مريحة حالي على اللآآآآآآآخر ومقاااااااااطعة برامج التواصل حتى صفحة بفايس بوك رافضه أفتحها

بعيداً عن الموضوع داخلة متحمسة يوم شفت الصورة ع بالي سنابك وكنت بضيفك 🚶🏻

والله يا اختي ها البرامج صارت برامج من التواصل الأجتماعي الى برامج الخراب الزوجي .

واسمحيلي اضيف على ما قلتي .


ياما وياما سمعنا مشاكل كثيرة من؟؟؟

طلعت فلانة صورت واحسسن مني جاب زوجها وفلانه سافرت وفلانه مرضت شفت صورة فلانه بتسوي عمليه واللخ كلها خصوصية هذا مو اسمه انفتاح عذررا

هذا بث اسرار وتفاخر وتفتيح عين لفلانه وغيرها وفلان يحسدون بعض ويدخل بينهم غيرة ونار الفتيل تولع بين الأهل والقرايب من مقارنه ومن مفاخرة , وهدر للوقت اساسا في اللي ما يفيد .

ولا ننسى كثير من البيوت سبب انهدامها ها السناب .




1- عزيزتي الزوجة والأخت والبنت والأم والخالة والجدة وعائلتكم الكريمة بها الزمن النفوس صارت ثقيلة وما تستحمل الخير للغير وعزيزتي العروس الجديدة , لاتسمحين لبيتك بالهدم من برنامج .

2- اللي حابة تصور تجيب كاميرا لها خاصة فيها وتصور ولا جت لأهلها المقربين تجيب اللي صورت بدل ما تروح صورتها عند اللي يسوه واللي ما يسوى

ها الحين العروس لا طلعت شهر العسل قامت تصور وزوجها ما يدري عندها سناب يرميها لأهلها ويطلقها وصارت

كيف يرضون ها الفئات بالسناب , البزارين صاروا عندهم سناب كبير وصغير بدل ما يتعلمون على تحريك دماغهم بشيء يكبره .




الشيء لا زاد عن حده صار فيه مضرة كانه الدواء لا زدتي الجرعة احتمال تسمم واعراض جانبية وهذا برامج التواصل الأجتماعي نفسي الشيء الواحد يتوسط ويعتدل ويحفظ بيته والله كريم وويوفر وقته الثمين بها الدنيا بذكر ربه كل دقيقة من وقتنا ثمينة وراح نسأل عنها .




الله يعافينا من شر ها البرامج ويعطينا خيرها

شكرا ام انوسي عالموضوع الرهيب ..
بالنسبة لي السناب والواتس من الضروريات عندي .. عن نفسي ما انزل بسناب كثير يعني نادر اصور يمكن عشان كاميرة جوالي شينه ههههههه
بس صدق مره انبسط واتمتع فيه .. بالنسبه لي السناب عباره عن تلفزيون لكن كنك تختارين البرامج الي تتابعينها بنفسك
بدل ماتفتحين التلفزيون وتبحثين وتبحثين ضاع وقتك
عندك بسناب الي ضايفتهم من المشاهير او المختصين ان كان بطبخ ووصفات او اعمال يدويه او نصايح او اي شي فعليا يكفوني عن التلفزيون ..
وماقد قارنت نفسي فيهم لدرجة اقول ليه فلانه عندها وانا ماعندي .. وهالشخصيات الي تقارن شخصيات حسوده حتى بالحياة الواقعيه مستحيل اصادقهم ..
مباشره اي وحده قدامي قاعده تتشفق ع حياة احد او تقارن نفسها فيه وتقول فلانه عندها وماعندي فلانه تسافر وماسافرت ذي اكس من حياتي ذي انسانه حسوده اكيد بكره بتقارن نفسها فيني ..
اذا ماكان السناب يضيف متعه لحياتك ويصنع البهجه يخليك تنبسطين ماله داعي لاتحملينه اختي العزيزة ..
اذا عارفه نفسك انك حسوده ويضيق صدرك لو فلانه او اقاربكم طلعت او صارلها شي حلو وانتي ماصارلك احذفيه تكفين .. ارحميهم من العين والحسد ..
مفروض كل وحده تكون راضيه بحياتها ونصيبها
اذا بتقارنين وضعك بوضع فلانه هذا الي قدر زوجك يجيبه تقدرين تتوظفين وتطلعين فلوس اكثر .. موقنة ان كل انسان يقدر يساعد نفسه ويغير حياته اما يقعد يطالع ويحسد باقاربه ولين شاف شي حلو ضاق صدره مفروض يحذفه احسن

مثلك بالضبط 😎