ﻻزم تبلغي اخوك برسالتها حتى يعرف مرته وتعرف هي انكم ماتسكتون على الغلط

هذه الخبله من اخواته غارت كذا اجل ﻻراح اخوك لندن وشافت الحياة المفتوحه هناك وش بتسوي


الله يعين اخوك عليها بتشيب به قبل اوانه

انتبهوا منها هذي خبيثه جدا

قدام اخوك ساكته و من وراه تكلمت و شكلها شافتكم خوافات و طيبات قالت خل استقوي عليهم عشان معد يطلبون

لا حبيبتي لازم تعلمين اخوك وهذا اختبار لكم اذا سكتوا بتعرف انكم خوافات درجة اولى و بتلعب بعقل اخوك

وتصير قدامه الطيبة البريئه الكيوت

لكن اذا علمتيه مب تعلمينه بهووواش .... لا اضحكي معه و قولي خلاص يخوي ادري بك ما تقصر لكن لاتتعب نفسك بطلباتنا كننا ما طلبنا شيء

بيقول ليييه ؟ قولي مدري خفنا بعد رسالة زوجتك اننا مسخناها شوي

ووريه الرساله وجه لوجه عشان لا تكذبكم وتقول مزورة ..... وريه جوالك

استغفر الله العظيم صدق سفاهة و قله تربيه

الحين مرسله ٢ الليل لهدرجة متضايقه ومانامت تفكر في طلباتكم له هذا وانتم دافعين له فلوس وهذا وهي مالها الا ٤ شهور اجل بعد سنة وش بتسوي؟!! ياجراءتها هذي ينخاف منه لاتسيطر عليه او تعبي راسه عليكم ويصير مايشوفكم الا بعيونها هي وطريقة كلامها عنكم لاتقولين اخونا وتربينا سوا ماتدرين عنه بعد الزواج لذلك لازم يدري عنها من بدري ويتخذ موقف من بداية حياته معها ويعلمها السنع ويحط لها حدود الاخوات اخوات والزوجه والزوجه وكلن له مكانه وحدوده لاتسكتييييييين تطول وتشمخ مع السنين ويتغير اخوكم يمكن تصك بابكم عليه ومعد تشوفونه ثم تقولين ياليت وياليت وهي معد تنفع لو انا لاارسله قبل اخواتي قال ايش زوجي ترا ماصار زوجها الا من ٤ شهور بس لكنه اخوكم وطالعين من بطن واحد، قهرتني قسم بالله.

انا قلتلكم امس اني بقوله اني خلاص ما ابغى الاغراض لا انا ولا اختي واذا قال ليش بوريه الرساله
اليوم طبعا ارسلت لخواتي وقلت وش رايكم بالفكره قالوا بكيفك على الاقل يصير عنده خبر
المهم استنيت الين بعد صلاة المغرب لاني اضمن انه بهالوقت خلاص طلع من الدوام واكل وارتاح لاني مابي أنكد عليه وهو في الدوام او وهو توه جاي من الدوام
مسكت جوالي وسميت بالله وكلمته واتس اب وسلمت عليه ورد على طول طبعا
وقلت خلاص الاغراض مانبيها مانبي نغثك كنسل الطلب
قال يابنت الحلال مافيها مغثه
قلت الا فيها مغثه زوجتك منغثه
قال انا اللي بجيبها مو هي
قلت بس هي طلبت مني اني ما اطلب منك شي ابد
قال متى هذا قالت هالكلام انا موجود معاكم ماقالت شي
قلت ماقالته واحنا قاعدين بس ارسلت لي واتس اب وقالت لاعاد تطلبون شي
قال انتي متأكده
قلت ايه متأكده تبي ارسلك كلامها
قال اوكي ارسليه
طبعا ارسلت الصوره
قال تراها تمزح معاكم او تسوي فيكم مقلب
قلت احنا مابيننا اي علاقه عشان يصير بيننا ميانه عشان تسوي فينا مقالب
قال اعتبري نفسك ماشفتي شي وخلينا على اتفاقنا
قلت اوكي


طبعا الحوار اعلاه انا كتبته باسلوبي بس نفس المعنى لاني مابي اكتبه مثل ماهو اخاف انعرف
المهم الكلام هذا كله تقريبا الساعه سبع ونص ومن خلصت ارسلت لخواتي ووريتهم وانتهى الموضوع

الساعه تسع ونص تقريبا اتصلت اختي وخرشتني قالت روحي بسرعه وتس اب شوفيها وش كاتبه وقفلت منها على طول و لقيتها كاتبه الوضع حق الوتس اب ( لاتظلمن اذا ماكنت مقتدرا فالظلم اخره يأتيك بالندم )
تتوقعون تقصدني :humm: لانها ماعمرها كتبت عن الظلم وهالمواضيع دايما تحط استغفار او تسبيح وحاطه صوره يدين مرفوعه تدعي لاول مره واول دايما تحط صور طبيعه او وروود او عيال اختها :huh:

شكلها قالت له ان الرساله مو منها تلقين قالت اختك مسجله الرقم باسمي بتسبب مشكله لي معك
خلي المحادثه نفسها معاك علشان يشوفها اخوك بنفسه
وطز فيها انتي لاظلمتيها ولاتبليتي عليها
مع اني قلت لك لاتقولين لاخوك شي بس الحين المحادثه دليل قوي في حالة قالت الرساله مو منها