كل اللي خطر في بالي قالوه الأخوات و ازيد ملاحظات بسيطه


غلطتك هي زواجك من رجل متزوج لأن المعدد اول صفه لابد تتوفر فيه انه يخاف الله و يعدل و زوجك بصراحه غير عادل


الرجل يستخدم اسلوب التطنيش و الهجر مع الزوجه اللي يعرف تماماً انها لاتستغني عنه فكيف بمن هي في مثل وضعك ماشاءالله مكتفيه من جميع النواحي و زوجك من وصفك لأسلوبه على طول صار عندي احساس انه يبي الفكه


في حال تم الصلح بينكم استدري عطفه مثلاً قولي بأنك تشعري بالوحده وهو بعيد عنك و اوحي له بأنك تشتاقي لوصوله و تتلهفي لعودته


اعتمدي اسلوب رقيق يستميله بدون توتر و بعدها تلقائياً بيتحقق العدل بتواجده معك بصوره أكبر و بدون ما يشعر انه مجبر



اخيراً بما انك الزوجه الثانيه أنا مو معك في تذمرك من زوجته الأولى لأنك رضيتي تكوني ضره لها

حل زوجك بيدك
اكسبيه ويعطيك كل ما تحبين

الأمر الأهم أنتي تبين تتحكمين بزوجك بالريموت ؟؟
لا يمكن تجبرينه على شئ
لكن سلوكك وطريقة تعاملك هي اللي تعطيك ما تحبين

انا اشوف انك تحذفين الموضوع
لان الاخوات ينصحوك وانتي تردين تعاندين
واللي يقولولك انك نكديه وسليطة لسان لا يعرفوك ولا لهم مصلحه في هالكلام غير انك تنتبهي لأفعالك وكلامك وتحافظي ع زوجك
بس سبحان الله في كل مره بردودك تثبتين صحة كلامهم 
راسك يابس وعنيده ومتسرعه بالقرارات 
ولا مافي وحده عاقله تقول بجهض جنيني وهو انسان مكتمل الخلق وفيه روح هذي جريمة قتل
وهذا اكبر دليل ع ان عقليتك جدا محدوده 
وتسألين ليش وليش وليش 
جواب اسألتك موجوده بين سطورك
دام ماراح تقتنعي بأي حل هنا فالافضل حذفي الموضوع وترتاحي

نصيحتي لا تخلين أخوانك يكلمونه
لا يجيه جواب من صوبك أبدا
حسسيه إنك بايعة
ولا تسألي فيه وبردي على قلبك
وكلي واشربي وقري عينا

لحد ما تولدي لا تسألي عنه ولا تتصلين فيه لو مهما كان
وإذا ولدتي امسكي ضناك لا تعذبه مرت أبوه
وإن كانت بنت والله لتسويها شغالة عندها
وإذا ولد راح يطلع معقد وما راح تربيه وبتعذبه نفسيا بصراخها عليه ويمكن تضربه ضرب كافر
ربيه واخذي فيه أجر وثواب حبيبتي وتعويضك عند رب العالمين

وبقولك شغلة
أنا بعد جميلة وغنية ومتزوجة زوجي ماعنده زوجة غيري
ولا يرضيني في فراش ولا هو رومانسي وراعي هدايا
حتى لو كان من حسابي
ولا يدلعني ويحضني ويداريني

لا تنتظرين من رجال الدلع والدلال والله كلهم نفس الشي
وعندي صديقة زوجها رومانسي وراعي هدايا ويعرف يدلعها ويسوي لها مفاجآت
ولكن حياتها كلها خيانات وحريم وكل يوم والثاني تبكي ومو سعيدة معه

استسلمي للحياة بدون رجل وربي عيالك
وطلقي زوجك الحالي تراه ما يبين بعيونه الخير
وناكر جميل ورخص بك عند أدنى موقف وقال لك مع السلامة
بيعيه بتراب وأنا أختك وربي عيالك وانتظري كم سنة ترتاحين من غثى الرجال
وبعدها اخذي واحد ماعنده زوجة غيرك نصيحة وإذا ما حصلتي لا تاخذين معدد
قليلين أدب صايرين الرجال وما يحترمون الحرمة لأن كثروا بنات الحرام يعوضونهم عن الزوجة
الله يعينا على هالغثى

الله يفرج همك يا أختي
حرام هذي نفس مايصلح تجهضين مسؤولة أنتِ يوم القيامة كيفهم الرجال والله
أروح أقتل نفس عشانه ؟؟
حتى لو تطلقتي مايجوووز
يمكن مايموت يمكن يتشوه وأنتِ اللي بتقعدين به وتتحسفين طول عمرك
وعلى فكرة والله لو تجاهلينه وبس تهتمين بعيالك ولا تعيرينه أي اهتمام
تشوفين لا يركض وراك ركض
إلجئي إلى الله سبحانه وتعالى واستغفري كثير وصلي على الحبيب ولا تعلقين قلبك إلا
بالله عزوجل ومايصير إلا الطيب يالطيبة