يمهل ولا يهمل

فوضي امرك لله انتي شخصيتك ضعييفه ما اقدر اقول لك تسوي شي لكن اكيد انتي عند الله قوية بصبرك

وحتما راح تكون خاتمتهم سيئه

لا حول ولا قوة الا بالله

عليك بالدعاء والثلث الاخير من الليل

صارت نفس قصتك مع اهل صديق زوجي

تزوج عليها رجلها وسكن قدامها وطلبت الطلاق وطلقها الله يكفيك الشر ويحنن قلب زوجك عليك

المهم من طلقها وكل يوم داخل عليها وطاقها ما فتكت منه

وراحت لشيخ تشكيه قال الشيخ اذا دخل من باب البيت تعالي علميني لانك انتي مو على ذمته

والزمه الشيخ بنفقه والسكن لعياله ورتاحت من شره

والله يفرج همك ويحلل مشكلتك ويسعدك ويسر امرك يارب عاجلا غير اجل

** أرقام تليفونات وفاكسات الجمعية الوطنية لحقوق الإنسان وفروعها ** ( المملكة العربيه السعوديه )


1. مدينة الرياض :
تلفون 2102223
تحويلات الشكاوى
" 105-106-107-111"


فاكس / 2102202



2. جدة : ت / 6222261 02

فاكس / 6222196 02



3. الدمام : ت / 038098353

فاكس / 098353 038



4. جيزان : ت / 3175566 07

فاكس / 3173344 07




عنوان الموقع الإلكتروني للجمعية الوطنية لحقوق الأنسان على الإنترنت :




http://nshrsa.org/

يا الله معقول الدنيا باقي فيها خير الحمدلله

مشكورين والله يجزاكم خير على تعاطفكم معاي وانا آسفه اذا اي احد تأثر من مشكلتي ولو كنت ادري ان احد بيتأثر ماكان كتبتها ولو اني ماكتبت كل التفاصيل لان اللي يصير بسنه ماينكتب بلحظه

ردودكم ابكتني وفرحتني وحلولكم صحيحه واكيد تجيب نتيجه الله يجزاكم خير

بس مشكلتي انوي اكون قويه واقول اذا جاء بقول واقول واقول واسوي وافعل لكن للاسف مجرد مايدخل البيت يتغير كل شي وتروح النوايا ما ادري وش يصير لي انا ماني ضعيفه انا طيبه بزياده وما احب ارفع صوتي والا اتكلم واكره المشاكل لاني ماعاد باقي عندي لاصبر ولا اعصاب وخايفه يضرب احد من العيال والا البنات اذا دافعوا عني واخاف احد من عيالي اذا انضرب يترك البيت

وعيالي وبناتي يزعلون لي وكلهم يبكون معاي وبيتنا يظلم والنور شغال

بالنسبه لي مالي الا اختين واخو متزوجين واخواتي ما اقدر اروح عندهم لو تطلقت والا تركت له البيت لان بيوتهم صغيره ماتكفيني انا لحالي معهم كيف لو آخذ عيالي معاي واستحي من رجالهم لان اصغر بناتي عمرها اربع سنوات والباقين بالمدارس والكليه وصعب صعب اروح اسكن عند احد منهم من كل النواحي

اما اخوي فهذا مفقود الامل فيه من زمان متزوج وحده الله يسامحها قطعته من اهله ومايرد علينا لونبي نسأل عنه كيف عاد لو تدري انا نبي نجي عندهم لو فتره والله غير اذوق الويل وارضى على العذاب اللي انا فيه اقل شي اني اطبخ لعيالي بدون ما اخذ الاذن من احد

................................

وبالنسبه لاخوانه وقفوا بصفي يوم دروا انه بيتزوج ورفضوا انه يسكنها عندي بنفس البيت الله يجزاهم خير لاني كنت ساكنه معهم بنفس البيت وخادمتهم كلهم من يوم ماتزوجت لين كبروا عيالي واستقليت ببيت لحالي حتى امه وابوه كنت خادمتهم خدمه كأني بنت لهم ولو بغوا اي شي مايرسلون بنتهم رغم انها اصغر مني بعشر سنين لو يبغون كاس ماء وانا وهي جالسين يقوموني انا ومع كذا كنت اخدمهم من قلبي واطبخ واغسل بطيب نفس ولا اطلع من البيت لان ماعندي وقت

..........................

الله يوفق كل من تفاعلت معاي لانكم اديتوني دفعه يمكن اقدر اكون قويه بلحظه بفضل الله ثم بفضلكم
واشكر كل وحده دعت لي

حسبنا الله ونعم الوكيل عليك بسلاح المؤمن الدعــــــــــــــــاء وارفعي اكفك لله سبحانه وتعالي هو القادر سبحانه بتغير كل هذا الله يسخره لك يارب ويحنن قلبه عليكم ويهديه يارب اختي الغاليه استعينيي بالله اولا ومن ثم انصحك بدخول مقع اللأستشاريه نعيمه الهاشمي موقع بلقيس ففيه قصص مشابهه وممكن تستفيدين من ارئها الحكيمه وفقك الله ويسر لكي كل عسير
واقولك اصبري فاالفرج قادم بأذن الله والله سبحانه وعد الصابرين خيرا ولكن مع الصبر يأتي الفرج وعند الله لايضيع شي الله يجزاك كل خير يارب على ماقمتي به واحتسبيه عند الله وسترين بأذن الله جزاء مافعلتي من خير