زوجك متعبك ويمارس عليك الصمت العقابي ادخلي

السلام عليكم

كيف حالكم يا حلوات

اسمعي لو زوجك متعبك ويمارس الصمت العقابي
اتمنى تقرأي للاخير

الحل ببساطه وبختصار شديد

(((((( اتركيه على راحته ))))))

نام بالارض وانتي بالسرير اتركيه
مايبغي ياكل من طبخك اتركيه
نام بالصاله اتركيه
مايبغي يكلمك اتركيه
رايح جاي يعلق على كل صغيره وكبيره بالبيت
اسمعي واسكتي

ووقت ينام تحت انتي البسي اكثر لبس يلفت انتباهه وتعطري وبدلي الفرش و نامي بوسط السرير

والطبخ اطبخي احلى اكلات هو يرغب لها وزيني السفره وخليها مغريه

مايبي يكلمك خلك تتابعين مسلسل مع عيالك واضحكي من كل قلبك

راح ورجع يعلق على كل صغيره وكبيره بالبيت
انتي خلك ساكته وصلحي الاشياء الي مو عاجبته بس خلك ريلاكس يعني ماتبيني له ان كلامه زاعجك وبنفس الوقت لاتعانديه


انتي اذا سويتي كده هو يرجع لك
هو يبادر

واذا رجع لك خلك ريلاكس يعني صالحيه بس بيني له انها مو فارقه معك كلش
يعني مخاصمك مو مخاصمك انتي عايشه حياتك بالطول والعرض

لان
بعضنا من تشوف زوجها يبادر
ترجع بكل لهفه وشوق وكأنها منجنه
عشان ماعطاها وجه كم يوم
وتلزق فيه
وتحاول ترضيه وتبين انها غلطانه حتى وهي مو غلطانه


طبعا اذا هو حس انها سهله لهالدرجه يتلاعب فيها
وبمشاعرها واعصابها ولايهتم ابد
عشان هو اناني جدا في حب نفسه واهم شي مصلحته ولادرا عنك

فانتي مجرد ماتدخلي بقناعة انك تخليه على راحته وتهتمي لنفسك وتعطي نفسك الاولويه في الحب والاهتمام

من اول يوم بتشوفي النتيجه


بقولكم قصتي
كنت شديدة التعلق بزوجي وحبيته حب
وكان شايف نفسه علي ويهينني ويجرحني بكلام ومايحترمني لا عند اهله ولا بالطريق وكان كثير النكد والانتقاد
كان يتعامل معي كأني اكبر عدوه له
بالرغم من اني احبه واسامحه دائما واخذ له هدايا بمناسبه ومن دون
وكان يعاملني اسوأ معامله
وكنت تعبانه نفسيا وابتليت بمشاكل المعده والقولون واكتئاب وكنت احس عايشه بجحيم
وصار يخاصمني ويحاول يطلقني ويحاول يتزوج
وخواته متعاونات معاه

بس لاني مظلومه
الله معي وبعد خواته عني وانشغلو بنفسهم ورزقني باطفال

فصار من الصعب اني انفصل

ومكتوب اني استمر بالحياة لعل يكون فيها خير لي

المهم
كان دايما يقولي لاتطبخي لي
اكره طبخك
ينام لوحده
مايبغى يكلمني
يختلق المشاكل

وكنت ااكثر الوقت انا الي ابادر لاني احس بالوحده وعندي مخاوف من انته يتعود يهمل ويبتعد ويصير كانه عايش عزوبي

واحاول اتحمل الكلام والاهانات بس سبحان الله للانسان طاقه

فبحثت كثير لحل المشكله

لقيت هذا افضل قرار اخذته
اني اتركه على راحته ولا عدت ابادر واترجى وابالغ في اهتمامي لنفسي واعيش صح واسوي الاشياء الي انحرمت من اني اسويها .. اسوي كل شي احبه


اخر شي لقيته

انجن صار يمثل انه جوعان مو ملاقي اكل
ويسوي حركات يبيني اترجاه زي الاول واقوله تعال كل معي
ويبيني اقوله تعال نام جنبي


واستمريت وهو شايفني عايشه طبيعي ماعدت اهتم .... جاء يبادر
وقالي وش طبختي

قلت له وش طابخه بكل برود وحسسته ان عادي ماعاد يهمني اكل عندي ولا ما اكل

قالي ليش ماعندك اهتمام ماتشوفين زوجك اكل ولا ما اكل

كنت بقوله انت الي ماتاكل معانا
((((((( بس انتبهت ان هذا عتاب ))))))

فقررت اني اسكت افضل

بعدين قلت له اذا تبي خبرني بحطلك ومشيت عنه

فرجع ياكل وينام منه ومن نفسه

فتأكدت ان لو تابعته بتعب كثير 
فهذه الطريقه فعاله بشكل عجيب
 
بس اهم شي انتي وقت تخليه على راحته 
ماتروحي عند اهلك او تخليه يتعود على غيابك او تقعدي بغرفه وهو بغرفه 

خلك معاه بنفس المكان والفتي انتباهه بالبس والطبخ ودلعي واهتمي بنفسك بيني له عشان نفسك... 
لاتختفين عن نظره