ياالله عسى كل يد ردت على موضوعي للجنه يارب يارب يارب والله ردودكم تهبل بردت قلبي في ردود كثيره اعجبتني فاهمين وضعي ومقدريني ... لكن الاخوات اللي فهموني غلط اني حشريه ومابخليها لحالها انا ماني ميته عليها هي تخاف تجلس لحالها واخوي طلبني قالي تكفين تعالي مابخليها لحالها لاني مطول وانا والله لخاطره ولا انا متزوجه وعندي اطفال وفاهمه ان الزوجه لها استقلالايتهاا ويشهد علي الله اننا محنا حقين لاقفه  وتطفل واننا عزيناها والمشكله تقرب لنا حيل يعني ماهي غريبه عنا .... ومشكورات كلكم للجنه يارب 

شوفي انتي ماتقدرين تحكمين على عروس توها داخله حياة جديدة وصعب عليها وتلقينها ماخذه نصايح لليل او متعقددده او بزر او اخوك قال لها خليك رسمية وفهمت انكم راعين مشاكل
خذي هالاعذار لها علشان ماتنقهرين مااقولك ماانقهرت وتخيلت نفسي مكانك الا يقهررر ونصص مزوجينك اخوي ومبسوطة معاه وفالنهايه تتنكرين لاهله قلة خاتمه ذي
عموما خليكم رسميين جدا علشان اخوكم بسس واذا زودتها بكم موقف سوي زي ماقالت منجو لازم احد يوقفها عند حدها وش هالمسخره تمسخر اخوات زوجها
تحملوها علشان اذا قلتي لاخوك يصير عندك شي مقنع وتقولين له الاولي والتالي من يوم الزواج
سلامات تحكم عليكم وهي ماعاشرت الا من جهل فيكم
ولازم تعلمونها السنع والاحترام مو علشانها علشانكم انتم لان اشوف زوجة الولد هي الواجهه
الله يصبركم عليها ويصلح بينكم

الا من جهل فيها*

سيبوها في حالها وعاملوها بالمثل ان جتكم حياها الله وان ماجتكم الله يستر عليها

من تجربتي بحكيلك إذا كانوا أهل الزوج كتير مساكين وبدهم زوجة أخوهم تصير وحدة منهم وبدهم يحبوها وتحبهم بتتحاقر متل هيك ، أحسن شيء بس تيجي عندكم هي والكرسي واحد ولا كلمة تكلموها ، وتعمدوا تضحكوا وتفلوها مع بعض وتنكتوا وتضضضضضحكوا قدامها بس انتبهوا لا تطلعوا أسراركم وهبلكم كله قدامها
لا تزوروها إلا إذا هي اتصلت وطلبت منكم
وشكلها حدا معبي راسها عليكم فمع الأيام بتصير أحسن ، و أخوكِ إذا قلكم دلعوها قوليله ترى عشانك بنعمللها بس هي ما تستاهل، بصراحة مافي داعي تتمشكلوا وتعملوا مشاكل ، بس أخوكِ لازم يعرف أن أسلوبها معكم هيك بس يعرف .