هلا عزيزتي

انا والله مالومك الغيره موجوده بكل قلب وخصوصا الحريم

بالنسبه لي انا عندي مرت حما وحده

هي حبوبه وطيبه وماشفت منها اي شي ماشاءالله تبارك الله والله لايغير علينا

بس هي مادري عنها من ناحيه مشاعرها صوبي

يعني اذا صار لها اي شي زين والله بالعكس ادعي لها الله يزيدها من فضله

والعكس صحيح


اما بالنسبه للغيره بشكل عام انا غيووووووووره وااايد وبشكل موطبيعي

وخصوصا من ناحيه معامله اهلي لبعض خواتي

او صديقاتي المقربييييييييييين حيل مني وزوجي وولدي حتى :)

تقبلي تحياتي وقبلاتي اختك
آلاء

فيه مثل يقول قافلة الجارات مشت وقافلة الحموات وقفت
وهذا الشئ لابد منه لازم الحماة تغار من الحمات هذا يصير عند كل الحريم بس أنت كبري عقلك وماله داعي أدري هو غصبا عنك بس يمكن البنت تطلع بنت حلال وتصير مثل أختك

سبحان الله هذا شعور فطري انا كنت استغرب من اللي يصيير بين الحموات بس من يوم خطب حماي وانا احس بشي مادري وشو ( اخاف تصير احسن مني) وانا ماعلى ناقص الحمدلله بس حاولي انك تعالجينه بانك تكسبينها كأخت صغيرة

عادي

انا كنت اغاااااااااار مررررررررررة من مرو اخوه لما تملك .. ولانهم ما سووا لي زواج كبير وهم كانوا بيحطون زواج كبييييييير مرة انا شعللت ..قلت وش زودها عني ..والله غيرتي منها بشكل غير
طبيعي وانا ما شفتها اجل شلون لي شفتها...

قمت حاولت اتقرب لها بالتلفون واضفتها بالمسن والحين صراحة علاقتي معها مرررة قوية ما شاء الله واحبها وتحبني .. والغيرة راحت لاني انا تغلبت عليها ..

فهمتي قصدي ؟؟

بعد الزواج حاولي تتقربين لها واذا كانت حليلة طقيها صداقة ..

والله يشيل الغيرة الشينة من قلوبنا

لا تقولين اقدر اخبي غيرتي ولا تبين فيني..
لانها تبين وبوضوح ...
لاني صرت اخر وحده يعني مرة اصغر الاخوان والله لا يوريكم شفت شئ من حماتي اللي قبلي مباشره والله العظيم اني احيانا ارحمها واقول بقلبي الله لا يلهينا الا بطاعته حتى علاقتها بزوجها تغيرت من نفسيتها مع اني سكنت بيت مستقل وانا مو من النوع اللي يقاهر ولا يتميلح بالعكس ولا ضريتها ابدا لا بكلام ولا بفعل بس شكله شئ نفسي عندها والمشكله ان باقي حمواتي وام زوجي وخواته ملاحظين هالشئ ..
عشان كذا تعوذي من ابليس وتراها مو ضره لك اعتبريها اخت وشيلي هالغيره من قلبك لانها راح تضرك انتي قبل اي شخص ولا تبينين غيرتك منها قدام زوجك لانه راح يقول ما غارت منها الا لانها احسن منها ولا تجيبين طاريها عنده ابدا وخلك واثقه من نفسك..
والله يوفقك ويصلحلك جميع امورك...