زوجة اخوي ماتبينا نتعامل مع اخوي حسبي الله عليها

السلام عليكم ورحمة الله وبركاته

قبل يومين كنت بزياره لاهلي وكان فيه اخوي وزوجته - متزوج من اربعة اشهر -
المهم هو عنده عمل في لندن لمدة عشر ايام وقالنا تبون شي من هناك قلنا لا قال الله لايحللكم اذا ودكم بشي ومستحين تطلبون قلت له خلاص اجل ابغى عطورات وكتبت اسماء العطورات وارسلتها له واتس اب وعطيته الفلوس مقدم واختي تبي فرش ميك اب وورته الصوره والاسم وعطته الفلوس مقدما وطبعا كل هذا قدام زوجته
الخلاصه يابنات اني لما رجعت البيت جاني وتس اب من زوجة اخوي تقريبا الساعه 2 الليل كاتبه : هذي اخر مره تطلبون من زوجي طلبات وبلغي اختك
انا يابنات قعدت متنحه حول الربع ساعه مو مستوعبه اللي مكتوب وراسي شب ضو وعروق راسي تنبض وجتني نفاضه من الصدمه والعباره اللي قريتها وبعدين صورت الشاشه وارسلتها لخواتي قالوا هذي مجنونه رسمي وبنعلم اخوي قلت لا اسكتوا تكفون وفكونا من المشاكل ومن بعدها يابنات واحنا مو عارفين شلون نتصرف
للعلم هي شخصيتها انسانه كتومه وجامده يعني مو راعية سواليف ومن تقعد الين تطلع تسولف سواليف بسيطة وماتضحك ولا تبتسم واحنا اعتقدنا ان هذا طبعها معقوله ناويه لنا شر واخوي المسكين مو داري بشي
انا مدري اقول لاخوي او لا واذا كلمته وش اقول له اقول خلاص مانبي شي طيب واذا سالني ليش والله مشكله
للعلم امي ماتدري وماقلنا لها مانبي نضيق صدرها