قلعته الزووووج بداله ألف بس اللي في بطنك حرام يمكن هو اللي يعزك بعدين هذا ولدك لحمك ودمك ماشاءالله اللحين بالسابع الله يقوما بالسلامه ويفرحه فيه ويخلي لك عيالك دامك موظفه ماعليك خوف عزي نفسك وعيالك ما أنتي بحاجة احد

بقولك كلام وتأمليه زين
انتي يبي لك تغيرين قناعاتك
انتي جعلتي زوجك همك الاول وعطيتيه اهتمام اكتر من اللازم
وسبحان ماترفعين من قدر انسان بشي لايستحقه الا انزل من قدرك بنفس القدر اللي رفعتيه به

الانسان سبحان الله مايشوف النعم اللي يتقلب فيها الا بعد ماتزول
يا اختي
غنية
جميلة
عندك عيال
تبارك الرحمن

نعم عظيمة
الجانب العاطفي مهم صحيح لكن مو ناخذه على حساب جانب اهم

اذا انتي من النوع اللي يهتم بالناس لاتخبرين احد بمشاكلك ولاتطلقين اصبري

غيري مفاهيمك
لاتقارنين نفسك بزوجته الغي التفكير فيها
اول ما تفكرين فيها اشغلي نفسك بشي تاني
ادعي الله يعفك ويطهر قلبك ويعلي منزلتك
الجألي لله
تراها دنيا زيلة والتوتر يجيب لك امراض العصر

مشكلتك بـ اختصار شيئين اثنين :
زوجك حاس بالفرق بينكم .. و انك قوية جداً .. و يبدو انه يبي يربيك على طريقته الخاصة .. يعاند .. يغيب عمدا ً .. الخ من التصرفات الرجولية الشرقية.. / اللي تحوّم الكبد
و الحل هنا : سلكي له .. تغابي .. اصمتي بحكمة لما يسوي كذا .. بدون زعل واضح و نقاش و ردات فعل ..
بدل ما يخليك تحتارين انتي حيريه بردة فعلك الانسحابية الراقية .. و بيجي يحكي .. ساعتها و ردي بعبارات مختصرة و بدون دموع وضحي له وجهة نظرك بـ ألفاظ لا ((( تُدينك ))) و لا تثبت إحساسه بالنقص و انك قوية يبي لك تكسير راس قولي فيه فرق بين الخنوع و الشموخ .. بين الشموخ و العوابة .. انا مش خانعه و خاضعه و عوبا لكنني شامخه و لأنك انت شامخ و سيد الرجال الله جمعني فيك .. فلا تخرب هالتوافق بيننا عشان لخبطة مفاهيم .. الخ .. اكيد تعرفين مداخيل شخصيته و العبارات المناسبة معه ..


٢: تحبينه بـ إفراط و هو يدري ..
حبيه بينك و بين نفسك بجنون اذا ودك ..
بس معه بيني له الحب الناضج المعتدل .. و مرات طنشيه بحب .. يعني اشغلي نفسك ..
بقراءة كتاب عنوانه يدل على انك مثقفه .. ادخلي تعليم لغة .. روحي ندوات .. اعرف انك حامل بس يمديك ترى ..
بتشوفينه ينجذب لك و يبطل تطنيش مُتعمد ..
انتي تفقدين أعصابك عشان تطنيشه و انتي تحبينه.. لأنك تبين الكثير او ع الأقل تبين رد عطاء مناسب لعطاءك ..

شوفي بـ اكتب لك كم فكره عشان تتركين لعبة الحصار اللي انتي معتبرتها حب و هو معتبرها نكد :
كون ان وضعك المادي كويس الحمدلله ..
- سوي لك غرفة هادية ستايل شابي شاك حطي فيها صوفا و مكتبه كتب .. فيها كتب كويسة و كرسي مساج و فواحات و شموع و إنارة رايقه و تي في .. هذي خليها لك فترات الهدوء .. و في يوم يجي يدخل يتفاجأ فيك بجو لطيف مع نفسك .. تشربين عصير بكاس دلع و تقرين شي مفيد .. تسمعين مقطوعة هادئة .. لنفسك
مش له .. مش عشان يشوف .. مش عشان ينبسط و يسفهل .. و طبعاً مش للجنس ( عُذرا ً )
صدقيني .. الرجل ما يدلل و لا يهتم الاّ للي هي تدلل نفسها عشان نفسها ..

مو لازم حتى غرفة خاصة .. غرفة جلوسك .. زبطيها .. دلعي عقلك .. جسدك .. نفسك و روحك ..
نومي أطفالك بدري و خصصي لك جزء يومي ..
لك انتي و عشانك انتي .. مو عشانه .. عشانك انتي ..
هذا هو الانشغال و التطنيش البناء .. لما انتي تنشغلين ب اشياء صح .. تبنين نفسك فيها ..
دورات في النت .. أفكار تطوعية .. قراءة .. تعلم لغة .. عزومات صديقات .. تعلمي ديكوباج ..
أهتمي بسوالف الفيتامينات و اشياء البشرة ..
ودي أطفالك أماكن مفيده .. تعليم سباحة .. اشياء زي كذا ..
أقري و اطلعي .. وشاركي اشياء مفيدة مع ناس مفيدين ..

بعد الولادة اشتركي في نادي .. اشتركي في مجموعة دايت و اكل دايت .. الف شي و شي تقدرين تسوينه عشان تدللين نفسك ..
ان صرتي كذا حقيقه و مش تمثيل .. راح يشوف فيك شي ثاني .. و بتتذكريني ساعتها ..
انتي بعد بتكتشفين ان الحياة فيها اشياء ثانية جميلة ..
خليك أنتِ المحور .. مش هو .. الحياة لا تقف عند اهتمام رجل .. الحياة تتوقف اذا قررنا ان لا نهتم لأنفسنا ..


و سؤال اخير .. ليه ما تسوين مشروع صغير يحقق لك ذاتك بدل مشروع انت ما جيت انت تأخرت !!

اخر الحكي : الصمت ب ابتسامة .. وقت الرضا سحرٌ حلال .. و الصمت دون إفصاح اي مشاعر وقت الغضب كيد ٌ مُباح ..

يا قلبي الرجال لما يشوف زوجته ميته عليه يسوي اعظم
انتي أقرئ قران سورة الانشراح و البقره و أسمعيها بعد

ووكلي أمرك لله اللي عينه ماتنام
وولدك حرام ترمينه ليه هو وش هو ذنبه
بتقولين ماله ذنب صح
انتي ترضين أمك ترميك من ولادتك حطي نفسك مكانه
والحياة يبغالها صبر دام أشباه الرجال فيها
انتي ماشاء الله حلوه و صغيره و غنيه و عندك بيت
اجل ايش أقول انا لما اختلف مع زوجي اهلي مايبوني
وانا عندي اطفال و ماعندي مكان