زوجة اخو زوجها بتجننها ......؟؟؟

السلام عليكم ورحمة الله وبركاته
ياحريم صديقتي عندها مشكله بتجننها وصديقتي ماعندها نت فبعرضها انا عليكم
صديقتي متزوجه الولد الاكبر في العايله لها اربع سنين تقريبا هي طبعا حلوه مملوحه ماعليها لكن المشكله
العام اخو زوجها تزوج وحده ملكة جمال مكان ماتتواجد تكون محط الانظار
من شدة جمالها حتى الاطفال يعجبون فيها ويتكلمون عنها العروسه الحلوه راحت العروسه الحلوه سوت
هذا غير مدح امه واخواته لها وطبعا قدام زوج صديقتي
وغير كذا انه خطبها ناس كثير من اقاربها بس هي رفضت تقول ماتبي تتزوج من الاقارب وفي يوم زواحها كانت وحده من قريباتها تبكي عليها تقول ماتمنيت احد لولدي غيرها بس مال ولدي فلان حظ ؟؟؟مع انه خطبها ورفضت
هي صح البنت ملكة جمال وذوق في لبسها ومكياجها ورشاقه ومدلعه بشكل فضيع ومغروره صديقتي تحتقر نفسها جنبها وفوق هذا طويلة لسان عليها كلام زي السم
لاحظت صديقتي ان زوجها يهتم لاخبارها ويسال عنها ومره جاب ورد طائفي قام وزع على امه واخواته وزوجته وقال لولده خذ هذي الورده اعطها لعمتك فلانه يقصد زوجة اخوه (اخذ احلى ورده ) :26:
والمشكله انه صار اذا عرف انها راحت تزور اهله يروح عندهم على طول علشان يشوفهاكان قبل مايتزوج اخوه يسلم من عند الباب الخارجي ويدخل المجلس حق الرجال الحين لا على طول يدخل بكل هدوء الى الصاله عشان يشوف المحروسه زوجة اخوه وبعدين يسلم اذا دخل
ومره كانو رايحين الشاليهات اهل زوجها واخوه وزوجته سبقوهم وهم تاخروا تقول بس نزلنا من السياره دخل على طول ولا فكر حتى يشيل الاغراض اللي جبتها بس علشان يشوفها فرصه ماتتعوض بس ماشافها وبعدين رجع يشيل الاغراض اللي بالسياره
بس للامانه تقول هي ماتعطيه وجه واذا حست انه جاي تطلع على طول وهي حاسه انه يتعمد يشوفها حتى مره قالت لصديقتي قولي لزوجك لايدخل علينا بهالشكل :mad:
ومر يقول لزوجته انتي ليش تتغطين عن اخوي ترى مو من زينك عاد ومن هالكلام اللي حسسها ان زوجها يقارن بينها وبين زوجة اخوه
صديقتي صارت تكرهها تقول احيانا اصلي وادعي عليها تتشوه تنحرق المهم يروح جمالها باي وسيله كانت تقول لما تحمل تخرب بشرتها وجسمها بس العكس صارت اجمل وطلع لها خدود ومتن جسمها شوي صارت احلى من اول
:(