها ومن هالكلام الفاضي لو عقولهم كامله وواعيه كان ببساطه تزوجو البنت اللي حبوها لانهم لو ماتزوجوها بيتزوجون بنت كانت تحب غيرهم وياكثر اللي يحبون ويعشقون بالسر والخفاء ، وهالظلام فيه الصالح والطالح وفي كل الحالات مايدفع الثمن الا البنات . احنا وصلنا زمان الشباب والبنات صار تواصلهم سهل واغلبهم جربو العلاقات العاطفيه شئنا أم أبينا اما تتفاهمون وتتصالحون مع انفسكم وتقتنعون انكم في هذا الجيل اللي فيه الحب ولازم تتعاملون معه بوعي وارشاد او تبقون معارضينه وبناتكم بالسر يتعذبون . كلامي يخصني ويمثلني وما اجبر احد يقتنع فيه . عن نفسي ما اتخيل نفسي اتزوج شخص مايعرفني ولا شافني ولا شفته ولا عرفته مدري ليش يتزوجني من الاساس عشان ماما اختارت له !!!

ماشاء الله متحمسه وانتي تردين وتقولين اننا نفتي ونحرف الدين وانا ما افتيت انا نقلت حديث شريف...