اذا هو جالس عشان زوجته تخاف تنام بلحالها ايه حراام وعليها ذنب هي ويااه
اما ذاا هو من نفسه يبي يناام وزووجته مااثرت بشي يعني ماقالت اخاف او ماقدر الذنب عليه هو وبيتعااقب لان الي يسويه حراام

اختي مهما كان لابد من العدل
وش ذنب زوجته الاولى ان امه مريضه
اما يستاجر لها بيت جنب بيته
او ياخذ امه معه لبيته الاول
او تنام الثانيه مع الام ولاعليهم خوف الحمدلله الحين فيه جولات لو احتاجت اتصلت عليه

انا زوجة ثانيه ولا ارح اكون بصف لا اولى ولا ثانيه بكون بصف الحق

هي اول شي مالها ذنب الذنب على الرجال لكن هي المفروض تذكره بالعدل وغير كذا لو هي معها شغاله في البيت يعني صارو ثلاث حريم

في البيت والحمدلله فيه جوالات والباب له قفل يعني الحمدلله وشهوله الخوف الزايد والدلع

والمفروض من زوج صديقتك انه يسكن الاولى قريب منكم البيت جنب البيت او اقل شي بنفس الحي عشان يكون قريب

ويقدر يعدل بما انه تزوج يا انه يعدل ولا يقعد على حرمته ولا يستاذنها تتنازل عن للليلتها وغير كذا عنده عيال مراهقين المفروض يكون

قريب منهم لانهم بووقت صعب يغفل عنهم اذا صديقتك فعلا ضميرها مانبها تذكرزوجها بالعدل فالذكرى تنفع المؤمنين

مدري احس انه ظلم مهما كانت العلاقة بينه وبين الأولى سيئة يعني على الأقل عشان الأولاد لأنهم يحتاجون حس الأب في البيت حتى لو ما كان له دور في البيت حسه يكفي عشان يحسون ان وراهم أحد.

هي ماسالت وخايفه الا لها يد بالموضوع
وانتي ذكرتي انها خايفه تجلس لوحدها مع بنتها ؟؟
يعني قايله لزوجها ومعطيته سبب ثاني غير امه
ييعني ساعدت انه يبعد عن الاولى
اقول بلاش دلع بسسس قال خايفه قال
طيب كثير بنات متزوجات وماعندهم عيال يجلسون ببيوتهم لحالهم؟؟
وبعدين كلها كم يوم ويرجع لها
اتقي الله بسسسس