Alsaida وأبريز
مشكورين عزيزاتي الظاهر هذا اللي بسويه اني بطنشها ومابفكر فيها مشكورين على المرور

رادا
ايه والله بالطقاااااااقين بعد .. بس ليش زوجك ما يوضح لأخوه انه مالج شغل بعد تعرفين انتو قرايب
وبينكم احتكاك ويمكن هالكراهية باجر تأثر على عيالكم؟ .. طبعاً أحنا ما نقدر نلزم الناس يصدقونا
بعدين هذيلا ما يأمنون بالقسمة والنصيب يعني لو كان نصيبه مع اختج كان تسير له الأمر مب بس لو
انتي وقفتي ضد الموضوع لو العيله كلهااااا رفضت بس الله ما سير له هالشي ويمكن ربه كاتبله نصيبه
بشي افضل مثل ما كاتب لأختج نصيبها بأفضل.. وهذي زوجة عمه نفس الشي ليش تخسر أهل زوجها
عشان ولد ولدهم ما يبي يتزوج اختها يوه غصيبه هي؟؟؟؟؟؟ انا عن نفسي احب زوووووووووجي وهو
يحبني ومرتاحة واللي في بطنه ريح ما يستريح وهذي صارت مشكلتها مب مشكلتي.. والله يعوض أختها
باللي يسعدها هذا كل اللي أقدر أقوله في هالموقف.. ومشكورة على مرورج عزيزتي


عـiiiــاقه وjهـاقه-*
شفتي يا عشقانه هذي من اولها جذيه .. وصدقتي هذي مب بعيد عليها تتصيدلي .. أنا بكسب
أهل زوجي وبسوي بنصيحتج وغيرهم ماعلي منهم ما بيلقون مني الا الكلمة الطيبه والاحترام
(والرسمية).. غير هالشي مالهم عندي .. حبوا يكونون أوكي معاي كان بها ما حبوا شي راجعلهم ..

تسلمين حبيبتي على مرورج ونصايحج وربي ما يحرمني منكم يارب

roma88
إيه والله يختي بدينا .. يسدون نفس الواحد من أولها بس بطنشها وحياتج
تصدقين مب متزوجتها انا قلت في خاطري لو أنا متزوجه زوجهااااااااااااا
يحقلها تسوي اللي قاعده تسويه ؟؟ تقاطع العالم وتسب خطيبي وماعنده
شخصية ومادري وشو؟!! بس الله المستعان والله يهديها يا رب.. اسعدني مرورج


ترنيمة العشق
ربي يسعدج ويحقق لج امانيج على لطفج.. مرورج مره ثانيه على موضوعي رسم على شفاهي ابتسامة
ودعواتج الحلوة تخلي الإنسان يرتاح بوجودكم حوله .. ربي ما يحرمني منكم عسى


أم الغالية
أنتي اللي حبيبه وغالية يا أم الغالية ..
تسلمين عيوني .. وتطنيشها بادي من اللحين وحياتج
وصدقتي لو كان يبيهم ما شي رده عنهم .. هو اللي اختار
وتصدقين اسلوبها هذا يخلي يحمد ربه انه ما اتنيل على عينه
وخذ منهم .. يعني كانت معاااااااااه عسل ولما خطب انقلب
اسلوبها!! قهر انه انسان كان يعاملك زين بس عشان تناسبه
الله يهديها .. هذي شكلها بتخرب على اختها مب تساعدها ..
تسلمين على مرورج يا أم الغالية


بنت أجاويد
الله يبعد عنج عنا القهر
الناس هذي مادري كيف تفكر ..
ويكفيني انج حسيتي باحساسي (تقهررررررررر)

سلام لك يا عزيزتي
أهم شيء لا ااااااااااااااتشكي في أن خطيبك كان على علاقة مع أختها فهذا الشيء مستبعد تماما لأن خطيبك ذكي وواعي ويعرف نفسيتها ولاتعجبه لا هي ولا أهلها
هذه المرأة لا تطيقك سخيفة وحاقدة عليك وحسودة وغير بعيد أن تحاول زرع المشاكل عاجلا أم آجلا ابتعدي عنها قدر الإمكان لاتتقربي ولا تتوددي لها و لاتعطيها أكبر من حجمها ولكي لاتحاول إثارة المشاكل بين زوجك وعمه كوني غير مقاطعةبل رسمية في زياراتك بادليها زيارة بزيارة واحذري منها ومن رمي كلامها وادعي الله أن يجعل كيدها في نحرها
مررت وماأزال بنفس التجربة فزوجي كان خاطبا عن طريق أخته بنت إحما بنت أخته يعني أخته زوجت بنتها لجماعة والجماعة عندهم بنت قوية وأخت زوجي بدها تريح بنتها والحل ألأمثل تبلي أخوها بالزواج من هذه البنت بس ما صار نصيب وانفسخت الخطوبة وخطبني زوجي وتزوجنا وللآن أخته لا تطيقني وعينك تشوف تسميع الكلام والتحقير وأقل شغلة بتعملها بتجيب خطيبة زوجي السابقة لعند أهل زوجي وخواته
تزورهم وبتحطها معي بنفس المناسبات وبتقارن بيني وبينها أمام عيني وبالاسم تصوري وقاحتها
تصوري موقفي وأعصابي وخوفي وحالتي النفسية على كل حال حسبنا الله ونعم الوكيل
الله يكون مع الجميع

مع كل الحب

طنشيها وكلها ايام وان شاء الله تفتكي منها

tamo

قلبي معاك والله سالفتج تقهر لو أنا ما بتحمل، بس زين انج صبوره وماتهتمين لهم
وأنا بصراحه لازم اتخذ منج مثال لحالتي اللي تعتبر بسيطة لأنه اخواته معاي على الأقل
واهله كلهم تقريباً .. ربي يصبرج ومثل ما قلتي مالنا غير ندعي ربنا يجعل كيدهم في نحورهم


اللؤولؤه الذهبية
انشاءالله اختي فترة ونخلص منها .. تسلمين على المرور

home2004
ربنا يوفقنا واياكم .. صدقتي هو يزور عمه قد ما يبي وما بيلقى مني
غير الشي الطيب .. ولازم اتحاشاها هي والزين انه زوجي فاهم الموقف
يعني ما بيدور في خاطره لو انا ما رحت معاه .. تسلمين عزيزتي على المرور

ابعد عن الشر وغنيله

والباب اللي يجي منه الريح سده واستريح

لازم ابد مايكون بينكم شيء

بس رسميات

السلامو عليكو وعليكو السلام وبس