زوجااات فى شهر العسل

أولاً
تقول الاخت زياراتها للمطاعم مع اهلها كانت قليله المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وماقدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار ************ طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها هااشوفك منتي مشته يهوهي خلاص دوروها مسكينه ما تلقونها


ثالثاً

في وحده شعرها دايم يحتاجله سشوار مهو بناعم المهم السشواراخترب مادري وش صار فيه عاد هي ذكاءها قادها لفكره جهنميه وش سوت راحت على طاولت الكوي وانسدحت وهاتك يا كوي بهالشعر وبرضه زوجها سوالها صادوه يوم دخل واختنا في الله تكوي منسجمه الرجال انهبل على باله تزوج وحده ماهي صاحيه(( الله يشفيها ))

رابعاً
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه مير تطير الزيتونه وتصقع وجه الجرسون وهو ياخذ الطلب اتقام قال عنا في لبنان ناكل الزيتون بايدناعاد مير ما اسكت وأنثبر قلت غريبه حنا عنا بالسعوديه نصيدها بالشوكه وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ


((خامسا)) بس قوووويه


يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام وفي مرة من المرات وهي معزوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها
منقوووول
اتمنى مايكون مكررررر