زوجة ولد عمي/ خرج الموضوع عن مساره

السلام عليكم
موضوعي مو استشاره انا فقط محتاره وابي تصويت
انا من كنت بسادس ابتدائي ولد عمي حاط عينه علي مع اننا مانزوج اقارب بس كااان يحبني بشكل مجنون مع انه اكبر مني بعشر سنوات ومحتفظ بصوره لي وانا صغيره ويقول لاهله هذي زوجتي بتزوجها اذا كبرت وك اهله يعرفون انه يبيني
لكن اهلي مايعرفون ولايتجرؤن يقولون لنا اصلا لان احنا مانزوج اقارب مانحب عشان المشاكل وكذا
والزبده هو جا سكن فتره عندنا بحكم دراسته طبعا لسا صغيره ما اتغطى نعتبره واحد مننا
بعد ماكبر وتوظف صار يقول لجدتي كبيرة العائله ومحد يرفض لها كلمه
يقول اخطبيها لي وابيها وحاولت جدتي بس بابا وماما رافضين الفكره زعلت جدتي كم مره بس الزواج زواج مو لعبه حتى اخاوني الكبار ما دروا هاوشوه ومنعوه من الجيه عندنا وصارت مشاكل
وطبعا بديرتنا كل شي ينتشر كل الناس دروا انه يبيني واشاعات انه ملك علي وخلاص
المهم زعلوا علينا بعد محاولات كثيره بس رجعنا مع عمامي علاقتنا اوكيه مثل العسل بس ولد عمي مع انه متوظف هنا وكان كل يوم يجي يواصل ابوي واخواني زعل وقاطعنا يوم شاف الموضوع منتهي لا انا ابيه ولا اهلي
تممممر سنين ولا عمره جا يسال عن ابوي عمي يقول لابوي كل يوم اتصل على ولدي اهاوشه عشان يزورك بس زعلان للحين
ولا يبي يتزوج يوم وصل عمره ثلاثين وبعد اصرار اهله قال كيفك اخطبوا اي احد خطبوا له وحده من العايله طبعا تعرف كل القصه وماخطبتها جدتي الا لانها عزيزه عليها ولسا ماتزوجت واكبر من ولد عمي بخمس سنوات وكاسره خاطرها هذا كلام جدتي

المهم حطيتكم بالصوره عشان تعرفون القصه
الزبده من تزوجت هالحرمه وهي تكرهني تحقد عي لما تشوفني بالاعياد والمناسبات والعزايم احس تخزززني خز مو طبيعي هذا قبل ما اتزوج واى يومكم هذا بالاعياد تقعد تخزني وتضحك علي ويتحرشون هي وخواتها ولاتسلم علي ولا امها ماتسلم على امي طبعا مانتلاقى الا باستراحات العيد او المناسبات الكبيره زواجات وكذا اما بيوت مايجوننا ولانجيهم مع اننا نعزمهم بكل مناسبه في البيت
صارت جدتي تقول امي وابوي مشاكلهم تقول دايم يتهاوش معها ويقول انا احب فلانه انا ما ابيك تزوجتك عشان جدتي وكم مره يضربها ويقطها عند اهلها ورفض يجيب خدامه لها ويحاول يغثها لان ابوها هو اللي خطبها لولد عمي لمح كم مره لعمي وجدتي وافقت واقنعت ولد عمي

الزبده فيه عرس بعد اسبوعين عرس بنت اللي هي اخت ولد عمي
ومرته اكيد بتجي وكل مره تجي تقط حكي وتقعد تقز فينا من بعيد هي وخواتها ويضحكون ويسوون حركات تستفزني انا وخواتي
علما اننا انا وخواتي ملكات جمال وهم ليتكم تشوفونهم جيااااااكر لابعد حد بدون مبالغه
انا صرت ما ادانيها من حرككاتها ما احب احد يسوي لي كذا تخز وتضك في كل مناسبه
ابي تصويت اروح او لا محتاااره
مع انه رحت او جلست مابتضرني بشي اللهم راح تغثني بعيونها وتعكر مزاجي نتفه