نصيحتي لك 

انك تتجاهليها انتي وخواتك وامك 

اهي اول ما دخلت عليكم وهي مو حابتكم ولا حابة تآخذ وتعطي معاكم 

وسوت حاجز بينكم وبينها 

خلاص براحتها 
ولا تقتهرين 

خلي علاقتك فيها رسمية 

لا تعطوها اكثر من حجمها 

ولين جات عندكم وما حبت تتكلم 

خلاص بكيفها ،، طنشوها ولا تقتهرون ولا شي 

ريحوا انفسكم 

ولا تفكرين انك تكيديها او تأذيها 

يمكن هي طبعها كذا  ،، وفيه 100 سبب وسبب لتصرفاتها هذه 

والاحتمالات كثيرة 

اهلها محذرينها ان الزوجة ما ترتاح الا لما تحط حواجز بينها وبين اهل الزوج 
او من صديقاتها 
او هي عندها قناعة كذا في عقلها 
ما نقدر نخمن ايش هي في نيتها او كيف تفكر الحرمة 

بس الواضح من تصرفاتها انها ما حبتكم 

بس خلاص الحب مو غصب 
دامها متوافقة مع اخوك ومرتاح معاها واهي كويسة معاه 

طنشوها 

ووجودها وعدمه واحد 

كل الي عليكم انكم تحترموها في وجود اخوك 
ولما تجيكم عاملوها معاملة الضيوف 

واذا هي ما تعرف السنع ولا الاصول 
ولا تكرمكم لما تزورها بهذا الشي ينقص من قيمتها مو من قيمتكم ويدل على مستوى اخلاقها في التعامل مع الناس 

لا تحطين عقلك بعقلها 

واضح ان عقلها صغير واخلاقياتها محدودة

لا تتعبين نفسك وتضيعين وقتك بالتفكير بتصرفاتها الفظة

كسروا عينها بسنعكم لما تجي عندكم عشان تبينون لها انكم تتعاملون مع الناس باخلاقكم الطيبة
وما تردون الاساءة بمثلها

 

لا كذا يعجبكم ولا كذا عاجبكم ،،، اسأل الله ان يكفيني ويكفيها ويكفي كل وحده متأذيه من اهل زوجها

الله يكون في عونكم على زوجة هالأخو ، بعضهم فاهم الرسميه غلط ، خلوها في حالها ، وعاملوها بأصلكم والله الي مطلع على السرائر . 

مين خطبها لاخوكي ؟

اخوكي شافها عجبته ؟

مرتاح معها ؟

مين اهم عندكم هي ولا سعادة اخوكي ؟

ليه تندمي على نصيب الله كتبه عليهم مو انتي الي كتبتي النصيب انتوا سبب كان هالسبب ممكن يتم او لا

اذا كونها بلحالها وتكلم اهلها شي طبيعي توسع صدرها مع امها واخواتها تربت معهم وتعودت عليهم

لكن انتوا توكم جدد ناس داخلة عليهم جديد لاعرفت خيركم من شركم يعني عروس لكن ودك تبدي وتقهريها

ليه وسعي صدرك تراها زوجة اخوك ان كانت كويسة لنفسها وان كانت شر هي الي تحمل وزرها وان كان

تعاملكم معها كويس فالتعامل لله مو لها ولا له داعي الحركات القديمة تقهروا حريم الاخوان بعض المفروض الواحدةمن

نفسها تحبكم ماتسوي الشي عشان الغيرة هناك فرق اذا جت عندكم قهوها عادي بس لاتتكلموا معها عشان خاطر اخوكم

الي ماتزوج الا عشان يرتاح ماله داعي المسكين يحس بالمشاكل والغثا وهي لو سمعت من اهلها او من احد عن اهل الزوج

وخافت انتوا اثبتوا لها العكس بحسن تعاملكم معها

لاحول ولاقوة إلا بالله
ذا الحرمه فاهمه الرسميه مع أهل الزوج غلط الله يهديها
تفكر الرسميه باللعانه والحقران وإنها ماتكرم أهل زوجها إذا زاروها
هالحرمه صدقيني ملعوب عليها وجالسه تمثل عليكم دور الرسميه إلي مالها سنع أبد
ذي مهب رسميه ذي قلة أدب وحقاره الله لا يبلانا

عندي زوجة أخوي الله يحفظها بصراحه من النوع إلي ماتفتح فمها بكلمه
كلمه ورد غطاها وطول الوقت عند أهلي مستمعه نادر جدا تدخل بنقاش
بس الحق البنت محترمه وحنا إحترمنا أسلوبها رغم إنها مع جماعتها عادي
بس الحق لما أزورها أو تزورها أمي تطير فينا و توجبنا ولا تقصر أبد
وراعية هدايا وتاخذ الوالده معهم لا بغو يروحون عمره أو يتمشون ببر أو غيره
يعني محتررررررمه رغم صمتها بجمعتنا بس شي راجع لها

لكن هذي لا مسكينه فاهمه التشخيص غلط والثقل غلط
أنا برأيي و حطيت نفسي بمكانك بما إني ما أحب الغلط والسماجه
لا زرتها ولا تسنعت معي وعاملتني حالي حال الموجودين عندها وتجيب لي قهوه معدومه
بقولها لها بالوجه بقول وش دعوا يا فلانه ماعندكم غير هالقهوه أخبر أخوي ما يقصر
وخليها تاكل تبن وتعرف الإحترام و إكرام الضيف وتستحي على دمها

وإذا زراتكم وإعتمدت الصمت والنظرات إلي مالها داعي إسحبو عليها وعيشو
جوكم وسولفو وخلوها صفرررر ع الشمال

أنا مع مصارحة الأخ وبأسلوب لطيف وخاصه إذا الأخ حبيب وطيب
إذا قال تسنعو لزوجتي حطولها وسو لها بمسكه على جنب وبقوله يافلان
زرتكم وخاطري واقف ولي حصل كيت كيت وأنا ما كنت بقولك وخليتها بقلبي
لإني ما أبي أسبب خلافات بينكم لكن من شفتك تقول تسنعو لها وهي
ماقدرتني ولا أكرمتني بزيارتي لها وكأنها مغصوبه تستقبلني مايصير كذا
ولا أتوقع بترضاها علي
وقولي له مابقلوبنا شي عليها بس لا يمكن نعاملها معامله رائعه وهي ماتشوفنا شي

أنا مع المصارحه لازم الأخ يفهم ويستوعب إنه الطرف الثاني مقصر
وهي ماراح تتعدل وتعملكم قيمه إذا مايوصل لزوجها شي من عمايلها !!

وبخصوص إنها قالت لك لا تجين أبطلع وتكون ما طلعت هذي ماشوف فيها شي
براحتها يمكن تبي تجلس لحالها
بس عدم إكرامها لك يوم تزورينها قويه بصراحه وقلة حيا آعتبرها