اختي الفاضلة
انا اضم صوتي الى صوت الوردة الندية
والحقيقة ما قصرت

............
والله يفرج همك

والله حبيبتى مو بعيدة تسوى هالسوالف بس علشان تقهرج .. أنا لو عنج بسرعة أقول له : اتصدق لما تسولف مرت أخوك أتذكر سوالف جدا مهمة أحب أقولها لك .. بس خلاص أقولك انت وبس بعدين ... وأخليها تبطل هالحشرة من سوالفها ..

ولا تنسين بعض الرجال يتأثرون بسرعة ويندمجون مع حريم الغير وينسون أنفسهم .. شعورج وشعور أختى المسكينة نفس الشى ..
بس أختى أصعب لأن زوجها يقول لها قدام الناس عبارة ( انت ايش عرفك أصلا ؟؟ ) وهذى بحد ذاتها اهانة لشخصيتها والله يعينها ..

شفت ان حالتج أهون من حالة أختى المسكينة .. اللى دائما زعلانة !! ( الله يعينكم )

اختي العزيزة ( روح زوجي) انا دائما مع المصارحه بين الزوجين لاتقعدين تحرقين في نفسك وزوجك ماعنده خبر ان هالشي يضايقك، قولي له باسلوب لبق انه مايعجبك كثرة السواليف مع زوجة اخوة وان هالشي يضايقك وخصوصاانك حاسة انها تتقصد هالشي وصدقيني حتكون مشاعرك اهم عليه من مشاعر زوجه اخوة. واذا نويتي تفتحين الموضوع لازم تراعين الوقت الصحيح والحاله النفسيه المناسبه لكم اثنينكم.
وبالنسبه لسلفتك ياختي صفي نيتك تجاها ولاتخلينها اكبر همك في هالدنيا عامليها بالطيب ولاتدققين في صغائر الامور وترفعي عن التصرفات التافهه والكراهيه واللي ماراح تجنين منها الا الشر واضاعة الوقت وتدمير المشاعر.

انا تقريبا كنت اعاني من نفس المشكلة ...

و من رايي انك تستخدمين هالاسلوب اللي راح اقولج عليه لانه ياب معاي نتيجة .. هو انج لازم اتصارحين ريلج بهذا الشيء .. لكن بهذه الطريقة ... انج اتيبينها من هاذي الناحية ... على انها سالفة عادية ... تقولين انج انتي مستغربة على حرمة اخوج هاذا التصرف ... وانج انتي تستحين ترفعين عينج في عين اخوه .. (تمدحين نفسج ) لانج في بيت ابوج ما اتعودتي انج تكونين جي مع غير محارمج!!!! وخذي واعطي معاه بهاذي الطريقة الين ما توصلين ان كيف اخوك يرضى على حرمته انها تكلمك بهذي الطريقة .. و كيف ما يغار ؟؟؟ عقب قوليله يمكن هو مب راضي بهذا الشيء لكن زوجته الله يهديها مب من النوع اللي يحاسب على احاسيس ريلها ... و انتو تسولفون، اساليه عن رايه في هذا الموضوع ..
وجريييييييييييييييه بالكلام الين يقول انه هذا الشيء غلط .. من يتلفظ بهذا ... قوليله شو رايك عشان تراعي مشاعر اخوك .. ابتعد انت و لا تعطيها وجه ... و ان شاء الله يقتنع و تكونين انت العاقل اللي تبين الشيء الزين حق البيت ..


و بعدين اني اقولج شغلة .. دايما احسني الظن في الناس ... ممكن هي ماتقصد انها تضايقج و لا شيء مجرد طبع و عادة خذت عليها بسبب الجو اللي عاشته في بيت اهلها ... ودايما هذا النوع من الناس اكسبي الاجر من وراه .. اول شيء اكسبيها في صفج .. اتوددي لها ,, و اتقربي منها بنية اصلاح الافكار السيئة عندها ... و بعد ما تميلين قلبها لج (بالهدايا فهذه اسرع الوسائل... كما قال الرسول صلى الله عليه و سلم تهادوا تحابوا)
ثم ابداي بنصحها ستجدينها باذن الله كالاخت سمعا و طاعة ...


اتمنى اني اكون افدتج ... و اسمحولي

حبيباتي .. ابغي اعرف رايكم في الخطة .. :)

و حبيبتي راعية الموضوع اذا عجبتج الخطة و سويتيها ,, الله يخليج .. اتطمنيني عليج لاني و الله حاسة بالنار اللي فيج .....

و لاتنسين تدعينلي