زوجج ما يطلعج؟؟ تعالي نشوف ليش!

السلام عليكم بنات قصدي حريم ومتزوجات

لاحظت وايد حريم تشتكي زوجي ما يطلعني!! ويفضل يطلع بروحه
على أني يتحملني انا وعيالي يوم ويطلعنا او يحس فينا ...

بنات تعالوا نتناقش ونشوف وشو الأسباب !

اللي ملقوفات وايد على الطلعه أقولهم مشوو بووزكم تلقون
حل لأنه الزوج ان حس انج بتموتين وتطلعين يقوم يطنش
إلا اللي رحمها بزوج عاد طيوووووب بزياده ومستانس انه
يونسها..!!

أنا من تجربتي المخضرمه .. ومن التجارب اللي اشوفها حولي
وصلت لإستنتاج خطير يمكن وايد منكم وصل له بس خلونا
نتفلسف على البنات اللي ما فكروا فيه ..!!

هل زوجج من النوع اللي من الأساس ما يوعدج أنه يطلعج
يعني هل وصلتي مرحلة انج غاسلة إيدج منه؟؟؟؟؟!!!!

عودي بالزمن إلى الوراء! وحاولي تتذكرين وشو الأسباب
اللي أدت بحياتكم ووصلتها هالمرحله الحرجه؟!!
هل تنكدين عليه يوم تطلعون؟ (أكيد كلكم بتقولون لا مع اني أكيده
نصكم يلف النكد في سنويتشات حق الطلعه)

هل مره وعدج يطلعج وبعدها هون لأي سبب كان !
(أنشغل- مباراة- عزموه ربعه- غير رايه لسبب مجهول.. إلخ)
وقمتي انتي عاد مديتي بوووووز شطوله!! كيف تواعدني تطلعني
بعدين تهون وتوعد صديقك انك بتحضر عزومته يعني نسيتنا؟؟؟؟
ولا المباراة أهم مننا؟ يا سلام وليش يعني ما نطلع اوف؟؟!!!

إذا كان أي من هذا صار تأكدي انه زوجج في المرات اليايه
بيفكر ألف مره قبل لا يقولج قومي بطلعج لأنه بيقول مالي خلق
نكدها في حال هونت!! يعني يقطع الشر من البداية ..

هل إذا طلعتوا السوق بغرض تشترون (قلاص) تشترين أواني المطبخ
كلها؟؟؟؟ (عاد كلكم بتقولون لا!! عينييييي بعييييييينكم!!) :39:

تأكدي انه بعدها واميه بالاميه بيقولج تبين قلااااااص انا اروح اشتريه
ولا بيقولج بعدين بعدين .. ولا عندج قلاصات الجبن لا خلصت غسليها
وأشربي فيها خخخخخخخخخخخ

بنات انا مثلكم واعرف انه احيان احنا نشوف انه مب من حقه الزوج
ان يوعدني ويخلف أو انه مب حاس بشعوري اني مستانسه اني
بطلع وياه بعدين لسبب تافهه يكنسل الطلعه من كيفه من غير ما يشاورني
لكن الريايل هذا طبعهم يتخذون القرارات من نفسهم!! وأحيان تكون عندهم
أسباب قوية بس بطبيعتهم ما يحبون يتكلمون!! (هذي مشكلتنا معاهم منذ
الأزل) أنه ما يطلعون اللي في خاطرهم..

أعرف وحده كانت تمووووووت في الطلعه وكانت هي وزوجها دوم
هواش على هالموضوع ودايم تشتكي تقول ما يطلعنا!! ومره وعدنا
انه الأسبوع الياي بيودينا يومين نتمشى ونغير جو.. بعدها فاجأنها
والله يبغي يسافر ويا ربعه ومره يبغي يروح البر مع ربعه!!

يعني ليش بالله يبدي ربعه علينا!! (أنا اقولكم معاها حق صح ولا لا)!!

تعالي شوفيها اللحين! قالت من صرت ما أحن عليه! ولا احسسه اني
مهتمه بالطلعه صار من خاطره يعزم مرات! وإذا فكر يهون أقول عاااااااادي
الأيام قدامنا بنطلع لاحقين! تقول تغير 180 درجه!! وصار يحب
يطلعهم..

أنا إذا طلعت مع زوجي السوق! مستحيل لو بمووووووت على شغله
ما اشتريها في حال كنا مخططين نطلع نشتري شي معين!! ماودي اغثه
بمشتريات ثانيه ما كان حاسب لها حساب.. لكن على بالكم اخلي اللي
في خاطري!! لااااا بعدين ارد اقوله عجبني ذاك الشي تتوقع نحتاجه!
يقولي ليش ما قلتي حزتها؟ اقوله لاااا يوه مب لذاك الزود مهم!!
على طول بعدها يوديني ناخذها!! لأنه يحس اني مب قاعده افرض
عليه شي معين

كلكم تعرفون الريايل يبغيلهم مساااااايس

لي عوده