الحلقه الأخير ه من سواليف الضحى ....
ألف الصلاة والسلام عليك ياحبييييييييييييييييييييييييب الله محمد
لللللللللللللللللللللللللللللل لللللللللللولي :icon28:
للو للو للو للو للو للو للو للو للو لي لي لي لي لي لي لي لي لي
كلللللللللللللللللللللللو ش لا لولولولولوش لا قلللللللللللللللللوس لا
بسم الله منسيه وش تسوين ؟
تحضرين جن ؟
انا بسم الله الرحمن الرحيم والله ان كنت حضرت جن فأنت أول من حضر يمه ..
بنت !!!!!!!!!!!!!!! طاااااااااااااااخ الظاهر ناسيه اني امك ...
يووووووووووووووووه وش هذا يمه ؟ والله لو اني باقي بزر عندك ما كني بتزوج في يوم من الأيام .
أمي : أحسن .. والله انها داعيه عليه امه وأبوه والقبيله كلها .. المهم وش تسوين ؟ يالله يمه هذه مفاجأة جديده بسويها في زواجي ..
امي : الحين العريس باقي ما شاف وجهك وانتي بتسوين افكار جديده للزواج ؟ أنا .. أوووووه أجل ما قلت لك اني بديت اجهز وادبش لنفسي ؟ أمي : ايش ؟ وش تقولين ؟ ومن وين جبتي فلوس ؟ انا : لاتخافين ما رحت آخذ من الفلوس اللي مخبيتها في شراب تحت سريرك يمه .. هههه تحسبيني ما اعرف عنها ؟ هذه من عرق جبيني .. من المشغل .. امي : الحمدلله طيب وش المفاجأه الجديده ؟اللي بتسوينها ؟ انا : لاااااااااااا كيف تصير مفاجأه ؟ قالت انا امك وقلت وانا بنتك والظفر طول عمرة ما يطلع من اللحم وخلاص روحي يمه انا مسامحتك دنيا وآخرة وقلبي غضبان عليك ليوم الإيامه اهي اهي اهي .. نفس الصوت اللي أول أعلاه أو أدناه ما عاد افرق .. طااااااااااخ
امي : انتي امي والا انا امك ؟ انا : يمه وش اسوي اذا اندمجت مع شخصيه اتقمصها لو انها شخصيه أبويه مو بعيد بكرة اطلقك ... قالت امي : يااااااااااااااااارب تاخذ البنت هذه لبيت زوجها وتفكني من غبائها .. وانا اقول آآآآآآآآآآآآآآميييييييييين ..
وعشان الدعوة الحلوة هذه انا راح اقولك وش المفاجأه اللي بسويها بس يا ويلك لو قلتي لأحد عنها .. أمي : اللهم طولك ياروح خير وش المفاجأه ؟
المفاجأه هي
هي
هي
زغروطه جديده ..
أمي نعم ؟ قلت يمه مو كل وحده تجيب في زواجها فكرة جديده ؟ كوشه .. فستان .. زفه .. مدري ايش ؟ وكلها مكلفه وعلى قله سنع الله يديم النعمه ..
عشان كذا قلت اجيب زغروطه جديده في زواجي غير مكلفه .. ومبتكرة .. وجديده ,, ومحد فكر يغيرها ..يعني 4x1 قالوا لي عن السلم الموسيقي للنغمات ودروت عليه في بيتنا مالقيت الا السلم اللي على السطوح وأخذت العصايه الحديد اللي عندنا وجلست اخبط بها على السلم ومنها ظهر اول اختراع عربي سعودي منسي 100% السلم الموسيقي الجديد للزغاريط هاهاهاهاهاهاهااهاهاها
امي : !!!!!!!!!!!!!!!!!!!!!
هاه يمه وش رايك ؟ عجبتك المفاجأه ؟ ترى راح اسويها في زواجي لا تقلقي كل شيء سوف يكون على ما يرام ..
أمي : !!!!!!!!!!!!
كويس قل تفاجئك عن السطر الأول صح ؟
أمي : !!!!!
انا متأكده انه هالمرة رح تكونين أكثر سعاده مو ؟
أمي : !
طراااااااااااااخ .. ( امي طاحت على الأرض من طولها )
أنا : يمه ههههه لا تقولين ان المفاجأه ممكن تسوي في الحضور كذا ..
يمه بالله اتركي الإستهبال وقومي اشوف ..
قربت من امي اكثر وصرت اهزها لما ما جاوبتني وصرت ارش على وجهها من عطور جهازي
يمه .. يمه .. يمه .. يماااااااااااااااااااااااااااا ااااااه
ابوياااااااااااااااااااااااااا ااااااااااااااااااااااااه غيثثثثثثثثثثثثثثثثثثثثثثثثثثثث ثثثثثثثثثثثثثثثه ياناس ياعالم الحقوني امي مااااااااااااااااااااااااااااا ااااااااااااااااااتت
طرااااااااااااااااااااااااخ :024:( نفس الصوت اللي اعلاة واللي اعلى منه ) الحمد لله امي ما ماتت ..
يمه وش بك ما متي ؟ لايكون حامل ؟
امي : الحين الناس يقولون الحمدلله على السلامه وانتي تقولين ما متي ؟
والله لو ماأخاف من الله اني لأتبرى منك ليوم القيامه على هالعقل ..
يمه مو انا اللي قومتك من الصياح المفروض تشكريني ؟ امي: لا والله انه ريحه الخياس اللي شميته .. وشو هذا ؟
يمه هذا عطر من عطور جهازي ..
أمي : تكفين بالله عليك لاتحطين منه ارميه على طول لايشمه فيك عشان ما ترجعين علينا ..
(حطمتني يا أماه سامحك الله :(.. وبلاش أقول عن يوم الإيامه شيء )
امي : وش ذا الزواج النحس اعوذ بالله .. المهم العريس اتصل ويقول انهم يبون الشوفه بكرة ؟؟
أنا ايش ؟ بس باقي ما نحفت ؟ امي : بالله عليكي ؟ الحين تفكرين ؟ مو كنت دايما اقولك انحفي ؟ خسسي ؟ السير طايح من يوم جبناه الى الحين ؟ يالله طبخ طبختيه يالرفله أكليه ..
أنا : ياويلييييييييييي خلاص انا رايحه .. أمي : وين ؟ انا : باكله .. يوووووووووه
اقصد خلاص اقتنعت بروح اجري على السير :7_5_127:.. امي : الحين ما عاد ينفع ...
أنا : يمكن تروح شحمه منا والا منا ما تدرين ويارب ما يجي بكرة الا وانا عووووووود من النحف يعني وانا نايمه ..
امي : الحمد لله والشكر .. المهم جهزتي لباس الشوفه ؟ انا : يس ( وبكل ثقه ) قالت امي وريني لاتجيبين العيد قلت نو امبوسيبول ( يعني لا ولا في أحلامك ) طبعا امي استسلمت لأنها تعرف اني اخذت رأي وحده من زميلاتي في المشغل وعرفت انه راح يكون احسن من ذوقي ..
واروح اركب على السير وامشي وامشي وامشي ليييين نزل عرقي اللي اول مرة اشوفه ينزل من المشي وحسيت براحه نفسيه ..
المهم جلست افكر .. بتسألوني في ايش .. في اهلي كيف اقدر ابعد عنهم ؟ كيف يعيشون بدوني ؟ كيف ممكن ياكلون ويشربون من دوني ؟ وابكي وابكي :icon33: كني اليوم بروح بيتي الله المستعان ..
عاد هنا تذكرت الجانب الإيجابي اني بروح واجي وطلعات وفلات وحركات لها اول مالها آخر جلست افكر كيف ممكن العب معه ؟ وفكرت في العابنا اللي نلعبها انا واخواني .. اللي يمر من جنب الثاني يمد رجله ويطيح هاهاهاها .. أو أخرج له من ورى الباب وانا نافشه كشتي يووووووووه والله ليموت وابتلش .. والا اذا واحد كان قبل الثاني على الدرج الثاني يدقه هاااهاهاهاهاها واااااااااي بموت من الضحك وانا اشوف خطيبي يطيح من الدرج وهو يضحك وبعد ما يقوم يعطيني وردة مدري من وين يجيبها بس يجيبها الله .. لكن الشيء الوحيد اللي مو موجود في المعرس وجهه اتخيل كل شيء فيه الا مكان وجهه اسود ظلام ..
مو مشكله اهم شيء التجهيزات .. والتي هي ..
ملابس الشوفه .. جزمه الشوفه .. تسريحه الشوفه .. عطر الشوفه .. ومفرش السرير (لاحد يطالع ترى شفته وعجبني ما يصلح الا لسرير مزدوج ) :S_45: بس ..
.............................. .............................. .............................. ..................
الخط المقطع يعني تششششششششششش بلغه التلفزيون كنا نايمين !!
يمممممممممممه اليوم اول مرة اكشف وجهي الصبوح المنور هذا لرجل غريب ..
الله يستر ما يحصل صدمه طبعا لي .. امي : انتي باقي ما لبستي ؟ انا : لا ... احنا ظهر ..
المعرس بيصلي العصر ويجي .. انا : نعم ؟ ليه رايحين سوق الغنم ؟ قالت امي خلاص نقول له لايجي انا: لا خلاص والله لو يجي فطور بس لاتردونه .. ما صدقت متى يجي
امي راحت وهي تضحك .. فديتها كم سأشتاق الى هذه الإبتسامه .. ودمعت عيني ..وقمت البس طبعا بعد ما تغديت وعينت من الله خير لايجيني دوخه والا اتخيله نوع من الأكل ما يدري الا وكراعينه مع حلقي مثل ابله مرزوقه ؟؟
اخذت ملابسي وهي .. مشد من نص البطن الى نص الفخذ .. بلوزة حمممممممممراء منقط بفوشي واخضر وفيها شرايط موف وبرتقالي اصغر من مقاسي عشان تحجمني ولا تخافون المشد راح يضبط الموضوع .. تنورة استرتش زهري مخطط بأسود لزووووووووووووم الإغراء ( ادري انكم بتسألوني من وين جبتها هذي ياطويلات العمر من سوق الهنود ليييييييش ؟ عشان اسوي اغراء مثل الممثلات الهنديات بألوانهم اللي تهبل ومن هنا نبعت فكرة الشوفه الهنديه وهذا ابتكاري حصري نصيييييحه لايفوتكم ) بدينا اللبس بسم الله وهذا المشد .. اااااااااااااااااه امممممممممم اففففففففف اححححححححححح وش فيه ما يطلع وجع ؟ هااه اكيد لأنه مقلوب .. جيت اقلبه مرة ثانيه الا والله نفس الشيء قمت شغلت الوناناااااااات يماااااااااااااااااااه غيثااااااااااااااااه تعالوا لبسوا العروسه وبدت عمليات الإنقاذ وكل وحده تشد من جهه آآآآآآآآآآآي يمه وجعتيني امي : وجع هذا شحمك ما جبته من جيبي .. انا بس برضه يمه رفقا بالقوارير .. امي: والله انك تنكه مو قارورة اسكتي بس .. وانا عيوني تدمع وبدأ نفسي يتضايق بس وش نسوي نبي الزين اهي اهي اهي .. ما خلصوا الا وانا بموت 3 ياهووه كلنا يديننا فيها من التسلخات ما الله به عليم صارت فخوذي يااااااابسه وكرشي مقسمه الى قسمان لا ثالث لهما :11:.. واجي البس البلوزة الله لايعيدها من بلوزة بألف كلفه دخلت وبرضه بمساعدات خارجيه ودعم لوجستي .. يا الله صرت امشي ويديني مستحيل تتلاقى مع بعض امشي ويديني طايرة كل وحده في ديره تعرفون يوم بتسوين يدك طيارة ؟ هذه انا .. جيت عند التنورة هذه ما قدرت البسها ما وصلتها اصلا شحمي متكتل على كل مكان مو قادره اشوف شيء .. عسى بس ما يتفتق خياط الملابس وانا عند الرجال .. شعري امي سوته لي وانا منسدحه على بطني ما قدرت اقعد من هاللبس لمته كللللللللله على روى وغطت جبهتي بخصل كأني في الإبتدائي ( ادري بتقولون ليش ما اعترضتي كالعاده ؟) بقول اصلا مايمديني آخذ نفسي عشان اقعد اصارخ ومشيت حالي والمكياج روج احمر وأحمر خدود احمر وظل احمر وعدسات حمر .. وبرضه وانا منسدحه بس هالمرة وانا على ظهري وكل الإكسسوارات من المضيئه ومكتوب عليها love you ومعي شنطه مخططه بكل ألوان التلفزيون اللي تجي أول ما يفتح يقولون انه العريس اذا جاء يجيب معه هديه وهذه احتياط .. وما خلصت الا والعريس عند الباب ..
واااااااااااي وصرت اتدربى مع الدرج ويديني على شكل طيارة وشعري يلفح وريحه الحلبه تكتم واخواني وااااااااااااااااا مدري ليش يصيحون وانا دربج دربج دربج مع الدرج .. لين وصلت ما مداني الحق على شيء حتى السيارة ما شفتها .. ياااااااااااااه وش ذي التنورة كل شوي تلزق فيني واجلس بالقوووووووووة امد يدي واسحبها وهي لالالالالالالالالالالازقه كنها جلدي .. الله لايعيد الإغراء .. وشوي الا ابوي جاني وقال ترى المعرس اسمه حمد .. قلت اخس يابو راشد ..قال احد فهمك على موضوع الزواج ؟ قلت نعم قال وموافقه حطيت راسي بالأرض ونفس دلع فضه بس على كتمت صدر الشور شورك يايبه بس لو تبي رأيي تراني موافقه :icon19:..
قال على خيرة الله تعالي وخذي معك عصير والا شيء قلت والله مثل ما تشوف طال عمرك ما اقدر احط يدي على يدي الثانيه هالمرة اشيل عصير ؟ قام شاله عني (غريبه اول مرة احس ابوي يسمع كلامي ويحترمني وهذه احدى فوائد الزواج ) وامشي ورى ابوي واخواني ميتين ضحك وانا مقهورة ودي اسطرهم لكن ما علي من العذال وامشي بكل فخر وحاطه عيني في الأرض واحاول اتفكك من تنورة الهم هذه امشي واشد .. الا واسمع كح كح كح وفديت الصوت شرق خطيبي بالعصير يوم شافني اكيد .. وزادت الكحه وانا مستغربه وارفع راسي ادور المعرس ما لقيته صرت ادور عليه بالمجلس ما لقيته الا فيه مخده في ركن رفعتها طلع تحتها شااااااااااااااااااااااااااايب متغطي بجبته ياخذ الدواء ويضحك لي وما معه ولا ضرس قلت له ياعم تبي اسعاف والا جاي تشحذ ؟ قال لا جاي اخطب :28:..
مطلوب سيارة اسعاف فورا وتكون شوي واسعه الله لايهينكم :11retcher ..
فور روز @for_roz
عضوة جديدة
زواج منسيه قلبها ابيض آآآآآآآآآآه يا بطني .. الحلقه الأخيره لاتفوتكم هههههه
22
2K
يلزم عليك تسجيل الدخول أولًا لكتابة تعليق.
فور روز
•
هههههههههههههههههه
الله يسعد قلبك ياعسل ...
اما الدعوه هذه المفروض يدعون بها في الحرم بعد خخخخ
يسلمو يالغلا ..
الله يسعد قلبك ياعسل ...
اما الدعوه هذه المفروض يدعون بها في الحرم بعد خخخخ
يسلمو يالغلا ..
الصفحة الأخيرة
والله شي هذي سواليف الضحى
صراحة ابدااااااااااااااع
جوزيتي خيرا
وزوجتي شيخا
وانجبتي جيشا
شرايك بالدعاء