حبيبتي ولا يهمك منها وديري بالك على خطيبك وما تخلي هدي المواضيع انها تأثر على علاقتكم مع بعض

:)

بحكم انها وحده من العايله..يعني اكيد بتشوفينهاا..

اتجنبيها...ومب بعيد تلتقين انتي واختها في نفس العزيمه...بعد طنشي..

حاولي تتجنبين ولو سمعتي منها رمسه خليتها تولي...

واكسبي اهل زوجج عشان لو ظهر منها شي يكونون اهل زوجج واثقين فيج صراحه ها مب بعيد تظهر رمسه عليج...

فانتي حاولي تكسبين اللي حولج وتتجنبينهااا..احسن شي..
وتوقعي منها اي شي وخذي احتياطاتج...

والله يكفيج شرهاا يارب..ويوفقج...

وحتى لو بنقولج وصليها عشان صله الرحم هيه اصلا مب داخل دائره صله الرحم..فلا تهتمين ..(البعد عنها غنيمه)...
:)

بدينا يالقال والقيل

نصيحه لك

خلك رسميه معها مرررررررررره

وطنشي كلامها وحركاتها

انتي متزوجتها هي ولاكيييييييييف

اهم شي زوجك والمقربين له

امامره عمه حك ظهري يا خال ابوي

اخر ما افكر فيه

من بنات الريح

صدقتي والله أختي ألزم ما علي أمه وأبوه والحمدلله انا علاقتي فيهم زينه وهم بعد طيبييييين وايد ومعاج حق انا ما بعطي الأمر أهميه قدام زوجي عشان ما يحس انه انا مهتمه ويذلني بهالسالفه ومب بس جذيه بعد عشان أبين له أني أكبر من هالأمور .. وبكون أكبر منها إنشاءالله فعلاً

تسلمين عزيزتي على الرد

هوى روحي

كلامج أوحالي فعلاً اني أنا أفضل وعطاني ثقة بنفسي .. ولو ما كنت أفضل ما كان أختارني على أختها وما كانت احترقت مني .. أنا راح أتبع حذوج وأكون أعقل وأوزن .. وأرجع أقول انا وضعي أفضل لأنها زوجة عمه أنا بالنسبة لج هي زوجة أخوه وأكيد الاحتكاك بينكم أكبر .. كلامج هون علي دام انج قدرتي تواجهين زوجة أخوه واللي هي قريب وما تهتمين الأكيد أني بقدر أواجه زوجة عمه واللي هي بعيد

تسلمين يا عمري على ردج

honeyyy

والله الظاهر هذا اللي بسويه ويوم أتزوج بتتوضح الأمور أكثر
وراح أقدّر إذا عدم زيارتي لها بيكون لصالحي أو بيسبب حساسيات
وحتى لو صارت أنه زوجي يبغي يروح لهم .. بتكون زيارتي رسميه
وخفيفه..

ومشكورة أختي على الرد

ترنيمة العشق
مثل ما قلتي أختي .. ((إن ما تواجهينه حالياً أصبح للأسف الشديد وضع عادي ومتوقع من أي إنسانة مقبلة على الحياة خاصة إذا كانت عائلة زوجها غريبة عنها.))

بالرغم من أنه شيء مش جميل أبداً لكن هذا الواقع ولازم نتعلم كيف نتعايش معاه
لكن دام الشخص عنده أخوات مثلكم ما يهمه أمر بسيط مثل هذا، كلمة تشجيع
وتوضيح بأنه أمر عادي تخلينا نستمر واحنا متطمنين .. وغير ذلك ما تتصورين
كم ريحني كلامج عن أنه زوجي ما كان يفكر في أختها.. أختي ترنيمة أشكرج
على تواجدج..