موجهه الى الزوج الصامت
ياللي تقول الصمت أخير من الكلام
ماعلمونا أي شي الصامتين
لولا الكلام و حنكة الناس الفهام
ماكان نعرف وضعنا دنيا ودين
الله أعلم بمكنون قلب الأنام
ومالنا غير ظاهرهم يبين
لاتضايق كان جاء مني الملام
ودي أفصح بخاطر عيا يلين
عبر بشوقك وقت ماتطري السلام
خذ أجر واكسب ثواب بكلمتين
كيفها عمري عسى أحوالك تمام؟
والله دنياي بعدها ياهي بقدومك تزين
نور بهمسك قليب توحش بالظلام
ونّس الوقت بكلام طيب عذب رزين
بدد أوهام الوساوس والجفاوه والجهام
لا يصير العمر حسرة كما الحي الدفين
جنب النفس الردى ومسلك دروب الحرام
حصن القلب بحصون ثابته طول السنين
عندي لك قدر وحشيمه واهتمام واحترام
وقبلهم عندي رضا الكريم الرحمن الرحيم
ماأنسى فضله يوم أرسلت السهام
في صروف الوقت و جاني الرد اليقين
ندعي الله يهبنا"قرة العين"والوئام
مع ازواجنا وذرياتنا و من تمم بآمين
وصلى الله وبارك على خير الأنام
نبينا محمد هو الهادي الأمين
منقول
اسفه بس مره مقهوره