شوفي حبيبتي هذي المرة حاطة براسها شيء و لا ما تسوي هالشغلات مني و الطريق يا تبي تاخذ زوجج او واحد من اخوانج... و طبعا تبي تحرج... انتو لازم توقفونها عند حدها... و مافي داعي تتهاوشين مع زوجج بسببها لأنه ماله ذنب ابدا... قولي الحمدلله انه عارف هي شنو... و قاعد يناديج! عموما كلمي ام زوجها او خلي امج تكلم ام زوجها او كلموا زوجها و قولوله عن مرته... و هم انصحوه يبطل الشغل الحرام اللي قاعد يدمر فيه عيال ديرته..... و ماقول غير الله يعينج و ياريت نسمع منج اخبار حلوة...

دلوعته:27:

الله يعينج عليها ويبعدها عنج

الله يشغلها بنفسها
بس لازم تدورين حل يغطى ويسوى فاصل بينكم باي طريقه
اذا سويتي حاجز بتعدم الوسيلة

اما بشجر اما بزجاج اما المنيوم

والمثل يقول الباب اللى يجيك منه الريح
سده واستريح

او سوو ستاير داخلية عالدرايش
بحيث حتى لو فتحوا الدريشه
تتم الستاره غالقه مجال الرؤيا

اختي انتى امراه متزوجه الحين
لازم يكون لج بيتج انتي وزوجك
ان شاء الله وتفتكين من جاره السوء

:)

الله يعينج ويفكج من حسدها وشرها..

بسم الله الرحمن الرحيم

السلام عليكم ورحمة الله و بركاته،،،

أختي اسمحي لي راح اكون قاسية معك . انت خليتي المشكلة شخصية و مشكلة زوجك وتركتي المشكلة الاكبر وهي مشكلة المجتمع و المصيبة الكبيرة اللي يسوونها جيرانكم ( المقصودين )


يعني هذه هي قمة الانانية و الله ما راح ينصلح حال الفرد المسلم إلا إذا كان همه على المجتمع كله. يا جماعة احنا مسلمين والمفروض الواحد يرتفع فوق مشاكله الخاصة و يهتم بمشاكل المجتمع بشكل عام ، مو كل واحد يقول : يالله نفسي و عيالي .

صدقيني لو اخذتم موقف من هذا المروج وو صلتوا الامر للسلطات الامنية راح ينصلح كل المشاكل الباقية .
نصيحة لكم في النهاية لما تأتيكم الجراءة انتي و باقي عائلتك للتبليغ على المروج حاولوا تجددون نيتكم بانها رغبة منكم في اصلاح المجتمع و ان تكونوا من حماة مستقبل المجتمع و ان من احيا نفس فقد احيا الناس جميعاً ، وليست نيتكم البنت المسكينة والتافهة اللي قبالكم لأن هذي مشكلة بسيطة .

ارجو من الله لكم ولنا جميعاً الهداية

السلام عليكم ورحمة الله