بنات يمكن تتهجمون علي بس حبيت اقول لكم الوضع اللي انا عايشته.. اولا مادري ليش انتي تغارين منها؟؟؟هي بتخطف زوجج؟؟هي متزوجة وتحب زوجها بس اكيد تعتبر اخوه مثل اخوها...شوفوا انا زوجي امه اجنبيه وزوجي واخوانه كلهم درسوا بره فمساله الاختلاط كانت عادية عندهم ووطبيعية وانا بعد كنت ادرس بره وكنت عايشة عند صديقتي وزوجها واولادها..وكنا دايما نجتمع على الغدا او كل اسبوع عند بيت اهلها وازواج اخوانها يكونون موجودين...المهم اني خذت على هالوضع عادي زلما تزوجت كنت اتعامل مع اخوان زوجي عادي يعني اسولف معاهم لكن مو وايد ولا ازيد كثير بالكلام يعني بحدود شوي..وواحد منهم كان متزوج قبلي بسنة وزوجته تطرهني كره ولا كنت الاحظ هالشي...المهم في يوم كنت بالصالة وكان بالليل وام زوجي واخته وزوجته موجودين وانا جيت اسال اخت زوجي عن شي وكان علي العبايه وشيلة بس لما ماشفت رجال شلت الشيله وقاعده اتكلم معاها المهم الا هو دخل من وراي (لاني كنت قريب من الباب) وسلم انا على طول لبست شيلتي الا زةجته تصرخ فجاءة باسمه وقالت كلام تشتم فيه وراحت بسرعه على بيتها...هو حاول يتدارك الامر وسلم على امه واخته وطلع..وبعدين اكتشفت انها اصلا ماتحبني وانها تغار مني وايد والكل يدري بس انا ماكنت حاسه بهالشي لاني اساسا اموت بزوجي ومافكر في غيره بس يمكن لان حياتي كان فيها اختلاط عادي ونفس الشي اهل زوجي عندهم هالشي عادي...فلاتسيئين الظن بها وكلمي زوجج وخلاص تفاهمي معاه..لان اخو زوجي صار مايقعد لما اكون موجودة الا اذا هي محد وماتدري عنه..يعني شي من وراها...وعلى فكرة انا قلت من قبل اني ماسولف وايد واضحك واتمسخر بس ممكن اتكلم في شي او اشركهم في موضوع عكسها هي اللي اول ماتشوف زوجي بس ترد السلام وتطلع من المكان لحد ماصار زوجي مايقعد ابد في وجودها وحتى لو انا في بيتي ورجع بسرعه من بيت اهله اعرف انها موجودة لانه مايحب يقعد معاها

إذاكان الكلام من فضه فالسكوت من ذهب .
**************************************************************
اختي صاحبة المشكله

اعانك الله

اولا ابدأي بزوجك
دايما كلميه عن زوجة أخوه مو مدح طبعا لا
بينيله مواقفها السخيفه
بعض تصرفاتها السيئه
معاملتها معك مثلا
وانه لمن يعطيها وجه ويسولف معها يخليها ما تعتبرك ولا تعملك حساب ،وهذا شي كثير يضايقك ويهينك ،قوليله أنت تكلمها وهي ما تحبني ولا تطيقني ،هذا وش معناته ؟
أجل لو هي طيبه معي ؟ وش بتسوي ؟؟
__حاولي تطلعين في بيت لحالكم ،إذا كان الامر صعب لا تخالطينهم
واستفيدي من رد أم ليان الله يحفظها
ويعينها على شكره وذكره وحسن عبادته .

والله معاك