زواج ابو برغش/الجزء الاول

السلام عليكم
كيف حال الحلوين
جيت لكم سالفة حللللللللوةانشاء الله تعجبكم(زواج ابو برغش الجزء الاول)
ماراح اطول عليكم
خلكم معي
ابو برغش يقول000000000
انا جامعي ووسيم…. و الناس يدلعونن ويقولون لي محيميد… وانا اسمي الحقيقي عبدالرحمن… ماعلينا توضفت بمكتب وقررت الوالده الله يخليه ويعافيه ويشفيه انه تدمر حياتي وتزوجن… و تم التعميم على الطلب وتم الاستنفار الين لقو ذيك البنت الي تقول للقمر قم جعلك القامه عن محلي … و شوقتن اميمتي من كثر الحتسي عنه … وتمت الخطبه وكلفني الزواج 200الف ريال…. تهون لعيون القمر… وفي ليلة العرس كنت مشتاق للقمر… يوم دخلون عليه وفتشته لقيت ذاك المهرج الي صابغ خشته (براطمه) باحمر.. وذاك الوجه الي كل بقعه منه لها لون … وانا اكره ضحكه وقلت لهم حلوه هالحركه …طيب وين مرتي .. ردت علي هي بكل رومانسيه وحب طعنه ماشفتن…. ووقفت امي وقالت هذي هي مرتك ..و اصفريت ذاك اليوم من الفرحة (ايه هين)؟ …وكل الي في بالي ال200 الف الي طارت في الهوا…..يوم صحيت ناديت امي …وقلت لها هذي هي مرتي… قالت ايه ياوليدي هذي ازين وحده شفته …ومن يومه وانا عارف ليش حنا اكثر رجال العالم اصابه بالسكر والضغط …ماعلينا المهم قالو لي لبسه الذهب وهي اللي تمد ذيك اليد الشهبى اللهبا اللي ذابحه المشق وانا البسه المساور(يعني الاساور)… لا وزيدكم من الشعر بيت صبن يدينه دم يمكن من المشق… وجت الطامه يوم قالو لبسه الرشرش المهم وقفت بمعجزه يوم جيت عند رقبته … قلت مااغوله وافتك واعيش بالسجن اريح وبعد تفكير لبسته الرشرش … وفرح القمل به وحولوا يلعبون عليه …. امر اقوله تراي قدامتس بالسياره … ومن زينه يقاله متطوره يوم وصلت السياره وقفت تبين اهج له الباب … وانا اللي انزل القزازه واقول له ترا اما ركبتي سريت … وركبت وهي مستحيه وانا افكر ما اصدم بالسياره من الجهه اللي لمه وافتك منه…. او اوقف جنب فتحة بياره واقول له حولي …او افتح الباب واحلته وانا مسرع … وانا افكر مادريت الا وانا عند بابنا … وحولت وقلت له الحقين … وماامدان افتح باب البيت الا وهي واقفة قدامي … قلت له ادخلي …. وهي داخله صفقت بالباب على ايده يعنني مادريت وقالت آي يعني اني حرمه وصب منه دم … وانا اللي اركض واجيب قطن وامسح الدم اللي على الباب …. واشوى انه ماانعفط ….ورقينا للغرفة وانا اللي انسدح فوق السرير وانوم ذيك النومه …. ويوم قمت …. تقول لي وراك نمت تراي لابسةً هالخشاشه علشانك …تعال شف دراريعي اللي انا مخيطه …. ورتن ذيك الخلاقين….وانا افكر انشاالله اني من اهل الجنه لان البلاوي ماتنزل الا بالصالحين…. والحرمه مهيب تستحي وقفت قدامي وهي فاتحة افمه…. قلت له صكي هالبياره والا طلعت …. قالت وشفيك ماتبي تشوفن ماعجبتك شف براطمي وخدودي ووعيوني ….. وبيني وبينكم الحرمه ماعليه تصلح لكل شي الا انه تكون حرمه …. وقعدت تسولف تقول وين بتودين …. قلت لها لبيت اهلك … وحمقت وتغيير وجهه وقالت وراه …. ورحمته وقلت علشان نسلم على اهلك … قبل نطس نسافر ….. …. رحت ودخلنا بيتهم وجت امه… و سالته وين ابوتس قالت مرتفع عليه السكر ونيم قلت ماالومه ….

معاني الكلمات
الخشاشه/ الشلحه / ويعتبرونه عندنا قميص نوم
البراطم/الشفايف
الخشه/الفم
طعنه/مزحه مثل تؤبرني
دراعه/فستان