متوكلة على ربي @mtokl_aal_rby

عضوة نشيطة

زوجه ولد جيرانا تتعمد تبدل ملابسها أمام النافذه واهي فاتحه الستاره

السلام عليكم

راح ابتدي في الموضوع على طووول ، الله يسلمكم انا ساكنه مع زوجي وعيالي في منزل أهلي ، عاد بيتنا مثل كل البيوووت يكون مقابله بيت<<<<<<<< يعني قايله شي جديد؟؟؟:hahaha:

المهم احنا على السلم او الدرج عندنا شباك او نافذه واحنا نسميها دريشه تطل على بيت جيرانا ، طبعا هذا الشباك اللي بيكون بين الدور الاول والثاني بيكون مستواه او ارتفاعه اكثر من الطابق الأول لبيت جيرانا

يعني بالمختصر يطل على شباك بيت جيرانا وبالأصح والخصوص على شباك غرفه نوم ولد جيرانا وزوجته

عاد انا لاحظت من مده ان زوجه ولد جيرانا هذي من النوع اللي تشوفين الحسد في عيونها ، يعني ساعات لما اكلمها تقولي انتي مرتاحه لأنج عند امج ، امج تمسك عيالج ، تصدقون من قالت لي هالكلام وامي مريضه وما تقدر تمشي وقلبها ، اصلا امي ما تمسك عيالي الحين والله اني اسهرهم الحين في العطله لي الساعه 4 الفجر عشان ينامون الصبح وما يضايقون امي ويتعبونها وانا اروح الجامعه لأن امي قالت لي ما اقدر امسك عيالج ، والله اني ما انام غير ساعتين او ثلاث بس شنسوي الله يعنينا يارب.

والله يا بنات قمنا ما نطلع انا وزوجي ونصادفها الا زوجي يقولي جهزي نفسج للهوشه والخلاف ، وبالفعل يا نتهاوش يا يصدينا شي يا يصدينا صداع ونرجع البيت ، زوجي يقولي انا اكرهها اتشائم منها ، يقولي تخيلي وانا انظف السياره عند الباب تتعمد ترفع صوتها بدلع واهي تكلم خدامتهم او عيالها ، يقولي تمشي بجانبي وتتضحك بدلع ، يقول انا ادخل البيت مع اني ما كملت تنظيف السياره ، بس انا اقول الله عليها ، وانا الحمدالله واثقه من زوجي بس بعد ساعات اقول الشيطان شاطر ، يعني حتى لو ما كانت جميله بس بعد الحركات اللي تسويها مو عدله ، بس شاسوي ما اقدر احبس زوجي او امنعها عن الطلعه ، مع اني متعجبه اهي حالها وايد زين ، والله ان عندها خدامه مخليتها ما تشوف عيالها ، الخدامه تربي اليهال وتكبرهم ، وعايشين بخير ، بس زوجي قال لي شي ، انه يشوف زوجها واهو يبيع مخدرات ، مو بس زوجي حتى اخواني شافوه ، مع هذا تخيلوا لما نرجع البيت نسمع صراخهم لي الشارع ، يعني سبحان الله ما تحمد ربها على النعمه اللي اهي فيها ، الا بطلباتها وحسدها خلت زوجها يلجأ للحرام ، الحمدالله والشكر .

اي بعد تذكرت تصدقون يوم شرينا سياره بعدها بشهر اجبرت زوجها يشتري لها سياره ، وايد حسوووده تصدقون طلعت تسأل خدامتنا من ورانا عن اخباري انا بالخصوص يعني ما تسأل عن امي او اخواني او اختي بس تسأل عن انا ، تقول للخدامه اهي تزعل مع زوجها ، طبعا ما عرفت هالكلام الا قبل لا اتروح الخدامه وتسافر باسبوع من الخدامه نفسها ، بس قلت الله يكفينا شرها وشر عينها وحسدها.

المهم يا بناااااات من فتره كان زوجي يصبغ غرفه اليهال وهذي الغرفه فيها بلكونه تطل على بيت جيرانا وطبعا على غرفه ولد جيرانا وزوجته ، الله يسلمكم زوجي كان يصبغ الغرفه وفاتح باب البلكونه عشان ريحه الصبغ ، وانا كنت بالغرفه الثانيه ، شوي والا زوجي يناديني ، رحت له قلت له خير ، الا يقولي شوفي هذي زوجه ولد الجيران قاعد تطل من الشباك او الدريشه ، قمت اشوف الا لابسه قميص نوم قصير وشفاف وقاعده تطل ، انا اهني مت يا بنات كنت ارتجف من القهر اللي فيني ، حتى لو اهي مو جميله بس بهاللبس راح تلفت النظر ، تصدقون شافتني اني اشوفها ولا اهتمت ، قمت صكيت باب البلكونه في وجهها ، وهاوشت وتزاعلت مع زوجي ، قالي انا مالي ذنب بس ناديتج عشان تشوفين قله الأدب وحسدها لي وين وصل ، المهم انا قلت لزوجي تبغي تصبغ افتح الدريشه او الشباك بس لان الشباك ما كان يطل على بيتهم.

هذا الكلام كان من فتره ، بس من فتره اسبوع حزه المغرب يعني في نور شمس شوي كنت نازله تحت ومريت على الدريشه او الشباك اللي يطل على شباكهم ، الا اشوف زوجه ولد جيرانا تبدل ملابسها واهي فاتحه الستاره ، يعني اشوف الستاره مفتوحه على الآخر ، واهي تبدل ملابسها ولبست قميص نوم قصير وشفااااف وكانت حامل بعد ، تخيلو يا بنات وقفت مقابل الشباك وقامت تحط كريم على كاااااااااامل جسمها قمت انا وناديت اختي ، والله اني كنت اقول يمكن انا ما اشوف واو يتهيأ لي بس يات اختي وبطلت عيونها ، تقول مستحيل ما تدري او مو متعمده لان نفس ما احنا نقدر نشوفها الحين اهي تقدر تشوفنا ، انا انقهرت وقلت لامي لا تفتحون الشباك على طول ، بس امي قالت احنا نفتحه عشان التهويه ، لان بالطابق الاعلى ما عندنا درايش وشبابيك الا بالغرف والمكان يحتكر ، بس انا تفاهمت مع امي وقالت باحاول ما افتحها الا الصبح لان الشمس ونورها ما تسمح بالرؤويه مثل الليل ، بس يا بنات اخواني او زوجي بعض الاحيان يفتحون الشباك هذا لان يطل على باب البيت الرئيسي يعني على الشارع واهمه لما يسمعون جرس الباب يفتحونه عشان يشوفون من بالباب.

انا طبعا ما قلت لزوجي شي ، خفت افتح عينه ، بس يابنات قولولي شنو الحل ، يعني ممكن زوجي او اخواني ااشباب يشوفونها واهي بهالمنظر المخزي ، طبعا انا ما اقدر اكلمها مباشره لاني في الاساس على طول حاقرتها عشان حسدها على طول متجاهلتها ، وحتى لو كلمتها راح تقول انتوا تتطللون علينا ، والبعض نصحني احط رساله تحت بابهم بس اكيد بالهالطريقه بتعرف ان احنا اللي حاطينها لان بيتنا اكثر بيت اذا ما كان بروحه اللي يطل على شباكهم

قولولي شنو الحلللللل؟؟؟؟ يعني معقوله يوصل الحسد والحقد لهادرجه بدون اي سبب ؟؟ يعني انا ما سويت لها اي شي ، بالعكس اهي اللي تسأل عن اخباري وتحسدني ، وانا اقول الله عليها ، تصدقون وحده قالت لي بلغي عن زوجها عشان ينسجن وتنشغل ببلوتها بس حرام اليهال شنو ذنبهم ، وحتى لو تعمدت تسوي هالشي امام زوجي ، اقوم انا ابلغ عن زوجها وينسجن؟؟ اخاف الصراحه اني افتن عليهم.

بنااااااااااااااااات بشنو تنصحوني؟؟؟ شنو الحل معاها؟؟؟

11K

يلزم عليك تسجيل الدخول أولًا لكتابة تعليق.

تسجيل دخول

أمــــــــونـــــة • 18 سنة

والله حبيبتى الله يعينكم بس هالاشكال المريــــبة اكثر شي يخافون منها الرياجيل فان شاء الله الله يهدي

زوجج واخوانج ويبعدهم عن حركاتها اللى ماتستحى

وزيــــــــن سويتى يوم صكيتى الدريشـــــة وخليتيها تولى

والله يفككم منها

الشامخة الخالدي • 18 سنة

اعوذ بالله ايش هالاشكال القذرة
نصيحتي لج انج تتحصنين وزوجج وعيالج والوالدة الله يحفظها وزوجها مو منتبه لها ماعندها احد كبير تروحون له تكلمونه عنها هذه مو حالة بصراحة زوجج جزاه الله خير انه غاض النظر عنها لكنه سبحان الله بشر وكلنا نتعرض للحظات ضعف خاصة ان كثر الدق يفج اللحام
الله يعينج ويصبرج

عنـادي • 18 سنة

الله يعينج ويفكج من حسدها وشرها..

حبيبتي بالنسبه ان بيتكم يطل على بيتهم ويكشفونكم ليش ما تحطون حاجز المنيوم على الطوفه بينكم وبينهم وتفتكين منها ومن حركاتها وقله ادبها وبنفس الوقت تحرمينها من انها تقعد تطلطل عليكم كل دقيقه..

انصحج انج تخلين زوجج يركب الحاجر حتى لو يغطي للسطح عشان ما تركب عقب عالسطح وتكشفكم

وعن الخدامه لازم توصينها ما تتكلم معاها ولا تاخذ وتعطي وياها ..لان ما تدرين بعد مب كل خدامه بتقول لج انها تكلمت وسالت عنج..

والله يعينج يارب ويفكج من حسدها وشرها ..

ومثل ما قالت اختي الشامخه تحصني وحصني زوجج وعاليج واهل بيتج من الحسد بالاذكار والادعيه وخلي القران على طول شغال فالبيت ..

والله يكفيكم شر الحساد يارب

متوكلة على ربي • 18 سنة

مشورررررين اخواتي جزاكم الله خير على مروركم

والله على طول احاول احصن نفسي وزوجي وعيالي بس ساعات انسى .

اختي امونه اي صكيت الدريشه بس المشكله ان تسوي حركات بالشارع طبعا مو نفس اللي بالبيت بس تتدلع بكلامها جدام زوجي.

اختي الشامخه
في والد زوجها بس ما يصير انا اكلمه ومستحيل زوجي او اخواني يرضون يكلمونه بالموضوع، مو حلووووه ابد.

اختي عنادي ما يصير حبيبتي نحط حاجز المونيوم بينا وبينهم لان بينا وبينهم في شارع يعني ما يصير نغطي واجهه بينا وشباكه بغطاء حديدي بس طبعا انا حطيت على الشاك جلاده غامجه يعني واهي مسكره ما يبين اي شي ، بس المشكله لما يكون مفتوح.

لو كان بيتنا يم بيتهم مو مقابله جان حطيت حاجز حديدي بعد مو المونيوم ههههههه

حواء عازبه • 18 سنة

خلي زوجك يكلم زووجها ويقووله ..او انتي ارسل الررساله على شغل زووجها..
انا لوو بدالك ابلغ لانه شي حررام بعدين يضرر المجتمع فلاززم تبلللغين هذا من ررايي وانتي ادررى بحالك..وحاوول ما تتعررضيلها ..وحصني نفسك منها ..واللله يكفيك شررها ..