اشكر كل الي ردو علي وحده وحده

بس الي تقولي غيريه وبيدك تغيرين .. علموني وش اسوي !!

لبست تدلعت لمحت صرحت تشرهت مدحت كل الطرق جربتها على مدار هالسنين حتى اني اذا قريت مقال بتويتر او واتس اب عن شي يشابه موضوعي معه ارسله له اقول يمكن يقراه ويحس ويفهم ..دايم ارسله مقالات لدكاتره ومستشاريين اسريين
او احد كاتب عن مشكلته مشابه لموضوعنا ارسله له .. ويقرا ويطنش

اويعطيني الي ابي بنفس وقت كلامي له ثاني يوم القاه ناسي كل شي ولاكأني تكلمت معه

مليت من كثر مااطالب باابسط حقوقي معه ..الشي الي يجي بعد زن وحن وطلب متكرر ماله طعم .. احيانا اكون نفسيا تعبانه وابي يفهمني ويعطيني الي ابي بدون طلب .. بس حلم ابليس بالجنه

والله العضيم ورب السموات يابنات اني اعيد عند اهلي وهو عند اهله مايفكر يعايدني بمسج او اتصال حتى يوم كنا بااول زواجنا

واذا اتصلت عليه احس انو عادي مايفرح ولايتحمس ب اتصالي عليه ..واحس كانه يقول وش تبين متصله اكيد تبين فلوس او شي

مره وحده كبيره بالعمر شافتني ثاني العيد قالت وين زوجك قلت عند اهله

قالت لي مااالت عليك ولاعايدتيه لاني كنت عروس..مع انها ماتعرف شي عن حياتي ابد ولاقد تكلمت بشي لا لها ولالغيرها

بس كلمتها خلتني ابي ابكي لان فعلا وقتها حسيت اني مو مثل باقي الزوجات اذا هذي الحرمه الكبيره كذا كلامها

قالت لي على الاقل بوسه بالتلفون .. وبقلبي اقول ليتك تدرين انو مافي بوسه بالواقع عشان يكون فيه بالتلفون

وسكت وماوضحكت لها شي .. مايجي بباله اصلا انو الزوج يعايد زوجته يتطمن عليها يشوف وش ناقصها

اصلا حتى بااوقات يكون عندي مناسبات او عيد يتسلط مامعي ماعندي ..ومااخذ منه مصروف الا بعد هوشه وزعل

مع انه والله والله راتبه كبير ويقدر بس مو من النوع الي عياله اهم شي عنده ..او يشوف وش يحتاجون ووش ينقصهم

يعتبر كل شي تفاهات اللبس موشي ضروري المصروف مو ضروري الهدايا مو ضروريه أي شي فيه ترفيه لي ولعيالي مو ضروري

بالسوق ينزلني لحالي انا وعيالي ولو احتجت شي واتصلت عليه اول مايرد ينفخ نععععممم خيييير وشو بعد وش تبين
يخاف اطلبه فلوس .. وبنفس الوقت مايبي اتصل كثير عشان مااخسره فواتير بالجوال من اتصالاتي

ولو نزل معي لازم يهاوشني قدام الناس قدام البياعين .. صرت اقوله يااخي خلاص لاتمشي معي اذا بتفرج الناس علينا

والله انه يهاوش بدون سبب ويرفع صوته مع اني بالمره احاول انتبه لتصرفاتي ومااثير غضبه عشان مايفشلني بس للاسف يفشل بدون سبب عشان اكره السوق ومااروح ولااطلب فلوس

يعني بخيل ماديا وعاطفيا

ارسال الرسايل له منك غلط

والله لو اي واحد يمسكه بالشارع ويقوله وضعك يالطيب مع اهلك مش كويس لينتبه له ويسمع لكلامه وياخذه بعين الاعتبار
بينما منك مستحيييييييييييييييل
الرجال مايسمعون نصايح من زوجاتهم سوى منها او من شيوخ او اي احد دامها عن طريقك مايتقبلها

مثلا موقف انه ينافخ بك لما تتصلين عالجتيه بانك كرهتي السوق استسلمتي عشان ماتطلبينه دعمتي موقفه انه ينافخ اكثر واكثر

المفروض تعالجينه باقناعه انه ينزل السوق معكم اصلا غلط يخليكم لحالكم بالسوق
اذا هاوش طنشيه لا تردين عليه ابدا
تسوقي كانك ما تسمعينه
صدقيني مايصارخ اكثر واكثر الا انك تردين اما تبررين او تنافخين مثله
المره الجايه قولي اتعرض لمضايقات وابغاك تنزل معنا ودفعيه اللي وراه واللي قدامه
بعدين قولي له اش قد استانستي بهيبته معكم وحسيتي بامان

كلامي معك ممكن تشوفينه اني اتكلم بمثاليه وحملتك كل الخطأ لا والله اكيد زوجك مخطي
والغلط راكبه من راسه الى ارجوله
لكن اود لك الخير وابين لك بعض اخطائك

وش اسوي ياعاطرة الشذى هو اصلا بسبب وزنه يمكن ماعنده قدره انه يمشي معي كثير ويفرفر

اضافه الى ان موضوع الفلوس ينرفزه .. فمالي حل

كثير كلمته انو يسجل بنادي وتوك شباب حرام عليك صحتك سجل خل يصير عندك لياقه على الاقل

وكل يوم يقولي بكرا من تزوجته يقولي الشهر الجاي بسجل بكرا بسجل بخفف وزني بنحف .. من تزوجته هذا كلامه في الوقت الي انا اسولف فيه بس

مجرد نخلص سوالف ينسى وعوده وكلامه وحالنا كل يوم اردى من الي قلبه

ابغى منك اعتراف فقط
اعتراف ان فيه تصرفات منك ماهي بمحلها وساعدتي في اتساع الفجوه بينكم
اعتراف ان الكلام المباشر نصايح وطلب مباشر انه يدخل نادي بطريقه مباشره غلط مع شخصية الشمالي

اذا اعترفتي راح يكون عندك دفعة تحدي لترويض هذا الرجل

اقرأي عن الشخصيه الشماليه في البوصله الشخصيه وتفهمين زوجك كيف يفكر ووش يكره
وفقك الله لما يحب ويرضى

اااااااااااااااه والله بكيتيني من قلبي لاني حاسه بك الله يسخره لك يارب