MMMooonnny :

شوفي بـ اكتب لك كم فكره عشان تتركين لعبة الحصار اللي انتي معتبرتها حب و هو معتبرها نكد : كون ان وضعك المادي كويس الحمدلله .. - سوي لك غرفة هادية ستايل شابي شاك حطي فيها صوفا و مكتبه كتب .. فيها كتب كويسة و كرسي مساج و فواحات و شموع و إنارة رايقه و تي في .. هذي خليها لك فترات الهدوء .. و في يوم يجي يدخل يتفاجأ فيك بجو لطيف مع نفسك .. تشربين عصير بكاس دلع و تقرين شي مفيد .. تسمعين مقطوعة هادئة .. لنفسك مش له .. مش عشان يشوف .. مش عشان ينبسط و يسفهل .. و طبعاً مش للجنس ( عُذرا ً ) صدقيني .. الرجل ما يدلل و لا يهتم الاّ للي هي تدلل نفسها عشان نفسها .. مو لازم حتى غرفة خاصة .. غرفة جلوسك .. زبطيها .. دلعي عقلك .. جسدك .. نفسك و روحك .. نومي أطفالك بدري و خصصي لك جزء يومي .. لك انتي و عشانك انتي .. مو عشانه .. عشانك انتي .. هذا هو الانشغال و التطنيش البناء .. لما انتي تنشغلين ب اشياء صح .. تبنين نفسك فيها .. دورات في النت .. أفكار تطوعية .. قراءة .. تعلم لغة .. عزومات صديقات .. تعلمي ديكوباج .. أهتمي بسوالف الفيتامينات و اشياء البشرة .. ودي أطفالك أماكن مفيده .. تعليم سباحة .. اشياء زي كذا .. أقري و اطلعي .. وشاركي اشياء مفيدة مع ناس مفيدين .. بعد الولادة اشتركي في نادي .. اشتركي في مجموعة دايت و اكل دايت .. الف شي و شي تقدرين تسوينه عشان تدللين نفسك .. ان صرتي كذا حقيقه و مش تمثيل .. راح يشوف فيك شي ثاني .. و بتتذكريني ساعتها .. انتي بعد بتكتشفين ان الحياة فيها اشياء ثانية جميلة .. خليك أنتِ المحور .. مش هو .. الحياة لا تقف عند اهتمام رجل .. الحياة تتوقف اذا قررنا ان لا نهتم لأنفسنا .. و سؤال اخير .. ليه ما تسوين مشروع صغير يحقق لك ذاتك بدل مشروع انت ما جيت انت تأخرت !! اخر الحكي : الصمت ب ابتسامة .. وقت الرضا سحرٌ حلال .. و الصمت دون إفصاح اي مشاعر وقت الغضب كيد ٌ مُباح ..

شوفي بـ اكتب لك كم فكره عشان تتركين لعبة الحصار اللي انتي معتبرتها حب و هو معتبرها نكد : كون ان...