الاخت الرابعه :

تزوجت زواج تقليدي واحد دلهم علينا هم من قبيله ثانيه بس اللحين صار الحب انا أومن ان الحب الحقيقي هو الي يجي بعد الزواج وجعلنا بينهم مؤده ورحمه ناقصني يجيني عيال 🙁

تزوجت زواج تقليدي واحد دلهم علينا هم من قبيله ثانيه بس اللحين صار الحب انا أومن ان الحب الحقيقي...

عواطف تركي :

ماشاء الله متحمسه وانتي تردين وتقولين اننا نفتي ونحرف الدين وانا ما افتيت انا نقلت حديث شريف فقط يتعلق بالحب والزواج مايتعلق بشي ثاني ولصقته فيه . وعلى اساس ايام زمان كان في جوالات او رسايل ، طبيعي بيكون شافها وتعلق فيها كل زمان له ظروفه خلاصته انه حبها والحب علاجه الزواج فقط . لا تخلطين بين الحب اللي يكون في القلوب طاهر نظيف وبين العلاقات الفاسده اللي تكون ممارسات غير اخلاقيه . بإختصار احنا مجتمع يكره الحب ويحاربه لانه ماتربى عليه ، كل شي جميل خربوه وشوهوه وحرموه حتى حديث لم يرى للمتحابين الا النكاح اتحدى الشيوخ والمطاوعه يحثون الشباب عليه او يشرحون لهم معناه وسماحة الدين اللي يناسب كل زمان ومكان . اتذكر مره سمعت واحد من المشايخ يتكلم عن شخص انه يقول يحب بنت وقلبه متعلق فيها ماينام الليل ولا ياكل ولا يشرب ومرض من عشقه لها لكن وش رد هذا الشيخ ؟ ابد اتركها ويعوضك الله خير منها !!! وكأن الدين تعذيب وقتل للمشاعر والاحاسيس الانسانيه ليش مانصحه يتزوجها ؟ مو الزواج حل طبيعي للمحبين ؟ ليش يزرعون في عقول الشباب ان اللي تعرفها خلاص تعرف غيرك وانك بتشك فيها ومن هالكلام الفاضي لو عقولهم كامله وواعيه كان ببساطه تزوجو البنت اللي حبوها لانهم لو ماتزوجوها بيتزوجون بنت كانت تحب غيرهم وياكثر اللي يحبون ويعشقون بالسر والخفاء ، وهالظلام فيه الصالح والطالح وفي كل الحالات مايدفع الثمن الا البنات . احنا وصلنا زمان الشباب والبنات صار تواصلهم سهل واغلبهم جربو العلاقات العاطفيه شئنا أم أبينا اما تتفاهمون وتتصالحون مع انفسكم وتقتنعون انكم في هذا الجيل اللي فيه الحب ولازم تتعاملون معه بوعي وارشاد او تبقون معارضينه وبناتكم بالسر يتعذبون . كلامي يخصني ويمثلني وما اجبر احد يقتنع فيه . عن نفسي ما اتخيل نفسي اتزوج شخص مايعرفني ولا شافني ولا شفته ولا عرفته مدري ليش يتزوجني من الاساس عشان ماما اختارت له !!!

ماشاء الله متحمسه وانتي تردين وتقولين اننا نفتي ونحرف الدين وانا ما افتيت انا نقلت حديث شريف...