الحرمه اللي تحسب انه الرجال كل شي في الحياه تستاهل ماجاها
واللي تحطهم بس سبب من اسباب الحياه ممكن تعيش بسلام
ومثل زوجك هذا حياتك بدونه افضل واحسن لأنه مثل الجرثومه او المرض اللي لازم استئصاله

اذكري الله ياغالية ولاتطالعينه ولا تشوفين انه قوي لأن فيه اللي أقوى منه واذا هو ظالمك هو وزوجته ولا خافو من الله فأنتي ان شاء الله على خير لأنك مظلومه ودعوتك مابينها ولا بين الله سبحانه حجاب تقولين امك وابوك متوفين ولا عندك احد تروحين له الله معطيك اكبر سند بعد الله اذا اصلحهم ربي لك ستة عيال وخمس بنات يعني هم بيقعدون كذا دايما لا ان شاءالله بيكبرون وبيعوضونك عن كل شي بس انتي خليك تدعين لهم دايم واجلسي معاهم وقربيهم منك ولاتنفريهم ولاتخلين فعايل ابوهم تحطمهم صبريهم واصبري ارسمي انتي وياهم الخطط لمستقبلهم وعيشو حياتكم صدقيني وحده اعرفها مثل حالتك يوم كبروا عياله وتزوجو بناتها صارت شي ثاني وبالاخير الاب ماعد قدر عليهم لان الله اغناهم منه

وش اللي مضعفك يومنك ضعيفه بهالطريقه ذي ؟؟!!!!!

وش تنتظرين الين الحين عنده

ماعندك كرامه ولا عزه نفس

ياختي عيالك حراااااااااااااام عليك بشوفونك كذا

اقلها صيري قويه قدامهم

الاب داج مع الحرمه الجديده والام سلبيه

مالهم ظهر يحميهم ويدافع عنهم

انتي ماعندك اخوان اعمام خوال

يختي روحي لهم اشتكي لهم

عزي نفسك وبيني له انك بايعتها

لاتجلسين مع هالظالم

الله يردها له

يااااااااااااارب شي يقهر ويفقع المراره ويبط الكبد

لا تلومينا لكن انحرق قلبنا عليك كل لكمه قالتها Home Alone صحيحه هنا يجي دورك

لا عاد ترضين تسوين لهم شي واذا بيمد يده لك يد وصكيه ذاك الكف اللي يصحيه صدقيني الأشكال هذي تخاف ما تستحي

غيروا كيلون الباب ولا عاد يدخل عندكم انتبهي

صدقيني ترى أنتي كذا بتجنين على عيالك وبناتك وزي ما قالوا الأخوات بناتك راح تصير حياتهم نسخه من حياتك

أو العكس راح يصيرون شرسات وقويات على غير سنع وفي كلا الحالتين بيخسرون

وعيالك اما ربي يرزقهم بحريم يركبون ويدلدلون أو يصيرون نسخه من أبوهم

الحل الأول والأخير بيدك

حسبي الله على كل ظالم ..
وانتي من البداية سمحتي له بانه يخطي عليك لانه متعود عليك ما تعصيين له امر
وشكله ما اخذك وانتي صغيره عاجنك على كيفه بقوه ..
مالك الا انك تقوين شوي من شخصيتك وتستعيني بالصلاه والدعاء وخليك انتي وعيالك متحدين
تعلمي تقولي لا
انتي وبناتك لو مره قولي لا حتى عيالك معليش بضرب وبيسب لكن ابقي على موقفك ..

الى ان يمل ويرجع له صوابه ..............الله يرده لك ...

الله يعينك لانه من جد الحياه صعبه كذا بالذل والمهانه وهو عارف انك ما عندك احد تلجئين له بس عندك اللي عينه ماتنام ادعي وربي ان شاء الله بيسر امرك لاتجزعين ابدا

... على فكره عيالك ان شاء الله بيكبرو ويعوضونك وان شاء الله يلاقي ولدك الكبير وظيفه وتطلعين انتي وبناتك من حياه المذله


معليش طولت عليك بس وش اسوي انقهرت