زواج عائلي ولا كبير؟؟ (شاركونا برأيكم يالي جربتوا)

انا افضل بعد شهر العسل عزيمه أحسن والفرحه وحده وموفقه

أنا مع الزوجات العائليه المرتبه
لأن الناس ماعد ترحم احد يطلعون انتقادات وكأن الواجب يفرض عليهم كذا..
والأهل يكونون مشغولين عنك والله لايلومهم...

بصراحة انا احس يكون وسط يعني مايكون عائلي بالبيت ولا كبير مررة بفندق يعني ممكن عائلي بس بفندق وزفة وترتيبات عادية منها يكون فخم ويكون هادي ..
واللة يوفقك ان شاللة

انا اشارك اخواتي في كلامهم
الزواج العائلي افضل بكثير من المكبر ان اختي سوته عائلي وكان مرتب جدا وبعد شهر العسل تسوين زياره وتزفينها بفستان زواجها والعروس تفرح بالزياره لانها تشارك الجميع الفرحة اما في الزواج فهي شايله هم مثل ماصار لبنات خالتي تحسفو بالزواج يقولوا الناس انبسطوا على حسابنا وتخيلي الام ماحظرت دخلت العريس كانت مشغوله بالضيوف
والله يوفقك ويسعدك

انا من رايي يكون عائلي بشرط يكون البيت كبير وفيه حديقه كبيره ولو يكون فخم احسن واحسن اذكر مره حضرت عرس وحده بالقصيم عائلي ببيتهم البيت مو فخم مرره بس مرتب وراقي مشالله حاطين الناس بالحديقه في بيت شعر بس من الفخمات وكبيره مره مكيفه طبعا وكلها كنبات قدام المسبح بس مشكلة المسبح ماكان عليه سور حاطين حارسات عليه وبعد الشاهي والقهوه والصحون والحلويات الي من جد فخمه قدمونا للبوفيه الي في الحديقه الي كانو مسكرين عليها بحواجز خشب حاطين طاولات دائريه موزعه على العشب كل عايله تقعد على طاوله لحالها طبعا الطاولات مزينه بالاكسسوارات الرووووووعه وقدام الطاولات البوفيه من جميع الاشكال والاصناف وعند الحلى مسوين مجسم بالجليد على شكل دلفين يلفت الانتباه واذا دخلتي البيت تغسلين ولا شي كل زاويه في البيت مزينه يااكسسورات او سلال مناديل معطره ورد مجفف اعواد للاسنان علوك بس بطريقه كلاسيكيه وراقيه والمغاسل مزينه بشيفونات وتل من نفس لون اكسسورات المغسله .. صراحه كان الزواج يجنن مشالله احلى من لو كان في قصر ولا فندق احس كذا ارقى واكشخ لعايلة البنت الناس بتقول مشالله كل شي ذوق البيت والترتيب والبوفيه وكل شي .. نصيحتي لك اذا تبين التميز وبنفس الوقت عائلي خليه في بيتكم اذا كان كبير ورتبوه ترتيب 5 نجوم وصدقيني الناس بتنبهر بالعرس اكثر خاصة ان التنظيم سهل اتفقي مع اي وحده او واحد متخصص تنضيم حفلات وهو بيعرض عليك الافكار والاسعار وانتي اختاري الي يناسبك وقبلها بيوم يجون يسوون كل الترتيبات وانتي قاعده .. اتمنى تعجبك الفكره