الله يفرج همك حبيبتي نفسيتك تعبانه حاليا من الحمل لاعب بهرموناتك ومخلنك كذا

ترى يخيتي كل الرجال كذا لازم فيهم عيوب كل الحريم بيتطلقون من رجالهم؟ كلنا ناقصين الكمال لله بس أنتي اثقلي عليه اذا جاء أهلا وسهلا لا تبيني له انك مبسوطة مرة بجيته وبتموتي لو طلقك لا يكبر راسه

دائما خليه يحس انك عايشة حياتك ومفرفشة بدونه والحياة مستمرة دلعي عيالك ودلعي نفسك لا تكرري بقتل الطفل الي ببطني خلاص هو نفخ فيه روح يعتبر قتل نفس خليه بعدين اذا ولدتي وقمتي بالسلامة بيتعلق فيك وفي ولدك

دائما اذا جاء حسسيه ان المسؤؤلية مش مادية معنوية قولي لي يا بوفلان العيال محتاجين رجال يربيهم وانت بعد الله أبوهم وبتعيني على تربيتهم تربية صالحة

اتركي عنك سؤاله وين انت ووين رحت وليه وديت ولدك بيت أهلك وليه وليه بينفر منك اتبعي سياسة الوسط والكيد الي اشوفه ما عندك كيد الله يهداك مرة عصبية وش فيها مثلا لو قلتي
انا اشتقت لك ومجهزة ليلة رومنسية مثلا لا تتأخر علي وطرشي له صور الغرفة بالواتس أو قولي له واحد من عيالك يسأل عنه وأنتي قلتي له بيجي بأذن الله مثلا العيال يسألون عنك تصدق تعلقوا فيك أكثر من أبوهم

الرجال مثل الطفل بكلمة طيبة تكسبيه أما اذا عاندتي وعصبتي يتبع مبدأ يقهرك أو يقسي بمعاملتك

طبقي كلامي ولا تجيبي سيرة الطلاق ولا قتل جنينك على لسانك وبأذن الله بيتغير زوجك الي يعلق الرجال بحرمته العيال والله يرزقك بأخوان له وربي ليتعلق فيكم أكثر

ياعمري انتي اتزوجتي للمرة التانية ولكنك مازلتي جاهلة امر الرجال
زواجك الأول والتاني ماعلمك كيف تتعاملي معاه
اتعاملتي معاه بكل الطرق الخاطئة
وانتي تحسبي نفسك صح
والدليل انك خطأ
انه يتهرب من جيته عندك
اسلوبك وطريقتك معاه خاااطئة جدا
أول خطأ كان حملك حتى لو فرح وصفق واتشقق
هو لما اتزوجك وانتي لما اتزوجتيه كنتو تبغو اطفال؟؟؟؟؟
ماشاءالله ربي يبارك لكم باللي عندكم ويخليكم لهم
هم كفاية
لسة بدري عالحمل كان صبرتي كم سنة اتمتعتي معاه وكبرتي بزورتك وفضيتي لنفسك
ولكن دام صار الحمل اهتمي بصحتك لين تقومي بالسلامة وخدي بعدها مانع وعيشي حياتك
لعل حملك خير عظيم لك وله ويمكن سبب في انعاش علاقتكم

انتي وزوجك بحاجة لجلسة خاصة بينكم
حملك مسبب لك ازمة نفسية
هو كان معتقد انك مطلقة راح تمتعيه بالحياة الزوجية
ويلقى الهدوء والاستقرار للمرة التانية

زوجته الأولى لها حياتها انتي كمان لك حياتك بس لاتنسي انها زوجته يعني من حقها مشاوير ومصاريف
انتي اللي رفعتي يده من ايجار بيتك استضفتيه بكامل ارادتك
هو مو كل شي في دنيتك
قلتي مدلعته بزيادة
ليش هو شي كويس؟
الرجال كبير كفاية مو محتاج دلع طول الوقت
محتاج فهم
محتاج تفهميه
محتاج يعرف انك بحاجته ماديا ومعنويا

لاتطالبيه يجلس عندك
صحيح انتي بحاجته لاكن لاتصرحي له ليش ماجيت وليش رحت
كدا يحس انه مخنوق وانه محاسب

ايش هي الوقفات اللي وقفتيها معاه؟؟؟؟؟؟
ياترى اتنازلتي عن شي من اجل هدا الزوج؟
اول تنازلاتك كانت البيت

ماشاءالله عندك بيتك حس انك مانتي بحاجته
لكن ياترى يصرف عليكي كزوجة شرعية؟

اقرئي لناعمة الهاشمي
وابدئي تتغيري
انشغلي بنفسك عنه
ولاتقعدي طول الوقت تداريه
ترى عنده زوجة قبلك تلقيها سوت كل اللي انتي سويتيه
انتي على بالك انك بتغلبيها؟
ماتدري انها ممكن تكون سوت زيك بالزبط
واضطر انه يتزوج ولقاكي تعيدي نفس اللي قبلك
تلقيها اتنازلت لدرجة زيما قلتي يمد يده عليها
وهي ساكتة

استقلي بشخصيتك وكوني امرأة مثالية لنفسك
ولاتكوني زوجة مثالية وتحرقي نفسك عشانه

كل كلامك اللي كتبتيه يدل بشدة على اهتمامك فيه المبالغ عن الطبيعي

مايقعد عندك ساعات كافية؟
انتي مارح تجبريه بالقوة لازم برضاه يعني بالسياسة
وانتي بحاجة تتفرغي لنفسك والإهتمام بصحتك كونك حامل وأم لربعة اطفال

مايتصل كتير؟
او يطول عنك؟
لاتتصلي فيه ولا تطالبيه بالعودة وادا احتجتي شي اتصلي واطلبي حتى لو برسالة بدون (هواش)
لأن عنده بيت تاني ماهو بحاجة لبيت فيه نفس الشغلات
هو بحاجة لبيت سعيد مختلف
انتضري جيته ورحبي به ولاتتكلمي كتير معاه ولا تحاسبيه على كل شي
كيف تحاسبيه وانتي مارتبطتي فيه الا بعلمك بوجود امرأة في حياته على سنة الله ورسوله؟

يطلع من هناك يرجع عندك يلقى نفس الوضع
ايش فايدة زواجه؟

استقلي بشخصيتك لاتكوني انتي وهو ( واحد )
هو له حياته هناك عندها
وله حياته هنا عندك
فقدري هدا الشي اللي انتي وافقتي عليه من البداية
غيري نفسك يتغير تباعا لك

اسأل الله ان يألف بين قلوبكم.

هل الطلاق سيجعلك سعيدة؟
مشكلتك مع زوجك منحصرة في تأخره عن المجيء إليك وقضاء وقت أطول مع زوجته الأخرى..
مع السبب في ذلك؟
لماذا يتعمد أن يتأخر عنك؟
عندما يأتي إليك هل يجد عندك العتب والمحاسبة والمساءلة؟
لا أعرف عن تعاملك معه.. أنت تقولين أنك عموما تعامليه جيدا.. لكن أتساءل عن أسلوب التعامل اليومي، وأسلوب الكلام، والتغاضي، والأنس والمرح وغيرها من الصفات التي تجعل الإنسان يحب الجلوس إلى شريكه.
رأيي هو أن تبدئي صفحة جديدة، وتقبلي زوجك بوقته القليل.. وذكريه بالعدل بين وقت وآخر، ليس بأسلوب اللوم والعصبية، ولكن بأسلوب الحب والشوق والحاجة، واجعلي الساعات القليلة التي يقضيها معك أجمل ساعات.. اسألي نفسك ما الذي تحبين أن يعاملك زوجك به وافعليه معه.. والتغير سيكون بالتدريج.. لن يمل وقتها من الجلوس معك، وسيكون مشتاقا ليومه عندك.. لأنه سيجد عندك الفرح والراحة والهدوء والسكن والأنس.
اسألي نفسك بصدق: هل الجلسة معك تجعل زوجك مشتاقا للموعد القادم؟
أنا لا ألومك على شيء فأنا لا أعرفك، ولكن أطلب أن تنظري إلى الموضوع من زوايا أخرى، وأنت أدرى بوضعك.
أنت تزوجتيه وأنت تعرفين أن عنده زوجه وأطفال.. فهو ليس رجلا كاملا وإنما نصف رجل.. فتحملي ذلك.. وانظري دائما إلى الجانب المشرق من كل شيء.

اسمحي لي يا اختي اقول لك كلمة.. اليوم اللي زوجك يقضيه معاك كله نكد.. لنك تدققي بكل ساعة و دقيقة.. هو ما عاد يتحمس يرجع لبيتك كله علشان الزن و الحساب..
من رأي تغيري نفسك.. و تبطلي تعامليه كطفل أو ملك.. و فكري فيه كرجل.. زوجك ما له رغبة يقضي وقته معاك يمكن لأن زوجته الأولى اكتشفت من زواجه منك اخطائها و عدلت نفسها.. و انتي كل ما لك تهدمي حياتك و تقهري نفسك على أشياء كثيرة.. و غير مهمة...
من رأي لا تكلميه و لا تعتذري... خلي اهلك يتدخلوا بمسألة يومك اللي يروح هباء و يضيع على زوجته و عياله... اطلبي منه بدال ما يصير ليلة عندها و ليلة عندك ليه ما تصير يومين أو ثلاثة... و منها انتي تكسبي وجوده و ما يكون له عذر..
انتي اشتغلي على نفسك.. فكري كيف تنشغلي عن زوجك و ما تعبريه سواء جا ولا راح.. احتياجك الدائم له صاير مرضي (عذرا على هالكلمة) اهتمي بنفسك بثقافتك بأهلك و صحباتك.. اشغلي وقتك بأشياء تفيدك.. محاضرة معاهد أي شيء.. المهم تكوني مشغولة ... لما زوجك يشوف انك مو جايبه خبره راح يرجع يدور عليك.. و يحلو بعينه الوقت اللي تعطينه.. و اولي لما هو يكون مشغول باي شيء بيومك تصيري انتي بعد مشغولة اليوم اللي بعده..
الله يوفقك و يسهل لك ولادتك..

لا اله الا انت سبحانك اني كنت من الظالمين ****

اللهـم لـك الحمــد كمــا ينبـغي لجـلال وجهــك وعظمــة سلطــانـك ****